“ዓስቢ ጾመ ፍልሰታ”

Aug 20, 2020

ጾመ ፍልሰታ፡ ናይ ቅድስት ድንግል ማርያም ጣዕማን ፍቕራን ዘኅድር፡ ጸጋን በረኸትን ዘውህብ እዩ።

ቅዱሳን ሓዋርያት ብምኽንያት እግዝእትነ ማርያም ክልተ ሱባኤ ምስ ጾሙ ሓሳብ ልቦም ሠሚርሎም በረኸት ተዓዲሎም እዮም። ኣሰሮም ተኸቲሎም ነዚ ቅዱሳን ሓዋርያት ዝጾምዎ ናይ እግዝእትነ ማርያም ጾም ዝጾሙ ሕዝበ ክርስቲያን ድማ በረኸት ሥጋን በረኸት ነፍስን ከምዝረኽቡ ኣብ ቅዱሳት መጻሕፍት ተመዝጊቡ ዘሎ ከምኡ’ውን ብዓይንኻ ኣብ ሕይወት ምእመናንን ምእመናትን ዝርአ እዩ።  ኣብ መጽሓፈ ተኣምረ ማርያም ዝሰፈረ ታሪኽ ኣሎ፦ብዙኃት ደቂ ዓዱ ዝጸልእዎን ዝንዕቅዎን፡ ሠናይ ግብሪ ዘይፍጽም ዲያቆን ነበረ። ንወዳ ዘሥምር ሠናይ ግብሪ እኳ እንተ ዘይብሉ፡ ብኣማላድነታን ቃል ኪዳናን ብዘይ ንስሓ ከይመውት ክትረድኦን ከተድኅኖን ዕለታዊ ናብ ቤተ ክርስቲያን እናኸደ ይምኅፀና ነበረ። እግዚአብሔር ኣምላኽ፡ ናይ እግዝእትነ ማርያም ጣዕማን ፍቕራን ስለዘኅደረሉ፡ ነቂሑን ጸኒዑን ጾመ ፍልሰታ ይጸውም ነበረ።

ካብ ዕለታት ሓደ መዓልቲ፡ ጸላእቱ ክሳዕ ሞት ዘብጽሕ መከራ ቀጥቂጦም ኣሳቐይዎ፡ ንነፍሱ ካብ ሥጋኡ ክፈልይዎ ስለዘይከአሉ ግና ተገረሙ። ደጊሞም ድማ ብሴፍ ወቕዕዎ፣ ነፍሱ ካብ ሥጋኡ ኪፈልዩ ግና ኣይከኣሉን። እቲ ዲያቆን ከኣ “ዋላ’ኳ ንሥጋይ በብምታር እንተቘራረጽኩሞ፡ እግዝእትነ ማርያም ስለ ትሕልወኒ ንስሓ ከይኣተኹ ኣይመውትን እየ። ኣብ ሥልጣነ ክህነት ዘለዎ ቀሲስ ንኃጢኣተይ ተናዚዘ፡ ብንብዓት ተሓጺበ ተነሲሐ እየ ዝመውት” በሎም።

ሓደ ካብቶም ዝወቕዕዎ ድማ ኣብ ጥቓኦም ናብ ዘላ ዓዲ ከይዱ ካህን ኣምጽኣሉ። ኣብ ስቓይን ቓንዛን ከሎ ነቲ ካብ ሕፃንነቱ ጀሚሩ ክሳዕ እታ ዕለት እቲአ ዝገበሮ ኵሉ ኃጢኣቱ ኣብ ቅድሚ’ቲ ካህን ተናዚዙ ሥርየት ተቐበለ። ንስሓኡ ምስ ወድኤ ድማ ዓረፈ። 

እቲ ዲያቆን ብኣማላድነት ክብርት እግዝእትነ ማርያም ተማኅፂኑ ከም ዘይኃፈረ፣ ብሥጋ እኳ እንተ ሞተ ብነፍስ ግና ከም ዝደኃነ ተረድኡ። ዕድሉ መደቡ ምስቶም ንእግዚአብሔር ዘሥመሩ ኾይኑ ድማ ብኽብሪ ተቐብረ። 

በዚ ዝተፈጸመ ተኣምራት፡ እቶም ዝወቕዕዎ ሰባት ኣዝዮም ፈርሑ፣ ብዝገበርዎ ግብሪ’ውን ተጣዕሱ። ንስሓ ኣትዮም ድማ ኣብታ ብስም እግዝእትነ ማርያም ትጽዋዕ ቤተ ክርስቲያን ክሳዕ ዕለተ ሞቶም የገልግሉ ነበሩ። 

ክብርት እግዝእትነ ማርያም ተገሊጻ ነቲ ኣብታ ሃገር ዝነበረ ኤጲስ ቆጶስ፡ ንዓፅሚ ዲያቆን ኣፍሊሱ ኣብ ክቡር መቓብር ምእመናን ብኽብሪ ክቐብሮ ነገረቶ። እቲ ኤጲስቆጶስ ምስ ኵሎም ካህናት ንእግዚአብሔር እናኣመስገኑ፡ ንቅድስት ድንግል ማርያም እናወደሱ ብስብሐትን ዓቢይ ሓጐስን ብኽብሪ ኣፍለስዎ። ብኣማላድነት እግዝእትነ ማርያም እመ ብርሃን ኣብ ቅድሚ እግዚአብሔር ንጹሕ ኮይኑ መንግሥተ ሰማያት ወረሰ። (ተአምረ ማርያም መበል 84)
 

ጸሎታን ምሕረት ፍቁር ወዳን ምስ ኵልና ሕዝበ ክርስቲያን ይኹን!!!

ወስብሐት ለእግዚአብሔር ልዑል፡

ወለወላዲቱ ድንግል፡

ወለመስቀሉ ክቡር ወኃያል፡ አሜን!!!

ዘመነ ማቴዎስ 30 ጥር 2013 ዓ.ም.ግ…

March
Monday
8
ዝክር፦ ጲስ ወአላጲስ ወኣጋጲስ ወእሞን ሶፍያ፡ ወጳላግያ ወማርያ ወማርታ፡ ወኦርኒ ወማኅበራኒሃ፡ ወጎርጎርዮስ ነባቤ መለኮት፡ ወአክርስጥሮስ፡ ወሚናስ ሊቀ ጳጳሳት እምኍልቆሙ ለ፵ወ፯ቱ አበው። ዘቅዳሴ ምንባብ መልእክታት 1ይ ቆሮ. 11፡1-12። 1ይዮሐ. 3፡13-17። ግብረ ሓዋርያት ግብ. ሐዋ. 17፡4-12 ምስባክ መዝ.111/112 ወንጌል ማቴ. 25፡1-13። ቅዳሴ ዘእግዝእትነ ማርያም። * * *
00:00 h

ዜና ኅትመት

እዋናዊ ጽሑፋት

ንዑ ደቂቅየ ወስምዑኒ . . እመሀርክሙ - ታሪክ ሰብአ ነነዌ…

እግዚአብሔር ዝፈትወኩም ሕፃናት ከመይ ኣሎኹም፧ ናብዚ ሰዓትን እዝን ዕለትን ብሰላም ዘብጸሓና እግዚአብሔር ዝኸበረን ዝተመስገነን ይኹን። ልበ ኣምላክ ኣቦና ቅዱስ ዳዊት...

“ቀድሱ ጾመ ወስብኩ ምህላ” (ኢዩ. 2፡14) - ዓቢይ ጾም

ብኦርቶዶክሳዊት ተዋሕዶ ቤተ ክርስቲያን ሕገ ቀኖና ኣብ ዓመት ፯/7ተ ናይ ኣዋጅ ኣጽዋማት ኣለዉ። ካብዚኦም ሓደ ዓቢይ ጾም (ጾመ ፵/40) እዩ።...

ትሕትና - “ኣብ ነፍስኹም ጨው ይሃልኹም” ማር. 9፡48 (ካልኣይ ክፋል)

ትሕትና ማለት ብኃይሊ፡ ምሕረት፡ ጸጋ ፡ ጥበብን ፍቓድን እግዚአብሔር እንተዘይኮይኑ ከንቱ ምዃንካ ፈሊጥካ፡ ንርእስኻ ምትሓት፡ ዘይምዕባይን ዘይምኽራዕን እዩ። እትፈልጥ ከሎኻ...

ኣብ ሃገረ ስብከት ደቡብ መንደፈራ ልምዓታዊ መደባት ንምስላጥ ዑደት ተኻይዱ!

ብዕለት 15 የካቲት 2013 ዓ.ም.ግ (22/02/2021 ዓ.ም.ፈ ) ኣብ ሃገረ ስብከት ደቡብ መንደፈራ ንልምዓታዊ መደባት ዝረድእ ዑደት ብኣባላት ቤት ጽሕፈት...

ክብረ በዓል ኪዳነ ምሕረት ኣብ ርያድ ስዑዲ ዓረብ ብድምቀት ተኸቢሩ!

16 የካቲት 2013 ዓ.ም. ዓመታዊ ክብረ በዓል ኪዳነ ምሕረት ኣብ ኵለን ኦርቶዳክሳውያን ተዋሕዶ ኣብያተ ክርስቲያን ኣብ ውሽጢን ወፃኢን ሃገር ክኽበር...

ኣብ ጥንታዊ ቤተ ክርስቲያን ፃዕዳ ክርስቲያን ጥንታዊ ቅርሲ ተረኺቡ!

ኣብ ሃገረ ስብከት ማእከል ንኡስ ሃገረ ስብከት በሪኽ ቤተ ክርስቲያን ኪዳነ ምሕረት ፃዕዳ ክርስቲያን ጥንታዊ ቅርሲ ተረኺቡ።

ኣብ ደብረ ደናግል ቅድስት ድምያና ኣብ ኣሞክሮ ዝጸንሓ ሾብዓተ ኣኃት…

ብዕለት 13 የካቲት 2013 ዓ.ም. ኣብ ደብረ ደናግል ሰማዕት ቅድስት ድምያና ብኣቕራብነት እመምኔት ገዳም ኢታይ ወለተ መስቀልን ሽማግለ ገዳምን፡ ዓቃቤ...

ኪዳነ ምሕረት

ኪዳን ፦ “ተካየደ” ካብ ዝብል ግእዛዊ ግሢ ዝወፅአ ኾይኑ፡ “ተመሓሓለ፡ ተሰማምዐ፡ ተወዓዓለ” ማለት እዩ። ኪዳን፥ ንኽልተ ሓደ ዝገብር ናይ ፍቕርን...

“ዝደለይዎ ዝረኸቡ” - ሕዝበ ነነዌ

እቲ ክቡር ንጉሥ፡ መልእኽቲ ጥፍኣት ሃገሩ ምስ ሰምዐ ፈርሐን ረዓደን። ነዚ መልእኽቲ ብግብሪ እንተዘይፈጺምዎ፡ ሃገሩ ከምዘይነበረት ከም እትከውን፡ ካብ ሰብ...

ዕለታት ጾመ ነነዌ

ጾመ ነነዌ ሓደ ካብቶም 7ተ ናይ ኣዋጅ ኣጽዋማት ቤተ ክርስቲያን እዩ። ጾመ ነነዌ ኵል ሳዕ ዓቢይ ጾም ቅድሚ ምእታዉ ቅድሚ...

እንቋዕ ናብ ጾመ ነነዌ ኣብጽሓና፦ ሰኑይ 15 መጋቢት ክሳዕ ረቡዕ…

ጾመ ነነዌ ሓደ ካብቶም ሾብዓተ ናይ ኣዋጅ ኣጽዋማት እዩ። ኣብ ነነዌ ዝቕመጡ ዝነበሩ ሕዝቢ ጾይሞም ምሕረት ከምዝረኸቡ፡ ሕዝበ ክርስቲያን ድማ...

ዓቢይ ባሕታዊ ገዳም ኣቡነ ሊባኖስ ሃም ኣባ ኃይለማርያም ብሰላም ዓሪፎም!

ባሕታዊ ገዳም ደብረ ወርቅ ኣቡነ ሊባኖስ ኣባ ኃይለማርያም ብዕለት 09 የካቲት 2013 ዓ.ም. ዓሪፎም፡ ኣብ ገዳሞም ሥርዓተ ቀብር ተፈጺምሎም።

  

latest articles

PRAYER

Prayer is a word by which man communicates with his Creator in Faith, thanking and beseeching Him for the forgiveness...

FAITH AND WORKS

Faith is “a confidence or trust in God”. Faith gives assertion to the things we hope for and explains the...

The feast of the Holy Cross - Mesekel (The Founding…

The Mesekel holiday is celebreated on Meskerem 17 (27th of September) and Megabit 10 (19th of March). The word Meskel...

The Ascension of St Mary (part two)

Moreover, Whilst John the evangelist was preaching in the country of Asia, on the sixteenth day of the month of...

The Ascension of St Mary (part one)

"At your right hand stands the queen." (Psalm 45:9)IN THE NAME OF THE FATHER AND THE SON AND THE HOLY...

The Fast of Assumption of the Virgin Mary

This fast lasts from Nehassie (August) 1 to 16. Our Lady departed on 21 of Ter (January) in 50 A.D...

“Blessed is he that considereth the poor” Ps. 41:1

In the name of the Father, and of the Son, and of the Holy Spirit, One God Amen. The basic necessities...

The Apostle Saint Paul

Saint Paul was a Jew, of the tribe of Benjamin, a Pharisee, the son of a Pharisee; and his kinsfolk...

The Apostle st. Peter

Peter was from Bethsaida, and he was a fisherman.  Our Lord chose him on the second day following that whereon...

The Fast of Wednesdays and Fridays

Every week Wednesdays and Fridays are observed as fast days except during the fifty days (between Easter and Pentecost), and...

The Fast of the Apostles

The Apostles observed this fast after they received the Holy Spirit and before they set out to proclaim the Gospel...

The feast Of Pentecost

IN THE NAME OF THE FATHER AND THE SON AND THE HOLY SPIRIT, ONE GOD. On this day the Holy...