ብዙኃን ማርያም

Sep 30, 2019

21 መስከረም፡ ብዙኃን ሊቃውንት ኣብ በዓለ ማርያም ተጋቢኦም ክሕደት ኣርኂቖም ሃይማኖት ዘጽንዕሉ ንዝክረሉ ዕለት ስለ ዝኾነ ብዙኃን ማርያም ይበሃል።

ኣብ ራብዓይ ክፍለ ዘመን መዓርገ ክህነት ተቐቢሉ ኣብ እስክንድርያ ዘገልግል ዝነበረ ኣርዮስ ዝበሃል ሰብኣይ ነበረ። ኣርዮስ፡ ካብ ትምህርተ ቤተ ክርስቲያን ዝወፅአ ብፍጹም ክሕደት፡ “ወልድ ፍጡር እዩ እምበር ኣምላኽ ኣይኮነን” ብምባል ተላዕለ።

ከም ሓደ ልቢ መኻሪ ከም ሓደ ቃል ተናጋሪ ኮይኖም 318 ሊቃውንት፡ ትምህርተ ኣርዮስ ክሕደት ምዃኑ ገሊጾም ብሓባር ኣውገዝዎ። እዞም ሊቃውንት፡ ጐይታናን መድኃኒናን ኢየሱስ ክርስቶስ ናይ ባህርይ ኣምላኽ ምዃኑ ገሊጾም፡ ጸሎተ ሃይማኖትን ኃሙሽተ ኣእማደ ምሥጢርን ንኣገልግሎት ቤተ ክርስቲያን ዝጠቕሙ ካልኦት ሥርዓታት ወሲኖም።

በዚ ዕለት’ዚ ነዚ ዝወሰንዎ ስለ እንዝኽሮ “ብዙኃን ማርያም” ተባህለ።

ሰላም ለክሙ ጳጳሳት አዕማድ፡

318 በፍቅድ፡

በእንተ ማርያም ጳጦስ ፀዋሪተ ነድ፡

ንዑ ንዑ መምህራን ትባርኩነ ለውሉድ፡

እንዘ ትእኅዙ መስቀለ በእድ።

ወስብሐት ለእግዚአብሔር ወለወላዲቱ ድንግል ወለመስቀሉ ክቡር!

ዘመነ ማቴዎስ 30 ጥር 2013 ዓ.ም.ግ…

March
Monday
8
ዝክር፦ ጲስ ወአላጲስ ወኣጋጲስ ወእሞን ሶፍያ፡ ወጳላግያ ወማርያ ወማርታ፡ ወኦርኒ ወማኅበራኒሃ፡ ወጎርጎርዮስ ነባቤ መለኮት፡ ወአክርስጥሮስ፡ ወሚናስ ሊቀ ጳጳሳት እምኍልቆሙ ለ፵ወ፯ቱ አበው። ዘቅዳሴ ምንባብ መልእክታት 1ይ ቆሮ. 11፡1-12። 1ይዮሐ. 3፡13-17። ግብረ ሓዋርያት ግብ. ሐዋ. 17፡4-12 ምስባክ መዝ.111/112 ወንጌል ማቴ. 25፡1-13። ቅዳሴ ዘእግዝእትነ ማርያም። * * *
00:00 h