ሕፃነ ቂርቆስ ወእሙ ኢየሉጣ

Jan 24, 2020

እቶም ብምኽንያት ልደት ጐይታናን ኣምላኽናን መድኃኒናን ኢየሱስ ክርስቶስ፡ ጡብ ኣደኦም ጸጊቦም ዘይጠበዉ ክልተ ዓመትን ካብኡ ንታሕትን ዝኾኑ 144,000 ሕፃናት ብርጉም ሄሮድስ ተሰይፎም ብሰማዕትነት ምኅላፎም ናይ ሕፃናት ሰማዕትነት ፈቃደ እግዚአብሔር ምዃኑ ዘረድእ እዩ። እዞም ሰማዕታት ሕፃናት’ዚኣቶም፡ ነቶም ካብቲ ጊዜ እቲ ጀሚሮም ክሳዕ ምጽኣተ ክርስቶስ ስለ እግዚአብሔር ብግፍዒ ዝቕተሉ ሕፃናት ርስቶም ኾይኖም ኣብ ገነት መንግሥተ ሰማያት ብኽብሪ ይቕበልዎም።

ብዝተፈላለየ ጊዜ ዝተንሥኡ ካልኦት ኅሩያን ሕፃናት’ውን ኣምላኽነት ጐይታና ኢየሱስ ክርስቶስ እናመስከሩ ሰማዕት ኮይኖም’ዮም።

ኣብ በዓለ ሆሣዕና ሕፃናት “ሆሣዕና በአርያም . .” እናበሉ ክብሪ ጐይታና ኣብ ቕድሚ ኣይሁድ መስኪሮም እዮም። (ማቴ. 21፡16)

ኣብ ዘመነ ሰማዕታት፡ ስመ እግዚአብሔር ኣብ ቅድሚ ዓላውያን ነገሥታት እናመስከሩ ብዙኅ ጸዋትወ መከራ ተቐቢሎም ብሰማዕትነት ካብ ዝኃለፉ ሕፃናት፡ ብቐዳምነት ዝጥቀስ ሕፃን ቂርቆስ እዩ።

ኣደኡ ቅድስት ኢየሉጣ ፈሪሀ እግዚአብሔር ዝነበራ ብሃይማኖተ ክርስትና ዝጸንዐት ነበረት። ኣብቲ ክርስቲያን ዝህደንሉ ዝነበሩ ጊዜ ቅዱስ ቂርቆስ ምስ ኣደኡ ኢየሉጣ ካብ ዓዶም ተሰዲዶም ናብ ጠርሴስ (ግዝኣት ሮም ዞባ ኪልቅያ) ከዱ።

እንተኾነ ቅድስት ኢየሉጣ ተታኂዛ ኣብ ቅድሚ እለእስክንድሮ ዚተባህለ ከሓዲ ንጉሥ ቀረበት። እለእስክንድሮስ ድማ ፦ “ ኣበይ እዩ ዓድኺ፧ ስምኪ መን እዩ፧ እቲ ዝሕሸኪ ምረጺ፣ ሕራይ ኢልኪ ንኣምልኽተይ ስገዲን ሠውዒን እምበር ከኽብረኪ እየ” በላ።” ቅድስት ኢየሉጣ ድማ ጓል ኣንጌቤን ምዃናን ስማ ድማ ክርስቲያን ምዃኑ ድኅሪ ምግላጽ “ኣነ ነዞም ርኹሳት ኣማልኽትኻ ኣይሥውዕን እየ፡ ሓቂ ትፈቱ እንተዄንካ ዕድሚኡ ወዲ 3 ዓመት ዝኾነ ወደይ ከምጽእዎ ለኣኽ እሞ እነምልኾን እነገልግሎን ኣምላኽ ኪነግረካ እዩ” በለቶ።

ንሕፃን ቂርቆስ ኂዞም ኣምጽእሉ እሞ፡ እቲ ንጉሥ “ኣንታ ሕጕስ ሕፃን ሰላምታ ይግብኣካ እዩ” በሎ። ሕፃን ቂርቆስ ድማ “ንኣይ ሕጕስ ምባልካ ጽቡቕ ተዛረብካ፣ ከምቲ እግዚአብሔር ‘ንኃጥኣን ሓጐስ የብሎምን (ኤር. 48፡22)’ ዝበሎ ንስኻ ኸኣ ሓጐስ የብልካን” ኢሉ መለሰሉ። እቲ ንጉሥ፡ “ስምካ መን እዩ፧” ምስ በሎ “ ክርስቲያን እዩ ስመይ” በሎ። ቀጺሉ ንጉሥ “ሕራይ ኢልካ ንኣማልኽቲ መሥዋዕቲ ኣቕርብ እሞ ምስ ዓበካ ክሸመካ እየ፡ ብብዙኅ ወርቅን ብሩርን ከኣ ከኽብረካ እየ” በሎ። ሕፃነ ቂርቆስ ድማ “ኣንታ ልኡኽ ሰይጣን ጸረ ሓቂ ዝኾንካ ካባይ ርኃቕ” በሎ። ብመልሱ ዝተቘጥዐ ንጉሥ፦ ደሙ ከም ማይ ክሳብ ዝፈስስ 100 ጊዜ ክገርፍዎ ኣዘዘ። ቅድስት ኢየሉጣ ንጽንዐ ሃይማኖቱ ርእያ ንእግዚአብሔር ኣመስገነት።

ብትእዛዝ ንጉሥ፡ ጨውን ሰናፍጭን ኣኸሊሶም ኣሳቐይዎም። ሕፃነ ቂርቆስ ግና “ጥዑም ለጕርዔየ ነቢብከ እመዓር ወሦከር ጥዕመኒ ለአፉየ/ ኦ ጐይታይ እግዚአብሔር ቃልካ ንጐሮረይ ጥዑም ኮነ ካብ መዓርን ሽኮርን ንኣፈይ ጠዓመኒ” እናበለ ኣመስገነ። ደጊሞም እቶም ልኡኻት ንጉሥ፡ ዋላ እኳ ብነዋኅቲ ዝተሳሕሉ ብሓዊ ዚረሰኑ 14 ናይ ሓፂን ሽንካራት ኣብ ኣካላት ኢየሉጣ 7ተ፡ ኣብ ኣካላት ሕፃነ ቂርቆስ ድማ 7ተ እንተ ወግእዎም ብኃይለ ጐይታ ጥዑያት ኮኑ። ኣብ ቤተ መቍሕ ምስ ኣተዉ ሰይጣውንት ብኣምሳለ መላእክት ንከስሕትዎም ይመጹ ነበሩ፣ ቅዱስ ቂርቆስ ግና ብትእምርተ መስቀል ኣብነኖም።

ካብ ዝኸፍአ ናብ ዝኸፍአ ብብዙኅ ጸዋትወ መከራ ድኅሪ ምስቓይ፡ ኣብ ገንኢ ዝፈልሐ ማይ ከእትውዎም ከለዉ ሕፃን ቂርቆስ ንኣደኡ ኢየሉጣ ኣጸናኒዕዋ ተተኃኂዞም ኣተዉ። እንተኾነ ብተራዳእነት ሊቀ መላእኽት ቅዱስ ገብርኤል፡ እቲ ከም ናይ ክረምቲ ነጐዳ እናኣንጐድጐደ ን40 መዓልቲ ዝፈልሐ ማይ ከም ናይ ንግሆ ኣሳሒታ ዝሑል ኮይንሎም ደኃኑ።

እንታይ ከምዝገብር ዝጠፍኦ መኰንን እለእስክንድሮስ ናይ መወዳእታ ውሳኔ ክሳዶም ክስይፍዎም ኣዘዘ።

እንሆ ድማ ካብ ጐይታና ኢየሱስ ክርስቶስ ቃል ኪዳን ምስ ተቐበሉ፡ ብዕለት 15 ጥር ሕፃን ቂርቆስ ክሳዱ ተሰይፉ ብሰማዕትነት ዓረፈ። ከም ብዝኂ ዕድሚኡ ድማ ስለ ሕፃንነቱ፡ ስለ ገድሉ፡ ስለ ጽንዓት ሃይማኖቱን ሠለስተ ኣክሊላት ተዋህቦ።

ንጽባሒቱ ዕለት 16 ጥር ድማ ኣደኡ ቅድስት ኢየሉጣ ክሳዳ ተሰይፋ ዓረፈት።

ናይ ሰማዕት ቅዱስ ቂርቆስን ኣደኡን ቅድስት ኢየሉጣን በረኸቶም ይኅደረና፡ ኣሜን።

እግዚአብሔር ሤመ ረድኤቶ ለናእስናከ ዐቃቤ፡
ወስምዖ መጥበቤ፡ ፍትወ ምግባር ቂርቆስ ወምዑዘ ገድል እምነ ከርቤ፡
ዘተጽዕረ በምንዳቤ፡
ወዘሐመ በጥብጣቤ፡
ለአባልከ ሰላም እቤ።

ወስብሐት ለእግዚአብሔር ወለወላዲቱ ድንግል ወለመስቀሉ ክቡር፡ አሜን!

ዘመነ ዮሐንስ 16 የካቲት 2012 ዓ.…

February
Monday
24
ዝክር፦ ዕረፍታ ለኤልሳቤጥ እሙ ለዮሐንስ መጥምቅ፡ ወበዓለ እግዝእትነ ማርያም በዘነሥአት ኪዳነ። ዘቅዳሴ ምንባብ፦ ገላ. 3፡17-ፍጻሜ። 2ይ ዮሐ. 1፡1-7። ግብ. ሐዋ. 1፡12-14። ምስባክ፦ መዝ. 88/89 ዓዲ መዝ. 67/68 ወንጌል፦ ሉቃ. 1፡39-56። ቅዳሴ፦ ዘ፫፻ት ግሩም። * * *
00:00 h
Ad Right

  

ዜና ኅትመት

እዋናዊ ጽሑፋት

ኪዳነ ምሕረት

ኪዳን ፦ “ተካየደ” ካብ ዝብል ግእዛዊ ግሢ ዝወፅአ ኾይኑ፡ “ተመሓሓለ፡ ተሰማምዐ፡ ተወዓዓለ” ማለት እዩ። ኪዳን፥ ንኽልተ ሓደ ዝገብር ናይ ፍቕርን...

ቀዳማይ ሰንበት ዓቢይ ጾም፡ ዘወረደ 

ቀጥታዊ ትርጕሙ ‘ዝወረደ’ ማለት እዩ። እዚ ድማ ምእንቲ ድኅነተ ዓለም፡ ካብ ሠለስተ ኣካል ሓደ ኣካል እግዚአብሔር ወልድ ብፍሉይ ኣካሉ ካብ...

ዓቢይ ጾም

ሓደ ካብ ሾብዓተ ናይ ኣዋጅ ኣጽዋማት ዓቢይ ጾም እዩ። እዚ ጾም እዚ ፈጣሬ ሰማያትን ምድርን፡ ጐይታ ጐይቶትን ኢየሱስ ክርስቶስ ድኅሪ...

ዓቢይ ጾም፡ ካብ ሰኑይ 16 የካቲት ክጅመር እዩ!

ብኦርቶዶክስ ተዋሕዶ ቤተ ክርስቲያን ሕገ ቀኖና፡ ኣብ ዓመት 7ተ ናይ ኣዋጅ ኣጽዋማት ኣለዉ። ነዞም ኣጽዋማት ኵሉ ክርስቲያን ክጾሞም ኣብ ፍትሓ...

ኪደት መንፈሳዊ ኮሌጅ ደብረ ሲና ቅድስት ሥላሴ ተገምጊሙ!

12 የካቲት 2012 ዓ.ም.ግ (20 የካቲት 2020 ዓ.ም.)፡ ኪደት መንፈሳዊ ኮሌጅ ደብረ ሲና ቅድስት ሥላሴ ዝግምግም ጉባኤ፡ ብፁዓን አቦታትን ኣባላት...

ሓዋርያ ቅዱስ ያዕቆብ ወልደ እልፍዮስ

ያዕቆብ ማለት አኀዜ ሰኰና አዕቃጺ (ሓንኳሊ) ማለት እዩ። ነገዱ ካብ ነገደ ጋድ ሃገረ ስብከቱ ኢየሩሳሌም ዕረፍቱ 10 የካቲት ቍጽሩ ካብ...

አዋጅ ምህላ ጾመ 40 ኣብ ኵለን ኣብያተ ክርስቲያናት

“ቀድሱ ጾመ ወስብኩ ምህላ/እትጾሙሉ እዋን ፍለዩ ምህላ’ውን ኣውጁ” ኢዩ. 1፡14 ብኦርቶዶክሳዊት ተዋሕዶ ቤተ ክርስቲያን ሕገ ቀኖና ኣብ ዓመት ካብ ዘለዉ ሾብዓተ...

ሠራሕተኛታት ቤት ጽሕፈት መንበረ ፓትርያርክ ናብ ገዳም ደብረ ጥሉል አቡነ…

05 የካ 2012 ዓ.ም.ግ (13 የካ 2020 ፈ.) ሠራሕተኛታት ቤት ጽሕፈት መንበረ ፓትርያርክ ናብ ገዳም ደብረ ጥሉል አቡነ አብራንዮስ (እንዳ...

በዓለ ስምዖን ኣረጋዊ - 8 የካቲት

ጐይታናን መድኃኒናን ኢየሱስ ክርስቶስ ካብ ቅድስት ድንግል ማርያም ነፍስን ሥጋን ተዋሒዱ ምስ ተወልደ፡ ሕጊ መጽሓፋዊ ንምፍጻም ኣብ 40 መዓልቱ፡ መሥዋዕቲ...

ክብረ በዓል ገዳም አቡነ እንድርያስ ሰፍኣ ተኸቢሩ!

ዓመት መጸ 1 የካቲት ዝበዓል ዝክረ ዕረፍቲ ኣቡነ እንድርያስ ሎሚ ዓመት 2012 ዓ.ም. እውን ብዓቢይ መንፈሳዊ ክብሪ ተኸቢሩ! ኣብዚ ክብረ በዓል...

ዕለታት ጾመ ነነዌ

ጾመ ነነዌ ሓደ ካብቶም 7ተ ናይ ኣዋጅ ኣጽዋማት ቤተ ክርስቲያን እዩ። ጾመ ነነዌ ኵል ሳዕ ዓቢይ ጾም ቅድሚ ምእታዉ ቅድሚ...

ንዑ ደቂቅየ ወስምዑኒ . . እመሀርክሙ - ታሪክ ሰብአ ነነዌ…

እግዚአብሔር ዝፈትወኩም ሕፃናት ከመይ ኣሎኹም፧ ናብዚ ሰዓትን እዝን ዕለትን ብሰላም ዘብጸሓና እግዚአብሔር ዝኸበረን ዝተመስገነን ይኹን። ልበ ኣምላክ ኣቦና ቅዱስ ዳዊት...

  

latest articles

The feast of presenting the lord Christ in the temple…

On this day we celebrate the feast of presenting the lord Christ to the temple after 40 days of his...

The Fast of Nineveh - Monday 10 – 12 February…

In Eritrean Orthodox Tewahdo Church, one of the seven fasting periods is the fast of Nineveh.

Mystery of Baptism

Baptism is the sacrament given to all who believe in the Mystery of the Trinity and the Mystery of Incarnation...

Mystery of Incarnation

Mystery of Incarnation means the mystery of the descending of God the Son who is one of the Trinity from...

Mystery of the Holy Trinity

The Eritrean Orthodox tewahdo Church has Five pillars of Mysteries through which it teaches and demonstrates its basic religious belief...

Welcome to the Feast of the Nativity of Our Lord…

Glory to God. When the appointed time of salvation and the foretold prophesies came to pass, God the Son come to...

In Memory of His Holiness Abune Yacob the Second Patriarch…

His Holiness Abune Yacob, the Second Patriarch was one of the reputable leaders of the EriOTC, a shining star of...

Fast of the Prophets (Advent)

15th November (geez calander), marks the first day of the Advent Fast, a period of abstinence and penance practiced by...

FASTING

Fasting is abstinence from all things that a body needs, and one has to fast from animal products and from...

The Eritrean Orthodox Tewahdo Church (EriOTC)

In the name of the Father, and of the Son, and of the Holy Spirit, One God. “We call our...

Holy of Holies Our Lady, the virgin Mary

The word holy (kidus) in Geez denotes being special, pure and esteemed. This prefix is an attribute to denote the...

HOLY SCRIPTURES (part one)

All Scriptures are written with the inspiration of the Spirit of God or the breath of God. They are also...