ሥርዓተ ስግደት ካልኣይ ክፋል

Dec 22, 2016

“ኣነ ኸኣ ክሰግደሉ ኢለ ናብ ቅድሚ ኣእጋሩ ፍግም በልኩ፡ ንሱ ድማ ኸይትገብሮ ተጠንቀቕ፡ ምስክር ኢየሱስ እቲ መንፈስ ትንቢት እዩ’ሞ ኣነስ ከማኻን ከምቶም ምስክር ኢየሱስ ዚኅዙ ዘለዉ ኣኅዋትካን ባርያ እየ፡ ንኣምላኽካ ስገድ በለኒ” ራእ. ዮሓ. 19፡10

ብመሠረቱ እዚ ጥቕሲ’ዚ ንመላእኽቲ ናይ ጸጋ ስግደት ከም ዚግባእ ዚገልጽ ደኣ እምበር ዚቓወም ኣይኮነን። ፍቁረ እግዚእ ቅዱስ ዮሓንስ ነቲ መልኣኽ ምስጋዱ ከይፈለጠን ከይተረድአን ኣይኮነን። ጥበብን ምስትውዓልን ጸጋ ፍልጠትን ዚዕድል መንፈስ ቅዱስ ዝኃደሮን ብዛዕባ ምሥጢረ መለኮት ዝተዛረበን ብምዃኑ ብጌጋ እዩ ንመልኣኽ ሰጊዱ ምባል ዕሽነት ጥራይ ዘይኮነ ክሕደት’ውን እዩ።
እቲ መልኣኽ ንቕዱስ ዮሓንስ ‘ኣይትስገደለይ’ ዝበሎ ብሠለስተ ምኽንያት እዩ።

1. ስለ ትሕትና

ዲያብሎስ ካብ ክብሪ ናብ ኅስራን ዝወረደ ብትዕቢት እዩ። ቅዱሳን መላእኽቲ ግና ትሕትና ስለ ዘለዎም ከምቲ ሰይጣን ንሠራዊት መላእኽቲ “ስገዱለይ ኣነ እየ ኣምላኽኩም” ዝበለ ‘ስገዱልና’ ዝብሉ ኣይኮኑን። እግዚኣብሔር ግና ቅዱሳን መላእኽቲ ንኽኸብሩ ፍቓዱ ስለ ዝኾነ ደቂ ሰባት ንኸኽብርዎምን ንኸፍቕርዎምን ኣዚዝዎም እዩ።
እቲ ንቕዱስ ዮሓንስ ‘ኣይትስገደለይ’ ዝበሎ መልኣኽ እቲ ስግደት ካብ ኣምልኾ እግዚኣብሔር ዝረሓቐ ከም ንጣዖት ምስጋድ ስለዝኾነ ዘይኮነስ እቲ መልኣኽ ኣብ ቅድሚ ቅዱስ ዮሓንስ ርእሱ ንምትሓት ስለ ትሕትና ዝተዛረቦ እዩ። ንኣብነት፦ ሓደ ሰብ ንኻልእ ብጻዩ ወይ ካብኡ ንዚዓቢ ኢድ ኪነሥእ ኢሉ ካብ ኮፍ መበሊኡ ተንሢኡ ኪቕበሎ ኸሎ “ኣይፋሉን ኣይግብኣንን እዩ ኣነ እንታይ ድየ” ከም ዝብል ማለት እዩ። ነዚ ዘረጋግጸልና ኣብ ራእይ ዮሓንስ 19፡10 እቲ መልኣኽ ምስናይ መጠንቐቕታ ‘ኣይትስገደለይ’ ኢልዎ ከብቅዕ ቅዱስ ዮሓንስ ግና ስለ ትሕትና ምዃኑ ፈሊጡ ንኻልኣይ ጊዜ ከኽብሮ ኢሉ ከም ዝሰገደሉ ራእይ ዮሓንስ 22: 9 ነንብብ።

2. ሥልጣነ ክህነት ንኽኽብር

ናይ ቤተ ክርስቲያና ኮከበ ጽባሕ ቅዱስ ጳውሎስ ንሥልጣነ ካህናት ኣመልኪቱ ኪምህር እንከሎ ‘“ኢተአምሩኑ ከመ መላእክተ ጥቀ ንኴንን/ ንመላእኽቲ ከም እንፈርዶም’ዶ ኣይትፈልጡን ኢኹም’ ኢሉ ኣሎ። (1ይቆሮ 6፡3) ካህናት፡ ኣብዚ ዓለም’ዚ ንዘለዉ ነገሥታትን መኳንንትንሲ ይትረፍ ንመላእኽቲ’ውን ከምዝገዝኡ ዘረድእ እዩ። ነዚ ዘብርሃልና ድማ ታሪኽ ቅዱስ ዮሓንስ ኣፈወርቅ ንመልከት።

ቅዱስ ዮሐንስ ኣፈወርቅ ፓትርያርክ ኣብ ዝነበረሉ ጊዜ፡ እቶም ፈተውቱን ቀረብቱን ዝነበሩ ንንጉስ ኣርቃድዮስን ንግሥቲ አውዶክስያን ዘዝወለድዎም ይሞትዎም ስለዝነበሩ፡ ‘ስለምንታይ እዮም ዘዝወለድናዮም ዝሞቱ፧’ ኢሎም ሓተቱ። ዝተዋህቦም መልሲ ድማ፦ ‘እቶም ሕፃናት ኺጥመቑ ኸለዉ ንጹሓን ሰባት ስለዘየጠመቕዎም እዩ’ ዝብል ስለዝነበረ፡ “እሞ ኸምዚ እንተ ደኣ ኾይኑ ካብ ዮሓንስ አፈወርቅ ዚበልጽ ንጹሕ ሰብ ደኣ መን ኣሎ” ኢሎም ጓል ምስ ወለዱ ንቅዱስ ዮሓንስ አፈወርቅ ‘ጓል ወሊድና ኣሎና እሞ መጺእኻ ኣጥምቐልና’ ኢሎም ለኣኽሉ። ሽዑ ንኸጠምቓ ኪኸይድ ከሎ መልኣኸ እግዚኣብሔር ኣብ መንገዲ ጸንሖ’ሞ፡ ‘ናበይ ደኣ ትኸይድ ኣሎኻ፧’ ኢሉ ሓተቶ። እቲ መልኣኽ ድማ ‘ነዛ ኸተጥምቓ ትኸይድ ዘሎኻ ሕፃን ነፍሳ ካብ ሥጋኣ ፈሊኻ ኣምጽኣያ ኢሉ ፈጣርየይ ስለዝኣዘዘኒ ናብኣ እኸይድ ኣሎኹ’ በሎ። ሽዑ ቅዱስ ዮሓንስ ኣፈወርቅ ‘በል ጸጋ ጥምቀት ኣይተቐበለትን እሞ ኸጠምቓ ሓንሳእ ጽንሓኒ’ በሎ። ቅዱስ ዮሓንስ ኣፈወርቅ፡ ነታ ሕፃን ኣጥሚቑ ብኻልእ መንገዲ ገይሩ ናብ ቤቱ ተመልሰ። እቲ መልኣኽ ግና በቲ ዮሓንስ ኣፈወርቅ ጽናሕ ዝበሎ ቓል ካብኡ ንየማን ኮነ ንጸጋም ከይበለ ንዓሠርተ ዓመት ዝኣክል ጠጠው ኢሉ ጸንሖ። እዚ ኸኣ ሥልጣነ ካህናት ማዕረ ኽንደይ ዓቢይ ምዃኑ ዘረጋግጽ እዩ። 

እታ ዝተጠምቀት ሕፃን ጓል ዓሠርተ ዓመት ኮይና ተሓጽያ ቈጸራ መርዓ ምስ ተገብረ “እታ ዘጥመቕካያ ከነመርዕዋ ደሊና እሞ መጺእኻ ናይ ሓጐስና ተኻፋሊ ኾይንካ መሪቕካን ባሪኽካን ከተፋንዋ ምሳና ወዓል” ኢሎም ለኣኽሉ። ንሱ ኸኣ ሕራይ ኢሉ በታ ቕድም ዝኸደላ መንገዲ ኪኸይድ ከሎ፡ ነቲ መልኣኽ ጠጠው ኢሉ ምስ ረኸቦ፡ ‘ስለምንታይ ደኣ ኣብዚ ደው ኢልካ፧’ ኢሉ ሓተቶ። እቲ መልኣኽ ድማ ናይ ካህናት መዓርግኩም (ሥልጣንኩም) ቀሊል’ዶ መሲልካ ንየማነ ጸጋም የብል ድዩ፣ ንስኻ ጽናሕ ካብ እትብለኒ ጀሚረ ክሳብ ሎሚ ንየማነ ጸጋም ኢለ ኣይፈልጥን’የ’ ኢሉ መለሰሉ። ብድኅሪ እዚ ቅዱስ ዮሓንስ ኣፈወርቅ ‘ለካ ኽሳብ ክንድ’ዚ ዝኣክል’የ ኣጥፊአ ዘሎኹ . . . ኺድ ዝተኣዘዝኻዮ ግበር’ በሎ። በታ ጊዜ’ቲኣ እቲ መልኣኽ ነፍሳ ካብ ሥጋኣ ፈልዩ ወሰዳ። ቅዱስ ዮሓንስ ኣፈወርቅ ኣብቲ ገዛ ምስ በጸሐ ኪበኽዩ ጸንሕዎ‘ሞ ‘ኅደግዎ ኣይትብከዩ፡ ነገሩ ካብ እግዚኣብሔር ዝኾነ እዩ’ ኢሉ ኣጸናኒዕዎም ናብ ዓዱ ተመልሰ።

ስለዚ ሥልጣነ ካህናት ዓቢይ ስለዝኾነ፡ እቲ መልኣኽ ንቅዱስ ዮሓንስ ‘ኣይትስገደለይ’ ዝበሎ፡ ንሥልጣነ ክህነት ቅዱስ ዮሓንስ ንምኽባር እዩ።

3) ዮሓንስ ብንጽሕናኡ ከም መላእኽቲ ስለ ዝኾነ

ኣብ ትምህርቲ ምሥጢር ሥላሴ ከም እንምሃሮ፡ ‘ሰብ ናይ ግብሪ ስሙ መልኣኽ ወይ ሰይጣን ይበሃል። ጽቡቕ እንተ ሠርሐ መልኣኽ ይበሃል፣ ሕማቕ እንተ ገበረ ድማ ሰይጣን ይበሃል።’ ይብል።
ስለዚ ቅዱስ ዮሓንስ ድማ በዓል ሠናይ ግብርን ንጹሕን ስለ ዝነበረ ናይ ግብሪ ስሙ መልኣኽ እዩ። በዚ ምኽንያት’ዚ ከኣ እቲ መልኣኽ “ንስኻ እውን ብንጽሕና ኸማና ናይ ምድሪ መልኣኽ ስለዝኾንካ ‘ኣይትስገደለይ’ ” በሎ።

፨ ስለዚ ቅዱሳን መላእኽቲ ‘ይገለጹ ኣይገለጹ’ ህልውናኦም ርጉጽ ስለዝኾነ ክብሮምን ቅድስናኦምን ንዘለዓለም ዝነብር እዩ። በዚ ኸኣ ኣብቲ እግዚኣብሔር ዝርከበሉ ቅዱሳን መላእኽቲ ስለዝርከቡ፡ ንእግዚአብሔር ናይ ኣምልኾ ስገደት፣ ንቅዱሳን መላእኽቲ ድማ ናይ ጸጋ ስግደት ብእምነት ክንሰግድ ይግብኣና። ዮሐ 4፡24 

   ወስብሐት ለእግዚአብሔር ወለወላዲቱ ድንግል ወለመስቀሉ ክቡር፡ አሜን!

ዘመነ ዮሐንስ 24 መጋቢት 2012 ዓ.…

April
Thursday
2
ዝክር፦ አባ መቃርስ ሊቀ ጳጳሳት፡ ወአፈድፈዱ ምክረ ላዕለ እግዚእነ። ዘቅዳሴ ምንባብ፦ ገላ. 4፡12-20 1ይ ጴጥ. 1፡21-ፍጻሜ ግብ. ሐዋ. 5፡12-16 ምስባክ፦ መዝ. 81/82 ወንጌል፦ ማቴ. 26፡1-5 ቅዳሴ፦ ዘ፫፻ት ግሩም።         *   *   *
00:00 h - 23:00 h
Ad Right

  

ዜና ኅትመት

እዋናዊ ጽሑፋት

መግለጺ ቅዱስ ሲኖዶስ

ቅዱስ ሲኖዶስ ብምኽንያት ሕማም ኮረና ቫይረስ ሓዲሽ መግለጺ ኣውጺዑ!

6ይ ሰንበት፡ ‘ገብርኄር’

  ሻዱሻይ ሰንበት ዓቢይ ጾም “ገብርኄር” ትበሃል። እዛ ሰንበት እዚኣ ‘ገብርኄር’ ዝተሰምየት፡ ማኅሌታይ ቅዱስ ያሬድ ኣብ ዝደረሶ ጾመ ድጓ፡ ብዛዕባ ቅኑዓት...

ገብር ኄር

  ኣብ ዓቢይ ጾም ኣብ ዝርከቡ ሸሞንተ ሰናብቲ እታ ሻድሸይቲ ሰንበትን ምስኣ ዘላ ሰሙን ገብርኄር ተባሂላ ትፍለጥ። ጐይታ ሠራዊት እግዚአብሔር ነዛ...

ገዳም ደብረ ጽጌ ወደብረ ድኁኃን አቡነ ዮናስ

ሀሎ አሐዱ ብእሲ በአሐቲ ሀገር እንተ ስማ ቡር ሀገረ መስቀል ዘስሙ ንዋየ እግዚእ ወስመ ብእሲቱ ኂሩተ ማርያም / ኣብ ‘ቡር...

ንግደት ኢየሩሳሌም ኣብ በዓለ ፋሲካ 2012 ዓ.ም.ግ. (2020 ዓ.ም.) ንዘይተወሰነ…

ብመሪሕነት ቅዱስ ሲኖዶስን ብማእከልነት ቤት ጽሕፈት መንበረ ፓትርያርክን ኦርቶዶክስ ተዋሕዶ ቤተ ክርስቲያን ኤርትራ ተማእኪሉ ዝካየድ ንግደት ናብ ሀገረ ቅድስት ኢየሩሳሌም፡...

ደብረ ዘይት - ነገረ ምጽአተ ክርስቶስን ኅልፈተ ዓለምን

ኣብ ዓመት ብዛዕባ ዳግማይ ምጽኣት ጐይታናን ኣምላኽናን መድኃኒናን ኢየሱስ ክርስቶስ ከምኡ’ውን ኅልፈተ ዓለም ብፍሉይ እንዝክረሉ ሠለስተ ጊዜያት ኣለዉ። እቲ ሓደ...

“ወዝንቱ ዘመድ ኢይወፅእ ዘእንበለ በጾም ወበጸሎት። /እዚ ከምዚ ዝበለ ብዘይ…

 ዘለናዮ ቅንያት፡ ናይ ጐይታናን አምላኽናን መድኃኒናን ኢየሱስ ክርስቶስ ጾም ኣብነት ብምግባር፡ ፈቃደ ሥጋና ብፈቃደ ነፍስና ኣግዚእና፡ ካብ አኃዜ ኵሉ ወብዙኀ...

ኣብ ሓፈሻዊ ኣገልግሎትን ባጀታዊ ኣሠራርሓን ዘተኮረ ጉባኤ ተኻዪዱ! 

10 መጋቢት 2012 ዓ.ም.ግ ኣብ ሓፈሻዊ ኣገልግሎትን ባጀታዊ ኣሠራርሓን ዘተኮረ ጉባኤ ብመራሕ ሥራሕ ሃገረ ስብከት ኣሥመራ ሊቀ ካህናት ዘርአ ኣስመላሽን...

ክቡር መስቀል

 ጐይታ ዓለማት ክርስቶስ፡ ዝተሰቕለሉ መስቀልምሥጢሩ ዓሚቝ’ዩ ታሪኽ እንተ ዝግንጸልእስራኤላዊ ቀሲኑ ምድረ ተስፋ ከይርኢ ኪለዓል ጀመረ ናይ ኣማሌቅ ጸብኢ

‘ይሁዳ ጠፍአ፡ ቅዱስ ማትያስ ተክአ’

ነታ እግዚአብሔር ብደሙ ዝመሥረታ ቤተ ክርስቲያን፡ ብስብከቶምን መጻሕፍቶምን፡ ብገድሎምን ትሩፋቶምን ስለዝጓሰይዋ ቅድስት ቤተ ክርስቲያን ንቅዱሳን ሓዋርያት ዓቢይ ክብሪ ትህቦም። ንኣብነት፦...

መፃጒዕ

ነዊኁካ ጊዜ፡ ምሥጢር ስኣን ምፍላጥ ካብ ሰብ ደሊኻዮ ትንሣኤ ካብ ዓራት ስኣን ሰብ ከኣ ኢልካዮ ነቲ 38 ዓመት ክርስቶስ ምሳኻ ከሎ ገሣፂ ኵሉ...

ኣብ ቤት ትምህርቲ ሥነ መለኮት ደብረ ሲና ቅድስት ሥላሴ መንፈሳዊ…

03 መጋቢት 2012 ዓ.ም. ንተማሃሮ ቤት ትምህርቲ ሥነ መለኮት ደብረ ሲና ቅድስት ሥላሴ መንፈሳዊ ኮሌጅ፡ ብደረጃ ቤተ ክርስቲያን መራኸቢ ብዙኃን...

  

latest articles

The feast of presenting the lord Christ in the temple…

On this day we celebrate the feast of presenting the lord Christ to the temple after 40 days of his...

The Fast of Nineveh - Monday 10 – 12 February…

In Eritrean Orthodox Tewahdo Church, one of the seven fasting periods is the fast of Nineveh.

Mystery of Baptism

Baptism is the sacrament given to all who believe in the Mystery of the Trinity and the Mystery of Incarnation...

Mystery of Incarnation

Mystery of Incarnation means the mystery of the descending of God the Son who is one of the Trinity from...

Mystery of the Holy Trinity

The Eritrean Orthodox tewahdo Church has Five pillars of Mysteries through which it teaches and demonstrates its basic religious belief...

Welcome to the Feast of the Nativity of Our Lord…

Glory to God. When the appointed time of salvation and the foretold prophesies came to pass, God the Son come to...

In Memory of His Holiness Abune Yacob the Second Patriarch…

His Holiness Abune Yacob, the Second Patriarch was one of the reputable leaders of the EriOTC, a shining star of...

Fast of the Prophets (Advent)

15th November (geez calander), marks the first day of the Advent Fast, a period of abstinence and penance practiced by...

FASTING

Fasting is abstinence from all things that a body needs, and one has to fast from animal products and from...

The Eritrean Orthodox Tewahdo Church (EriOTC)

In the name of the Father, and of the Son, and of the Holy Spirit, One God. “We call our...

Holy of Holies Our Lady, the virgin Mary

The word holy (kidus) in Geez denotes being special, pure and esteemed. This prefix is an attribute to denote the...

HOLY SCRIPTURES (part one)

All Scriptures are written with the inspiration of the Spirit of God or the breath of God. They are also...