“አነ ውእቱ ገብርኤል ዘእቀውም ቅድመ እግዚአብሔር/ ኣነ ኣብ ቅድሚ እግዚአብሔር ዝቐውም ገብርኤል እየ” ሉቃ. 1፡19

Dec 28, 2019

ገብርኤል፦ ማለት “ኣምላክ ወሰብእ/ ኣምላኽ ከሎ ሰብ ዝኾነ፡ ሰብ ከሎ ድማ ኣምላኽ ዝኾነ”፤ ከምኡ ውን “ኃይሊ እግዚአብሔር እዩ” ዝብል ትርጕም ኣለዎ። ብተወሳኺ’ውን “ገብር” ማለት ኣገልጋሊ እዩ፤ “ኤል” ከኣ እግዚአብሔር ማለት እዩ።

ነቢይ ሄኖክ ኣብ መጽሓፉ ብዛዕባ ቅዱስ ገብርኤል ኪገልጽ ከሎ፡ “ገብርኤል ኣብ ልዕሊ ዓይኒ ማያትን ኣብ ልዕሊ ገነትን ኣብ ልዕሊ ኪሩቤልን ዝተሸመ ካብቶም ቅዱሳን መላእኽቲ እቲ ሓደ እዩ።” (መጽ. ሄኖ. 6፡7)

ብተወሳኺ ድማ ሓደ ካብቶም ምእንቲ እቶም ኣብ ምድሪ ዚነብሩ ኪልምኑን ኪጽልዩን ዚነብሩ መላእኽቲ ምዃኑን “ኣብ ልዕሊ ዅሉ ኃይሊ ሥልጣን ዘለዎ፡ ቅዱስ ገብርኤል እዩ” ይብል። (መጽ. ሄኖ. 10፡7-13)

ቅዱስ ገብርኤል ኣብ ብሉይ ኪዳን

1. ሳጥናኤል ዝብሃል ዝነበረ ዲያብሎስ “ፈጣሪ እየ፡ ንኣይ ሰገዱለይ” እናበለ ብመንፈስ ትዕቢትን ሓሶትን ኣብ መንጎ መላእኽቲ ህውከት ኣብ ዘለዓዓለሉ ጊዜ “ንቁም በበህለዌነ እስከ ነአምር ፈጣሪነ/ ፈጣሪና ክሳዕ እንፈልጥ ኣብ ዘዘሎናዮ ጸኒዕና ንጽናሕ” ብምባል ንመላእኽቲ ዘረጋግእ ኣብ መወዳእታ’ውን ምስ ቅዱስ ሚካኤል ንመላእኽቲ መሪሑ ንሳጥናኤል ዝሰዓረ ቅዱስ ገብርኤል እዩ። (ድርሳነ ገብርኤል ዘወርኀ ጥር)

2. ኣዳምን ሔዋንን ካብ ገነት ተሰጕጎም ንስሓ ኣትዮም ኣብ ዝነበርሉ እዋን ሰይጣን መጺኡ ንስሓኦም ዓንቂፉ ክልተ ጊዜ ኣጋገዮም። በዚ ኸኣ ኣዳም ኃዚኑ ንሠለስተ መዓልትታት ኣብ ምድሪ ወዲቑ ምትንሣእ ምስ ኣበየ መጺኡ ዝረድኦ ቅዱስ ገብርኤል እዩ። (ድርሳነ ገብርኤል ዘወርኀ የካቲት)

3. ጭራሕ-ምራሕ በዚኁ፡ ኃጢኣት ድማ ኣዝዩ ኸፊኡ ኣብ ዝነበረሉ ከተማታት ሰዶምን ጎሞራን እግዚአብሔር ምስ ተቘጥዐ፡ ናብአን ምስ ቅድስ ሚካኤል ዝተላእከ ቅዱስ ገብርኤል እዩ። (ዘፍ. 19፡1)

4. ኣብ ትንቢተ ዳንኤል ተጻሒፉ ከምዘሎ፡ ነቢይ ዳንኤል “ንኣምላኽካ ሰጊድካ ንንጉሥ ኣይሰገድካን” ተባሂሉ ናብ ጕድጓድ ኣናብስ ኣብ ዝተደርበየሉ ጊዜ ካብ እግዚአብሔር ተላኢኹ ብቕልጡፍ ኣፍ ኣናብስ ዝዓፀወ፡ ቅዱስ ገብርኤል እዩ። ብተወሳኺ ውን ነቢይ ዳንኤል ከምዚ ዝስዕብ በለ፦ “ዓው ኢለ ክጽሊ ከሎኹ፡ ቅዱስ ገብርኤል እቲ ቅድም ብራእይ ርእየዮ ዝነበርኩ፡ ቐልጢፉ ነፊሩ ናባይ መጽአ። ሽዑ ኣጋ ጊዜ መሥዋዕቲ ምሽት ነበረ።” (ዳን. 8፡15, 9፡22) ንነቢይ ዳንኤል ዘጸናንዖን ንራእዩ ዝተርጐመሉን ቅዱስ ገብርኤል እዩ። (ዳን. 8፡14-22 ድርሳነ ገብርኤል ዘወርኀ ታኅሣሥ)

5. ናቡከደነፆር እተባህለ ንጉሥ ባቢሎን፡ 27 ሜትሮ ዝቑመቱ፡ 3 ሜትሮ ድማ ዝጐድኑ ምስሊ ወርቂ ኣቝሙ ኵሉ ፍጡር ኪሰግድ ኣዋጅ ኣብ ዝኣወጀሉ ጊዜ፦ ኵሎም ባቢሎናውያን ፍግም ኢሎም ኪሰግዱሉ ኸለዉ፡ ካብ ማእከሎም ግና ፫ተ ደቂቅ (3ተ መንእሰያት) ዝበሃሉ ኣናንያ፡ ኣዛርያን ሚሳኤልን “ንሕናስ ንጐይታ ሰማይን፡ ምድርን ኢና እነምልኽ እምበር ንጣዖት ኣይንሰግድን፡ እቲ እነምልኾ ኣምላኽ ካብዚ ሓዊ ከናግፈና ይከኣሎ እዩ።” ብምባል ኣምልኮተ እግዚአብሔር ኣጽኒዖም ስለእተረኽቡ ተኣሲሮም ኣብቲ ጕሁር እቶን ሓዊ ተደርበዩ። እምበኣር እቲ ካብ እግዚአብሔር ተላኢኹ ኣብ ማእከሎም ተረኺቡ ዘናገፎም ቅዱስ ገብርኤል እዩ። በዚ’ውን ነቢይ ዳንኤል ሰብ ኢሉ ኪገልጾ ኸሎ ናብከደነፆር ድማ ወዲ ኣምላኽ ብምባል ዝተዛረበሉ። (ዳን. 3፡1-30)። (ድርሳነ ገብርኤል ዘወርኀ ግንቦት)

ቅዱስ ገብርኤል ኣብ ሓዲስ ኪዳን

1. ቅዱስ ገብርኤል ኣብሣሪ፡ ብሥራታዊ መልኣኽ እናተባህለ ይጽዋዕ እዩ። ናብ ካህን ዘካርያስ ተላኢኹ ዘሐጕስ ውላድ ከም ዝወልድ ዘበሠረ ቅዱስ ገብርኤል እዩ። ብዝበለጸ ድማ ነቲ ትንቢት ዘለዎ፡ ሱባኤ ዝተቈጽረሉ፡ “እንሆ ክትፀንሲ ወዲ ውን ክትወልዲ ስሙ ኸኣ ኢየሱስ ክትሰምዪዮ ኢኺ” ኢሉ ምውላድ ጐይታናን ኣምላኽናን መድኃኒናን ኢየሱስ ክርስቶስ ንኣዴና ቅድስት ድንግል ማርያም ዘበሠረ መልኣኽ ቅዱስ ገብርኤል እዩ። (ሉቃ. 1፡8-56)።

2. ቅድስት ድንግል ማርያም ምስ ፍቁር ወዳ፡ ዮሴፍን ሰሎሜን ኂዙ ናብ ግብጺ ዝተሰደ ድኅሪ 3ተ ዓመትን መንፈቕን ድማ ሄሮድስ ምስ ሞተ ናብ ሃገሮም ንኺምለሱ ንዮሴፍ ዝተዛረቦን ኣብ ጕዕዞኦም ዘገልግሎም ዝነበረ ቅዱስ ገብርኤል እዩ ነይሩ። (ማቴ. 2፡13-19)

3. ሓዋርያ ቅዱስ ስምዖን ብሰማዕትነት ኪኃልፍ ከሎ፡ ቅዱስ ገብርኤል ተገሊጹ ከም ዘጸናንዖ ዚገልጹ ጽሑፋት ኣለዉ።

4. ሕፃን ቂርቆስ ምስ ኣዲኡ ቅድስት ኢየሉጣ ኣብ ዘመን ዓላዊ ንጉሥ ዲዮቅልጥያኖስ ኣብ ፍሉሕ ማይ ኣብ ዝተደርበየሉ ጊዜ፡ ካብ እግዚአብሔር ተላኢኹ ዘድኃኖም ሊቀ መላእኽቲ ቅዱስ ገብርኤል እዩ። (ድርሳነ ገብርኤል ዘወርኀ ሓምሌ)

5. ቅዱሳት ኣንስት ብዕለተ ሰንበት ናብ መቓብር ጐይታ ኣብ ዝመጽኣሉ ጊዜ ነቲ እምኒ ኣፍ መቓብር ገምጢሉ ጐይታ ከም ዝተንሥአን ንሓዋርያት ከበሥራኦምን ዝሓበረ ቅዱስ ገብርኤል እዩ።

ኣብ ቤተ ክርስቲያንና፡ ቀዳሞት ቅዱሳን ሊቃውንቲ ኣብ ዚደረስዎ ድርሳናት፡ ቅዱስ ገብርኤል ብብዝኂ ተጠቒሱ ኣሎ። በዓል ቅዱስ ዮሓንስ አፈወርቅ ኣብ ድርሳናቶም ኣምሊኦም ጽሒፎም እዮም። ቅዱስ ያሬድን ኣባ ጊዮርጊስን እንተኾኑ’ውን፡ ኣብ መጻሕፍቶም ልክዕ ከም ቅዱስ ሚካኤል ብሰፊሑ ጽሒፎም እዮም።

ብዓቢኡ ድማ ኣብ መበል 14 ክፍለ ዘመን ናብ ግእዝ ዝተተርጕመ ድርሳነ ገብርኤል፡ ዕቤቱን ተኣምራቱን ተራዳእነቱን ብዝርዝር ተገሊጹ ኣሎ።

ክብረ በዓል

ናይ ኤርትራ ኦርቶዶክስ ተዋሕዶ ቤተ ክርስቲያን ኣስታት 330 ዓ.ም. ጀሚራ ነፍሲ ወከፍ ቤተ ክርስቲያን ብስም መላእኽትን ቅዱሳንን ተሓኒፁ ኣብ ዓመት እንተወሓደ ሓንሳእ ክብረ በዓል ክግበረሎም 318 ኣቦታት ሊቃውንቲ ብመሪሕነት መንፈስ ቅዱስ ብዝወሰንዎ መሠረት፡ ክብረ በዓል ቅዱስ ገብርኤል ሓምሌ 19ን ታኅሣሥ 19 እዩ።

• ታኅሣሥ 19 ፦ ንሠለስቱ ደቂቅ (ኣናንያ፡ ኣዛርያ፡ ሚሳኤል) ካብ እቶነ እሳት ዘውፅኣሉ ዕለት ኪኸውን ከሎ፤

• ሓምሌ 19 ፦ ንቅዱስ ቂርቆስን ንኣደኡ ቅድስት ኢየሉጣን ካብ ፍሉሕ ማይ ዘውፅኣሉ ዕለት እዩ።

ኣብ ቤተ ክርስቲያንና፡ ሥነ ሥእሊ ቅዱስ ገብርኤል ደድኅሪ ቅዱስ ሚካኤል ተሠሪዑ ይርከብ። ንኣዴና ቅድስት ድንግል ማርያም ከበሥራ ኸሎን ንሠለስቱ ደቂቅ ካብ ሓዊ ኬውፅኦም ከሎን ንቅዱስ ቂርቆስን ቅድስት ኢየሉጣን ካብ ፍሉሕ ማይ ከውፅኦም ከሎን ዘርእዩ ኣሣእል ኣብ ኣብያተ ክርስቲያንን፡ ኣብ ቤት ምእመናንን፡ ኣብ መንደቕ ተሰቒሎም ንረክብ ኢና። ብተወሳኺ ቅዱስ ገብርኤል ኣብ ማዕፆ ቤት መቕደስ ልብሰ ተክህኖ ተኸዲኑ፡ ሰይፊ ተዓጢቑን በትረ መስቀል ኂዙን ምስ ቅዱስ ሚካኤል ይሠኣል። ኣብ ሥእለ ኣድኅኖ ውን ብጸጋም ይሣኣል።

ቅዱሳን ኣቦታት ነቲ ንቅዱሳን መላእኽቲ ዘለዎም ክብሪ ብልባዊ ፍቕርን ስግደትን ከም ዚገለጽዎ ንሕና’ውን ኣብ ቅድሚ ሥእሎም ሰጊድና ፍቕርና ክንገልጽ ይግባእ። ንምሕረትን ተራዳእነትን ሠናይ ብሥራትን ካብ እግዚኣብሔር ከም ዚለኣኽ ፈሊጥና “በእንተ ቅዱስ ገብርኤል መሐረነ ክርስቶስ” እናበልና ጸሎትና ከነቕርብ ይግብኣና።

ተራዳእነት ቅዱስ ገብርኤል ኣይፈለየና!

ወስብሐት ለእግዚአብሔር!

ዘመነ ዮሓንስ 1 ነሐሴ 2012 ዓ.ም.ግ…

July
Wednesday
8
ዝክር፦ ቅፍሮንያ፡ ወክልዮስ፡ ወበዮክ፡ ወብንያሚን፡ ወአግናጥዮስ፡ ወቶማስ። ዘቅዳሴምንባብ መልእክታት፦ 1ይጢሞ. 5፡1-17 1ይጴጥ. 3፡1-6 ግብ. ሐዋ. 9፡36-ፍጻሜ ምስባክ፦ መዝ. 18/19 ወንጌል፦ ማቴ. 14፡1-7 ቅዳሴ፦ ዘኤጲፋንዮስ። * * *
00:00 h

ዜና ኅትመት

እዋናዊ ጽሑፋት

አሥርቆት ዘወርኀ ሐምሌ

ዮም ሠረቀ ለነ ወርኀ ቡሩክ ሐምሌ ያብጽሐነ እስከ ወርኀ ነሐሴ በሰላመ እግዚአብሔር! ወርኀ ሐምሌ ቡሩክ መዓልቱ ፲ወ፬ቱ ሰዓት ወሌሊቱኒ ፲ቱ...

ገዳም ቅዱስ ዮሓንስ መጥምቅ ቴድረር

ገዳም ቅዱስ ዮሓንስ መጥምቅ ቴድረር ኣብ ዞባ ደቡብ ንኡስ ዞባ ደቀምሓረ፡ ካብ ከተማ ደቀምሓረ ንደቡብ 25 ኪሎ ሜትር ኣብ ከባቢ...

“ብኃጢኣት ሕዝበይ እየ ኣብ ኢድኩም ኣውዲቐያ!”

ገቢረ ተአምራት ወላዲተ ኣምላክ ድንግል ማርያም፡ ተነጊሩ ዘይጽገብ ተጻሒፉ ዘይፍጸም እዩ። ካብ ፅንሰታ ዝጀመረ ገቢረ ተአምራት ክሳዕ ምጽኣተ ክርስቶስ በቲ...

"ወያስተዴሉ ክረምተ ለምድር/ ንምድሪ ዝናም የዝንመላ” “መዝ. ፻፵፮፥፰/147፡8

ቅድስት ቤተ ክርስቲያንና፡ ንዓመት ኣብ ኣርባዕተ ወቕትታት ማለት ዘመነ መፀው፡ ዘመነ ሓጋይ፡ ዘመነ ፀደይ ከምኡ ውን ዘመነ ክረምት ብምባል ትኸፍሎ። 

እንቋዕ ናብ ዘመነ ክረምት ብሰላም ኣብጽሓና!

ዘመነ ክረምት  ካብ 26 ሰኔ ክሳዕ 25 መስከረም ዘሎ ወቅቲ ጊዜ ክረምቲ እዩ። ሰማይ ብደመና ተሸፊኑ፡ ዝናም ብመብረቕን ድምፂ ነጐድጓድን ተዓጂቡ ንምድሪ...

“ብፁዕ ዘይሌቡ ላዕለ ነዳይ ወምስኪን/ ንድኻ ዝሓልየሉ ሰብ ብፁዕ እዩ”(መዝ…

ንሕይወተ ሥጋ ኣድለይቲ ዝኾኑ ነገራት ማይ፡ እንጌራ፡ ክዳን፡ መኅደሪ ቤት እዮም። (ሢራ. 29፡21) ብቐዳምነት ነዚኦም ዘይረኸቡን ዘይብሎምን ሰባት “ጽጉማት” ይበሃሉ። ብተወሳኺ’ውን...

ገዳም ደብረ ሲና

ገዳም ደብረ ሲና፡ ኣብ ዞባ ዓንሰባ ንኡስ ዞባ ዒላበርዕድ ከባቢ መንሳዕ፡ ካብ ዒላበርዕድ ንሸነኽ ምሥራቕ ብእግሪ ናይ ክልተ ሰዓትን ፈረቓን...

ክብረ በዓል ሕንፀተ ቤታ ወቅዳሴ ቤታ

20 ሰኔ ሕንፀተ ቤታ ከምኡ'ውን 21 ሰኔ ቅዳሴ ቤታ እናተባህለ ዝኽበር በዓል እዩ። እዚ ኸኣ ክብረ በዓል ናይታ ንመጀመርታ ጊዜ...

ቤተ ክርስቲያን - ቤተ ቅድስና ቤተ በረከት

ሥርዓተ ኣምልኾ ዝፍጸመሉ፣ ስብሐታትን ውዳሴያትን ዝበጽሓሉ፡ ቅዱስ ሥጋኡን ክቡር ደሙን ዝዳለወሉ፡ ነገረ ሃይማኖትን ሥርዓትን ትውፊትን ዝንገረሉ ቅዱስ ቦታ (ሕንፃ) ቤተ...

ኣባ ገሪማ

ስም ኣቡኡ ንጉሠ ሮማ መስፍያኖስ ስም ኣደኡ ሰፍኖግያ፡ ኣደኡ መካን ስለዝነበረት ናብ ቅድስት ድንግል ማርያም ምስ ለመነት እግዚአብሔር ነዚ ብሩክ...

“ፍቅረ ብጻይ ክሳዕ ሞት” - ኣባ ለትጹን

ኣብ ሃገረ ብሕንሳ ዝተወልደ፡ ሓደ ካብ ዓበይቲ ቅዱሳን ኣበው ናይ ፍቕሪ ኣቦ ‘ኣባ ለትጹን’ እዩ። ቅድሚ ምንኵስናኡ፡ ኣብ ዕድመ ጉብዝናኡ፡...

ዝክረ ዕለተ ሰማዕታተ ኤርትራ ብጸሎተ ፍትሓት ተዘኪሩ!

ኣብ ሥጋዊ ሕይወት ኮነ መንፈሳዊ ሕይወት ቀይሕ ደም ከይፈሰሰ ፃዕዳ ዓፅሚ ከይተኸስከሰ ብዘይ መሥዋዕቲ ናፅነት ኣይርከብን’ዩ። ሃገርካ ክወርር፡ ሕዝብካ ከሕስር፡...

  

latest articles

The Fast of Wednesdays and Fridays

Every week Wednesdays and Fridays are observed as fast days except during the fifty days (between Easter and Pentecost), and...

The Fast of the Apostles

The Apostles observed this fast after they received the Holy Spirit and before they set out to proclaim the Gospel...

The feast Of Pentecost

IN THE NAME OF THE FATHER AND THE SON AND THE HOLY SPIRIT, ONE GOD. On this day the Holy...

Ascension

After the Lord Jesus Christ had finished the operation of His wisdom upon earth, by His Passion, and His Death...

Tsinset (Annunciation – Feast of Incarnation)

In accordance with the cannon of the Church, one of the nine major feast days of Our Lord. it Tsinset (Annunciation...

The feast of presenting the lord Christ in the temple…

On this day we celebrate the feast of presenting the lord Christ to the temple after 40 days of his...

The Fast of Nineveh - Monday 10 – 12 February…

In Eritrean Orthodox Tewahdo Church, one of the seven fasting periods is the fast of Nineveh.

Mystery of Baptism

Baptism is the sacrament given to all who believe in the Mystery of the Trinity and the Mystery of Incarnation...

Mystery of Incarnation

Mystery of Incarnation means the mystery of the descending of God the Son who is one of the Trinity from...

Mystery of the Holy Trinity

The Eritrean Orthodox tewahdo Church has Five pillars of Mysteries through which it teaches and demonstrates its basic religious belief...

Welcome to the Feast of the Nativity of Our Lord…

Glory to God. When the appointed time of salvation and the foretold prophesies came to pass, God the Son come to...

In Memory of His Holiness Abune Yacob the Second Patriarch…

His Holiness Abune Yacob, the Second Patriarch was one of the reputable leaders of the EriOTC, a shining star of...