ሱባዔ (2ይ ክፋል)

Apr 08, 2016

ዓይነታት ሱባዔ

1. ናይ ውልቂ ሱባዔ (ዕፁው ሱባዔ)
ናይ ውልቂ ሱባዔ ዝብሃል፡ ሓደ ሰብ በይኑ ዝኾነ ሰብ ከይረኣዮ ኣብ ቤት ኮነ ኣብ ካልእ ዚጥዕም ቦታ ኮይኑ ብውልቁ በዓቲ ጸሎቱ ዓፅዩ ብሰቂለ ሕሊና ፈጣሪኡ ጥራሕ ኪርእዮን ኪሰምዖን ብኅቡእ ዚገብሮ ሱባዔ እዩ። (ማቴ. 6፡5-13)
ዕፁው ሱባዔ ዚኃዘ ሰብ ኣቐዲሙ ኵሉ ዘድልዮ ነገር ኂዙ ናብ በዓቱ ድኅሪ ምእታዉ፡ ሱባዔኡ ክሳዕ ዚፍጽም ምስ ሰብ ኣይራኸብን እዩ። (መዝ. 102፡6-7)

2. ናይ ማኅበር ሱባዔ


ናይ ማኅበር ሱባዔ ዚብሃል፦ ውሉደ ክህነት፡ ምእመናንን ምእመናትን ኣብ ቤተ ክርስቲያን ኮነ ኣብ ካልእ ዚጥዕም ቦታን ብሓደ ተኣኪቦም ዚኣትውዎ ሱባዔ እዩ። ኣብ ዘመነ ብሉይ ዚነበሩ ሰባት ናብ እግዚአብሔር (ድንኳን ምርኻብ፡ ቤተ መቕደስ) እናኸዱ ይጽልዩ ነበሩ፣ (1ይ ሳሙ. 1፡9 ፣ መዝ. 122፡1 ፣ ሉቃ. 18፦10-11)
ኣብ ዘመነ ሓዲስ ድማ ድኅሪ ቅዱሳን ሓዋርያት፡ መነኮሳት፡ ካህናትን ምእመናንን ምእመናትን ኣብ ገዳማት፡ ኣድባራት፡ አብያተ ትምህርቲ ሰንበትን ካልእን ምእንቲ ዕቤት ማኅበሮምን ካልእ ዚተፈላለየ ጕዳያትን ሱባዔ ይኣትዉ እዮም።

3. ናይ ኣዋጅ ሱባዔ
ናይ ኣዋጅ ሱባዔ ኣብ ሃገር ሃንደበታዊ ሓደጋ፡ ራኃብን ዓፀቦን፡ ውግእ ወይ ከኣ ንማኅበረ ምእመናን ዘስግእ መቅሠፍት ከጋጥም ከሎ፡ እግዚአብሔር ነቲ መዓቱ ብምሕረቱ፡ ቍጠዓኡ ድማ ብትዕግሥቱ ንኺመልስ ዚእቶ ሱባዔ እዩ። ሰብ ነነዌ ብሰብከት ዮናስ እም ልኂቅ እስከ ደቂቅ (ካብ ዓቢይ ክሳዕ ንእሽቶ) ንሠለስተ መዓልታት ካብ መብልዕን መስተን ተኸልኪሎም ስለ ዚጸለዩን ዚጾሙን፡ እግዚአብሔር ንመዓቱ ብምሕረቱ ለወጠሎም። (መጽሐፈ ትንቢተ ዮናስ) ኣብ ፋርስ ብምርኮ ዚነበሩ ኣይሁድ’ውን፡ ካብቲ ኣብ ዘመነ ንጉሥ ኣርጤክስስ ኣኣብ ዘለውዎ ኪቕተሉ ዝተመኃላለፈ ትእዛዝ ንምድኃን፡ ብትእዛዝ ንግሥቲ ኣስቴር ሱባዔ ስለዝኣተዉ ድኃኑ። (ኣስ. 4፦16-28)፣

ቅድመ ምድላዋት ሱባዔ
ሱባዔ ዝኣቱ ምእመን ኣቐዲሙ ምድላዋት ኪገብር ኣለዎ። ምኽንያቱ ብዘይ ዝኾነ ምድላዋት ዚእቶ ሱባዔ ንፈተና ዜቃልዕ እዩ። ስለዚ ቅድመ ሱባዔ፡ ኣብ ጊዜ ሱባዔን ድኅረ ሱባዔ ምድላዋት ምግባር ይግባእ።

1. ቅድመ ሱባዔ
ሀ. መጀመርታ ‘ሱባዔ ትኣትወሉ ዘሎኻ ምኽንያት ፈሊኻ ምፍላጥ’ ይግባእ። እዚ ድማ ነቲ ዝደለኻዮ ረኺብካን ኣይረኸብካን ፈሊኻ ንኽትፈልጥ ዝኅግዝ እዩ።

ለ. ምኽንያት ሱባዔ ፈሊጥካ ንአበ ንነፍስኻ ምምኻር ይግባእ። እዚ ድማ አበ ነፍስኻ ብኣቦነቱን ተመኵሮ ሕይወቱን ብምኽሪ ኪኅግዘካ ከምኡ’ውን ብጸሎት ኪረድኣካ ዘኽእል እዩ።
ሐ. ንኽንደይ መዓልታት ሱባኤ ኂዝካ ከምትጸንሕ ምውሳን ይግባእ። ሱባዔ ከም ዓቕምናን ተመክሮናን ‘ክሳዕ ክንድ’ዚ መዓልታት ክጸንሕ እየ’ ኢልካ ውጥን ትኅዘሉ ሥርዓት እዩ። ንኣብነት፦ ተመኵሮ ዘይብሉ ሰብ፡ ‘በዓቲ ክዓፁ እየ’ እንተበለ ካብ ጥቕሙ ጕድኣቱ ክበዝኅ ይኽእል እዩ። ፈተናታት ክትብድህ ብዘይምኽኣልካ፡ ሱባዔኻ ከተቋርጽ ትኽእል ኢኻ።

መ. ንሱባዔ ዚሰማማዕ ጊዜን ቦታን ምምራጽ ይግባእ። ዚበዝኀ ጊዜ ሱባዔ ዚተኃዝ ኣብ ጊዜያት ጾም እዩ። ንሱባዔ ዝምረጹ ቦታታት ድማ ንፈተና ዘየቃልዑ፡ ጽምዋ ዘለዎም ብዚተኻእለ መጠን ካብ ከተማ ርኅቕ ዚበሉ ገዳማትን ኣድባራትን እንተኾኑ ጽቡቕ እዩ።

2. ኣብ ጊዜ ሱባዔ
ሀ. ክትጽሊ ከሎኻ ዓንድን መንደቕን ከይተደገፍካ፣ መቖምያ ከይኃዝካ፣ ብኽልተ ኣእጋርካ ሰጥ ኢልካ ቆይምካ፤ ገጽካ ናብ ምሥራቅ ኣጠሚትካ፣ የማንን ጸጋምን ቅድሚትን ድኅሪትን ግልጽ ምልጽ ከይበልካ፣ በሰፊሐ እድ በሰቂለ ሕሊና ክኸውን ይግባእ። (መዝ. 5፡3፣ 134፡2፣ ዮሐ. 11፡41)

ለ. ኣብ ጊዜ ሱባዔ ብቐደም ተኸተል ክትጽሊ ይግባእ። ጸሎት ዘወትር፡ መዝሙረ ዳዊት፡ ውዳሴ ማርያምን ካልኦት ጸሎታትን ጸሎታትን ትጽሊ፣ ኣርብዓን ሓደን ኪርያላይሶን ትብል . . . ።

ሐ. ኣብ ጊዜ ሱባዔ ኃጢኣትካ እናዘከርካ ምብካይ ይግባእ።

መ. ክትጽልን ክትሰግድን ከሎኻ ኣብ ቅድሜኻ ሥእለ ኣድኅኖ ክህልው ይግባእ።

መ. ሱባዔኡ ከይወድአ ወይ ከኣ ሱባዔኡ ኣቋሪጹ ምስ ዚኾነ ሰብ ኪራኸብ የብሉን።

4. ድኅረ ሱባዔ

ድኅሪ ሱባዔ፡ ናብ እግዚአብሔር ዝጸለኻዮ ክሳዕ ዚግበረልካ ብትዕግሥቲ ምጽባይ ይግባእ። ተጸቢና ኣብ ጊዜኡ እንተዘይተመሊሱልና ደጊምና ተዳሊና ብጸሎት (ብተማኅፅኖ) ንጸንዕ።
ኵሉ ሱባዔ ዚኣተወ ሰብ፡ ራእይ ይርኢ ማለት ኣይኮነን። ነቲ ዚዓበየ ህያብ እግዚአብሔር ዝኾነ ናይ ሕሊና ሰላም ንረክብ ብምዃንና ዓቢይ መንፈሳዊ ረብሓ ዘለዎ እዩ።

ስብሐት ለእግዚአብሔር፡
ወለወላዲቱ ድንግል
ወለመስቀሉ ክቡር፡ አሜን!

ዘመነ ዮሐንስ 19 መጋቢት 2012 ዓ.…

March
Saturday
28
ዝክር፦ አርስጦቦሎስ ዘእምሰብዐ ወክልኤቱ አርድእት፡ እስክንድሮስ፡ ወለእስክንድሮስ፡ ወአጋቢሁ፡ ወኒሞላ፡ ወሁንስጣ፡ ወዲዮናስዮስ፡ ወተላስዮስ፡ ወአስከናፍር። ዘቅዳሴ ምንባብ፦ ሮሜ 16፡1-16 3ይ ዮሐ. 1፡9-ፍጻሜ ግብ. ሐዋ. 11፡1-10 ምስባክ፦ መዝ. 94/95 ወንጌል፦ ሉቃ. 21፡20-ፍጻሜ ቅዳሴ፦ ዘሐዋርያት።         *   *   *
00:00 h
Ad Right

  

ዜና ኅትመት

እዋናዊ ጽሑፋት

6ይ ሰንበት፡ ‘ገብርኄር’

  ሻዱሻይ ሰንበት ዓቢይ ጾም “ገብርኄር” ትበሃል። እዛ ሰንበት እዚኣ ‘ገብርኄር’ ዝተሰምየት፡ ማኅሌታይ ቅዱስ ያሬድ ኣብ ዝደረሶ ጾመ ድጓ፡ ብዛዕባ ቅኑዓት...

ገብር ኄር

  ኣብ ዓቢይ ጾም ኣብ ዝርከቡ ሸሞንተ ሰናብቲ እታ ሻድሸይቲ ሰንበትን ምስኣ ዘላ ሰሙን ገብርኄር ተባሂላ ትፍለጥ። ጐይታ ሠራዊት እግዚአብሔር ነዛ...

ገዳም ደብረ ጽጌ ወደብረ ድኁኃን አቡነ ዮናስ

ሀሎ አሐዱ ብእሲ በአሐቲ ሀገር እንተ ስማ ቡር ሀገረ መስቀል ዘስሙ ንዋየ እግዚእ ወስመ ብእሲቱ ኂሩተ ማርያም / ኣብ ‘ቡር...

ንግደት ኢየሩሳሌም ኣብ በዓለ ፋሲካ 2012 ዓ.ም.ግ. (2020 ዓ.ም.) ንዘይተወሰነ…

ብመሪሕነት ቅዱስ ሲኖዶስን ብማእከልነት ቤት ጽሕፈት መንበረ ፓትርያርክን ኦርቶዶክስ ተዋሕዶ ቤተ ክርስቲያን ኤርትራ ተማእኪሉ ዝካየድ ንግደት ናብ ሀገረ ቅድስት ኢየሩሳሌም፡...

ደብረ ዘይት - ነገረ ምጽአተ ክርስቶስን ኅልፈተ ዓለምን

ኣብ ዓመት ብዛዕባ ዳግማይ ምጽኣት ጐይታናን ኣምላኽናን መድኃኒናን ኢየሱስ ክርስቶስ ከምኡ’ውን ኅልፈተ ዓለም ብፍሉይ እንዝክረሉ ሠለስተ ጊዜያት ኣለዉ። እቲ ሓደ...

“ወዝንቱ ዘመድ ኢይወፅእ ዘእንበለ በጾም ወበጸሎት። /እዚ ከምዚ ዝበለ ብዘይ…

 ዘለናዮ ቅንያት፡ ናይ ጐይታናን አምላኽናን መድኃኒናን ኢየሱስ ክርስቶስ ጾም ኣብነት ብምግባር፡ ፈቃደ ሥጋና ብፈቃደ ነፍስና ኣግዚእና፡ ካብ አኃዜ ኵሉ ወብዙኀ...

ኣብ ሓፈሻዊ ኣገልግሎትን ባጀታዊ ኣሠራርሓን ዘተኮረ ጉባኤ ተኻዪዱ! 

10 መጋቢት 2012 ዓ.ም.ግ ኣብ ሓፈሻዊ ኣገልግሎትን ባጀታዊ ኣሠራርሓን ዘተኮረ ጉባኤ ብመራሕ ሥራሕ ሃገረ ስብከት ኣሥመራ ሊቀ ካህናት ዘርአ ኣስመላሽን...

ክቡር መስቀል

 ጐይታ ዓለማት ክርስቶስ፡ ዝተሰቕለሉ መስቀልምሥጢሩ ዓሚቝ’ዩ ታሪኽ እንተ ዝግንጸልእስራኤላዊ ቀሲኑ ምድረ ተስፋ ከይርኢ ኪለዓል ጀመረ ናይ ኣማሌቅ ጸብኢ

‘ይሁዳ ጠፍአ፡ ቅዱስ ማትያስ ተክአ’

ነታ እግዚአብሔር ብደሙ ዝመሥረታ ቤተ ክርስቲያን፡ ብስብከቶምን መጻሕፍቶምን፡ ብገድሎምን ትሩፋቶምን ስለዝጓሰይዋ ቅድስት ቤተ ክርስቲያን ንቅዱሳን ሓዋርያት ዓቢይ ክብሪ ትህቦም። ንኣብነት፦...

መፃጒዕ

ነዊኁካ ጊዜ፡ ምሥጢር ስኣን ምፍላጥ ካብ ሰብ ደሊኻዮ ትንሣኤ ካብ ዓራት ስኣን ሰብ ከኣ ኢልካዮ ነቲ 38 ዓመት ክርስቶስ ምሳኻ ከሎ ገሣፂ ኵሉ...

ኣብ ቤት ትምህርቲ ሥነ መለኮት ደብረ ሲና ቅድስት ሥላሴ መንፈሳዊ…

03 መጋቢት 2012 ዓ.ም. ንተማሃሮ ቤት ትምህርቲ ሥነ መለኮት ደብረ ሲና ቅድስት ሥላሴ መንፈሳዊ ኮሌጅ፡ ብደረጃ ቤተ ክርስቲያን መራኸቢ ብዙኃን...

 ኣብ  ሃገረ ስብከት ኣሥመራ ሓፈሻዊ ግምገማ ስብከተ ወንጌል ተኻይዱ! 

02 መጋቢት 2012 ዓ.ም. ኣብ ሃገረ ስብከት ኣሥመራ ናይ ዝረከባ ኣብያተ ክርስቲያናት ኣብ ሓፈሻዊ ግምገማ ስብከተ ወንጌል ዘተኮረ ዓውደ ዘተ...

  

latest articles

The feast of presenting the lord Christ in the temple…

On this day we celebrate the feast of presenting the lord Christ to the temple after 40 days of his...

The Fast of Nineveh - Monday 10 – 12 February…

In Eritrean Orthodox Tewahdo Church, one of the seven fasting periods is the fast of Nineveh.

Mystery of Baptism

Baptism is the sacrament given to all who believe in the Mystery of the Trinity and the Mystery of Incarnation...

Mystery of Incarnation

Mystery of Incarnation means the mystery of the descending of God the Son who is one of the Trinity from...

Mystery of the Holy Trinity

The Eritrean Orthodox tewahdo Church has Five pillars of Mysteries through which it teaches and demonstrates its basic religious belief...

Welcome to the Feast of the Nativity of Our Lord…

Glory to God. When the appointed time of salvation and the foretold prophesies came to pass, God the Son come to...

In Memory of His Holiness Abune Yacob the Second Patriarch…

His Holiness Abune Yacob, the Second Patriarch was one of the reputable leaders of the EriOTC, a shining star of...

Fast of the Prophets (Advent)

15th November (geez calander), marks the first day of the Advent Fast, a period of abstinence and penance practiced by...

FASTING

Fasting is abstinence from all things that a body needs, and one has to fast from animal products and from...

The Eritrean Orthodox Tewahdo Church (EriOTC)

In the name of the Father, and of the Son, and of the Holy Spirit, One God. “We call our...

Holy of Holies Our Lady, the virgin Mary

The word holy (kidus) in Geez denotes being special, pure and esteemed. This prefix is an attribute to denote the...

HOLY SCRIPTURES (part one)

All Scriptures are written with the inspiration of the Spirit of God or the breath of God. They are also...