ቅዱስ ጴጥሮስ ተፍጻሜተ ሰማዕት

Dec 07, 2019

ቅዱስ ጴጥሮስ ተፍጻሜተ ሰማዕት ካብቶም ፍርሃት እግዚአብሔር ዝነበሮም፡ውላድ ግና ዘይነበሮም ሊቀ ካህናት ቴዎድሮስን ቅድስት ሶፍያን ኣብ ሃገረ ግብጽ ተወሊዱ።

ኣብ በዓል ጴጥሮስ ወጳውሎስ (5 ሓምለ)፡ ኣደኡ ቅድስት ሶፍያ ብዙኃት ፃዕዳ ክዳን ዝተኸድኑ ምእመናንን ምእመናትን ንደቆም ኂዞም ናብ ቤተ ክርስቲያን ኪኸዱ ከለዉ ምስ ርኣየት እምብዛ ኃዘነት። ናብ ቤተ ክርስቲያን ኣትያ ኸኣ ቡሩኽ ውላድ ኽህባ ንጐይታ ኢየሱስ ክርስቶስ ኣምሪራ ብንብዓት ለመነት።

ቅዱስ ፍቓድ ጐይታ ኾይኑ ድማ በታ መዓልቲ እቲኣ ቅዱሳን ሓዋርያት ጴጥሮስን ጳውሎስን ተገሊጾም፦ “እግዚአብሔር ንንብዓትኪ፡ ንጸሎትክን ምህለላኽን ተቐቢልዎ እዩ፡ ቡሩኽ ውላድ ከኣ ኪህበኪ እዩ እሞ ስሙ ጴጥሮስ በሊዮ፡ ናብ ሊቀ ጳጳሳት ኣባ ቴዎናስ ኴድኪ ንገርዮ እሞ ንሱ ክጽልየልኪ እዩ” በልዋ።

ብድኅር’ዚ ፀኒሳ ምስ ወለደት ስሙ ‘ጴጥሮስ’ ሰመየቶ። ቅድስት ሶፍያ ወዳ ሾብዓተ ዓመት ምስ ኮኖ ልክዕ ከም ሕፃን ሳሙኤል ንሊቀ ጳጳሳት ወፈየቶ። ፍትው ወዲ ኸኣ ነበረ እሞ ፈለማ ኣናጕንስጢስ ብድኅሪኡ ዲያቆን ቀጺሉውን ኣብ ኣገልግሎት ኣብያተ ክርስቲያናት ምእንቲ ክላኣኾ ኢሉ ካህን ጌሩ ሸሞ።

ኣባ ቴዎናስ ጊዜ ዕረፍቱ ምስ ቀረበ ድማ ንዅሎም ኤጲስ ቆጶሳትን ካህናትን ጸዊዑ ብድኅሪኡ ንጴጥሮስ ‘ሊቀ ጳጳሳት’ ንኽሸምዎ ኣዘዘ። በዚ ኸኣ ጴጥሮስ ‘ሊቀ ጳጳሳት’ ምስ ተሾመ እቲ ሕዝቢ ኣዝዩ ተሓጐሰ።

ኣብቲ ዘመኑ፡ ኣብ ኣንጾኪያ ምስ ንጉሥ ዲዮቅልጥያኖስ ብኣምልኮተ ጣዖት ዝሓብር ክልተ ውላድ ዝነበሮ መኰንን ነበረ። ሰበይቱ ግና ብሃይማኖታ ቀናእን ርትዕትን ስለዝነበረት ነቶም ደቃ ኣብ ኣንጾኪያ ከተጠምቖም ስለዘይከኣለት ንከተጠምቖም ኢላ ብመርከብ ናብ እስክንድርያ ኽትከይድ ከላ ኣብ ማእከል ባሕሪ ማዕበል ተላዒሉ ነታ መርከብ ከጥሕላ ደለየ። እዛ ቅድስት ኣደ፡ ደቃ ጥምቀተ ክርስትና ከይተጠምቁ ንከይሞቱ ስለዝፈርሀት በቲ ካብ ጡባ ጠቢሓ ዝወፅኣቶ ደም ገጾም ብትእምርተ መስቀል ኣማዕቲባ ሠለስተ ጊዜ ብስም አብን ወልድን መንፈስ ቅዱስን ኣብ ባሕሪ እናኣለኸት ኣጥመቐቶም።

ፍቓድ ኣምላኽ ኮይኑ እዚ ምስ ገበረት እቲ ማዕበል ባሕሪ ሃዲኡ ብሰላም ናብ እስክንድርያ ኣተወት። ከም ብሓድሽ ነቶም ደቃ ኸተጥምቕ ኢላ ናብ ሊቀ ጳጳሳት ቅዱስ ጴጥሮስ ከደት። ሊቀ ጳጳሳት ቅዱስ ጴጥሮስ ንከጥምቖም ሠለስተ ጊዜ እንተፈተነ እቲ ማይ ረጊኡ ምዃን ኣበዮ። ሽዑ ነደኦም ጸዊዑ ‘እንታይ ዝገበርክዮ ኣሎ’ ኢሉ ሓተታ፣ ንሳ ኸኣ ኵሉቲ ዝገበረቶ ነገረቶ እሞ ቅዱስ ጴጥሮስ ነቲ ገባሬ ተኣምራት ኣምላኽ ኣመስጊኑ፡ ቤተ ክርስቲያንና ሓንቲ እያ፡ ጥምቀት’ውን ሓንቲ እያ፡ ዳግማይ ጥምቀት የለን’ በላ።

ከምኡ ውን ቅዱስ ጴጥሮስ ነቲ ንፈጣሪና ኢየሱስ ክርስቶስ ዝኸሓደ ኣርዮስ ብዙኅ እዋን ገሢጽዎ ክምለስ ሰለዘይከኣለ ብውግዘት ፈልዩ ካብ ቤተ ክርስቲያን ሰጐጎ። ብድኅር’ዚ ኣርዮስ በዓል ሊቀ ካህናት ኣኪላስን እለ እስክንድሮስን ካብ ግዘቱ ንኽፈትሖ ከምዝልምንሉ ገበረ። ቅዱስ ጴጥሮስ ግና ውግዘቱ ብምጽናዕ “በዛ ሎሚ ለይቲ ጐይታይ ኢየሱስ ክርስቶስ ቀዳድ ክዳን ለቢሱ ቆይሙ ምስ ርኣኽዎ ‘መን ክዳንካ ቀዲድዎ፧’ እንተበልክዎ ኣርዮስ ክዳነይ ቀደዶ፣ ካብ ባህርይ ኣቦይ አብን ባህርይ ሕይወተይ መንፈስ ቅዱስን ፈለየኒ’በለኒ። ንስኻትኹም ግና ድኅረይ ሊቃነ ጳጳሳት ክትሽየሙ ኢኹም፣ ካብ ስሕተት ኣርዮስ ተሓለዉ ተጠንቀቁ። ንስኻ ኣኪላስ ድኅረይ ቅድሚ እለእስክንድሮስ ሊቀ ጳጳሳት ክትሸየም ኢኻ ግና ብኽሕደት ንኣርዮስ ክትመስሎን ቀልጢፍኻ ክትመውትን ኢኻ” በሎም።

ቅዱስ ጴጥሮስ ሕዝቢ ንጣዖት ከይሰግድ ይምህር ከም ዘሎ ንጉሥ ዲዮቅልጥያኖስ ፈሊጡ ኣብ ቤት ማእሠርቲ ኣእትዩ ብሴፍ ክቐትልዎ ኣዘዘ። ቅዱስ ጴጥሮስ ግና ኵሉ ሕዝቢ ኣብታ ቅንዕቲ ሃይማኖት ክጸንዕ ኣዘዞም። “ኦ ጐይታ ኢየሱስ ክርስቶስ ምፍሳስ ደመይ መፈጸምታ ኣምልኾ ጣዖታት ይኹን፣ ጣዖታት ከኣ ካብ ኵሉ ዓለም ይሰዓሩን ይጥፋኡን” ኢሉ ክጽሊ ከሎ “እቲ ዝበልካዮ ብሓቂ ይኹን” ዝብል ቃል ካብ ሰማይ መጸ። ነዚ ቃል’ዚ ከኣ ኣብቲ ቦታ ቀሪባ ዝነበረት ድንግል ሰምዓቶ።

ብድኅር'ዚ ቅዱስ ጴጥሮስ ነቶም ወተሃደራት ዝተኣዘዝክምዎ ፈጽሙ በሎም፡ 29 ኅዳር ክሳድ ርእሱ ብሰይፍ መተርዎ፡ እሞ ኣኽሊል ሰማዕትነት ተቐበለ። ርእሱ ምስ ተቘርጸ እቲ በድኑ ከይወደቐ ንኽልተ ሰዓት ዝኣኽል ጸንሐ። ምስ ወግሐ እቶም ምእመናን ብሰማዕትነት ከም ዝተሰየፈ ምስ ፈለጡ ነቲ ሥጋኡ ናብ ቤተ ክርስቲያን ኣምጺኦም ኣብ መንበሩ ኣንበርዎ። ቅድም ቅዱስ ጴጥሮስ ኣብ መንበረ ሢመቱ ኮፍ ኢሉ ዝረኣዮ ስለዘይነበረ፡ ነዚ ዝፈልጡ ‘ስለምንታይ ደኣ ኣብ መንበርካ ኮፍ ኢልካ ዘይትፈልጥ ኮፍ ኢልካ’ ምስ በልዎ “ኣነ ኣብዚ መንበር ኃይሊ እግዚአብሔር ስለ ዝርኢ ኣብዚ ኮፍ ክብል ኣይደፍርን” በሎም። ድኅርዚ ገኒዞም ምስ ሥጋ ቅዱሳን ሊቃነ ጳጳሳት ኣንበርዎ ካብቲ ሥጋኡ ከኣ ብዙኅ ተኣምራትን መንክራትን ይፍጸም ነበረ።
                           

በረከቱን ረድኤቱን ምስ ኵልና ይኹን።

ሰላም ለከ ሰባኬ ሃይማኖት በጥያቄ፡

አምሳለ ጳውሎስ በተሰሎንቄ፡

ዕፀ ወይን ጴጥሮስ ወዕፀ ሐዲስ ኤሎቄ፡ 

አርጋበ ዘሞርሞንቄ፣ 

እንተ ጸለልከ እም አንቄ፡ 

እፌኑመ ጊዜ ሠርክ አውዓየከ መርቄ።

ወስብሐት ለእግዚአብሔር፡ ወለወላዲቱ ድንግል፡ ወለመስቀሉ ክቡር፡ አሜን።

ዘመነ ማቴዎስ 2 ሚያዝያ 2013 ዓ.ም.…

April
Saturday
10
ዝክር፦ አባ ስምዖን፡ ወፈጠረ ብርሃናተ፡ ወማቱሳላ፡ ወክርስቶፎሮስ ገጸ ከልብ። ዘቅዳሴ ምንባብ መልእክታት ሮሜ 5፡15-ፍጻሜ ያዕ. 3፡1-10 ግብ. ሐዋ. 14፡11-18 ምስባክ መዝ. 135/136 ወንጌል ማቴ. 15፡21-28 ቅዳሴ ቅዳሴ ዘዲዮስቆሮስ።         *   *   *
00:00 h

ዜና ኅትመት

እዋናዊ ጽሑፋት

6ይ ሰንበት፡ ‘ገብርኄር’

 ሻዱሻይ ሰንበት ዓቢይ ጾም “ገብርኄር” ትበሃል። እዛ ሰንበት እዚኣ ‘ገብርኄር’ ዝተሰምየት፡ ማኅሌታይ ቅዱስ ያሬድ ኣብ ዝደረሶ ጾመ ድጓ፡ ብዛዕባ ቅኑዓት...

አሥርቆት ዘወርኀ ሚያዝያ

በስመ አብ ወወልድ ወመንፈስ ቅዱስ አሐዱ አምላክ! አሥርቆት ዘወርኀ ሚያዝያ ዮም ሠረቀ ለነ ወርኀ ቡሩክ ሚያዝያ ያብጽሐነ እስከ ወርኀ ግንቦት በሰላመ እግዚአብሔር...

ኣብ ደብረ ሲና ቅድስት ሥላሴ መንፈሳዊ ኮሌጅ ሓዲሽ እብረ ትምህርቲ…

ደብረ ሲና ቅድስት ሥላሴ መንፈሳዊ ኮሌጅ፡ ነቲ ኣብ መሥርሕ ዝጸንሐ ትምህርቲ መዕጸዊ ብምግባርን  ሓደስቲ ተማሃሮ ብምቕባልን ሓድሽ እብረ ትምህርት ጀሚሩ።

ኣብ ገዳም አቡነ ብፁዐ አምላክ ልምዓታዊ ዕዮታት ብጽቡቕ ይሳለጥ ኣሎ!

ኣብ ገዳም አቡነ ብፁዐ አምላክ፡ ልምዓታዊ ዕዮታት ብፍላይ ከኣ ኣብ ሕንፃዊ ሥራሓት ብጽቡቕ ይሳለጥ ኣሎ! እዚ ገዳም እዚ እቲ ተደኲንሉ...

ንኣይ’ሲ ሰብ የብለይን! (ዮሐ. 5፥7)

 ኣብዛ ኖትጊ መከራ እትተፍእ፤ ቂምን በቀልን እሾኽን ተኾርባን እተብቍል፤ መጺጽን ዕረን፡ ከርተትን ስደትን ኃዘንን ጭንቀትን እተመልአት፤ መድረክ ፈተና ዝኾነት ዓለም፡...

“ይጹም ልሳን” - ቅዱስ ያሬድ

ሰብ፡ ዝፍጽሞም ረቂቃንን ግዙፋንን፣ ናኣሽቱን ዓበይትን ብዓይነቶም ዝተፈላለዩ ኃጣውእ ኣለዉ። ግናኸ ኵሉ ዓይነት ኃጢኣት ይዕበ ይንኣስ ካብ እግዚአብሔር ዝፈሊ እዩ።...

ገዳም ደብረ ጽጌ ወደብረ ድኁኃን ኣቡነ ዮናስ

በስመ አብ ወወልድ ወመንፈስ ቅዱስ አሐዱ አምላክ! ሀሎ አሐዱ ብእሲ በአሐቲ ሀገር እንተ ስማ ቡር ሀገረ መስቀል ዘስሙ ንዋየ እግዚእ ወስመ...

መግለጺ ቅዱስ ሲኖዶስ

መግለጺ ቅዱስ ሲኖዶስ

ኣብ እምባደርሆ ዝእለዩ ዘኽታማት ተናበይቲ ብተማሃሮ ትምህርቲ ሰንበት ተበጺሖም!

ብዕለት 27/06/2013 ዓ.ም.ግ ኣብ ሃገረ ስብከት ማእከል ንኡስ ሃገረ ስብከት ሰረጃቓ እምባደርሆ ብሚኒስትሪ ዕዮን ሰብኣዊ ድኅነትን ዝእለዩ ዘኽታማት ተናበይቲ፡ ብመንእሰያት...

ቅዱስ ሲኖዶስ ምስ ላዕለዎት ኣመኃደርቲ ናይ ወፃኢ ኣህጉረ ስብከታት ብመንገዲ…

ቅዱስ ሲኖዶስ ምስ ኣብ ወፃኢ ሃገራት ዝርከቡ ላዕለዎት ኃለፍቲ ኣህጉረ ስብከታት፡ ንኡሳን ኣህጉረ ስብከታትን ኣመኃደርቲ ሰበካ ጉባኤን ኣብ እዋናዊ ጉዳይ...

ኣብ ሃገረ እስራኤል ብቑዕ መንፈሳዊ ኣገልግሎት ይወሃብ ኣሎ!

ኣብ ማእከላይ ምሥራቅ ካብ ዝርከባ ናይ ኦርቶዶክስ ተዋሕዶ ቤተ ክርስቲያን ኤርትራ ብቀደምነት እትጥቀስ መድኃኔ ዓለምን ቅድስት ድንግል ማርያምን ቤተ ክርስቲያን...

ወገብረ ሰላመ በደመ መስቀሉ/ ብደም መስቀሉ ሰላም ገብረ። ቈላ. 1፡19-20

በስመአብ ወወልድ ወመንፈስ ቅዱስ አሐዱ አምላክ!    * ኣመጻጽኣ መስቀል፣ መስቀል ማለት ‘ሰቀለ’ ካብ ዝብል ግእዛዊ ግሲ ዝተረኽበ ኾይኑ ትርጕሙ ድማ ዝተመሳቐለ...

  

latest articles

PRAYER

Prayer is a word by which man communicates with his Creator in Faith, thanking and beseeching Him for the forgiveness...

FAITH AND WORKS

Faith is “a confidence or trust in God”. Faith gives assertion to the things we hope for and explains the...

The feast of the Holy Cross - Mesekel (The Founding…

The Mesekel holiday is celebreated on Meskerem 17 (27th of September) and Megabit 10 (19th of March). The word Meskel...

The Ascension of St Mary (part two)

Moreover, Whilst John the evangelist was preaching in the country of Asia, on the sixteenth day of the month of...

The Ascension of St Mary (part one)

"At your right hand stands the queen." (Psalm 45:9)IN THE NAME OF THE FATHER AND THE SON AND THE HOLY...

The Fast of Assumption of the Virgin Mary

This fast lasts from Nehassie (August) 1 to 16. Our Lady departed on 21 of Ter (January) in 50 A.D...

“Blessed is he that considereth the poor” Ps. 41:1

In the name of the Father, and of the Son, and of the Holy Spirit, One God Amen. The basic necessities...

The Apostle Saint Paul

Saint Paul was a Jew, of the tribe of Benjamin, a Pharisee, the son of a Pharisee; and his kinsfolk...

The Apostle st. Peter

Peter was from Bethsaida, and he was a fisherman.  Our Lord chose him on the second day following that whereon...

The Fast of Wednesdays and Fridays

Every week Wednesdays and Fridays are observed as fast days except during the fifty days (between Easter and Pentecost), and...

The Fast of the Apostles

The Apostles observed this fast after they received the Holy Spirit and before they set out to proclaim the Gospel...

The feast Of Pentecost

IN THE NAME OF THE FATHER AND THE SON AND THE HOLY SPIRIT, ONE GOD. On this day the Holy...