ዕለተ ረቡዕ ዘሕማማት።

Apr 13, 2020

   ወንጌላውያን ማቴዎስን ማርቆስን ጽሒፎምዎ ከምዘለዉ’ ኣብዛ ዕለት እዚኣ ዝተፈጸሙ ሠለስተ ነገራት እዮም። ንሳቶም ድማ እዞም ዚስዕቡ እዮም፦

  1. ፈረሳውያንን ሊቀ ካህናትን ጸሓፍትን ንጐይታናን ኣምላኽናን መድኃኒናን ኢየሱስ ክርስቶስ ኪቐትልዎ ምኽር ቀንዮም ዚተሰማምዑላ ዕለት እያ።
  2. ጐይታና ኢየሱስ ክርስቶስ ኣብ ቤት እቲ ለምጻም ስምዖን ከሎ ማርያም ኃጥእት መጺኣ ቕዱይ ቅብኢ ኣልባስጥሮስ ቀብኣቶ። ኣብ መዓልቲ ቐብሪ ከይትቐብኦ ቐልጢፋ ስለዝተንሥአት እዩ። ታሪኽ እዛ ሰበይቲ እዚኣ ኣዝያ መልክዐኛ ነበረት። ምሉእ ሰብነታ ዘርኢ መስትያት’ውን ነበራ እሞ፣ ሓደ መዓልቲ ናብኡ ቐሪባ መልክዓ ከመይ ከምዝመስል ረኣየት። “ሞት ከሎ እሞ እዚ ኵሉ ንምንታይ እዩ፧” ብምባል “ኣብ ገሊላ ኃጢኣት ዚኃድግ ነቢይ ተንሢኡ ኣሎ ናብኡ ከይደ ደኣ ኃጢኣተይ ኅደገለይ ክብሎ” ኢላ ሓሰበት። ብግብረ ዝሙት ዝኣከበቶ ገንዘብ ነበራ እሞ ሃድኖክ ናብ ዝተባህለ ሃብታም ነጋዳይ ከይዳ፣ “ነገሥታት ዚቕብእዎ ቕዱይ ቅብኢ ሽቱ ሽጠለይ” በሎቶ። ብሠለስተ ሚእቲ (300) ዲናር ዓዲጋ ኣምጺኣ ንጐይታና ኢየሱስ ክርስቶስ ቀብኣቶ። (ስንክሳር 6 የካቲት፣ ተኣምረ ኢየሱስ) ተመልከት። (ንኣንባቢ ሓበሬታ) እዛ ማርያም እዚኣ ምስታ ኣብ ዮሐ፦13፣1 ዘላ እንተ እፍረት፣ ማርያም ኃውቲ ኣልኣዛር እያ እትበሃል። ማቴ፦26፣6, ማር፦14፣3-9, ሉቃ፦7፣36-38።
  3. እቲ ኸሓዲ ይሁዳ ንጐይታና ኢየሱስ ክርስቶስ ኣኅሊፉ ንምሃብ ካብ ጸሓፍቲ ሕግን ፈሪሳውያንን፣ ሊቃነ ካህናትን 30 ዲናር ተመዝነሉ። ሊቃነ ካህናትን ሽማግለታት ሕዝብን ኣብ ልዕሊ ጐይታናን ፈጣሪናን ኢየሱስ ክርስቶስ ናይ ሞት ውሳኔ ንምውሳን ዝተኣከብዎ ጉባኤ እዩ። ኣብዚ ጉባኤ እዚ ኣብ መብዛኅትኡ ሰዱቓውያን ክኾኑ እንከለዉ ዝተረፉ ድማ ጸሓፍቲ ሕግን ፈሪሳውያንን ነበሩ። ብሓፈሻ ኣብቲ ጉባኤ 72 ኣባላት ዝተሳተፍዎ ኾይኑ መራሒኡ ሊቀ ካህናት ቀያፋ ነበረ። ኣብዚ ዕለት እዚ ንጐይታና ኢየሱስ ክርስቶስ ኂዞም ብኸመይ ከም ዝቐትልዎ ተማኸሩ። እቲ ኸሓዲ ይሁዳ ኣብ ጸሓፍቲ ሕግን ፈሪሳውያንን ሊቃነ ካህናትን ኣብ ልዕሊ ጐይታና ንዝነበረ ጽልኢ ስለዚፈልጥ “ኣኅሊፈ ኽህበኩም’ሲ እንታይ ትህቡኒ∶” ኢሉ ኣኅሊፉ ኺህቦም ከምዝኽእል ተሰማምዐ።

    ኣስቆሮታዊ ይሁዳ ጐይታ ይምህረሉ ኣብ ዝነበረ እዋን ካብ ሕዝቢ ናብ ሐዋርያት ካብ ዚመጽእ ዝነበረ ገንዘብ ተኃዚ ነበረ። ካብቲ ዚእክቦ ሙዳየ ምጽዋት እናሰረቐ ንግላዊ ጥቕሙ የትርፍ ስለዝነበረ ብፍቕሪ ገንዘብ ይጥቃዕ ነበረ።

      ይሁዳ ፍቕሪ ገንዘብ የጥቅዖ ከምዝነበረ እቲ ኅቡእ ልማዱ ጐሊሑ ዝተራእየሉ፡ ጐይታና ኢየሱስ ክርስቶስ ኣብ ቤት እቲ ለምጻም ስምዖን ከሎ ሓንቲ ሰበይቲ ኣዝዩ ኽቡር ዝኾነ ጨና ኣብ ዝለኸየትሉ ጊዜ እዩ። እታ ሰበይቲ ጥዑም ጨና ምስ ለኸየቶ ኻብቶም ድምፂ ተቓውሞ ዘስምዑ ሰባት ሓደ ይሁዳ ነበረ፣ “እዚ ቕዱይ ጨና ተሸይጡ ንድኻታት እንተዝወሃብ ጽቡቕ ነይሩ” ብምባል ዚሃቦ ጊጉይ ሓሳብ “ፈታዊትካ ተመሲላ ልኻይ ትለኽየካ” ከም ዝበሃል፣ “ጨና ተሸይጡ ጥቕሚ ይርከቦ፣ ፈሲሱ ግና ጥቕሚ የብሉን”። ስለዚ ይሁዳ ሓላዪ ድኻታት መሲሉ ዘቕረቦ ሓሳብ ተቐባልነት ብዘይምርካቡ ዝዀረየ ንኺመስል ብቐጥታ ኸይዱ ምስ ሊቃነ ካህናት ኣኅሊፉ ንኺህቦ ብ30 ዲናር ተሰማምዐ። እዚ ታሪኽ እዚ ኣብ ሠለስቲኦም ወንጌላውያን ተጻሒፉ ንረኽቦ። ማቴ፦26፣3-16, ማር፦14፣1-11, ሉቃ፦22፣1-6።

      ይሁዳ ኣስቆሮታዊ ኸምቶም 11 ሓዋርያት ካብ ጐይታና ተማሂሩ፣ በረኸተ ኅብስት ተመጊቡ፣ ዝተፈላለዩ ተኣምራት ብዓይኑ ርእዩ፣ ብኢድ ጐይታና እግሩ ተሓፂቡ፤ ይሁዳ ግና ነዚ ዅሉ ኣይዘከሮን ኣኅሊፉ ኪህቦ ደኣ ተዋዓዓለ። “ወዲ ሰብ’ሲ ኸምቲ ብዛዕብኡ ዚተጻሕፈ ኺኸይድ እዩ ግና’ኸ እቲ ንወድ ሰብ ኣኅሊፉ ዚህቦ ሰብ ወይልኡ” ማቴ፦26፣24 ከምዝተባህለ ኻልኦት ሓዋርያት ንፍቕሪ ጐይታና ኺስዕቡ ኸለዉ፣ ንሱ ግና መርገም እዩ መሪጹ። “ገንዘብ ሱር ኵሉ ኽፍኣት እዩ” ከምዝተባህለ ሕይወት ክርስትናና ከባላሹ ስለዚኽእል፣ ኣብ ገንዘብ ዘሎና ፍቕሪ ብፍልጠት ኪኸውን ይግባእ። “ሰብ’ከ ብዘሎ ሃብቲ ዓለም ረቢሑስ ነፍሱ እንተ ኣጥፍአ እንታይ ይጠቕሞ፧” ማቴ፦ 16፣26 ዝብል ቃል ክንዝክር ይግብኣና። ከምዚ ናይ ይሁዳ ብስም ድኻታት ኣምሲልካ ንግልኻ ጥቕሚ ምውዓል ኣዝዩ ክፉእ ኃጢኣት እዩ። ሎሚ’ውን እንተኾነ እዚ ጊዜ እዚ ኣባና ኸይርከብ፣ ብገንዘብ ሃይማኖት ከይንሸይጥ ንጠንቀቕ። እቲ ሓቀኛ ክርስትያን ግና ሕይወቱ ንፍቕሪ ገንዘብ ዘይኮነስ፣ ንፍቕሪ እግዚኣብሔርን ንፍቕሪ ብጻዩን እዩ ዘኽብር።

 ወስብሐት ለእግዚአብሔር ኪያነ ዘፈጠረ ከመ ናምልኮ!

Ad Right

ዘመነ ማርቆስ 15 መስከረም 2014 ዓ.…

September
Saturday
25
ፍልሰተ ሥጋሁ ለእስጢፋኖስ፡ ወአባጴጥሮስ። ዘቅዳሴ ምንባብ መልእክታት ቈላ.1፡1-10 ያዕ. 5፡13-ፍጻሜ ግብረ ሓዋርያት ግብ. ሐዋ. 6፡7-ፍጻሜ ምስባክ መዝ. 127/128 ወንጌል ዮሐ. 15፡12-19 ቅዳሴ ቅዳሴ ዘወልደ ነጐድጓድ። * * *
00:00 h

ዜና ኅትመት

እዋናዊ ጽሑፋት

ኃይሊ ቅዱስ መስቀል ኣብ ዘመነ ኣበው።

በስመአብ ወወልድ ወመንፈስ ቅዱስ አሐዱ አምላክ ኣብ ዘመነ ኣበው’ውን እንተኾነ ናይቲ ኺመጽእ ዘለዎ ኣማናዊ መስቀል ጽላሎት ኮይኑ ብዙኅ ተኣምራት ሰሪሑ እዩ፤...

ሓድነታዊ ጉባኤ ሓድሽ ዝተመርጸ ምምሕዳር ሰበካ ጉባኤን ምእመናን ኣባላት ሰበካ…

መሪሕነት ኣባላት ሰበካ ጉባኤ መድኃኔ ዓለም ኦርቶዶክስ ተዋሕዶ ቤተ ክርቲያን ኤርትራ (ሉሳካ) ከምኡውን ምእመናን ምእመናት ነበርቲ ሃገረ ዛምብያ ብማእከልነት ቀሲስ...

ጉባኤ ማኅበር መላእ ኣብያተ ክርስቲያናት ኣፍሪቃ ኣብ ሃገረ ዛምብያ ይካየድ…

ብማኅበር መላእ ኣብያተ ክርስቲያናት ኣፍሪቃን(AACC) ብኣኣንጋድነት ቤት ምኽሪ ኣብያተ ክርስቲያናት ዛምብያ (CCZ) ተወዲቡ፡ ኣብ ዛዕባ ሕዝባዊ ዕዳን ብልሽውናን ምቁጽጻር ከምኡ’ውን...

ጉባኤ ኤፌሶን (431 ዓ.ም.) 1ይ ክፋል

ዝቐደመ ጉባኤታት ኣብ ምሥጢረ ሥላሴ ንዝተላዕለ ኑፋቄታት፣ ብፍላይ ብተመሃሮ ቤት ትምህርቲ አንጾኪያ፣  መልሲን ግቡእ መግትኢ ዝኸውን ውግዘትን ኣቐሚጡ ነበረ። ብድሕሪ...

በዓለ ሥእል ዘጼዴንያ

ብመሠረት ትምህርቲ ቅድስት ቤተ ክርስቲያን ካብ ቅዱሳት ኣሣእል ብዙኅን ዓቢይን ጥቕሚ ይርከብ። ኣብ ቅዱሳት መጻሕፍቲ ዝርከቡ ትምህርትታትን ታሪኻትን ብሥእላዊ ኣገላልጻ...

በዅሪ ጽምብል ሥነ ሥርዓት መመረቕታ ኮለጅ ነገረ መለኮት ደብረ ሲና…

ኮለጅ ነገረ መለኮት ደብረ ሲና ቅድስት ሥላሴ ዘኦርቶዶክስ ተዋሕዶ ቤተ ክርስቲያን ኤርትራ፡ ብመዓልታውን ምሸታውን መርሐ ግብር ክምህሮም ካብ ዝጸንሐ ተማሃሮ፡...

“ነቢይ ኢሳይያስ”

ነቢይ ማለት ፡ መንፈስ ትንቢት ኃዲርዎ ብዛዕባ ዚመጽእ ትንቢት ዚንበ፣ ብዛዕባ ዝኃለፈን ዚመጽእን ራእይ ዚርኢ፣ ብዛዕባ ግብረ እግዚአብሔር ኣብ ታሪኽ...

ዜና መዋዕል ካብ ልደት ክሳዕ ግብአተ መሬት መሪጌታ ባራኺ ገብረመድኅን…

በስመ አብ ወወልድ ወመንፈስ ቅዱስ አሐዱ አምላክ! “በድርየኒ ፈጸምኩ ወሃይማኖትየኒ ዐቀብኩ፡ እንከሰ ጽኑሐ ሊተ አክሊለ ጽድቅ ዘየዐሥየኒ እግዚአብሔር ይእተ ዕለተ መኰንነ...

ኣብ ቤት ማኅተም ኮከበ ጽባሕ ንልዕሊ 20 ዓመት ዝሠርሑ መሪጌታ…

ናይ ኤርትራ ኦርቶዶክስ ተዋሕዶ ቤተ ክርስቲያን ቤት ማኅተም ኮከበ ጽባሕ ማኅበረ ሓዋርያት ንልዕሊ 20 ዓመት ዝሠርሑ መሪጌታ በራኺ ገብረመድኅን ኣብ...

እንቋዕ ካብ ዘመነ ማቴዎስ ናብ ዘመነ ማርቆስ ብሰላም ኣሰጋገረናን ኣብጽሓናን!

ዝናም ብመብረቕን ድምፂ ነጐድጓድን ተዓጂቡ ንምድሪ ዘዕለቕልቐሉ ወርኀ ክረምት ኣኅሊፉ፡ ንምድሪ ብልምላሜን ጽጌያትን ኣወቂቡ፡ ናብዚ ሓዲስ ዘመን ንሰጋገረሉ ወርኀ መስከረም...

ካብ ርእሰ ዓውደ ዓመት ክሳዕ ፀአተ ክረምት

1. ካብ ዮሐንስ (መለወጢ ዘመን ) ክሳዕ ዘካርያስ (1 መስከረም ክሳዕ 8 መስከረም) ሓድሽ ዓመት ዝትክኣሉ እዋን ስለዝኾነ ኣብ ልቢ ክርስቲያን...

ቃለ ቡራኬ ርእሰ ዓውደ ዓመት 2014 ዓ.ም.

አቀድም አእኵቶቶ ለእግዚአብሔር በኢየሱስ ክርስቶስ በእንተ ኵልክሙ እስመ ተሰምዓት ሃይማኖትክሙ ውስተ ኵሉ ዓለም። (ሮሜ ፲፩፡፰)/ ኣቐዲመ ንዂልኻትኩም ብኢየሱስ ክርስቶስ ሃይማኖትኩም...

  

latest articles

Transfiguration: (Debre Tabor)

This is the day celebrated on Nehase (August) 13 G.C. in which Our Lord Jesus Christ during his ministry, manifested...

PRAYER

Prayer is a word by which man communicates with his Creator in Faith, thanking and beseeching Him for the forgiveness...

FAITH AND WORKS

Faith is “a confidence or trust in God”. Faith gives assertion to the things we hope for and explains the...

The feast of the Holy Cross - Mesekel (The Founding…

The Mesekel holiday is celebreated on Meskerem 17 (27th of September) and Megabit 10 (19th of March). The word Meskel...

The Ascension of St Mary (part two)

Moreover, Whilst John the evangelist was preaching in the country of Asia, on the sixteenth day of the month of...

The Ascension of St Mary (part one)

"At your right hand stands the queen." (Psalm 45:9)IN THE NAME OF THE FATHER AND THE SON AND THE HOLY...

The Fast of Assumption of the Virgin Mary

This fast lasts from Nehassie (August) 1 to 16. Our Lady departed on 21 of Ter (January) in 50 A.D...

“Blessed is he that considereth the poor” Ps. 41:1

In the name of the Father, and of the Son, and of the Holy Spirit, One God Amen. The basic necessities...

The Apostle Saint Paul

Saint Paul was a Jew, of the tribe of Benjamin, a Pharisee, the son of a Pharisee; and his kinsfolk...

The Apostle st. Peter

Peter was from Bethsaida, and he was a fisherman.  Our Lord chose him on the second day following that whereon...

The Fast of Wednesdays and Fridays

Every week Wednesdays and Fridays are observed as fast days except during the fifty days (between Easter and Pentecost), and...

The Fast of the Apostles

The Apostles observed this fast after they received the Holy Spirit and before they set out to proclaim the Gospel...