“ፍቅረ ብጻይ ክሳዕ ሞት” - ኣባ ለትጹን

Jun 23, 2020

ኣብ ሃገረ ብሕንሳ ዝተወልደ፡ ሓደ ካብ ዓበይቲ ቅዱሳን ኣበው ናይ ፍቕሪ ኣቦ ‘ኣባ ለትጹን’ እዩ። ቅድሚ ምንኵስናኡ፡ ኣብ ዕድመ ጉብዝናኡ፡ “ዘይፈቅድ ያድኅና ለነፍሱ ለይግድፋ ወዘሰ ገደፋ ለነፍሱ በእንቲአየ ይረክባ ለሕይወት ዘለዓለም/ ንሕይወቱ ኪረኽባ ዝደሊ ከጥፍኣ እዩ፡ እቲ ንሕይወቱ ምእንታይ ዜጥፍኣ ግና ንዘለዓለማዊ ሕይወት ከድኅና እዩ” (ማቴ. 10፡39) ዝብል ቃል ወንጌል ምስ ሰምዐ ልቦናኡ ብፍቅረ እግዚአብሔር ነደደ። ናብ ደብረ እስዋት ብምኻድ ኸኣ ብጽኑዕ ተጋድሎ ኣብ ጾምን ጸሎትን ተጸሚዱ ከሎ መልኣከ እግዚአብሔር ተገሊጹ ናብ ኣባ ኤስድሮስ ከይዱ ኣስኬማ መላእክት ኣርዑት ምንኵስና ክለብስ ኣዘዞ።

በዚ ኸኣ ኣርዑት ምንኵስና ለቢሱ ካብቲ ናይ ቅድም ብዝጸንዐ ተጋድሎኡ ቀጸለ። ናብቲ ኣብ ቀረባኡ ዝነበረ ገዳም እናኸደ’ውን ነቶም መነኮሳት ብቃለ እግዚአብሔር ይሓንፆምን የጽንዖምን ነበረ።

ካብ ዕለታት ሓደ መዓልቲ ኣባ ለትጹን ከም ልምዱ ናብቲ ገዳም ምስ ከደ፡ ኣበምኔት እቲ ገዳም ሓሚሙ እናተጻዕረ ኵሎም መነኮሳትን ሕዝብን ከቢቦሞ እናበኸዩ ጸንሕዎ። ኣብ ዙርያኡ’ውን ሠራዊተ ሰይጣናት ሰፊሮም ምስ ረኣየ ንዅሎም መነኮሳትን ሕዝብን ካብ ቤቱ ኣውፅኦም። እቲ ኣበምኔት ንኣባ ለትጹን “ኣነ ዘይገበርክዎ ኃጢኣት የለን፣ ምሕረት ዘይግብኣኒ እየ እሞ ኦ ኣባ ኣብ ጸሎትካ ዘክረኒ፣ እዚ ዅሉ ዝበጽሓኒ ብሠሪ ኃጢኣተይ እዩ እሞ ንኃጢኣተይ ኣስተሥርየለይ . . . ” ብምባል እናተጻዕረ ክዛረቦ ጀመረ። ነቲ ዝገበሮ ኃጢኣቱ ብዝርዝር ክነገሮ ከሎ ኸኣ፦ “ኣነ ሢመተ ክህነት ዘይተቐባእኩ ከለኹ፡ ናብ ዘይፈልጡኒ ዓዲ ብምኻድ ብሓሶት ካህን እየ ኢለ ጸሎተ ቅዳሴ ሠሪዐ፡ ቅዱስ ሥጋን ክቡር ደምን ኣቐቢለ። ብሥራይ መርዚ እናገበርኩ’ውን ንብዙኃት ቀቲለ። ምስ ኣደይ ወላዲተይ ብዙኅ ጊዜ ይዝሙ ስለዝነበርኩ ኣደይ ፀኒሳ ክተወልድ ምስ ቀረበት ብሥራየይ ፈውሲ ኣስቲየ እቲ ሕፃን ኣብ ማኅፀና ከም ዝመውት ገይረ። . . . ኣቦይ ኃጢኣተይ ተዘርዚሩ ዘይውዳእ እዩ። ሕጂ ግና ኣብ ኣፍ ሞት ኣለኹ እሞ በእንተ እግዚአብሔር ኣብ ጸሎትካ ዘክረኒ” በሎ።

ብድኅር’ዚ ነፍሱ ካብ ሥጋኡ ተፈልያ ኣጋንንቲ እናገረፉ ክወስድዋ ከለዉ ኣባ ለትጹን ምስ ረኣየ ኣምሪሩ በከየ። ‘በእንተ እግዚአብሔር ኣብ ጸሎትካ ዘክረኒ’ ክብል ዝተማኅጸኖ፣ ከምኡ’ውን ‘ሰብ ኣብ ክንዲ ብጻዩ ንሕይወቱ በጃ ኣኅሊፉ ክህብ ካብዚ ዝዓቢ ፍቕሪ የልቦን።’ ዝብል ቃለ ወንጌል ብምዝኻር ኽሳዕ ሞት ብዘብጽሕ ተጋድሎ እናተጋደለ፡ ጐይታናን መድኃኒናን ኢየሱስ ክርስቶስ ኽምሕረሉ ለመነ። ሊቀ መላእኽት ቅዱስ ሚካኤል ካብ ጐይታ ተላኢኹ፦ ‘እዚ ኃጥእ ሰብ’ዚ ምሕረት ዘይግብኦ እዩ እሞ ምእንትኡ ኢልካ ክሳዕ ሞት ኣይትብጻሕ” በሎ። ኣባ ለትጹን ግና ተስፋ ከይቈረጸ ብጽኑዕ ተጋድሎ ጾምን ጸሎትን ይቕጽል ነበረ። ምእንቲ እቲ ኃጥእ’ቲ ብኸምዚ ተጋድሎ ኣብ ባሕሪ ጠሊቁ ከሎ ኸኣ ሞተ። እንተኾነ ግና ጐይታናን ኣምላኽናን ኢየሱስ ክርስቶስ ንቕዱስ ሚካኤል ልኢኹ ንነፍሱ ናብ ሥጋኡ መሊሱ ሕያው ገበሮ። ብዓቢይ ግርማ ተገሊጹ’ውን ንኣባ ለትጹን “ኦ ፍቑረይ ለትጽን ስለምንታይ ምእንቲ እዚ ገለ ሠናይ ግብሪ ዘይብሉ ኃጥእ ርእስኻ ተሕስም፡ ኣብ ትሕቲ ሰማይ ካብ ዝነብሩ ከምዚ ሰብ’ዚ ዝበደለ የልቦን፡” በሎ። ኣባ ለትጹን ከኣ “ኦ ኣምላኸይን ጐይታይን ምእንታይ ነዛ ነፍሲ እዚኣ መሓራ፣ ዘይትምሕራ እንተ ዄንካ ግና ንነፍሰይ’ውን ምስኣ ውሰዳ” እናበለ ኣብ ቕድሚ ጐይታ ተማህለለ። ኣየ ፍቅረ ብጻይ ክሳዕ ሞት!

ሰማዔ ጸሎተ ቅዱሳን ጐይታናን ኣምላኽናን ኢየሱስ ክርስቶስ ከኣ እታ ነፍስ’ቲ ኃጥእ ንምሕረት ዘብቕዕ እኳ እንተዘይተረኽበላ፡ ምእንቲ ኣባ ለትጹን ግና ኣይ ንሕይወት ኣይ ንኵነኔ ከይኾነት ከም ዘይተፈጥረት ከም ሓመድ ክትኸውን ኣዘዘ። ኣባ ለትጹን ነዚ ምስ ረኣየ እምብዛ ተሓጐሰ፣ ብምሕረትን ለውሃትን እግዚአብሔር እናተደነቐ ድማ ምስጋናኡ ኣቕረበ።

ጐይታናን ኣምላኽናን ኢየሱስ ክርስቶስ ስለቲ ተጋድሎኡን ቅድስናኡን ንኣባ ለትጹን ዘይኃልፍ ዘለዓለማዊ ቃል ኪዳን ኣተወሉ።

ኣብ መወዳእታ ኸኣ ኣባ ለትጹን ጽኑዕ ተጋድሎኡ ፈጺሙ፡ ንእግዚአብሔር ኣሥሚሩ፡ ንሕዝበ ክርስቲያን ዓስብን በረኸትን ዝኸውን ቃል ኪዳን ተቐቢሉ፡ 17 ሰኔ ብሰላም ዓሪፉ ናብ ዘለዓለማዊ ሕይወት ተሰጋገረ።
ምሕረት እግዚአብሔር፣ ኣማላድነት ኣባ ለትጹንን ምስ ዅልና ሕዝበ ክርስቲያን ይኹን፡ ኣሜን!

ዘመነ ማርቆስ 11 ጥቅምት ነሓሰ 2014…

October
Thursday
21
አባ ያዕቆብ፡ ወቅድስት ጲላግያ፡ ወአርማሚ ሰማዕት። ዘቅዳሴ ምንባብ መልእክታት 1ይ ጢሞ. 4፡9-ፍጻሜ ያዕ. 3፡1-6 ግብረ ሓዋርያት ግብ. ሐዋ. 20፡20-25 ምስባክ መዝ.106/107 ወንጌል ማር. 8፡1-9 ቅዳሴ ቅዳሴ ዘእግዝእትነ። * * *
00:00 h

ዜና ኅትመት

እዋናዊ ጽሑፋት

ብፁዕ አቡነ ጳውሎስ ኣቐባብላ ተጌሩሎም!

ኣብ ዝነበርዎ ሃገረ ስብከት አውሮጳ ብጊዜያዊ ኣቦ መንበርነት ከገልግሉ ዝጸንሑ ደኃር መዓርገ ጵጵስና ዝተቐብዑ ብፁዕ አቡነ ጳውሎስ ብብፁዕ አቡነ ባስልዮስ...

2ይ ዓመታዊ ጉባኤ ን/ሃ/ስ ካናዳ ኣብ ከተማ ቶሮንቶ ተካይዱ!

“ብጐይታ ኩሉ ሳዕ ተሓጐሱ ፡ ደጊመ ተሓጐሱ እብል ኣለኩ ” ኤፌ 4፦4 ኣብ ትሕቲ ዝብል መሪሕ ቃል ንክልተ መዓልቲ ዝወሰደ...

ኣብ ሀገረ ስብከት ደቡብ መንደፈራ ንኡስ ሃገረ ስብከት ዓዲ…

ኣብ ሃገረ ስብከት ደቡብ መንደፈራ ንኡስ ሃገረ ስብከት ዓዲ ዃላ፡ ኣብ ፋይናንስን ምኅደራን ከምኡ ድማ ንጉዳይ ጥሮታን መምርሒታቱን ዝምልከት ስልጠና፡...

ክብረ በዓል ገዳም ደብረ ክሳሄ ወደብረ ማርያም አቡነ አብሳዲ ብድሙቕ…

“ኀበ ጽላሎታ ዘበጽሐ ኢይሬኢ ደይነ” ዓመት መጽአ 30 መስከረም ክብረ በዓል አቡነ አብሳዲ ኣብ ገዳሞም ደብረ ክሳሄ ወደብረ ማርያም አቡነ አብሳዲ...

“ኦ አርሴማ ኪዳነኪ ኮነ ለኃጥአን ቤዛነ” ብዝብል ድምቀት ክብረ በዓል…

ዓመት መጽአ 29 መስከረም ዝክረ ሰማዕትነት ቅድስት ኣርሴማ ኣብ ኦርቶዶክሳውያን ኣብያተ ክርስቲያን ዝኽበር ኮይኑ፣ ብስማ ዝተሓንፀ ቤተ ክርስቲያንን ዝተገደመ ደብረ...

“ብክዩ ኅዙናን ሐልየክሙ ስደታ . . . እቲ መሪር ስደታ”

ሕዝበ ክርስቲያን እዚ ቅንያት’ዚ ንስደት ኣዴና ቅድስት ድንግል ማርያም ምስ ፍቁር ወዳ፡ ቅዱስ ዮሴፍን ቅድስት ሰሎሜን ካብ እስራኤል ናብ ግብጺ...

ተመረቕቲ ነገረ መለኮት መንእሰያት ኣባላት ትምህርት ሰንበት ንዝተማህርዎ ትምህርቲ ኣብ…

ብዕለት 20 መስከረም 2014 ዓ.ም. (30/09/2021.ፈ) ተመረቕቲ ነገረ መለኮት መንእሰያት ኣባላት ትምህርት ሰንበት ንዝተማህርዎ ትምህርቲ ኣብ ምትኅልላፍ ክተግሁ ኣብ ቤት...

ትምህርቲ ቀዳምነት ዝተወሃቦ ዕላማ ቅዱስ ሲኖዶስ!

ቀዳማይ ዕላማ ቅድስት ቤተ ክርስቲያን፡ ቃለ ወንጌል ንሰባት ብምምሃር ናብ ርቱዕ እምነት ከምዝመጹን ብሃይማኖትን ሠናይ ግብርን ከምዝነብሩን ብምግባር ንዘለዓለማዊ መንግሥተ...

'ብዙኃን ማርያም'

21 መስከረም፡ ብዙኃን ሊቃውንት ኣብ በዓለ ማርያም ተጋቢኦም ክሕደት ኣርኂቖም ሃይማኖት ዘጽንዕሉ ንዝክረሉ ዕለት ስለ ዝኾነ ብዙኃን ማርያም ይበሃል። ኣብ ራብዓይ...

ጉባኤ ኤፌሶን (431 ዓ.ም.) 2ይ ክፋል

ነገረ ጉባኤ እቲ ጉባኤ ምስ ተጀመረ፣ ተኸሳሲ ንስጥሮስ ናብቲ ጉባኤ ቀሪቡ ትምህርቱ ከቕርብ ተሓተ። ጉባኤ ብምልኣት እንተዘይተአኪቡ ኣይመጽእን በለ። ሠለስተ ጊዜ...

በዓል ቅዱስ መስቀል 2014 ዓ.ም. ብዓቢይ ድምቀት ተባዒሉ!

ዓመት መጸ 17 መስከረም ብዓቢይ ድምቀት ኣብ ኵለን ኣብያተ ክርስቲያን ክበዓል ከሎ፡ ብፍላይ ግና ኣብ ሀገረ ስብከት ኣሥመራ ኣብ ርእሰ...

ኃይሊ ቅዱስ መስቀል ኣብ ዘመነ ኣበው።

በስመአብ ወወልድ ወመንፈስ ቅዱስ አሐዱ አምላክ ኣብ ዘመነ ኣበው’ውን እንተኾነ ናይቲ ኺመጽእ ዘለዎ ኣማናዊ መስቀል ጽላሎት ኮይኑ ብዙኅ ተኣምራት ሰሪሑ እዩ፤...

  

latest articles

Transfiguration: (Debre Tabor)

This is the day celebrated on Nehase (August) 13 G.C. in which Our Lord Jesus Christ during his ministry, manifested...

PRAYER

Prayer is a word by which man communicates with his Creator in Faith, thanking and beseeching Him for the forgiveness...

FAITH AND WORKS

Faith is “a confidence or trust in God”. Faith gives assertion to the things we hope for and explains the...

The feast of the Holy Cross - Mesekel (The Founding…

The Mesekel holiday is celebreated on Meskerem 17 (27th of September) and Megabit 10 (19th of March). The word Meskel...

The Ascension of St Mary (part two)

Moreover, Whilst John the evangelist was preaching in the country of Asia, on the sixteenth day of the month of...

The Ascension of St Mary (part one)

"At your right hand stands the queen." (Psalm 45:9)IN THE NAME OF THE FATHER AND THE SON AND THE HOLY...

The Fast of Assumption of the Virgin Mary

This fast lasts from Nehassie (August) 1 to 16. Our Lady departed on 21 of Ter (January) in 50 A.D...

“Blessed is he that considereth the poor” Ps. 41:1

In the name of the Father, and of the Son, and of the Holy Spirit, One God Amen. The basic necessities...

The Apostle Saint Paul

Saint Paul was a Jew, of the tribe of Benjamin, a Pharisee, the son of a Pharisee; and his kinsfolk...

The Apostle st. Peter

Peter was from Bethsaida, and he was a fisherman.  Our Lord chose him on the second day following that whereon...

The Fast of Wednesdays and Fridays

Every week Wednesdays and Fridays are observed as fast days except during the fifty days (between Easter and Pentecost), and...

The Fast of the Apostles

The Apostles observed this fast after they received the Holy Spirit and before they set out to proclaim the Gospel...