“ነቢይ ኢሳይያስ”

Mar 03, 2018

ነቢይ ማለት ፡ መንፈስ ትንቢት ኃዲርዎ ብዛዕባ ዚመጽእ ትንቢት ዚንበ፣ ብዛዕባ ዝኃለፈን ዚመጽእን ራእይ ዚርኢ፣ ብዛዕባ ግብረ እግዚአብሔር ኣብ ታሪኽ ዝትርኽ፣ ብዛዕባ ሕግን መንገድን ፍቕርን ጥበብን እግዚአብሔር ዝምህር፣ አፈ እግዚአብሔር ኮይኑ መልእኽቲ ዘመኃላልፍ መምህር ሰባኺ ማለት እዩ።

ኣብ መጽሓፍ ቅዱስ ‘ነቢያት’ ብኸምዚ ዚስዕብ ይፍለጡ፦

• ዓበይትን ናኣሽቱን፡
• ናይ ቃልን ናይ ጽሑፍን፡
• ሓቀኛን ናይ ሓሶትን፡
• ኣወዳትን ኣዋልድን
• . . .

ሓደ ካብ ዓበይቲ ነቢያት፡ ናይ ጽሑፍ ነቢይ፡ ሓቀኛ ነቢይ ‘ነቢይ ኢሳይያስ’ እዩ። ¬‘ኢሳይያስ’ ማለት መድኃኒት፡ ቅቡዕ እምቅብዐ ትንቢት ማለት እዩ። ከምቲ ‘ኢየሱስ፡ ኢያሱ’ ማለት መድኃኒት ዝኾነ እዩ። ናቱ መድኃኒነቱ ከምቲ መስፍን እስራኤል ኢያሱ ንሕዝቡ መሪሑ ካብ ኣማሌቃውያን ዘድኃነ ወይ ድማ ከም ጐይታና ኢየሱስ ክርስቶስ ደሙ ኣፍሲሱ ኣብ መስቀል ተሰቒሉ ዘድኃነ ኣይኮነን። መድኃኒትነት ናይ ኢሳይያስ ብትንቢቱን ትምህርቱን ንሕዝቢ ከምዘድኅን ፈሊጦም ዘውፅእሉ ስም እዩ። ትውልዱ ካብ ነገደ ስምዖን ኮይኑ ኣቦኡ ኣሞጽ፡ ኣደኡ ከኣ ሶፍያ ይበሃሉ። ‘ኢሳይያስ’ ብዝብል ስም ኣብ መጽሓፍ ቅዱስ ካብ ዝተጠቕሱ ንኽፍለ ወዲ ኣሞጽ ይበሃል። ዕዝ. 8፡7 ፣ ነህ 11፡7።
ነቢይ ኢሳይያስ፥ ኣብቶም ኣብ ምድረ ይሁዳ ዝነገሡ ኃሙሽተ ነገሥታት ዘመን ማለት ኣብ ዘመነ ዖዝያን፡ ኢዮኣታም፡ ኣካዝ፡ ሕዝቅያስን ምናሴን ትንቢት ዝተነበየ፡ ቃለ እግዚአብሔር ዝመሃረ ነቢይ እዩ።

• ሊቀ ካህናት ኣዛርያስ ኣብ ዝነበረሉ እዋን፡ ንጉሥ ዖዝያን እንከይተገብኦ ልብሰ ተክህኖ ለቢሱ ክዓጥን ኣብ ቤተ መቅደስ ኣተወ። ክዓጥን ከሎ እቲ ትኪ ኣብ ግምባሩ ወፅኦ። ኣብ ክንዳኡ ኸኣ ወዱ ኢዮኣታም ነገሠ። ኣብ ዘመኑ ዝነበረ ነቢይ ኢሳይያስ ፈሪሁ ስለ ዘይገሠፆ ለምፂ ወፂእዎ ሃብተ ትንቢት ተወሲድዎ ሠለስተ ዓመትን መንፈቕን ዝኣክል ተኸልኸለ። ነቢይ ኢሳይያስ ብፍጹም ንስሓ፡ ብጾምን ጸሎትን ተወሲኑ ነበረ። ንስሓኡ ከም ዝተቐበለሉ ንኸፍልጦ ከኣ፡ በታ ንጉሥ ዖዝያን ዝሞተላ ዓመት ጐይታ ኣብ መንበረ ጸባዖት ኮይኑ ኪሩቤል ዙፋኑ ተሸኪሞም፡ ሱራፌል ‘ቅዱስ ቅዱስ ቅዱስ እግዚአብሔር” እናበሉ እናመስገንዎ ተገልጸሉ። (ኢሳ. 6፡1-8) ከድኅኖ ስለዝደለየ ድማ ናብ ሕዝበይ እስራኤል መን ክልእኽ እየ፧ በሎ። ነቢይ ኢሳይያስ ድማ “ኣነ ከንፈረይ ዝርኹስ ሰብ እየ። ለምፂ ወፂኡኒ ሃብተ ትንቢት ተወሲዱኒ እምበር ምተላኣኽኩ ነይረ ኣይፈርህን እየ” በለ። ንመልኣኽ ‘ካብ ዓለመ መላእክት ፍሕሚ ብጕጤት ወሲድካ ኣልክፎ’ በሎ። ድኅሪ’ዚ ንኢሳይያስ ለምፁ ርኂቕሉ ሀብተ ትንቢቱ ተመሊሱሉ እንደገና መሃረ። (ኢሳ. 6፡8-10)

• ኣብ ዘመነ ንጉሥ ኣካዝ፡ ሠራዊት ሶርያን ሰማርያን ናብ ይሁዳ ዘመቱ። በዚ ጊዜ’ዚ ነቢይ ኢሳይያስ ንንጉሥ ኣካዝ ብእግዚአብሔር ኣምላኽ ክኣምን ደኣ እምበር ከይፈርሕ ነገሮ። ንጉሥ ኣካዝ ግና ኣብ ክንዲ ኣብ እግዚአብሔር ኣምላኽ ዝውከል ኣብ ሰብ ይውከል ከምዘሎ ገሊጹ ተዛረቦ። (ኢሳ. 7፡1-17 ፣ 8፡1-14 ፣ 2ይ ዜና 28፡16-21)

• ኣብ ዘመነ ንጉሥ ሕዝቅያስ ከኣ ነቢይ ኢሳይያስ እቶም ንኢየሩሳሌም ከቢቦም ዝነበሩ ኣሶራውያን ምስ ንጉሦም ሰናክሬም ከምዝሰዓሩ ተነበየ። በዚ ኸኣ ካብ እግዚአብሔር ብዝተላእከ መልኣኽ ቅዱስ ሚካኤል 185,000 ሠራዊት ብሓንቲ ለይቲ ተቐዝፉ። ድኅሪ ጊዜ ነቢይ ኢሳይያስ ናብቲ ሓሚሙ ንሞት ተቓሪቡ ዝነበረ ንጉሥ ሕዝቅያስ መጺኡ “እግዚአብሔር ክትመውት እምበር ኣይክትሓውን ኢኻ እሞ ቤትካ ኣናብር ይብለካ ኣሎ” በሎ። ንጉሥ ሕዝቅያስ፡ መሪር ብኽያት ኣሰንዩ ናብ እግዚአብሔር ለመነ። ሽዑ እግዚአብሔር ንኢሳይያስ “ጸሎትካ ሰሚዐ ንብዓትካ’ውን ርእየ እየ’ሞ ኣብ ዕድመኻ ዓሰርተው ኃሙሽተ ዓመት ወሲኸልካ ኣለኹ። . . . ኢልካ ንገሮ” በሎ እሞ ከይዱ ንንጉሥ ሕዝቅያስ ነገሮ። (ኢሳ. 36 ፣ 2ይ ነገ. 18፡19 ፣ 2ይ ዜና 32፡ 16-21)

• ወዲ ንጉሥ ሕዝቅያስ ዝኾነ ንጉሥ ምናሴ ኣብ ዘመኑ ጣዖት ኣቒሙ ብምምላኹ ነቢይ ኢሳይያስ ካብዚ ክፉእ ግብሩ ክምለስ ገሠፆ። ኣብ ልዕሊኡ’ውን ተነበየ። በዚ ምኽንያት ከኣ ንጉሥ ምናሴ ተቘጢዑ ብመጋዝ ክቝረጽ ኣዘዘ። በዚ ድማ ኣብ 85 ዓመት ዕድሜኡ፡ ብዕለት 6 መስከረም ብመጋዝ ተቘሪጹ ሞተ።

መጽሓፍ ትንቢተ ኢሳይያስ

ነቢይ ኢሳይያስ ዝጸሓፎ መጽሓፍ ትንቢተ ኢሳይያስ ይበሃል። ምስ 46 መጻሕፍተ ነቢያት ዝቝጸር ሓደ ካብ 81 መጽሓፍ ቅዱስ እዩ።
እዚ መጽሓፍ’ዚ ብሻምናይ ዘመን ቅድመ ልደተ ክርስቶስ ኣብ ምድረ ይሁዳ ዝተጻሕፈ እዩ። 66 ምዕራፋትን 1292 ቍጽርታትን ኣለዎ።

ኣከፋፍላ ትንቢተ ኢሳይያስ፦
1. እግዚአብሔር ቅዱስ ከም ምዃኑ፣ ነቶም ዓመጽቲ ከምዝፈርዶም (1-39)
1.1 ብዛዕባ ኢየሩሳሌም ይሁዳን ኣሶራውያንን (1-12)
1.2 ብዛዕባ ኣሕዛብ (13-28)
1.3 ዕላማን ፍርድን እግዚእብሔር ከምኡ’ውን ብዛዕባ ምምላስ ጽዮን (24-35)
1.4 ጸሎት ሕዝቅያስን ስዕረት ኣሶራውያንን (36-39)
2. ምርኮ ባቢሎንን ምምላሶምን ምጽንናዖምን (40-55)
3. ብዛዕባ ዘለዓለማዊ ክብሪ ጽዮንን ሓጐስ ሕዝበ እግዚአብሔርን (56-66)

• ኣብዚ መጽሓፍ’ዚ ብዛዕባ ይሁዳን ከባቢኣን ዝተነግረ ትንቢት ብብዝኂ እኳ እንተሎ ብቀንዱ ግና ብዛዕባ ሓዲስ ኪዳን፡ ብዛዕባ ጐይታናን መድኃኒናን ኢየሱስ ክርስቶስ እዩ። በዚ ኸኣ ነቢይ ኢሳይያስ ‘ደረቅ ሓዲስ’ ፡ ‘ወንጌላዊ ነቢይ’ እናተባህለ ይጽዋዕ እዩ።

ብዛዕባ ጐይታናን መድኃኒናን ኢየሱስ ክርስቶስ ካብ ዝተነበዮም፦

1. ካብ ድንግል ከም ዝውለድ (ኢሳ. 7፡14፡ ማቴ 1፡23)
2. መንግሥቱ ዘለዓለማዊ ምዃኑ (ኢሳ.9፡6፡ ሮሜ 9፡5)
3. መጥምቀ መለኮት ቅዱስ ዮሐንስ ቀቅድሚኡ መንገዲ ከም ዝጸርግ (ኢሳ. 40፡3-5፡ ማቴ. 3፡3)
4. ብርሃን ዓለም ምዃኑ (ኢሳ. 9፡1-2፡ ማቴ. 4፡14-16)
5. ናይ ባህርይ ሕይወቱ መንፈስ ቅዱስ ብህልውና ምስኡ ምዃኑ (ኢሳ. 61፡1፡ ሉቃ. 4፡17-19)
6. ፈዋሲ ምዃኑ (ኢሳ. 53፡4፡ ማቴ. 8፡16-17)
7. ፍትሒ ዘውፅእ ምዃኑ (ኢሳ. 42፡1-3፡ ማቴ. 12፡18-21)
8. እምኒ መሠረት ምዃኑ (ኢሳ. 28፡16፡ ሮሜ 9፡32-33)
9. መድኅን ኣሕዛብ ምዃኑ (ኢሳ. 65፡1-2፡ ሮሜ 10፡20)
10. ነገረ ሕማማቱ (ኢሳ. 53፡ ሉቃ. 18፡31-33፡ ዮሓ. 12፡37-38፡ ግብ. ሓዋ. 8፡32-35፡ ሮሜ 4፡24-25፡ 1ይ ጴጥ. 2፡24-25)
11. ስሌና መከራ ከም ዝቕበል (ኢሳ. 53፡1-12)
12. . . .

• እዚ መጽሓፍ’ዚ ባዕሉ ጐይታና ኢየሱስ ክርስቶስ ኣብ ቤተ ጸሎት ኣይሁድ ዘንበቦ (ኢሳ. 61፡1-2 ፣ ሉቃ. 4፡18-19)፣ እቲ ስሉብ ኢትዮጵያዊ ዘንብቦ ዝነበረ ( ኢሳ. 53፡7-8፡ ግብ. 8፡30) ፣ ብብዝኂ ወንጌላውያን ኣብ መጻሕፍቶም ዝጠቐስዎ መጽሓፍ እዩ።

ሰላም ለኢሳይያስ ነቢየ ሥርዓቱ ለዕብኖዲ።

ቅቡዐ ከናፍር ወአፍ እምአፍሐመ እሳት ነዳዲ።

እንዘ ይብል አስምዐ በእንተ ክርስቶስ የማነ ወላዲ።

ይፀነስ በከርሠ ድንግል ወይትወለድ ዓዲ።

ውስተ ግበ አርዌ ሕፃን እዴሁ ዘይወዲ።

                           በረኸት ነቢይ ኢሳይያስ ምስ ኵልና ይኹን!

                    ወስብሐት ለእግዚአብሔር ወለወላዲቱ ድንግል ወለመስቀሉ ክቡር!

ዘመነ ዮሓንስ 28 ሰኔ 2012 ዓ.ም.ግ…

July
Sunday
5
ቴዎዲስዮስ ሊቀ ጳጳሳት፡ ባስልዮስ፡ ወቢፋሞን፡ ወባሊድስ፡ ወኮቶሎስ፡ ወአርዶሚስ።                   ዘቅዳሴ ምንባብ መልእክታት፦ 1ይ ቆሮ. 14፡6-13 1ይ ጴጥ. 4፡14-ፍጻሜ። ግብ. ሐዋ. 7፡1-8 ምስባክ፦ መዝ. 36/37 ወንጌል፦ ማቴ. 13፡10-23 ቅዳሴ፦ ዘባስልዮስ።        * * *
00:00 h
Ad Right

ዜና ኅትመት

እዋናዊ ጽሑፋት

“ብኃጢኣት ሕዝበይ እየ ኣብ ኢድኩም ኣውዲቐያ!”

ገቢረ ተአምራት ወላዲተ ኣምላክ ድንግል ማርያም፡ ተነጊሩ ዘይጽገብ ተጻሒፉ ዘይፍጸም እዩ። ካብ ፅንሰታ ዝጀመረ ገቢረ ተአምራት ክሳዕ ምጽኣተ ክርስቶስ በቲ...

"ወያስተዴሉ ክረምተ ለምድር/ ንምድሪ ዝናም የዝንመላ” “መዝ. ፻፵፮፥፰/147፡8

ቅድስት ቤተ ክርስቲያንና፡ ንዓመት ኣብ ኣርባዕተ ወቕትታት ማለት ዘመነ መፀው፡ ዘመነ ሓጋይ፡ ዘመነ ፀደይ ከምኡ ውን ዘመነ ክረምት ብምባል ትኸፍሎ። 

እንቋዕ ናብ ዘመነ ክረምት ብሰላም ኣብጽሓና!

ዘመነ ክረምት  ካብ 26 ሰኔ ክሳዕ 25 መስከረም ዘሎ ወቅቲ ጊዜ ክረምቲ እዩ። ሰማይ ብደመና ተሸፊኑ፡ ዝናም ብመብረቕን ድምፂ ነጐድጓድን ተዓጂቡ ንምድሪ...

“ብፁዕ ዘይሌቡ ላዕለ ነዳይ ወምስኪን/ ንድኻ ዝሓልየሉ ሰብ ብፁዕ እዩ”(መዝ…

ንሕይወተ ሥጋ ኣድለይቲ ዝኾኑ ነገራት ማይ፡ እንጌራ፡ ክዳን፡ መኅደሪ ቤት እዮም። (ሢራ. 29፡21) ብቐዳምነት ነዚኦም ዘይረኸቡን ዘይብሎምን ሰባት “ጽጉማት” ይበሃሉ። ብተወሳኺ’ውን...

ገዳም ደብረ ሲና

ገዳም ደብረ ሲና፡ ኣብ ዞባ ዓንሰባ ንኡስ ዞባ ዒላበርዕድ ከባቢ መንሳዕ፡ ካብ ዒላበርዕድ ንሸነኽ ምሥራቕ ብእግሪ ናይ ክልተ ሰዓትን ፈረቓን...

ክብረ በዓል ሕንፀተ ቤታ ወቅዳሴ ቤታ

20 ሰኔ ሕንፀተ ቤታ ከምኡ'ውን 21 ሰኔ ቅዳሴ ቤታ እናተባህለ ዝኽበር በዓል እዩ። እዚ ኸኣ ክብረ በዓል ናይታ ንመጀመርታ ጊዜ...

ቤተ ክርስቲያን - ቤተ ቅድስና ቤተ በረከት

ሥርዓተ ኣምልኾ ዝፍጸመሉ፣ ስብሐታትን ውዳሴያትን ዝበጽሓሉ፡ ቅዱስ ሥጋኡን ክቡር ደሙን ዝዳለወሉ፡ ነገረ ሃይማኖትን ሥርዓትን ትውፊትን ዝንገረሉ ቅዱስ ቦታ (ሕንፃ) ቤተ...

ኣባ ገሪማ

ስም ኣቡኡ ንጉሠ ሮማ መስፍያኖስ ስም ኣደኡ ሰፍኖግያ፡ ኣደኡ መካን ስለዝነበረት ናብ ቅድስት ድንግል ማርያም ምስ ለመነት እግዚአብሔር ነዚ ብሩክ...

“ፍቅረ ብጻይ ክሳዕ ሞት” - ኣባ ለትጹን

ኣብ ሃገረ ብሕንሳ ዝተወልደ፡ ሓደ ካብ ዓበይቲ ቅዱሳን ኣበው ናይ ፍቕሪ ኣቦ ‘ኣባ ለትጹን’ እዩ። ቅድሚ ምንኵስናኡ፡ ኣብ ዕድመ ጉብዝናኡ፡...

ዝክረ ዕለተ ሰማዕታተ ኤርትራ ብጸሎተ ፍትሓት ተዘኪሩ!

ኣብ ሥጋዊ ሕይወት ኮነ መንፈሳዊ ሕይወት ቀይሕ ደም ከይፈሰሰ ፃዕዳ ዓፅሚ ከይተኸስከሰ ብዘይ መሥዋዕቲ ናፅነት ኣይርከብን’ዩ። ሃገርካ ክወርር፡ ሕዝብካ ከሕስር፡...

ወስእነ አርምሞ (ስቅ ምባል ስኣነ)

ኣብ ‘ድርሳነ ቅዱስ ገብርኤል’ ብዛዕባ ኣውር ዝስሙ ግብጻዊ ሰብኣይን ረድኤት ቅዱስ ገብርኤል መልኣኽን ብኸምዚ ዝስዕብ ተገሊጹ ኣሎ። ኣውር፡ ካብ ዝተወልደሉ...

ጥቕሚ’ቲ ጎዳኢ

ደመና ኃጢኣትና ኣብ ልዕሌና ከቢዱ ሰርቢ ቁጥዓ ኣምላኽና ናብ ምድሪ ወሪዱ ዕፀ በለስ ኣበሳና ምስ ፈረየ ብግህዶ ኣፍደገ ሲኦል ተራሕዩ ነፍሳት ክእንገዶ።

  

latest articles

The Fast of Wednesdays and Fridays

Every week Wednesdays and Fridays are observed as fast days except during the fifty days (between Easter and Pentecost), and...

The Fast of the Apostles

The Apostles observed this fast after they received the Holy Spirit and before they set out to proclaim the Gospel...

The feast Of Pentecost

IN THE NAME OF THE FATHER AND THE SON AND THE HOLY SPIRIT, ONE GOD. On this day the Holy...

Ascension

After the Lord Jesus Christ had finished the operation of His wisdom upon earth, by His Passion, and His Death...

Tsinset (Annunciation – Feast of Incarnation)

In accordance with the cannon of the Church, one of the nine major feast days of Our Lord. it Tsinset (Annunciation...

The feast of presenting the lord Christ in the temple…

On this day we celebrate the feast of presenting the lord Christ to the temple after 40 days of his...

The Fast of Nineveh - Monday 10 – 12 February…

In Eritrean Orthodox Tewahdo Church, one of the seven fasting periods is the fast of Nineveh.

Mystery of Baptism

Baptism is the sacrament given to all who believe in the Mystery of the Trinity and the Mystery of Incarnation...

Mystery of Incarnation

Mystery of Incarnation means the mystery of the descending of God the Son who is one of the Trinity from...

Mystery of the Holy Trinity

The Eritrean Orthodox tewahdo Church has Five pillars of Mysteries through which it teaches and demonstrates its basic religious belief...

Welcome to the Feast of the Nativity of Our Lord…

Glory to God. When the appointed time of salvation and the foretold prophesies came to pass, God the Son come to...

In Memory of His Holiness Abune Yacob the Second Patriarch…

His Holiness Abune Yacob, the Second Patriarch was one of the reputable leaders of the EriOTC, a shining star of...