“መኑ ያኀድገነ ፍቅሮ ለክርስቶስ /ካብ ፍቕሪ ክርስቶስ ዚፈልየና መን እዩ፧” - ቅዱስ ቶማስ ዘመርዓስ

Aug 31, 2020

“መኑ ያኀድገነ ፍቅሮ ለክርስቶስ፡ ሕማምኑ ምንዳቤኑ ተሰዶኑ ረኃብኑ ዕርቃንኑ መጥባሕትኑ ፃዕርኑ። በከመ ይቤ መጽሐፍ በእንቲአከ ይቀትሉነ ኵሎ አሚረ ወኮነ ከመ አባግዕ ዘይጠብሑ። ወባሕቱ በእንተዝ ንመውዖ ለኵሉ እስመ ውእቱ አፍቀረነ/ ካብ ፍቕሪ ክርስቶስ ዚፈልየና መን እዩ፧ መከራዶ፡ ጸበባዶ፡ ስደትዶ፡ ጥሜትዶ፡ ዕርቃንዶ፡ ድንገትዶ ወይስ ሞት። ከመዮ ምእንታኻ ምልኡ መዓልቲ ንቅተል ኣሎና፡ ከም ኣባጊዕ ማሕረዲውን ተቘጸርና” ከም ዝብል መጽሓፍ። ፍጹም ስለዘፍቀረና ንዅሉ ንስዕሮ ኣሎና።” (ሮሜ 8፡35-37)

ጣዕሚ መንግሥተ ሰማያትን ምረት ገሃነመ እሳት ዘስተውዓለ ክርስቲያን፡ ካብታ ኣብ እግዚአብሔር ዘላቶ ፍቕሪ ክፈልዮ ዝኽእል መከራ የለን። መከራ እንክበዝኆ ዝያዳ ይጸንዕ፡ ብዝበለጸ ይኅይል። 

ቅዱሳን ሓዋርያት ደሞም ኣፍሲሶም ንዝሰበኽዋ ቤተ ክርስቲያን፡ 318 ሊቃውንት ተረኪቦም ኣዕጽምቶም ከስኪሶም ኣጽንዕዋ። ካብዞም 318 ሊቃውንት ተኣምራት ዘይገበረን መከራ መስቀል ዘይተቐበለን የለን።

ሓደ ካብዞም ሊቃውንት ድማ ቅዱስ ቶማስ እዩ።

ብጸሎትን ጾምን ስግደትን ተወሲኑ፡ ጽጉማት ይረድእ ነበረ። ምግባር ትሩፋቱ ተራእዩ ናይ ሃገረ መርዓስ ኤጲስቆጶስ ኮይኑ ተሠይመ። በዚ ኸኣ ‘ቶማስ ዘመርኣስ’ ተባህለ። ኣብ ሃገረ መርዓስ ርትዕት ሃይማኖት ኣብ ምስፋሕን ካብ መንጣሊ ትዅላ ሰይጣን ኣብ ምሕላውን ከም ዝቐደሙ ኣቦታቱ ቅዱሳን ሓዋርያት ብዙኅ ተጋደለ።

ኣብቲ ጊዜ’ቲ ኣብ ግዝኣት ሮም ዝነገሠ ዲዮቅልጥያኖስ፡ ንሕዝበ ክርስቲያን ሃይማኖትኩም ክሒድኩም ንጣዖት ዘየምለኽኩም እናበለ የሳቕዮምን ይቐትሎምን ነበረ። ሓደ ካብ መኳንንቱ ንሠራዊቱ ናብ መርዓስ ከይዶም ንቅዱስ ቶማስ እናኣጋፍዑን ቐጥቀጡን ከምዘምጽእሉ ገበረ። “ስግድ ለአማልክት/ ንኣማልክቲ ስገድ” በሎ። ቅዱስ ቶማስ ድማ “ብዘይካ ንእግዚአብሔር ኣምላኽ ንኻልእ ኣይሰግድን እየ። እቲ ነዞም ርኵሳን ኣማልክት ጣዖታት ዝሰግድ ድማ ርጉም እዩ” በሎ።

እቲ መኰንን ብሕርቃን ነዲሩ ኣኽቢዱ ኣሳቐዮ። ብፍላይ ዘይተጻረየ ነዳዲ ኣፍሊሑ ብኣፉን ኣፍንጫኦም እናእተዉ ኣሰቐይዎ። ስቓዩ ምእንቲ ክገድድን ካልኦት ንስቓዩ ርእዮም ንክርስቶስ ክኽሕዱን ብዙኅ ጊዜያት ብኸምዚ ቀጸልዎ። ቅዱስ ቶማስ ግና 'ካብ ፍቕሪ ክርስቶስ ዚፈልየና መን እዩ፧ መከራዶ፡ ጸበባዶ፡ ስደትዶ፡ ጥሜትዶ፡ ዕርቃንዶ፡ ድንገትዶ ወይስ ሞት።' ብምባል ብኃይለ ክርስቶስ ጸኒዑ እናኃደረ ይኅይልን ይሕደስን ብምንባሩ እዞም መምለክያነ ጣዖት ኃይሎም ተጸንቂቑ ላሕ በሉን ተሰነፉን። ኣብ መወዳእታ እናተሳቐየ ምእንቲ ክመውት ኣብ መካነ ጽልመት ደርበይዎ። ናብዚ ቦታ ድማ ዓመት ዓመት እናመጹ ኣእዳዉን ኣእጋሩን ኣፍንጫኡን ከናፍሩን ኣእዛኑን ብሓፈሻ በብሓደ ሕዋሳተ ኣካሉ እናቖራረጹ ን22 ዓመታት ክሳዕ ጻድቅ ንጉሥ ቆስጠንጢኖስ ዝነግሥ ኣሳቐይዎ።

ብብዝኂ ስቓይ ዝሞተ መሲልዎም እቶም ዘፍቅርዎ መጓሰኡ ሕዝበ ክርስቲያን ዓመታዊ ዝክረ ዕረፍቱ የኽብሩ ነበሩ። እንተኾነ ኣበይ ከምዝደርበይዎ ትፈልጥ ዝነበረት ሓንቲ ገባሪተ ሠናይ ሰበይቲ፡ ብኅቡእ ለይተ ለይቲ እናኸደት ትምግቦ ነበረት። ብዘመነ ንጉሥ ቆስጠንጢኖስ ዘመነ ሰላም ኮይኑ ምእመናንን ምእመናትን ካብ ዝተኣስርሉ ዝፍትሕሉ፡ ዝሞቱ ድማ ንቡር ቀብሪ ዝግበረሎም ጊዜ ብምንባሩ እዛ ሰበይቲ እዚኣ ናብ ካህናት ከይዳ ብዛዕባ ቅዱስ ቶማስ ኵሉ ነገረቶም። ንሳቶም ድማ ብኽብሪ ዓጂቦም እናዘመሩ ናብ ቤተ ክርስቲያን ኣእትዮም ኣብ መንበር ብኽብሪ ኣንበርዎ።

ቅዱስ ቶማስ፡ ኣብ ኒቂያ ንኣውግዞተ ኣርዮስ ኣብ ዝተሠርዐ ጉባኤ ንኽሳተፍ ኣርድእቱ ኣብ ዘንቢል ኣእትዮም ኣብ ኣድጊ ጽዒኖም እናወሰድዎ፡ ብለይቲ ዓላውያን ሰባት ተጓነፍዎም። ነተን ኣእድጎም ድማ ኣራእሰን ቆሪጾም ደርበይወን። ቅዱስ ቶማስ ነቶም ኣርድእቱ ‘ኣራእሰን ኣምጽኡለይ’ ኢሉ ናይታ ጸላም ኣድጊ ርእሲ ኣብታ ፀዓዳ፡ ናይታ ፀዓዳ ኣድጊ ርእሲ ድማ ኣብታ ጸላም ኣግጢሙ ባረኾም እሞ ኵሎም ኣእዱግ ካብ ሞት ተንሥኡ።

ኣብቲ ጉባኤ ምስ በጽሐ፡ ንጉሥ ቆስጠንጢኖስ ተጋድሎን ቅድስናን ቅዱስ ቶማስ ተረዲኡ፡ ‘በረኸትካ ይብጽሓኒ’ ብማለት ነቶም ዝተቖራረጹ ሕዋሳተ ኣካሉ ብምድኅሣሥ ተባረኸ።

ቅዱስቶማስ ዘመርዓስ ምስቶም ካልኦት ጴጲስ ቆጶሳት ብምዃን ብመሪሕነት መንፈስ ቅዱስ ጉባኤ ሠሪዖም ነቲ ተመኺሩ ምምላስ ዝኣበየ ኣርዮስ ኣውጊዞም ፈለይዎ። ከምኡ’ውን ሕግን ቀኖናን ፍትሕ ሥጋውን መንፈሳውን ሠሪዖም ናብ ሃገረ ስብከቶም ተመልሱ።

ቅዱስ ቶማስ ድማ ናብ መንበረ ሢመቱ ሃገረ መርዓስ ተመሊሱ ሕዝበ ክርስቲያን ክባርኽን ክጓስን ድኅሪ ምጽናሕ 24 ነሐሴ ብሰላም ዓረፈ።

ብጠቕላላ ኣብ 40 ዓመት መዋዕለ ሢመቱ ብተጋድሎን ጽንዓትን ቅድስናን ትሩፋትን ንእግዚአብሔር ኣሥሚሩ ካብዛ ኃላፊት ዓለም ናብታ ዘለዓለማዊት መንግሥተ ሰማያት ተሰጋገረ።

በረከተ ጸሎቱ ምስ ኵላትና ሕዝበ ክርስቲያን ይኹን።

ሰላም ለቶማስ ዘአባላቲሁ ግሙድ፡

እስከ አስተርእየ ኅብሩ አምሳለ ውዑይ ጕንድ፡

ለዝ መዋዒ በነፅሮ ገድሉ ፍድፉድ፡

ወሰላም ለእለ ምስሌሁ ሙቁሐነ እድ፡

አእላፈ ክርስቶስ ተስዓቱ እልፍ በፍቅድ።

ወስብሐት ለእግዚአብሔር፡ አሜን!

No events found.
Ad Right

ዜና ኅትመት

እዋናዊ ጽሑፋት

ምሥጢር ፊደላትና ይተዓቀብ!

ኣብ ልሳነ ግእዝን ትግርኛን፡ ነፍስ ወከፍ ፊደል ናቱ ትርጕምን መግለጽን ኣለዎ። ብኣደማምፃኦም ሓደ ዓይነት ዝኾኑ፣ እንተኾነ ግና ብመልክዕን ቅርጽን ከምኡ’ውን...

ቅዱስ ሲኖዶስ ምስ ኃላፍቲ ንኡስ ሃገረ ስብከት ዓባይ ብሪጣንያ ርክብ…

ቤት ጽሕፈት ቅዱስ ሲኖዶስ ከም መቀጸልታ ናይቲ ኣቀዲሙ ምስ ኣብ ወጻኢ ዝርከባ ሃገረ ስብከታትን ንኡሳን ሃገረ ስብከታት ከካይዶ ዝጸንሐ ጉባኤ፡...

ቅዱስ ሐዋርያ ፊልጶስ አሐዱ እምዓሠርቱ ወክልኤቱ ሐዋርያት 

18 ኅዳር ዕለተ ዕረፍቱ ናይ ሓደ ካብ ዓሠርተው ክልተ ሓዋርያት ዝኾነ ቅዱስ ፊልጶስ እዩ። ‘ፊልጾስ’፦ ማለት መፍቀሬ አኃው ፈታው ኣኅዋት፣ ኣኃዜ ኲናት...

ዘመነ አስተምህሮ

ኣብ ነፍሲ ወከፍ ዕለት፡ ብፍላይ ከኣ ዕለተ ሰንበት እሑድ ዝዝመር፡ ዝስበኽ፡ ዝንበብን ዝቕደስን ብሓፈሻ ዝበጽሕ ስብሐታትን ዝንበብ ቃለ እግዚአብሔርን ምሥጢር...

ጾመ ነቢያት፡ ካብ ሠሉስ 15 ኅዳር ጀሚሩ፡ በዓለ ልደት ድማ…

ቅድሚ በዓለ ልደት ኣብ ዘሎ ጊዜያት፡ “ወጥንተ ዚአሁ መንፈቀ ኅዳር/ መጀመርታኡ ፍርቂ ወርኀ ኅዳር” ከምዝብል ካብ 15 ኅዳር ጀሚሩ ክሳዕ...

ክብረ በዓል ቅዱስ ሚካኤል ተኸቢሩ ብዓቢይ መንፈሳዊ ድምቀት ተባዒሉ!

ዓመት መጽአ 12 ኅዳር እስራኤላውያን ካብ ባርነት ግብጻውያን ብመሪሕነት ሊቀ መላእት ቅዱስ ሚካኤልን ናጽነት ዝወጽእሉ ብምዝካር ዝኽበር ክብረ በዓል ቅዱስ...

"ንኣይ ዝሕግዘንን ዝከላኸለለይን ሚካኤል እዩ” ዳን. 10፡21

ቅዱስ ሚካኤል ሓደ ካብቶም ሊቃነ መላእኽቲ እዩ። (ይሁዳ 1፡9) ኃይላት ናይ ዝበሃሉ ነገድ ሓለቓ እዩ። (ሄኖ. 10፡2-12) ቅዱስ ሚካኤል ናይ...

ኣብ ሃገረ ስብከት ደቡብ፡ ክብረ በዓል ቁስቋም ማርያም ኣረጊት ድባርዋ…

6 ኅዳር ክብረ በዓል ቁስቋም ኣብ ማርያም ኣረጊት ድባርዋን ብፁዕ ኣቡነ ሉቃስ ዋና ጸሓፊ ቅዱስ ሲኖዶስን ጳጳስ ሃገረ ስብከት ደቡብ...

ዛዘምቲ ደረጃ ዲፕሎማ ቤት ትምህርቲ ስነ መለኮት ደብረሲና ቅድስት ሥላሴ…

ቅድስት ቤተ ክርስቲያንና ከም ኣካል ብዘመናዊ ኣገባብን ሥርዓተ ትምህርትንምሥልጣንን ምምሃርን ኣገልገልቲ ቅድስት ቤተ ክርስቲያን  ምሉእ ባይታ ብምጥጣሕ፡ ኣኅዳሪ መንፈሳዊ ኮሌጅ...

ሊቀ ሰማዕት ቅዱስ ጊዮርጊስ

ሰማዕት ዝብል ቃል ‘ሰምዐ’ መስከረ ካብ ዝብል ግእዛዊ ግሥ ዝተረኽበ ኪኸውን ከሎ ምምስካር፡ ምስክር ማለት እዩ። “ብዛዕባ እቲ ኻብ መጀመርታ ዚነበረ...

ሓዊ ማሕየዊ

‘ቲ ፈተና - ሓዊ፡ ንኣይ ዝተኣጒደ፡ዋላ ተሽለቘኒ ውሽጠይ እናንደደ፡ደኃር ግን ፈሊጠ ምስ በጽሐ እዋኑ፡ንምድራዊ ሕይወተይ መብሰሊ ምዃኑ።    ምኽንያቱ፡    ምድራዊ ሕይወተይ...

ዓመታዊ በዓል ቤት ትምህርት ሰንበት ቅድስት ኣርሴማ ሲደሮት ቤተ ክርስቲያን…

ብዕለት 7 ጥቅምት 2013 ዓ.ም.ግ. “ኣብ ዓይንኽ ዘሎ ስርወ ዘየስተውዓልካስ ንምንታይ ኣብ ዓይኒ ኃውኻ ዘሎ በሰር እትርኢ” ማቴ 7፡3 ብዝብል...

  

latest articles

FAITH AND WORKS

Faith is “a confidence or trust in God”. Faith gives assertion to the things we hope for and explains the...

The feast of the Holy Cross - Mesekel (The Founding…

The Mesekel holiday is celebreated on Meskerem 17 (27th of September) and Megabit 10 (19th of March). The word Meskel...

The Ascension of St Mary (part two)

Moreover, Whilst John the evangelist was preaching in the country of Asia, on the sixteenth day of the month of...

The Ascension of St Mary (part one)

"At your right hand stands the queen." (Psalm 45:9)IN THE NAME OF THE FATHER AND THE SON AND THE HOLY...

The Fast of Assumption of the Virgin Mary

This fast lasts from Nehassie (August) 1 to 16. Our Lady departed on 21 of Ter (January) in 50 A.D...

“Blessed is he that considereth the poor” Ps. 41:1

In the name of the Father, and of the Son, and of the Holy Spirit, One God Amen. The basic necessities...

The Apostle Saint Paul

Saint Paul was a Jew, of the tribe of Benjamin, a Pharisee, the son of a Pharisee; and his kinsfolk...

The Apostle st. Peter

Peter was from Bethsaida, and he was a fisherman.  Our Lord chose him on the second day following that whereon...

The Fast of Wednesdays and Fridays

Every week Wednesdays and Fridays are observed as fast days except during the fifty days (between Easter and Pentecost), and...

The Fast of the Apostles

The Apostles observed this fast after they received the Holy Spirit and before they set out to proclaim the Gospel...

The feast Of Pentecost

IN THE NAME OF THE FATHER AND THE SON AND THE HOLY SPIRIT, ONE GOD. On this day the Holy...

Ascension

After the Lord Jesus Christ had finished the operation of His wisdom upon earth, by His Passion, and His Death...