ጻድቅ ኣቡነ ኪሮስ - 8 ሐምሌ

Jul 15, 2020

ቅድስቲ ቤተ ክርስቲያንና ነቶም ብፍጹም ሃይማኖትን ሥነ ምግባርን ጸኒዖም ኣብ እግዚአብሔር ዝተኣመኑ፡ ኣብ ዓለም ዘይሮም ዝመሃሩን ክሳዕ ፍጻሜ ሕይወቶም ዘገልገሉ፡ መዓልትን ለይትን ለይትን ልሳኖም ካብ ስብሐት እግዚአብሔር ዘየባተኹ ቅዱሳን ነቢያት፡ ሓዋርያት፡ ሰማዕታትን ጻድቃንን ተኽብሮምን ብዛዕባኦም ዝተጻሕፈ ዜና ገድሊ ትቕበልን ዝተዋህቦም ቃል ኪዳን ድማ ንደቃ ምእመናን ትምህርን።

ሓደ ካብዞም ቅዱሳን ድማ ቅዱስ ኣቡነ ኪሮስ እዩ።

ኣቡነ ኪሮስ ከም’ቲ ቅዱስ ዳዊት “ዝክረ ጻድቅ ለዓለም ይሄሉ/ መዘከርታ ጻድቕ ንዘለዓለም ይነብር” ዝበሎ መዘከርታኡ ንዘለዓለም እናበርሀ ዚነብር፡ በቲ ዓቢይ ገድሎምን ክብሮምን ፍሉይ ውህበቶምን ድማ ይፍለጡ።

ኣቡነ ኪሮስ፡ ወዲ ሓደ ንጉሥ ዮናኒ ግብጻዊ እዮም። ኣቦኦም ኣብያ፡ ኣደኦም ከኣ ኔናስራ ይበሃሉ። ወለዶም 40 ዓመት መኺኖም ምስ ነበሩ ኔናስራ መንታ ኣወዳት ወለደት። ነቲ ዓቢይ ቴዎዶስዮስ፡ ነቲ ንእሽቶ ድማ ዲላሶር ኢሎም ሰመይዎም። ብጽቡቕ ኣተዓባብያ ኸኣ ኣዕበይዎም።

ኣቦኦም ምስ ሞተ ቴዎዶስዮስ ኣብ ዝፋን ኣቦኡ ተቐሚጡ፡ መንግሥቲ ኣቦኡ ወረሰ፡ ዲላሶር ድማ ንኃዉ ካብ’ቲ ናይ ኣቦይ ሃብቲ ብጽሒተይ ክፈለኒ በሎ። ቴዎዶስዮስ ግና እቲ ናተይ ናትካ፡ እቲ ናትካ ናተይ እዩ’ሞ ኣብ ትሕተይ ድላይካ ውሰድ ኢሉ መለሰሉ።

እንተኾነ ዲላሶር ነቲ ጐይታናን ኣምላኽናን መድኃኒናን ኢየሱስ ክርስቶስ “ንሰብ ከ ኵሉ ዓለም ረቢሑስ ነፍሱ እንተ ኣጥፈአ እንታይ ይጠቕሞ ሰብከ በጃ ነፍሱ እንታይ ዘይምሃበ” (ማቴ. 16፡25)፣ “ስለ ስመይ ኢሉ ኣባይቲ፡ ኣኅዋት፡ ኣኃት፡ ኣቦ ፡ ኣደ፡ ሰበይቲ፡ ውሉድ፡ ግርሁ ዝሓደገ ኵሉ ሚእቲ ዕጽፊ ኪረክብ እዩ፡ ናይ ዘለዓለም ሕይወት’ውን ኪወርስ እዩ። (ማቴ. 19፡29) ዝበሎን ተረዲኦም ብጽምዋ ለይቲ መኒኖም ከዱ። ኣብ ሓንቲ ንእሽቶ በዓቲ ድማ ተቐመጡ። ኣብኣ 10 መዓልቲ ምስ ጸንሑ ግና መንፈስ ቅዱስ ፦ “ኪሮስ ኪሮስ ኪሮስ ኣቦ ብዙኃት መነኮሳት ክትከውን ኢኻ ሥርናይ ኪሠምረልካ ማለት ጽድቂ ኪፈርየልካ፡ ክርዳድ ኪመሓወልካ፡ ብጸሎትካ ኸኣ ኃጢኣት ኪኅደግ ማለት እዩ እሞ ናብ’ቲ ዘርእየካ በዓትታት ኪድ ኣብኡ ድማ ሓደ መነኮት ክትረክብ ኢኻ” በሎ።

ኣቡነ ኪሮስ ከኣ ከምቲ መንፈስ ቅዱስ ዝኣዘዞ ናብ’ቲ ዝተነግሮ በዓትታት ከደ። ኣብ’ቲ በዓትታት ድማ ኣዝዩ ግሩም ዝኾነ ጸጋ መንፈስ ቅዱስ ዝመልኦ ጸጉሪ ርእሱ ክሳዕ እግሩ ዚበጽሕ ባሕታዊ ኣባ በብኑዳ ዝተባህለ ጸንሖ። ኣኽቢሩ ድማ ብሠናይ ተቐበሎ፡ ቅንይ ኢሉ ከኣ ምንኵስና ኣልበሶ። ኣቡነ በብኑዳን ኣቡነ ኪሮስን ኣብ’ቲ ቦታ ብጽኑዕ ገድልን ትሕርምትን ጸሎትን ስግደትን ተጸሚዶም ኪነብሩ ኸለዉ ንኽልተኦም መንፈስ ቅዱስ ሰማያዊ ኅብስት ይምግቦም ነበረ።

እንተኾነ ሰይጣን ዝኃደሮ መነኮስ መንፈሳዊ ሰብ መሲሉ ናብኣቶም ኣትዩ ነታ ቝራስ ሰማያዊት ኅብስቲ ሰሪቑ ስለ ዝወሰዳ፡በዚ እግዚአብሔር ስለዝተቘጥዐ ኅብስቲ ካብ ሰማይ ምውራድ ደው በለ። ኣባ በብኑዳን ኣብ ኪሮስን በቲ ዝወረዶም ፈተና ተስፋ ከይቈረጹ ናብ እግዚአብሔር እናጸለዩ ኸለዉ ግና ኣባ በብኑዳ ብኣንበሳ ተሰብረ፡ እቲ ነታ ኅብስቲ ሰሪቑ ዝወሰዳ መነኮስ ከኣ ናብ ገዳም ኣስቄጥስ ከይዱ ኣጣቘሰ፡ ‘እቶም ማኅበር ከኣ እንታይ ገደሰካ’ ኢሎም ምስ ገሠጽዎ። ኣብ ቤቱ ከይዱ ሓፊሩ ተሓኒቑ ሞተ፡ ነፍሱ ድማ ናብ ሲኦል ወረደት።
ኣቡነ ኪሮስ ንነፍሲ እዚ ሰረቒ ንምድኀንን ኣማውታ ኣባ በብኑዳ ኪግለጸሉን 60 መዓልቲ ብኸብዱ ኣብ ምድሪ ደቀሰ። ሥጋኡ ተወድአ ኣዕጽምቱ ከም ዕፀዋት ገዳም ኮነ። ብድኅሪኡ ጐይታናን ኣምላኽናን መድኃኒናን ኢየሱስ ክርስቲስ መጺኡ ዳኅሠሦ እሞ ኵለንትናኡ ተሓደሰ።

ብዛዕባ ሞት ኣባ በብኒዳ ድማ “ኢሰማዕከኑ ዘይቤ መጽሐፍ ብፁዕ ብእሲ ዘአምላኩ ገሠፆ በዲበ ምድር” ዝብል ኪዝክር ነገሮ፡ እሞ ንነፍሲ እቲ ሰራቒ ኸኣ “ምሒረልካ ኣሎኹ” በሎ። ብድኅሪኡ ሞት ጻድቃንን ሞት ኃጥኣንን ብኸመይ ኣገባብ ከም ዚፍጸም ተዛዊሩ ከም ዚርእይ ገበሮ፡ ካብኡ ንደኃር ከኣ ኣቡነ ኪሮስ ብዙኅ ገድልታት ጾም፡ ጸሎትን ስግደትን ኣዘውተሩ።

ሓደ እዋን ደብረ ባሳት ናብ ዝተባህለ ቤተ ክርስቲያን ኣተዉ፡ “ሰላም ለኪ ቅድስት ቤተ ክርስቲያን” ኢሎም ድማ ኣብ ቅድሚ ሥእሊ ቅድስት ድንግል ማርያም ብዙኅ ነብዑ፡ 700 ሰገዱ፡ ቅድስት ድንግል ማርያም ድማ ከምዚ ኢላ መለሰትሎም “ይኣኽለካ ጋሻ ኢኻ፡ ኣብቲ ኣዕፅምቲ ኣባታትካ ዘለዎ ተቐመጥ ካብኡ ኣይትኅለፍ” በለቶ። ኣብኡ እናጸለየ ኪነብር ከሎ ቅድስት ድንግል ማርያም ተራእያቶ፡ “ኣብ መዝገብ ምሕረትን ድኅነትን ተመዝጊብካ ኢኻ” ኢላ ድማ ኣጸናንዓቶ። ካብኡ ኃሊፎም ኣብቲ ደብረ ባሳት ዝተባህለ ቦታ 65 ዓመት ዝተቐመጠ፡ 20 ዓመት ዝሓመመ፡ 15 ዓመት ናይ’ታ ገዳም መነኮሳት ዘይበጽሕዎ መላእኽቲ ጥራይ ሓደ ዚሕልውዎ ድኻ መነኮስ ረኸቡ። እዚ መነኮስ እዚ ወዲ ንጉሥ ነበረ። ኣቡነ ኪሮስ፡ ካብ ጻዕሪ ሞት ንኪዓርፍ ጸለየሉ። እግዚአብሔር ድማ ጸሎቱ ሰሚዑ ነታ ነፍሲ እቲ መነኮስ መላእኽቲ እናዓጠኑ ናብ ሰማይ ከዕርግዋ ኸለዉ ርኣየ።

ብድኅር’ዚ እግዚአብሔር ነቶም መነኮሳት እታ ገዳም፡ ብዓረባውያን ወረርቲ ኣቕተሎም። ኵሎም ኸኣ ካብ ፍቕሪ እግዚአብሔርን ፍቕሪ ሰብን ዝረሓቑ ስለዝነበሩ ብመላእክተ ጽልመት ተወሲዶም ናብ ሲኦል ወረዱ፡ ኣቡነ ኪሮስ ነዚ ምስ ርኣየ ግና ነዞም ስሑታን እዚኣቶም እግዚአብሔር ብነፍሲ ምእንቲ ኪምሕሮም 40 መዓልትን 40 ለይትን ጾመን ጸለየን፡ መልሲ ምሕረት ስለዘይረኸበ ኸኣ መሊሱ ብዝባኑ ኣብ ርሱን እምኒ ሥጋኦም ከም ጥቡስ ዓሣ ክሳዕ ዚመስል ናብ እግዚአብሔር ተማህለሉ፡ ሕጂ’ውን ናይ ምሕረት መልሲ ስለ ዘይረኸበ ብኸብዱ ናብ’ቲ ርሱን ደቀሰ። ክልቲኤን ኣዕይንቱ ዓዊረን ምርኣይ ክሳዕ ዚስእና ኾኑ። ኣብ’ዚ ጊዜ’ዚ “ኦ እግዚአብሔር! ንስኻ መፍቀር ሰብ ኢኻ ኣብ መስቀል ደምካ ዘፍሰስካ ምእንቲ ኃጢኣት ሰብ ደኣ እምበር ምእንቲ ኃጢኣትካ ኣይኮንካን። ስለ’ዚ ድማ ምእንቲ ዝፈሰሰ ደምካ ኢልካ ነዞም ስሑታን መነኮሳት ክትምሕረለይ እልምነካ ኣሎኹ” እናበለ ጸለየ እሞ እቲ መዓቱ ዝረሓቐ ምሕረቱ ዝበዝኀ ኣምላኽ ኸኣ ነቶም 798 ዚኾኑ መነኮሳት ከም ብሓድሽ ተንሢኦም ኣብ ገዳሞም ተመሊሶም ከም ዚንስሑን ምሕረት እግዚአብሔር ከም ዚሰብኩን ገበሮም።

ኣቡነ ኪሮስ ነቶም ካብ ሞት ዝተንሥኡ መነኮሳት “ልብኹምን ሕሊናኹምን ኣይተትርሩ፡ ፍቕሪ ወርቅን ብሩርን ኣይሃልኹም፡ መብልዕን መስተን ኣይትፍተዉ፡ ጋሻ ምቕባል ተቐዳደሙ። ኅዙናት ናዝዙ፡ ሕሙማት ብጽሑ፡ እዚ እንተ ደኣ ጌርኩም ጸላኢኹም ዲያብሎስ ኪሓፍር እዩ። ኣብ ልዕሌኹም ድማ ገለ ዝኸሶ ነገር ኣይክረክብን እዩ፡” እናበሉ መዓድዎም።

ቅዱስ ኣብ ኪሮስ መፍቀሬ ጸሎት ስለዝነበሩ ን40 ዓመት ኣብ መሬት ወዲቆም ምስ ጸለዩ ኣብ ልዕሊኦም ሳዕሪ በቝሉ ነበረ። ካብዚ ዝተበገሰ በዓል ቅኔ ከምዚ ኢሉ ጉባኤ ቃና ተቐነየሎም።

“ዕቀብ ኪሮስ ሣዕረ ገዳማት ልብሰከ፣
ጣዕዋ ማትያስ አምጣነ ይበልዓ ለከ።”

ትርጕሙ “ኦ ኪሮስ፡ ጣዕዋ ማትያስ ምእንቲ ከይበልዓልካ ሣዕሪ ገዳም ዝኾነ ኽዳንካ ሓሉ” ክኸውን ከሎ፡ ምሥጢሩ ድማ ኣቡነ ኪሮስ 40 ዓመት ተዓጽዮም ኣብ መሬት ወዲቖም፡ ኣብ ገዳም ኪጽልዩ ኸሎ ሣዕሪ በቒልዎ ነበረ፡ ሓዋርያ ማትያስ’ውን ኣረማውያን ሣዕሪ ብኣፋ ኣብሊዖሞ ስለ ዝነበሩ በዓል ቅኔ ታሪኽ ምስ ታሪኽ ኣመሣጢሩ ተቀኒዮሎም።

ኣቡነ ኪሮስ፡ በቲ ዝተጋደልዎ ጐይታናን ኣምላኽናን መድኃኒናን ኢየሱስ ክርስቶስ ከምዚ ዚስዕብ ቃል ኪዳን ሃቦም፦

1. “ኦ ኣምላከ ኪሮስ ኃጢኣተአይ ይቕረ በለለይ” ኢሉ ስምካ ዝጸውዐ ኵሉ ኃጢኣቱ ክኃድገሉ እዩ። ንዘለዓለም ከኣ መንግሥተ ሰማያት ከውርሶ እየ። ዝኽርኻ ዝገበረ፡ መጽሓፍ ገድልኻ ንዝጸሓፈን፡ ዘጽሓፈን፡ ዘንበበን፡ ዝሰምዐን ኣሥራት ሂበካ እየ ስሙ ኣብ መጽሓፈ ሕይወት ክጽሕፎ እየ። ቤተ ክርስቲያንካ ዝሓነፀ መባእን ዕጣንን ኵሉ ኣምኃ ብስምካ ንዝሃበ ወዱ ወይ ጓሉ ብስምካ ዝሰየመ ምሒረልካ እየ።” በሎ።

ዕለት ዕረፍቶም ከም ዝቐረበን ዚቐብሮም ድማ ኣብ ባውላ ዚብሃል ምዃኑን ነገሮም። ብድኅር’ዚ ኣብ 68 ዓመት ዓመተ ምንኵስናኦም ካብ’ዚ ዓለም እዚ ብዝማሬ መላእኽት ብኽብሪ ነፍሶም ካብ ሥጋኦም ተፈልየት። እንሆ ኸኣ እቲ ሽዑ ዝተዋህቦም ቃል ኪዳን ቤተ ክርስቲያኖም ኣብ ዝተሓንፀሉ ሕሙማን ዚፍውስ፡ ጸበል እናፈልፈለ በቲ ተኣምራታዊ ገድሎም ተኣምራት እናተገብረ ክብሪ እግዚአብሔር እናተገልጸ ይነብር ኣሎ።

ሰላም ለኪሮስ ዘሰዐመ ገጾ በከናፍር፡
ወበዘባኑ ተፅዕነ እግዚአብሔር፡
ከመ ትጻእ ነፍሱ ዘእንበለ ጻዕር፡
ዳዊት ኀለየ በመስንቆ ሐዋዝ መዝሙር፡
ለጻድቅ ብእሲ ሞቱ ክቡር።

ወስብሐት ለእግዚአብሔር ወለወላዲቱ ድንግል ወለመስቀሉ ክቡር፡ አሜን !

ዘመነ ማርቆስ 11 ጥቅምት ነሓሰ 2014…

October
Thursday
21
አባ ያዕቆብ፡ ወቅድስት ጲላግያ፡ ወአርማሚ ሰማዕት። ዘቅዳሴ ምንባብ መልእክታት 1ይ ጢሞ. 4፡9-ፍጻሜ ያዕ. 3፡1-6 ግብረ ሓዋርያት ግብ. ሐዋ. 20፡20-25 ምስባክ መዝ.106/107 ወንጌል ማር. 8፡1-9 ቅዳሴ ቅዳሴ ዘእግዝእትነ። * * *
00:00 h

ዜና ኅትመት

እዋናዊ ጽሑፋት

ብፁዕ አቡነ ጳውሎስ ኣቐባብላ ተጌሩሎም!

ኣብ ዝነበርዎ ሃገረ ስብከት አውሮጳ ብጊዜያዊ ኣቦ መንበርነት ከገልግሉ ዝጸንሑ ደኃር መዓርገ ጵጵስና ዝተቐብዑ ብፁዕ አቡነ ጳውሎስ ብብፁዕ አቡነ ባስልዮስ...

2ይ ዓመታዊ ጉባኤ ን/ሃ/ስ ካናዳ ኣብ ከተማ ቶሮንቶ ተካይዱ!

“ብጐይታ ኩሉ ሳዕ ተሓጐሱ ፡ ደጊመ ተሓጐሱ እብል ኣለኩ ” ኤፌ 4፦4 ኣብ ትሕቲ ዝብል መሪሕ ቃል ንክልተ መዓልቲ ዝወሰደ...

ኣብ ሀገረ ስብከት ደቡብ መንደፈራ ንኡስ ሃገረ ስብከት ዓዲ…

ኣብ ሃገረ ስብከት ደቡብ መንደፈራ ንኡስ ሃገረ ስብከት ዓዲ ዃላ፡ ኣብ ፋይናንስን ምኅደራን ከምኡ ድማ ንጉዳይ ጥሮታን መምርሒታቱን ዝምልከት ስልጠና፡...

ክብረ በዓል ገዳም ደብረ ክሳሄ ወደብረ ማርያም አቡነ አብሳዲ ብድሙቕ…

“ኀበ ጽላሎታ ዘበጽሐ ኢይሬኢ ደይነ” ዓመት መጽአ 30 መስከረም ክብረ በዓል አቡነ አብሳዲ ኣብ ገዳሞም ደብረ ክሳሄ ወደብረ ማርያም አቡነ አብሳዲ...

“ኦ አርሴማ ኪዳነኪ ኮነ ለኃጥአን ቤዛነ” ብዝብል ድምቀት ክብረ በዓል…

ዓመት መጽአ 29 መስከረም ዝክረ ሰማዕትነት ቅድስት ኣርሴማ ኣብ ኦርቶዶክሳውያን ኣብያተ ክርስቲያን ዝኽበር ኮይኑ፣ ብስማ ዝተሓንፀ ቤተ ክርስቲያንን ዝተገደመ ደብረ...

“ብክዩ ኅዙናን ሐልየክሙ ስደታ . . . እቲ መሪር ስደታ”

ሕዝበ ክርስቲያን እዚ ቅንያት’ዚ ንስደት ኣዴና ቅድስት ድንግል ማርያም ምስ ፍቁር ወዳ፡ ቅዱስ ዮሴፍን ቅድስት ሰሎሜን ካብ እስራኤል ናብ ግብጺ...

ተመረቕቲ ነገረ መለኮት መንእሰያት ኣባላት ትምህርት ሰንበት ንዝተማህርዎ ትምህርቲ ኣብ…

ብዕለት 20 መስከረም 2014 ዓ.ም. (30/09/2021.ፈ) ተመረቕቲ ነገረ መለኮት መንእሰያት ኣባላት ትምህርት ሰንበት ንዝተማህርዎ ትምህርቲ ኣብ ምትኅልላፍ ክተግሁ ኣብ ቤት...

ትምህርቲ ቀዳምነት ዝተወሃቦ ዕላማ ቅዱስ ሲኖዶስ!

ቀዳማይ ዕላማ ቅድስት ቤተ ክርስቲያን፡ ቃለ ወንጌል ንሰባት ብምምሃር ናብ ርቱዕ እምነት ከምዝመጹን ብሃይማኖትን ሠናይ ግብርን ከምዝነብሩን ብምግባር ንዘለዓለማዊ መንግሥተ...

'ብዙኃን ማርያም'

21 መስከረም፡ ብዙኃን ሊቃውንት ኣብ በዓለ ማርያም ተጋቢኦም ክሕደት ኣርኂቖም ሃይማኖት ዘጽንዕሉ ንዝክረሉ ዕለት ስለ ዝኾነ ብዙኃን ማርያም ይበሃል። ኣብ ራብዓይ...

ጉባኤ ኤፌሶን (431 ዓ.ም.) 2ይ ክፋል

ነገረ ጉባኤ እቲ ጉባኤ ምስ ተጀመረ፣ ተኸሳሲ ንስጥሮስ ናብቲ ጉባኤ ቀሪቡ ትምህርቱ ከቕርብ ተሓተ። ጉባኤ ብምልኣት እንተዘይተአኪቡ ኣይመጽእን በለ። ሠለስተ ጊዜ...

በዓል ቅዱስ መስቀል 2014 ዓ.ም. ብዓቢይ ድምቀት ተባዒሉ!

ዓመት መጸ 17 መስከረም ብዓቢይ ድምቀት ኣብ ኵለን ኣብያተ ክርስቲያን ክበዓል ከሎ፡ ብፍላይ ግና ኣብ ሀገረ ስብከት ኣሥመራ ኣብ ርእሰ...

ኃይሊ ቅዱስ መስቀል ኣብ ዘመነ ኣበው።

በስመአብ ወወልድ ወመንፈስ ቅዱስ አሐዱ አምላክ ኣብ ዘመነ ኣበው’ውን እንተኾነ ናይቲ ኺመጽእ ዘለዎ ኣማናዊ መስቀል ጽላሎት ኮይኑ ብዙኅ ተኣምራት ሰሪሑ እዩ፤...

  

latest articles

Transfiguration: (Debre Tabor)

This is the day celebrated on Nehase (August) 13 G.C. in which Our Lord Jesus Christ during his ministry, manifested...

PRAYER

Prayer is a word by which man communicates with his Creator in Faith, thanking and beseeching Him for the forgiveness...

FAITH AND WORKS

Faith is “a confidence or trust in God”. Faith gives assertion to the things we hope for and explains the...

The feast of the Holy Cross - Mesekel (The Founding…

The Mesekel holiday is celebreated on Meskerem 17 (27th of September) and Megabit 10 (19th of March). The word Meskel...

The Ascension of St Mary (part two)

Moreover, Whilst John the evangelist was preaching in the country of Asia, on the sixteenth day of the month of...

The Ascension of St Mary (part one)

"At your right hand stands the queen." (Psalm 45:9)IN THE NAME OF THE FATHER AND THE SON AND THE HOLY...

The Fast of Assumption of the Virgin Mary

This fast lasts from Nehassie (August) 1 to 16. Our Lady departed on 21 of Ter (January) in 50 A.D...

“Blessed is he that considereth the poor” Ps. 41:1

In the name of the Father, and of the Son, and of the Holy Spirit, One God Amen. The basic necessities...

The Apostle Saint Paul

Saint Paul was a Jew, of the tribe of Benjamin, a Pharisee, the son of a Pharisee; and his kinsfolk...

The Apostle st. Peter

Peter was from Bethsaida, and he was a fisherman.  Our Lord chose him on the second day following that whereon...

The Fast of Wednesdays and Fridays

Every week Wednesdays and Fridays are observed as fast days except during the fifty days (between Easter and Pentecost), and...

The Fast of the Apostles

The Apostles observed this fast after they received the Holy Spirit and before they set out to proclaim the Gospel...