“ሰማዕት ቅዱስ ፒሉፓዴር መርቆሬዎስ”

Dec 04, 2019

ፒሉፓዴር ማለት ፈታዊ ኣቦ ማለት እዩ፡ ብኻልኣይ ትርጕሙ ከኣ ኣገልጋሊ ኢየሱስ ክርስቶስ ከምኡ’ውን መርቆሬዎስ ማለት እዩ። ስመ ክርስትና ናይ ኣቦኡ ‘ኖኅ’ ኮይኑ፡ ስመ ኣደኡ ድማ ‘ታቦት’ እዩ። ሃገሩ ኣስሊጥ ኪኸውን ከሎ፡ ዚዓበየሉ ግና ሃገረ ሮሜ እዩ።

ቅድሚ ልደት መርቆሬዎስ፡ ኣቦኡን ኣበሓጉኡን ሃዳኖ ስለዝነበሩ ከም ልማዶም ንሃደን ምስ ወፅኡ ካብ ወገን ገጸ ከለባት ተራኸብዎም እሞ ንኣባ ሓጎ መርቆሬዎስ በልዕዎ። ቀጺሎም ንኣቦ መርቆሬዎስ ክበልዕዎ እናተዳለዉ ግና መልኣከ እግዚአብሔር ተገሊጹ “ካብኡ ዚወፅእ ምሩጽ ፍረ ስለዘሎ ኣይትተንክፍዎ” ብምባል ገሠፆም።

ድኅሪኡ ቅዱስ መርቆሬዎስ ተወልደ። ስሙ ከኣ ፒሉፓዴር በልዎ። በቲ ጊዜ’ቲ ዝነብረ ንጉሥ ንኖኅ ሓለቓ ሠራዊት ሸይሙ ናብ ኲናት ከም ዝኸትት ገበሮ።

እንተኾነ ‘ኣብ ኲናት ኖኅ ሞይቱ’ዩ’ ዝብል ወረ ምስ ሰምዐ፡ ንኣደ መርቆሬዎስ ወሲዱ ሰበይቱ ክገብራ ሓሰበ። ነዚ ነገር’ዚ ዝሰምዐ ሓደ ካብ ወተሃደራት ግና ተሓቢኡ ከይዱ ንኣደ መርቆርዮስ ብምንጋር ኃቢኡ ካብቲ ዓዲ ምስ ወዳ ኣውፅኣ። እቲ ወረ ሓሶት ኮይኑ ኣቦ መርቆሬዎስ ኖኅ ምስ ተመልሰ ሰበይቱን ወዱን ኣይረኸቦምን።

ኣይጸንሐን ደጊሙ ኲናት ኣብ ዝተላዕለሉ ኣቦ መርቆሬዎስ ከተተ እሞ ተማሪኹ ናብ ንጉሥ ሮም ተወስደ። ንጉሥ ሮም ክርስቲያን ብምንባሩ፡ እምነተ ክርስትና ኖኅ ርእዩ ኣይቀተሎን። እኳ ደኣ ኣዝዩ ስለዝፈተዎ ኣብ ሃገራት መርዶሳውያን ገዛኢ ጌሩ ሸሞ። በዚ ምኽንያት እዚ ከኣ ሰበይቱን ወዱ መርቆሬዎስን ኣብ ዘለውዎ ሃገር በጽሐ። ኣብ ቤተ ክርስቲያን፡ ሰበይቱ ምስ ረኣየቶ ኣለለየቶ፣ ንሱ ግና ብሰንኪ ስደት ተበላሽያ ብምንባራ ኣየለለያን።

ሓደ መዓልቲ ንወዳ ጽቡቕ ክዳውንቲ ከዲና ኣብቲ ናይ ኣቦኡ ፈረስ ኣወጣሓቶ፡ እቶም ኣገልገልቲ መኰንን ከይፈለጡ ኂዞም ናብ መኰንን ኣቦኡ ኣቕረብዎ። ኣቦኡ በቲ ዝኾነ ኣዚዩ እናተቘጥዐ ከሎ ደድኅሪኦም ስዒባ ሰበይቱ “ኦ መኰንን ንሕና ስደተኛታት ኢና ንስኻ’ውን ከማና ካብ ካልእ ሃገር ዝመጻእኻ ምዃንካ ምስ ፈለጥኩ ወደይ ከም ወድኻ ምሳኻ ክኸውን ሓሰብኩ” በለቶ። ንሱ ኸኣ ኵሉ ነገር ምስ መርመረ ሰበይቱ ከምዝኾነት ኣረጋገጸ። በዚ ኸኣ ኣዝዮም ተሓጕሶም ብኃባር ንእግዚአብሔር ኣመስገኑ።

ኣቦ መርቆሬዎስ ምስ ሞተ፡ ንጉሥ ንወዱ መርቆሬዎስ ኣብ ግዝኣት ኣቦኡ ሸሞ። ኣብቲ መምለኺ ጣዖት ዳኬዎስ ዝተባህለ ንጉሥ ኣብ ሮም ዝነገሠሉ እዋን፡ ናይ በርበር ሰባት ኪዋጋእዎ ተላዕሉ። ብዝኆም ከም ሑፃ ባሕሪ ስለዝነበሩ ኣዝዩ ፈርሀ።

ቅዱስ መርቆሬዎስ “ኣጆኻ እግዚአብሔር ከጥፍኦም፡ ኣብ ኢድና’ውን ከውድቆም እዩ” በሎ። ከምቲ ዝበሎ ኣብቲ ኲናት መልኣከ እግዚአብሔር ብኣምሳል ሰብኣይ ተገሊጹ ንቅዱስ መርቆሬዎስ ኣብ ርእሲ ናቱ ወተሃደራዊ ሰይፉ ኣምላካዊ ኃይሊ ዘለዋ ሰይፊ ሃቦ እሞ “ንጸላእትኻ ምስ ሰዓርካ ንእግዚአብሔር ኣምላኽካ ዘክሮ” በሎ። ብድኅር እዚ ንጸላእቶም ስዒሮም ኣዝዮም ተሓጐሱ። መልኣከ እግዚአብሔር ዳግም ተገሊጹ ስመ ፈጣሪኡ ከይርስዕ ነገሮ።

ንጉሥ ዳኬዎስ ንጣዖት ዕጣን ብምዕራግ በዓል ኪገብር ደለየ። ቅዱስ መርቆሬዎስ ግና ናብኡ ኣይከደን። እዚ ነገር’ዚ ከኣ ንዳኬዎስ ነገርዎ። ዳኬዎስ ንመርቆሬዎስ ኣጸዊዑ “ንኣማልኽቲ ጣዖታት፡ ዕጣን ከተዕርግ ምሳይ ዘይመጽእካ እንታይ ዄንካ ኢኻ፧” ብምባል ሓተቶ። ኣብዚ ጊዜ’ዚ ቅዱስ መርቆሬዎስ ዕጥቁን ወተሃደራዊ ክዳኑን ደርብዩ “ አንሰ ኢይክሕዶ ለእግዚእየ ኢየሱስ ክርስቶስ ሎቱ ስብሐት/ ምስጋና ይብጽሓዮ እሞ ንጐይታይ ኢየሱስ ክርስቶስ ኣነ ኣይኽሕዶን እየ። ነዞም ርኹሳት ጣዖታትካ ኣይሰግድን እየ” በሎ።

ንጉሥ ዳኬዎስ ተቘጢዑ፡ ብኣባትር ሓፂንን ብቘርበት ኩርማጅን ክኽትክትዎ ኣዘዘ። ብምኽንያት ቅዱስ መርቆሬዎስ ሕዝቢ ከይለዓልዎ ስለዝፈርሐ ድማ ናብ ቂሳርያ ብሰንሰለት ኣሲሩ ለኣኾ። ኣብዚ ዓዲ’ዚ ኸኣ ብትእዛዝ ንጉሥ ዳሴዎስ ክሳዱ ተሰይፉ፡ ዕለት 25 ኅዳር ብሰማዕትነት ገድሉ ፈጸመ።

ሰማዕት ቅዱስ መርቆሬዎስ ድኅሪ ዕረፍቱ ብዙኅ ተኣምራት ገይሩን ይገብርን ኣሎ። ኣብ መጽሓፈ ስንክሳር ዝተጻሕፈን ብቃል ዝንገርን ዝምስከርን ብዙኅ እኳ እንተኾነ ንሓደ ካብ ተኣምራቱ ኽንጠቅስ፦

ዑልያኖስ ምስ ነገሠ ንእግዚአብሔር ክሒዱ ንጣዖት ኣምለኸ። ኣብ ልዕሊ ሕዝበ ክርስቲያን ድማ መከራ ኣውረደ። ኣብ ዘመኑ ናይ ቂሳርያ ሊቀ ጳጳሳት ዝነበረ ቅዱስ ባስልዮስ፡ ንዑልያኖስ ካብ ክሕደቱ ኪመልሶ ናብኡ ከደ።

ዑልያኖስ ንቅዱስ ባስልዮስ ምስ ረኣዮ፡ ስም ጐይታናን ኣምላኽናን ኢየሱስ ክርስቶስ ጸረፈ። ንቅዱስ ባስልዮስ’ውን ኣብ ቤት ማእሰርቲ ኣእተዎ። እቶም ምእመናንን ምእመናትን ብጸሎት ሰማዕት ቅዱስ መርቆሬዎስ ተወኪሎም ናብ እግዚአብሔር ኣመልከቱ። ፈቃደ እግዚአብሔር ኮይኑ ቅዱስ መርቆሬዎስ ኣብ ፈረሱ ተወጢሑ ብዅናት ወጊኡ ንከሓዲ ዑልያኖስ ቀተሎ። ነዚ ኵሉ ዝተፈጸመ ቅዱስ ባስልዮስ ኣብ ቤት ማእሰርቲ ኮይኑ ኣብ ሥእሊ ቅዱስ መርቆሬዎስ ሰማዕት ረኣዮ። በዚ ነገር’ዚ ቅዱስ ባስልዮስ እናተደነቐ ከሎ፡ እቶም ናይ ቅዱስ መርቆሬዎስ ሰይፍን ኲናትን ደም እናኣጠብጠቡ ናብ ቦታኦም ተመልሱ። ካብቲ ሥእሊ’ውን ደም የንጠብጥብ ነበረ። ብድኅር’ዚ ቅዱስ ባስልዮስ፦ “ኦ ናይ ክርስቶስ መስካሪ ዝኾንካ ቅዱስ መርቆሬዎስ ነቲ ክፉእ ጸላኢ ዝኾነ ዑልያኖስ ቀቲልካዮ’ዶ መጺእካ፧” በሎ። ቅዱስ መርቆሬዎስ ድማ ‘እወ’ ንኽብል ካብቲ ሥእሉ ርእሱ ኣድነነ። በዚ ኸኣ ቅዱስ ባስልዮስ እምብዛ ተሓጐሰ፡ ኵሎም ሕዝበ ክርስቲያን ድማ ንእግዚአብሔር ኣመስገንዎ።

ናይ ሰማዕት ቅዱስ መርቆሬዎስ በረከተ ጸሎት ምስ ኵልና ሕዝበ ክርስቲያን ይኹን፡ ኣሜን!

ወስብሐት ለእግዚአብሔር ወለወላዲቱ ድንግል ወለመስቀሉ ክቡር!

ዘመነ ዮሓንስ 1 ነሐሴ 2012 ዓ.ም.ግ…

July
Wednesday
8
ዝክር፦ ቅፍሮንያ፡ ወክልዮስ፡ ወበዮክ፡ ወብንያሚን፡ ወአግናጥዮስ፡ ወቶማስ። ዘቅዳሴምንባብ መልእክታት፦ 1ይጢሞ. 5፡1-17 1ይጴጥ. 3፡1-6 ግብ. ሐዋ. 9፡36-ፍጻሜ ምስባክ፦ መዝ. 18/19 ወንጌል፦ ማቴ. 14፡1-7 ቅዳሴ፦ ዘኤጲፋንዮስ። * * *
00:00 h

ዜና ኅትመት

እዋናዊ ጽሑፋት

አሥርቆት ዘወርኀ ሐምሌ

ዮም ሠረቀ ለነ ወርኀ ቡሩክ ሐምሌ ያብጽሐነ እስከ ወርኀ ነሐሴ በሰላመ እግዚአብሔር! ወርኀ ሐምሌ ቡሩክ መዓልቱ ፲ወ፬ቱ ሰዓት ወሌሊቱኒ ፲ቱ...

ገዳም ቅዱስ ዮሓንስ መጥምቅ ቴድረር

ገዳም ቅዱስ ዮሓንስ መጥምቅ ቴድረር ኣብ ዞባ ደቡብ ንኡስ ዞባ ደቀምሓረ፡ ካብ ከተማ ደቀምሓረ ንደቡብ 25 ኪሎ ሜትር ኣብ ከባቢ...

“ብኃጢኣት ሕዝበይ እየ ኣብ ኢድኩም ኣውዲቐያ!”

ገቢረ ተአምራት ወላዲተ ኣምላክ ድንግል ማርያም፡ ተነጊሩ ዘይጽገብ ተጻሒፉ ዘይፍጸም እዩ። ካብ ፅንሰታ ዝጀመረ ገቢረ ተአምራት ክሳዕ ምጽኣተ ክርስቶስ በቲ...

"ወያስተዴሉ ክረምተ ለምድር/ ንምድሪ ዝናም የዝንመላ” “መዝ. ፻፵፮፥፰/147፡8

ቅድስት ቤተ ክርስቲያንና፡ ንዓመት ኣብ ኣርባዕተ ወቕትታት ማለት ዘመነ መፀው፡ ዘመነ ሓጋይ፡ ዘመነ ፀደይ ከምኡ ውን ዘመነ ክረምት ብምባል ትኸፍሎ። 

እንቋዕ ናብ ዘመነ ክረምት ብሰላም ኣብጽሓና!

ዘመነ ክረምት  ካብ 26 ሰኔ ክሳዕ 25 መስከረም ዘሎ ወቅቲ ጊዜ ክረምቲ እዩ። ሰማይ ብደመና ተሸፊኑ፡ ዝናም ብመብረቕን ድምፂ ነጐድጓድን ተዓጂቡ ንምድሪ...

“ብፁዕ ዘይሌቡ ላዕለ ነዳይ ወምስኪን/ ንድኻ ዝሓልየሉ ሰብ ብፁዕ እዩ”(መዝ…

ንሕይወተ ሥጋ ኣድለይቲ ዝኾኑ ነገራት ማይ፡ እንጌራ፡ ክዳን፡ መኅደሪ ቤት እዮም። (ሢራ. 29፡21) ብቐዳምነት ነዚኦም ዘይረኸቡን ዘይብሎምን ሰባት “ጽጉማት” ይበሃሉ። ብተወሳኺ’ውን...

ገዳም ደብረ ሲና

ገዳም ደብረ ሲና፡ ኣብ ዞባ ዓንሰባ ንኡስ ዞባ ዒላበርዕድ ከባቢ መንሳዕ፡ ካብ ዒላበርዕድ ንሸነኽ ምሥራቕ ብእግሪ ናይ ክልተ ሰዓትን ፈረቓን...

ክብረ በዓል ሕንፀተ ቤታ ወቅዳሴ ቤታ

20 ሰኔ ሕንፀተ ቤታ ከምኡ'ውን 21 ሰኔ ቅዳሴ ቤታ እናተባህለ ዝኽበር በዓል እዩ። እዚ ኸኣ ክብረ በዓል ናይታ ንመጀመርታ ጊዜ...

ቤተ ክርስቲያን - ቤተ ቅድስና ቤተ በረከት

ሥርዓተ ኣምልኾ ዝፍጸመሉ፣ ስብሐታትን ውዳሴያትን ዝበጽሓሉ፡ ቅዱስ ሥጋኡን ክቡር ደሙን ዝዳለወሉ፡ ነገረ ሃይማኖትን ሥርዓትን ትውፊትን ዝንገረሉ ቅዱስ ቦታ (ሕንፃ) ቤተ...

ኣባ ገሪማ

ስም ኣቡኡ ንጉሠ ሮማ መስፍያኖስ ስም ኣደኡ ሰፍኖግያ፡ ኣደኡ መካን ስለዝነበረት ናብ ቅድስት ድንግል ማርያም ምስ ለመነት እግዚአብሔር ነዚ ብሩክ...

“ፍቅረ ብጻይ ክሳዕ ሞት” - ኣባ ለትጹን

ኣብ ሃገረ ብሕንሳ ዝተወልደ፡ ሓደ ካብ ዓበይቲ ቅዱሳን ኣበው ናይ ፍቕሪ ኣቦ ‘ኣባ ለትጹን’ እዩ። ቅድሚ ምንኵስናኡ፡ ኣብ ዕድመ ጉብዝናኡ፡...

ዝክረ ዕለተ ሰማዕታተ ኤርትራ ብጸሎተ ፍትሓት ተዘኪሩ!

ኣብ ሥጋዊ ሕይወት ኮነ መንፈሳዊ ሕይወት ቀይሕ ደም ከይፈሰሰ ፃዕዳ ዓፅሚ ከይተኸስከሰ ብዘይ መሥዋዕቲ ናፅነት ኣይርከብን’ዩ። ሃገርካ ክወርር፡ ሕዝብካ ከሕስር፡...

  

latest articles

The Fast of Wednesdays and Fridays

Every week Wednesdays and Fridays are observed as fast days except during the fifty days (between Easter and Pentecost), and...

The Fast of the Apostles

The Apostles observed this fast after they received the Holy Spirit and before they set out to proclaim the Gospel...

The feast Of Pentecost

IN THE NAME OF THE FATHER AND THE SON AND THE HOLY SPIRIT, ONE GOD. On this day the Holy...

Ascension

After the Lord Jesus Christ had finished the operation of His wisdom upon earth, by His Passion, and His Death...

Tsinset (Annunciation – Feast of Incarnation)

In accordance with the cannon of the Church, one of the nine major feast days of Our Lord. it Tsinset (Annunciation...

The feast of presenting the lord Christ in the temple…

On this day we celebrate the feast of presenting the lord Christ to the temple after 40 days of his...

The Fast of Nineveh - Monday 10 – 12 February…

In Eritrean Orthodox Tewahdo Church, one of the seven fasting periods is the fast of Nineveh.

Mystery of Baptism

Baptism is the sacrament given to all who believe in the Mystery of the Trinity and the Mystery of Incarnation...

Mystery of Incarnation

Mystery of Incarnation means the mystery of the descending of God the Son who is one of the Trinity from...

Mystery of the Holy Trinity

The Eritrean Orthodox tewahdo Church has Five pillars of Mysteries through which it teaches and demonstrates its basic religious belief...

Welcome to the Feast of the Nativity of Our Lord…

Glory to God. When the appointed time of salvation and the foretold prophesies came to pass, God the Son come to...

In Memory of His Holiness Abune Yacob the Second Patriarch…

His Holiness Abune Yacob, the Second Patriarch was one of the reputable leaders of the EriOTC, a shining star of...