ነገረ ድኅነት (2ይ ክፋል)

Jul 18, 2016

ነገረ ድኅነት (2ይ ክፋል)

መፍቀሬ ሰብ እግዚኣብሔር፡ ንኣዳም ካብ መሬት ዝፈጠሮ፡ ትእዛዙ ምስ ኣፍረሰ’ውን “ኦ ኣዳም መሬት ኢኻ እሞ ናብ መሬት ድማ ትምለስ” ኢሉ ናብ መሬት ዝመለሶ፡ በቲ ዝሃቦ ተስፋ’ውን ካብ መሬት ከልዕሎን ከድኅኖን ሥልጣን ዘለዎ እግዚኣብሔር ጥራይ እዩ። በዚ ኸኣ እቲ ብመለኮቱ ዘይርአ እግዚአብሔር ንሰብ ምእንቲ ከድኅኖ ፍጹም ሰብ ኮነ፡ ብሥጋ ተጋህደ።

እግዚአብሔር ስለምንታይ ሰብ ኮነ፧

እዚ ዓቢይ ምሥጢር እዩ። ካብ ፍጥረታት ንዅሉ ኣምሊኡን ኣጠናቒቑን ኪፈልጥን ኪምርምርን ዚኽእል የልቦን። በቲ መንፈስ ቅዱስ ዝገለጸሎም ኣበው ዝተናገርዎ ግና እንሆ፦

• እግዚአብሔር “ንግበር ሰብአ በአርአያነ ወበአምሳሊነ/ ከም መልክዕናን ኣምሳልናን ሰብ ንግበር” ኢሉ ንሰብ ካብ ሓመድ መሬት ፈጠሮ። እዚ ብናይ አብ ልቢ ሓሲቦም፤ ብናይ ወልድ ቃል ተዛሪቦም፤ ብናይ መንፈስ ቅዱስ እስትንፋስ ንዝፈጠርዎ ሰብ ምስ ወደቐ፡ “ንግበር ሰብአ” ኢሉ ዝተዛረበ ቃል ናብ ኣዳም መጽአ። ካብ መሬት ንኣዳም ዝገበረት ኢድ ድማ ተዘርግሐ። (መዝ. 144፡7)
• “ኦ ኣዳም መሬት አንተ ወትገብእ ውስተ መሬት / ኦ ኣዳም መሬት ኢኻ እሞ ናብ መሬት ከኣ ክትምለስ ኢኻ” ኢሎም ነቲ ሥላሴ ብናይ አብ ልቢ ሓሲቦም ፡ ብናይ ወልድ ቃል ፈሪዶም፡ ብናይ መንፈስ ቅዱስ ሕያውነት ኣጽኒዖሞ ዝነበሩ ፍርዲ ንኸልዕል እቲ ዝፈረደ ኣካላዊ ቃል ናብ ኣዳም መጽአ።
• ኣዳም ብሰንኪ ኃጢኣቱ ንድምፂ እግዚአብሔር ፈሪሁ ይነብር ነበረ። “. . . ድምፅኻ ኣብ ገነት ሰሚዐ ፈራሕኩ፡ . . .” (ዘፍ. 3፡10-13) ከምዝብል። ሕዝቢ እስራኤል ኣብ ከረን ሲና ንነቢይ ሙሴ ኣብ ዝተዛረበሉ ጊዜ፦ “ንሰምዕ ኣሎና ንስኻ ባዕልኻ ተዛረበና፡ ኣምላኽ ግና ምእንቲ ከይንመውት ኣይዛረበና” (ዘፍ. 20፡19) በልዎ። በዚ ድማ እግዚአብሔር ነቲ ኣብ ደቂ ሰብ ዝነበረ ፍርሒ ኃጢኣት ንኸርሕቕ ሰብ ኾነ። ኣማኑኤል ቋንቋ ሰብ እናተዛረበ ሕጊ ጠባይኣውን መጽሓፋውን እናፈጸመ ብሥርዓት ሰብ ተመላለሰ። ንድምፁ ሰሚዑ ኣብቲ በለስ ንዝተኃብአ ኣዳም ደልዩ ረኸቦ። (ሉቃ. 15፡4-7)
• ሰብ፡ ነቲ ዝተዋህቦ ትእዛዛትን ሕግታትን ኪፍጽም ኣይከኣለን። በዚ ኸኣ እግዚአብሔር ናባና መጺኡ፡ ኣተግቢሩ፡ ሠሪሑ ሓዲስ ሕገ ወንጌል ሃበና።

እግዚአብሔር ሰብ ኮይኑ ንሰብ ብኸመይ ኣድኂንዎ፧

“እግዚአብሔር ንዓለም ካብ ዝፈጠረሉ ጥበብ፡ ሰብ ኮይኑ ንዓለም ዘድኃነሉ ጥበብ ዝያዳ የደንቕ’ ይብል ቅዱስ ቄርሎስ። ከመይ! ሰብ ንምድኃን ንሕሊና ዘደንቕ ምሥጢር ተፈጺሙ እዩ።
• ኣዳም ካብ ኅቱም መሬት ተፈጢሩ ኪኃጥእ ከሎ፡ መድኃኔ ዓለም ግና ካብ ኅቱም ድንግልና ኣዴና ድንግል ማርያም ተወሊዱ ንኣዳም ኣድኃኖ።
• ኣዳም ካብ ንጹሕ መርገም ካብ ዘይብሉ መሬት ተረኺቡ ክብድል ከሎ፡ መድኃኔ ዓለም ክርስቶስ ግና መርገመ ሥጋን መርገም ነፍስን ካብ ዘይብላ እግዝእትነ ማርያም ተወሊዱ ኣድኃኖ።
• ኣዳም ካብ ዓለመ መላእክቲ ተሰዲዱ ኣብ መንጎ እንስሳታት ተረኸበ፡ መድኃኔ ዓለም ግና ኣብ መብልዕ ማል ተወልደ።
• ኣዳም ብበደሉ ካብ ገነት ናብ ሲኦል ተሰዲዱ እዩ። መድኃኔ ዓለም ክርስቶስ ድማ በደል ዘይብሉ እንከሎ ካብታ ብገነት ትምሰል ምድረ እስራኤል ናብታ ብሲኦል ትምሰል ምድረ ግብጺ ተሰደ።
• ኣዳም ወዲ 30 ዓመት መንእሰይ ኮይኑ ተፈጢሩ፡ 7 ዓመት ኣብ ገነት ነቢሩ፡ ብኽፉእ ምኽሪ ሰይጣን ተታሊሉ ውልድነቱ ክስእን ከሎ፡ መድኃኔ ዓለም ክርስቶስ ግና ኣብ 30 ዓመቱ ተጠሚቑ ኣድኃኖ።
• ኣዳም ብምኽንያት ብልዒ ካብ ገነት ኪስጎግ ከሎ፡ መድኃኔ ዓለም ክርስቶስ ድማ “ሰብ ብቃል እግዚኣብሔር እምበር ብእንጌራ ጥራይ ኣይነብርን እዩ።” ኢሉ ንፍቓድ ሥጋን ስስዕትን ሰዓሮ።
• ዲያብሎስ ንኣዳም ኣብታ ካብ ምድሪ ተፈልያ ንእትርከብ ገነት ብብልዒ እንተሰዓሮ፡ ጐይታ ድማ ናብታ ካብ ከተማ ርኂቓ እትርከብ ናብ ገዳመ ቆሮንቶስ ከይዱ ብጾም ሰዓሮ።
• ኣዳም ሕጊ ጥሒሱ ካብ ጸጋ እንተ ዓረቐ፡ መድኃኔ ዓለም ክርስቶስ ድማ ጸጋ ኣዳም ኪመልስ ዕራቑ ኣብ መልዕልተ መስቀል ተሰቕለ።
• ኢድን እግርን ኣዳም ናብ ዕፀ በለስ ከምርሑ ኸለዉ፡ ኢድን እግርን መድኃኔ ዓለም ግና ብቕንዋት ኣብ መስቀል ተሸንከረ።
• ዕዳ ኣዳም ፍጡራን ክኸፍልዎ ኣይኸኣሉን። ወልደ እግዚአብሔር ሕያው ወወልደ ማርያም ሥግው ጐይታና ኢየሱስ ክርስቶስ ግና ሰብ ኮይኑ ዕዳና ከፈለልና። ኣዳም ኪቕበሎ ዝግብኦ ኵሉ ባዕሉ ተቐቢሉ ንኣዳም ናጻ ኣውፅኦ።
• ጐይታናን ኣምላኽናን መድኃኒናን ኢየሱስ ክርስቶስ ብፍጹም ካሕሳ ክሓሰና። ኣብቲ ዓፅሚ ኣዳም ዝዓረፈላ ጐልጐታ ተሰቒሉ፡ ካብ ሞት ኣድኃነና። ኃይሊ መቓብር ስዒሩ፡ ርኂቕና ንዝነበርና “ደቀይ” በለና። (ማቴ. 27፡33፣ 1ይ ቆሮ. 15፡56) ዝተዓጽወት ገነት ተኸፍተት፡ ምሉእ ዕድሚኡ ኣብ ባሕሪ ኃጢኣት ጥሒሉ ዝነበረ ፊያታዊ ዘየማን ዓቢይ ብሥራት ተነግሮ፦ “ሎሚ ምሳይ ኣብ ገነት ኣሎኻ” (ሉቃ. 23፡43) ዝብል። ገነት፡ ነቶም ካብ ኃጢኣት ናብ ጽድቂ ተመሊሶም ኣብ የማኑ ንዝቘሙ ምኽፉታ ኣበሠረና።

“እግዚአብሔር ሰብ ኮነ ክንብል ከሎና ብኸመይ እዩ፧”

ወልደ እግዚአብሔር ናብዛ ዓለም መጺኡ፡ ብሥጋ ማርያም ተገሊጹ ክበሃል ከሎ ኣብ ዙርያኡ ብዙኅ ክንፈልጦ ዝግብኣና ኣሎ።
ቅድሚ ዓለም ብዘይ ኣደ ካብ ናይ ባሕርይ ኣቦኡ አብ፡ ድኅሪ ዓለም ድማ ብዘይ አቦ ካብ ድንግል ማርያም ብሥጋ ዝተወልደ ወልደ እግዚአብሔር፡ ሥጋ ተዋሒዱ ሰብ ዝኾነሉ ምሥጢር ዓቢይ እዩ። ጐይታናን መድኃኒናን ኢየሱስ ክርስቶስ ንሓዋርያ ጴጥሮስ “ንስኻ ኸውሒ ኢኻ፡ ኣብ ልዕሊ እዚ ኸውሒ እዚ ድማ ንቤተ ክርስቲያነይ ክሓንፃ እየ” ዝበሎ፡ መሠረት ሃይማኖት ዝኾነ ትምህርቲ “ንስኻ ክርስቶስ ወዲ ሕያው እግዚአብሔር ኢኻ።” ዝብል እዩ። (ማቴ. 16፡16-18) ኣብ ቅድሚኡ ቘይሙ፡ ወልደ አምላኽ ናይ ባሕርይ ወዲ ኢኻ ኢሉ ስለዝጸውዖ ብፁዕ ተባህለ።

ሎሚ’ውን ንሕና መለኮት ምስ ሥጋ ፍጹም ከምዝተዋሓደ ኣሚንና፡ ጐይታናን መድኃኒናን ኢየሱስ ክርስቶስ ሰብ ዝኾነ ኣምላኽ እዩ፡ ንአብ ናይ ባሕርይ ወዱ እዩ ኢልና ምእማን ይግባእ። እቲ ዓስቢ ብፅዕና ዘውህብ እዚ ሃይማኖት እዚ እዩ።

ወስብሐት ለእግዚአብሔር ወለወላዲቱ ድንግል ወለመስቀሉ ክቡር!

No events found.

ዜና ኅትመት

እዋናዊ ጽሑፋት

በዓለ እረፍት አቡነ ቦክረ ድንግል ኣብ ገዳም ኣቡነ ብፁዓ አምላክ…

ሓዋርያዊትን ኣጽናፋዊትን ዝኾነት ቅድሥቲ ቤተ ክስቲያን ሓደ ካብቲ መለለይአ ዝኾነ፡ንቅዱሳን ዘለዋ ክብርን ዝኽርን እዩ።ከምቲ ቅዱስ ጳውሎስ  “ተዘከሩ መኳኒንክሙ ዘነገርኩሙ ቃለ...

መመረቕታ ቤተ ክርስቲያን ደብረ ትጉሃን መላእክት ኣርባዕቱ እንስሳ ብድሙቕ መንፈሳዊ…

ኣብ ንኡስ ዞባ ማይ ዓይኒ ቤተ ክርስቲያን ደብረ ትጉሃን መላእክት ኣርባዕቱ እንስሳ ብፁዕ ወቅዱስ አቡነ ቄርሎስ ፓትርያርክ ዘኦርቶዶክስ ተዋሕዶ ቤተክርስቲያን...

ሓጺር መግለጺ ታሪኽ ሕይወትን ኣገልግሎትን ብፁዕ ወቅዱስ ኣቡነ ቄርሎስ 5ይ…

`` ዝንቱሰ ብእሲ ዘእምንእሱ ሕይወቱ ውስተ ቤተ እግዚኣብሔር / እዚ ሰብ እዚ ካብ ንእስነቱ ኣትኂዙ ኣተዓባብያኡ ኣብ ቤተ እግዚኣብሔር እዩ...

ጸሎተ ፍትሓትን ሰማዕታተ ኤርትራ

በስመ አብ ወወልድ ወመንፈስ ቅዱስ አሐዱ አምላክ። ሰብ ንሕይወቱ ኣብ ክንዲ ብጻዩ በጃ ዘሕልፍ፡ ካብዚ ዝዓቢ ፍቅሪ የልቦን፤ ዮሓ 15፥13 ኣብ ውሽጢ...

መግለጺ ቅዱስ ሲኖዶስ ድኅሪ ሢመተ 5ይ ፓትርያርክ!

መግለጺ ቅዱስ ሲኖዶስ ድኅሪ ሢመተ 5ይ ፓትርያርክ!

ሥርዓተ ሢመት ወጸሎተ ተቀብዖ ብፁዕ ወቅዱስ አቡነ ቄርሎስ ፭ይ ፓትርያርክ…

ሎሚ ዕለት ፮ ሰነ 2013 ዓ.ም (13/06/2021) ሥርዓተ ሢመት ወጸሎተ ተቀብዖ ብፁዕ ወቅዱስ አቡነ ቄርሎስ ፭ይ ፓትርያርክ ኣብ ርእሰ ኣድባራት...

ጸሎተ ሠርክ ሥርዓተ ተቀብዓ 5ይ ፓትርያርክ ዘኦርቶዶክስ ተዋሕዶ ቤተ ክርስቲያን…

5 ሰነ 2013 ዓ.ም. (12 ሰነ 2021 ዓ.ም.) ጸሎተ ሠርክ ኣብ ዋዜማ ሥርዓተ ተቐብዖ 5ይ ፓትርያርክ ዘኦርቶዶክስ ተዋሕዶ ቤተ ክርስቲያን...

ምድላው ክዳውንቲ 5ይ ፓትርያርክን ተፈጺሙ!

ብደብረ ደናግል ሰማዕት ቅድስት ድምያና በራሪ ሃገረ ግብጽ ኣልባሳት 5ይ ፓትርያርክ ብልዑል ጻዕሪ ኣብ ሓጺር እዋን ተዳልዩ፡ ብዕለት 4 ሰነ...

እንቋዕ ናብ በዓለ ዕርገት ጐይታናን ኣምላኽናን መድኃኒናን ኢየሱስ ክርስቶስ ብሰላም…

በስመ አብ ወወልድ ወመንፈስ ቅዱስ አሐዱ አምላክ! በዓለ ዕርገት፥ ሓደ ካብ ትሽዓተ ዓበይቲ በዓላት ኮይኑ፡ ጐይታናን መድኃኒናን ኢየሱስ ክርስቶስ ካብ ሙታን...

ኣብ ምቛም ቤተ መዘክርን ቤት ንባብን ርእሰ ኣድባራት ደብረ ጽዮን…

ብዋና ኣመኃዳሪ ቤት ጽሕፈት መንበረ ፓትርያርክ ኦርቶዶክስ ተዋሕዶ ቤተ ክርስቲያን ኤርትራ ብፁዕ አቡነ ባስልዮስ ዝተመርሐ ልዑኽ ኃለፍቲ ቤት ጽሕፈት መንበር...

ክብረ በዓል ቅድስት ድንግል ማርያም በለዛ ብድምቀት ተኸቢሩ!

ዓመታዊ 21 ግንቦት ኣስተርእዮ (ምግላጽ) ቅድስት ድንግል ማርያም ኣብ ደብረ ምጥማቅ ብምዝካር ዝኽበር ክብረ በዓል ቅድስት ድንግል ማርያም ኣብ ኩለን...

  

latest articles

PRAYER

Prayer is a word by which man communicates with his Creator in Faith, thanking and beseeching Him for the forgiveness...

FAITH AND WORKS

Faith is “a confidence or trust in God”. Faith gives assertion to the things we hope for and explains the...

The feast of the Holy Cross - Mesekel (The Founding…

The Mesekel holiday is celebreated on Meskerem 17 (27th of September) and Megabit 10 (19th of March). The word Meskel...

The Ascension of St Mary (part two)

Moreover, Whilst John the evangelist was preaching in the country of Asia, on the sixteenth day of the month of...

The Ascension of St Mary (part one)

"At your right hand stands the queen." (Psalm 45:9)IN THE NAME OF THE FATHER AND THE SON AND THE HOLY...

The Fast of Assumption of the Virgin Mary

This fast lasts from Nehassie (August) 1 to 16. Our Lady departed on 21 of Ter (January) in 50 A.D...

“Blessed is he that considereth the poor” Ps. 41:1

In the name of the Father, and of the Son, and of the Holy Spirit, One God Amen. The basic necessities...

The Apostle Saint Paul

Saint Paul was a Jew, of the tribe of Benjamin, a Pharisee, the son of a Pharisee; and his kinsfolk...

The Apostle st. Peter

Peter was from Bethsaida, and he was a fisherman.  Our Lord chose him on the second day following that whereon...

The Fast of Wednesdays and Fridays

Every week Wednesdays and Fridays are observed as fast days except during the fifty days (between Easter and Pentecost), and...

The Fast of the Apostles

The Apostles observed this fast after they received the Holy Spirit and before they set out to proclaim the Gospel...

The feast Of Pentecost

IN THE NAME OF THE FATHER AND THE SON AND THE HOLY SPIRIT, ONE GOD. On this day the Holy...