3 ጳጕሜን - ሊቀ መላእክት ቅዱስ ሩፋኤል

Sep 07, 2020

ቅዱሳን መላእክት፡ ልኡካን ኣገልገልቲ፡ ምሕረት እግዚአብሔር ናብ ሰባት፡ ምስጋና ልማኖ ጸሎት ሰባት ድማ ናብ እግዚአብሔር ዘብጽሑ ምእንቲ ዅሉ ፍጥረት ዝልምኑ ፍሉያት ቀረባ እግዚአብሔር ማለት እዩ።

ቅዱሳን መላእኽቲ፡ ነባብያን ለባውያን ሕያዋን ኃያላንን ቅልጡፋትን ረቂቃንን እዮም። እዚ ማለት ባሕርይ ናይ ሕማም ድካም ሞት የብሎምን። ብዝኆም ብቝጽሪ ዘይውሰን አእላፈ አእላፋት (ናይ ብዙኅ ብዙኅ) ቍጽሮም ብዘይካ ፈጣሪኦም ካልእ ኣይፈልጣን እዩ።

ቅዱሳን መላእክት፡ ከም ብዝኆም ዓይነት ኣገልግሎቶም ብዙኅ እዩ። ንእግዚአብሔር ምምስጋን (ኢሳ. 4 ራእ. 5፡12)፣ ምእንቲ ሰባት ምልማን (ማቴ. 18፡10)፣ ንዘኽብርዎምን ዝፈርህዎምን ካብ መከራ ምንጋፍ (መዝ. 34፡7)፣ ንዝደኸሙ ምብርታዕን ምርዳእን (ዘፍ. 16፡7) . . . ወዘይመስሎ እዩ።

ሓደ ካብዞም ቅዱሳን መላእክት ቅዱስ ሩፋኤል እዩ። ትርጓሜ ስሙ ለዋህ ኄር ንልቢ ዘሐጕስ ንኃጥኣን ክሳብ ዚንስሑ ዝረድኦም ማለት እዩ። ሊቀ መላእክት ቅዱስ ሩፋኤል ኣብ መንፈስ ሰባት ዝተሸመ፡ ፈታሔ ማሕፀን ሰባትን እንስሳታትን፡ መዛግብቲ ሰማያት ኣብ ኢዱ ዝተዓቝቡ ብትእዛዝ እግዚአብሔር ድማ ዝዓጹን ዝኸፍትን፡ ሓደ ካብቶም ጸሎት ቅዱሳን ዜዕርጉን ኣብ ቅድሚ እግዚአብሔር ደው ዚብሉን ሾብዓተ ቅዱሳን መላእኽቲ እዩ። (ድርሳነ ቅዱስ ሩፋኤል፡ መጽ. ጦቢት 12፡15)

ካብ ነገደ ንፍታሌም ጦቢት ዝበሃል ምሉእ ሕይወቱ ጽቡቕ ግብሪ እናገበረ ብቕንዕና ሕገ እግዚአብሔር እናፈጸመ ዝመላለስ ሰብ ነበረ። በዓልቲ ቤቱ ሓና ሓደ ወዱ ድማ ጦቢያ ይበሃሉ። ኣብ ስደት ከሎ ከይተረፈ ብእምነቱን ብሠናይ ግብሩን እሙን ነበረ። ሬሳ ቐቢሩ ሰብነቱ ተሓፂቡ ደቂሱ ኸሎ ለዃዅቶ ኣብ ኣዕይንቱ ሸይነናኑ ብምዕዋሩ ናብ ኣምላኹ ንኽምሕሮ ይጽሊ ነበረ። በዛ መዓልቲ እዚኣ ድማ ሾብዓተ ጊዜ ተመርዒያ ‘ኣስማንድዮስ’ ብዝተባህለ እኩይ ጋኔን ዝመትዋ ዝነበሩ ሣራ ጓል ራጉኤል ብግዝእታ ስለዝተጸርፈት ጕሕያ ካብዚ ውርደት እዚ ከድኅና ንፈጣሪኣ ትምልን ነበረት። እግዚአብሔር ጸሎት ክልቲኦም ሰሚዑ ንኬሕውዮም ንሊቀ መላእክት ቅዱስ ሩፋኤል ለኣኸሎም።

ድኅር’ዚ ጦቢት ምስ ገባኤል ዘሎ ገንዘቡ ዘኪሩ ንጦቢያ ምዒዱ ኪሰዶ ዓስቡ ዝወሃቦ መካይድቲ ሰብ ክደሊ ነገሮ። ጦቢያ ካብታ ቤት ውፅእ ምስ በለ ምስ ቅዱስ ሩፋኤል (ኣዛርያ) ተራኸቡ። ጕዕዞ ተጀሚሩ ከባቢ ሩባ ጤግሮስ ኃደሩ። ጦብያ እግሩ ኪሕፀብ ምስ ወረደ ካብቲ ሩባ ኺውሕጦ ዝደለየ ዓሣ ምስ ወፅአ። ሓሞቱን ልቡን ጸሊም ከብዱን ክወስዶ ነገሮ ንሱ’ውን ንምንታይ ከምዘገልግል ሓተቶ። ልብን ጸሊም ከብድን ንዅሉ ጋኔን ዝኃዞ እንተ ዓጠንካዮ እቲ ጋኔን ከምዝሃድምን ከምዘይምለስን እቲ ሓሞት ድማ ዓይኑ ንዝዓወረ እንተ ኣንጢብካሉ ከምዝርኢ ነገሮ።

ኣብ መንገዲ ኤክባታና ኸለዉ ኣብ እንዳ ራጉኤል ከምዝኃድሩን ንሣራ ዚምርዓዋ ንሱ ጥራይ ምዃኑ ይነግሮ። እንተኾነ ጦቢያ ከምቶም ተመርዒዮምዋ በቲ ጋኔን ዝሞቱ ሾብዓተ ሰብኡት ከም ዘይመውት ነገሮ። ቅዱስ ሩፋኤል ናይቲ ዓሣ ልብን ጸሊም ከብዳን ኣብቲ ዚተክኽ ዕጣን ምስ ገበሮ ነቶም ሰብኡት ዚቐትሎም ጋኔን ካብ ሣራ ከምዝወፅእን ሰማያዊ ኣምላኽ ብምሕረቱ ከምዝጥምቶምን ኵሉ ነገሮ። ድኅርዚ እንዳ ራጉኤል ኣትዮም ከምቲ ሕጊ ሙሴ ዚእዝዞ ንሣራ ሰበይቱ ክትኾኖ ሃቦ። እቲ ዅሉ ጸገማ ከምቲ ቅዱስ ሩፋኤል ዝነገሮ ምስ ገበረ እቲ ጋኔን ካብኣ ወፅአ። መርዓ ተፈጺሙ ናብ ወለዱ ኪምለስ ከሎ ቅዱስ ሩፋኤል በቲ ሓሞት ዓሣ ንኣዕይንቲ እንተለኸየን ከምዝሓዊ ተዛረቦ። ከምታ ዝተሓበሮ ድማ ነተን ዝዖራ ኣዕይንቲ ጦቢት ምስ ለኸየን ሓወያ። ጦቢያ ብዅሉ ተሓጕሱ ንእግዚአብሔር ኣመስገነ።

በዓላት መርዓ ምስ ኃለፈ ጦቢት ንጦቢያ ወዱ ነቲ መካይድቱ ዝነበረ ዓስቡ ክንደይ ከምዝኸፍሎ ሓተቶ። ጦቢያ በቲ ዅሉ ዝተራድኦ ብሰላም ናብ ቤቱ ኪምለስውን ስለዝገበሮ ፍርቂ ናይቲ ዘምጽኦ ሃብቲ ከምዝግብኦ ነገሮ። ሽዑ ቅዱስ ሩፋኤል በቲ ዅሉ ዝተገብረሎም ንእግዚአብሔር ከመስግኑን ግብሩ ክነግሩን ንሱ ሓደ ካብቶም ጸሎት ቅዱሳን ዜዕርጉን ኣብ ቅድሚ እግዚአብሔር ደው ዚብሉን ሾብዓተ ቅዱሳን መላእኽቲ ሓደ ምዃኑ ነገሮም። ጦቢትን ጦብያን ከኣ ብፍርሂ ብግምባሮም ተደፊኦም ኣብ ምድሪ ወደቑ። ኣጆኹም ኣይትፍርሁ ክሳብ መወዳእታ ንኣምላኽ ከመስግንዎ ዝተገብረሎም ኪጽሕፍዎ ነጊሩ ናብ ሰማይ ዓረገ። በቲ ዅሉ ዝገበረሎም ዜደንቕ ግብርታት ንእግዚአብሔር ኣመስገኑ።

ኦርቶዶክሳዊት ቅድስት ቤተ ክርስቲያና ዓመት መፅአ 3 ጳጉሜን እተኽብረሉ ቐንዲ ምኽንያት ኣሎ። ቅዱሳን ሓዋርያት ንፈጣሪ ዓለማት ኢየሱስ ክርስቶስ ኣብ ደብረ ዘይት ብዝሓተትዎ መሠረት ካብ ሊቃነ መላእክት ቅዱስ ሩፋኤልን ቅዱስ ገብርኤል ቀጺሉ 3ይ ሊቀ መላእክት ኮይኑ ከም ዝተሸመን ሥልጣኑን ክብሩን ዝተገልጸሉ ተራዳኢነቱ ዝተጋህደሉ ዕለት እዩ። ብተወሳኺ’ውን ዕለት 13 ምስ አእላፍ መላእክት ወርኃዊ በዓሉ እዩ።

ተራዳእነት ሊቀ መላእክት ቅዱስ ሩፋኤል ኣይፈለየና።

ስብሐት ለእግዚአብሔር ወለወላዲቱ ድንግል ወለመስቀሉ ክቡር፡ አሜን!

No events found.

ዜና ኅትመት

እዋናዊ ጽሑፋት

በዓለ እረፍት አቡነ ቦክረ ድንግል ኣብ ገዳም ኣቡነ ብፁዓ አምላክ…

ሓዋርያዊትን ኣጽናፋዊትን ዝኾነት ቅድሥቲ ቤተ ክስቲያን ሓደ ካብቲ መለለይአ ዝኾነ፡ንቅዱሳን ዘለዋ ክብርን ዝኽርን እዩ።ከምቲ ቅዱስ ጳውሎስ  “ተዘከሩ መኳኒንክሙ ዘነገርኩሙ ቃለ...

መመረቕታ ቤተ ክርስቲያን ደብረ ትጉሃን መላእክት ኣርባዕቱ እንስሳ ብድሙቕ መንፈሳዊ…

ኣብ ንኡስ ዞባ ማይ ዓይኒ ቤተ ክርስቲያን ደብረ ትጉሃን መላእክት ኣርባዕቱ እንስሳ ብፁዕ ወቅዱስ አቡነ ቄርሎስ ፓትርያርክ ዘኦርቶዶክስ ተዋሕዶ ቤተክርስቲያን...

ሓጺር መግለጺ ታሪኽ ሕይወትን ኣገልግሎትን ብፁዕ ወቅዱስ ኣቡነ ቄርሎስ 5ይ…

`` ዝንቱሰ ብእሲ ዘእምንእሱ ሕይወቱ ውስተ ቤተ እግዚኣብሔር / እዚ ሰብ እዚ ካብ ንእስነቱ ኣትኂዙ ኣተዓባብያኡ ኣብ ቤተ እግዚኣብሔር እዩ...

ጸሎተ ፍትሓትን ሰማዕታተ ኤርትራ

በስመ አብ ወወልድ ወመንፈስ ቅዱስ አሐዱ አምላክ። ሰብ ንሕይወቱ ኣብ ክንዲ ብጻዩ በጃ ዘሕልፍ፡ ካብዚ ዝዓቢ ፍቅሪ የልቦን፤ ዮሓ 15፥13 ኣብ ውሽጢ...

መግለጺ ቅዱስ ሲኖዶስ ድኅሪ ሢመተ 5ይ ፓትርያርክ!

መግለጺ ቅዱስ ሲኖዶስ ድኅሪ ሢመተ 5ይ ፓትርያርክ!

ሥርዓተ ሢመት ወጸሎተ ተቀብዖ ብፁዕ ወቅዱስ አቡነ ቄርሎስ ፭ይ ፓትርያርክ…

ሎሚ ዕለት ፮ ሰነ 2013 ዓ.ም (13/06/2021) ሥርዓተ ሢመት ወጸሎተ ተቀብዖ ብፁዕ ወቅዱስ አቡነ ቄርሎስ ፭ይ ፓትርያርክ ኣብ ርእሰ ኣድባራት...

ጸሎተ ሠርክ ሥርዓተ ተቀብዓ 5ይ ፓትርያርክ ዘኦርቶዶክስ ተዋሕዶ ቤተ ክርስቲያን…

5 ሰነ 2013 ዓ.ም. (12 ሰነ 2021 ዓ.ም.) ጸሎተ ሠርክ ኣብ ዋዜማ ሥርዓተ ተቐብዖ 5ይ ፓትርያርክ ዘኦርቶዶክስ ተዋሕዶ ቤተ ክርስቲያን...

ምድላው ክዳውንቲ 5ይ ፓትርያርክን ተፈጺሙ!

ብደብረ ደናግል ሰማዕት ቅድስት ድምያና በራሪ ሃገረ ግብጽ ኣልባሳት 5ይ ፓትርያርክ ብልዑል ጻዕሪ ኣብ ሓጺር እዋን ተዳልዩ፡ ብዕለት 4 ሰነ...

እንቋዕ ናብ በዓለ ዕርገት ጐይታናን ኣምላኽናን መድኃኒናን ኢየሱስ ክርስቶስ ብሰላም…

በስመ አብ ወወልድ ወመንፈስ ቅዱስ አሐዱ አምላክ! በዓለ ዕርገት፥ ሓደ ካብ ትሽዓተ ዓበይቲ በዓላት ኮይኑ፡ ጐይታናን መድኃኒናን ኢየሱስ ክርስቶስ ካብ ሙታን...

ኣብ ምቛም ቤተ መዘክርን ቤት ንባብን ርእሰ ኣድባራት ደብረ ጽዮን…

ብዋና ኣመኃዳሪ ቤት ጽሕፈት መንበረ ፓትርያርክ ኦርቶዶክስ ተዋሕዶ ቤተ ክርስቲያን ኤርትራ ብፁዕ አቡነ ባስልዮስ ዝተመርሐ ልዑኽ ኃለፍቲ ቤት ጽሕፈት መንበር...

ክብረ በዓል ቅድስት ድንግል ማርያም በለዛ ብድምቀት ተኸቢሩ!

ዓመታዊ 21 ግንቦት ኣስተርእዮ (ምግላጽ) ቅድስት ድንግል ማርያም ኣብ ደብረ ምጥማቅ ብምዝካር ዝኽበር ክብረ በዓል ቅድስት ድንግል ማርያም ኣብ ኩለን...

  

latest articles

PRAYER

Prayer is a word by which man communicates with his Creator in Faith, thanking and beseeching Him for the forgiveness...

FAITH AND WORKS

Faith is “a confidence or trust in God”. Faith gives assertion to the things we hope for and explains the...

The feast of the Holy Cross - Mesekel (The Founding…

The Mesekel holiday is celebreated on Meskerem 17 (27th of September) and Megabit 10 (19th of March). The word Meskel...

The Ascension of St Mary (part two)

Moreover, Whilst John the evangelist was preaching in the country of Asia, on the sixteenth day of the month of...

The Ascension of St Mary (part one)

"At your right hand stands the queen." (Psalm 45:9)IN THE NAME OF THE FATHER AND THE SON AND THE HOLY...

The Fast of Assumption of the Virgin Mary

This fast lasts from Nehassie (August) 1 to 16. Our Lady departed on 21 of Ter (January) in 50 A.D...

“Blessed is he that considereth the poor” Ps. 41:1

In the name of the Father, and of the Son, and of the Holy Spirit, One God Amen. The basic necessities...

The Apostle Saint Paul

Saint Paul was a Jew, of the tribe of Benjamin, a Pharisee, the son of a Pharisee; and his kinsfolk...

The Apostle st. Peter

Peter was from Bethsaida, and he was a fisherman.  Our Lord chose him on the second day following that whereon...

The Fast of Wednesdays and Fridays

Every week Wednesdays and Fridays are observed as fast days except during the fifty days (between Easter and Pentecost), and...

The Fast of the Apostles

The Apostles observed this fast after they received the Holy Spirit and before they set out to proclaim the Gospel...

The feast Of Pentecost

IN THE NAME OF THE FATHER AND THE SON AND THE HOLY SPIRIT, ONE GOD. On this day the Holy...