ገብረ ክርስቶስ መርዓዊ

Oct 24, 2020

“ዓለምን እቲ ኵሉ ፍትወታን ኃላፋይ እዩ።” (1ይ ዮሓ. 2፡17) ብዝብል ቅዱስ ቃል ዝምራሕ ሰብ ሥጋዊ ሹመትን ዓለማዊ ሥልማትን፡ ፍቅረ ንዋይን ኣይምነን እዩ። ነዚ ብግብሪ ፈጺሞም ዘመስከሩ ብዙኃት ቅዱሳን ኣለዉ።

ሓደ ካብዚኦም ቅዱስ ገብረክርስቶስ መርዓዊ እዩ። ትውልዲ ሃገሩ ቍስጥንጥንያ ክኸውን ከሎ፡ ኣቦኡ ንጉሥ ሃገረ ቍስጥንጥንያ ቴዎዶስዮስ፡ ኣዲኡ ንግሥቲ መርኬዛ ይብሃሉ። ፈራህያነ እግዚአብሔር፡ ገበርተ ሠናይ ርኅሩኃት ፈተውቲ ድኻታት፡ ተቐባልቲ ኣጋይሽ ነበሩ። ከም ሓሳቦም ኃድግን ወራሲ ዙፋን ምድራዊ መንግሥቶምን ዝኸውን ውላድ ክህቦም ናብ ኢየሩሳሌም ከይዶም መብጽዓ ኣተዉ። ልዑል እግዚኣብሔር ድማ ልማኖኦምን ጸሎቶምን ሰሚዑ ብሩክ ውላድ ሃቦም። ስሙ “ዓብደል መሢሕ” ማለት ገብረክርስቶስ ሰመይዎ።

ብፈሪሀ እግዚኣብሔር ሠሪዖምን ቀጺዖምን ኵሉ ሥጋውን መንፈሳውን ትምህርቲ ብምምሃር ኣዕበይዎ። ዓቅመ ኣዳም ምስ በጽሐ ንጓል ንጉሥ ሮማ ኣሕፀይዎ። ብድኅር'ዚ ከምቲ ንመርዓውን መርዓትን ዝግባእ ክብሪ ብክርስቲያናዊ ሥርዓተ መርዓ ዓቢይ ሓጐስ ገበሩ። ፍርቂ ለይቲ ምስ ኮነ ቅዱስ ገብረክርስቶስ ናብቲ መርዓቱ ዘላቶ ቤት ብምእታው “እግዚኣብሔር ምሳኺ ይኹን፣ ኻብ ኵሉ ኽፉእ ፈተና ጸላኤ ሠናይት ድማ ይሓሉኺ” በላ። “ናበይ ትኸይድ ኣሎኻ፧ ምስ መን’ከ ተኃድገኒ ኣሎኻ፧” በለቶ። ንሱ ኸኣ “ኣነ ናብ እግዚኣብሔር ኣምላኸይ እኸይድ ኣሎኹ። እዚ ምድራዊ መንግሥቲ ኣቦይ ኃላፊ እዩ። ንስኺ ግና ነቲ ዝኣተናዮ ኺዳን ሓልዊ” በላ። ብድኅር'ዚ ኣይመለሰትሉን ክትክልክሎ'ውን ኣይከኣለትን። ካብታ ለይቲ እቲኣ ኣትኂዙ ዅሎም ኣዝማዱን ኣዕሩኽቱን ብድቁሳቶም ካብ ቤቱ ወፅአ። ናይዚ ዓለም ሹመትን ሽልማትን ንዒቑ፡ ንፈጣሪኡ ክርስቶስ ንምግልጋል ቈረጸ፣ ብመንፈሳዊ ተግባር ንኽመስሎ'ውን ወሰነ። ብመርከብ ተሳፊሩ ናብ ዘይፈልጦ ሃገር ኣምርሐ።

ንጽባሒቱ ሥድራኡ ተንሢኦም ምስ ፈተውቶምን ኣዝማዶምን እንተኸድዎ እንትርፎ መርዓት ንሱ ኣይጸንሖምን። እቲ ዝኾነ ዘበለ'ውን እታ መርዓት ነገረቶም ፣ ኣዝዮም ከኣ ጐሃዩ። ኣቦኡ ንጉሥ ቴዎዶስዮስ ኣብ ኵሉ ሃገራት ክደልይዎ ወተሃደራቱ ኣዋፈረ። ግናኸ ኣይረኸብዎን። ቅዱስ ገብረክርስቶስ ግን ድኅሪ ነዊኅ ጒዕዞን ናይ ሓደ ዓመት ጊዜን "ኣርማንያ" እትብሃል ሃገር በጽሐ። ኣብኣ ድማ ሓንቲ ብስም አዴና ቅድስት ድንግል ማርያም ዝተሓንፀት ቤተ ክርስቲያን ነበረት። ምስቶም ኣብታ ቤተ ክርስቲያን ዝነበሩ ነዳያን ተጸንቢሩ ብዙኅ ስቓይን መከራን የኅልፍ ነበረ። ብጽኑዕ ጾምን ጸሎትን፣ ብብዝኂ ጥምየትን ሽግርን ኅብሪ ቆርበት ገጹ ፍጹም ተቐይሩ ነበረ። እቶም ኣቦኡ ዝለኣኾም ወተሃደራት ናብቲ ቤተ ክርስቲያን መጺኦም ንዅሎም ኣብኡ ዝነበሩ ነዳያን ብዛዕባኡ ሓቲቶም ገንዘብ ሃብዎም። ንሱ'ውን ምስኣቶም ተቐበለ። ነዚ ዅሉ መከራ ብምቕባሉን ምጽዋት ካብ ገንዘብ ኣቦኡ ምቕባሉን ተሓጐሰ፣ ንእግዚአብሔር ኣምላኽ'ውን ኣመስገነን። ብፍጹም መንፈሳውነትን ተጋድሎን ከምዚ ኢሉ ንኣስታት 15 ዓመት ኣብታ ቤተ ክርስቲያን ተቐመጠ።

ኣዴና ቅድስት ድንግል ማርያም ንሓደ ኣብታ ቤተ ክርስቲያን ዘገልግል ካህን ተገሊጻ “ጽባሕ ናብቲ ነዳያን ዘለውዎ ኼድካ ብጾምን ጸሎትን ንእግዚአብሔር ዘሥመረ ብፁዕ ሰብ ክትረክብ ኢኻ እሞ ምሳኻ ውሰዶ፡ ማኅደሩ ድማ ኣብ ውሽጢ ቤተ ክርስቲያን ይኹን” በለቶ። ኸምቲ ዝበለቶ ድማ ገበረ። እዚ ነገር'ዚ ኣብ ኵሉ ምስ ተሰምዐ ግና ከምዚ እናበለ ጸለየ፥ "ኦ ርኅርኅተ ሕሊና ዅሉ ምሥጢረይ ኣግሃድክለይ፣ ስለዚ ኣብቲ ኽኸዶ ዝግብኣኒ ዝኅሸኒ ቦታ ምርሕኒ" ኢሉ ሥዕላ ተሣሊሙ  ብለይቲ ሰብ ከይረኣዮን ከይፈለጦን ገሥገሠ።

ኣብ ገምገም ባሕሪ ምስ በጽሐ ናብ ካልእ ሃገር ክኸይድ መርከብ ተሳፈረ። ብፈቃደ እግዚአብሔር ነታ መርከብ ኃያል ነፋስ እናኣጋፍዐ ኣንፈታ ቐይሩ ናብ ሃገር ቍስጥንጥንያ ወሰዳ። ጻድቕ ገብረክርስቶስ ዓደቦኡ በጺሑ ኣብ ኣፍ ደገ ቤት ኣቦኡ ተቐመጠ። መልክዑ ብምሒር መከራን ሽግርን ፍጹም ተቀይሩ ነበረ'ሞ ከለልዮ ዝክእል ዝኾነ ሰብ ኣይነበረን።

ብድኅር'ዚ ወተሃደራት ተረፍ መግቢ ይህብዎ ነበሩ። ናብዚ ንምንታይ መጺኻ እናበሉ ሓንሳእ ይጸርፍዎ፣ ይጸፍዕዎ፣ ይሸንሉ ኣብ ልዕሊኡ ብዙኅ ግፍዕታት ይፍጽሙ ነበሩ። ከምዚ እናበለ ድማ ብብዙኅ ስቓይን መከራን 12 ዓመት ኣብ ቤት ኣቦኡ ነበረ።

ጐይታናን ኣምላኽናን መድኃኒናን ኢየሱስ ክርስቶስ’ውን ቅድሚ ዕረፍቱ መጺኡ ኸም ኵሎም ቅዱሳን "ስሙ ንዝጽውዕ፣ ብስሙ ንድኻታት ንዝምጽውት፣ ብስሙ ሠናይ ዝገብር፣ ቤተ ክርስቲያን ዝሓንፅ፣ ክምሕረልካ እየ" ኢሉ ቃል ኪዳን ኣተወሉ።  ቅድሚ ዕረፍቱ ነቶም ወተሃደራት ወረቐትን ብርዕን ከምጽኡሉ ለመኖም እሞ ኣምጽኡሉ። ኣብዚ ወረቐት ድማ ንታሪኽ ሕይወቱ መንፈስ ቅዱስ ኣጽሓፎ። ነዛ ወረቀት ኣብ ኢዱ ኂዝዋ ብሰላም ከም ፍቓድ እግዚአብሔር ብ14 ጥቅምቲ ዓሪፉ ካብዛ ኃላፊትን ጊዜያዊትን ዓለም ናብታ ዘይትኃልፍን ዘለዓለማዊትን ኢየሩሳሌም ሰማያዊት ኃለፈ። ቅዱሳን መላእኽቲ ብኽብርን ምስጋናን ነፍሱ ናብ ገነት ኣእተዉዋ።

ብድኅር'ዚ ሊቀ ጳጳሳት ኣባ ቴዎፍሎስ ኣብ ቤተ ክርስቲያን ንሥርዓት ቅዳሴ እናተዳለወ ኸሎ “ነቲ ብእሴ እግዚአብሔር ካብ ቤት ንጉሥ ቴዎዶስዮስ ኣምጽኣዮ” ዝብል ቃል ሰምዐ። ኸይዱ እንተ ኣረጋገጸ ድማ ሓቂ ኾይኑ ረኸቦ። ጸሎት ተገይሩ ነታ ዝጸሓፋ ወረቐት ካብ ኢዱ ወሲዱ እቲ ሊቀ ጳጳሳት ኣንበባ። ኵሎም ነቲ ዝኾነ ምስ ሰምዑ ኣምሪሮም በኸዩ። ንኣቦኡ ንጉሥ ቴዎዶስዮስ ድማ ሃቦ። ንጉሥ ቴዎዶስዮስ ኣንቢቡ ወዱ ምዃኑ ምስ ፈለጠ፣ ንሱን ሰበይቱ መርኬዛን መርዓት ወዶም’ውን ኣምሪሮም በኸዩ። ሥጋኡ ብኽብሪ ናብ ቤተ ክርስቲያን ወሰድዎ። ሥጋኡ ምስ ተንከፉ ብዙኃን ሕሙማትን ድዉያትን ሓወዩ። ቤተሰቡን ሕዝቢ እቲ ሃገርን ድማ ነዚ ነገር'ዚ ርእዮም ንእግዚኣብሔር ኣመስገንዎ። ኣብ መወዳእታ ድማ ሓመድ ኣዳም ኣልበስዎ።

ቅዱስ ኣቦና ገብረክርስቶስ መርዓዊ ብጸሎቱ ኣይፈለየና።

 

Ad Right

ዘመነ ማቴዎስ 23 ሓምለ 2013 ዓ.ም.…

July
Friday
30
መሪና ቅድስት፡ ወለንጊኖስ ሰማዕት ዘረገዞ ለእግዚእነ። ዘቅዳሴ ምንባብ መልእክታት 1ይቆሮ. 7፡6-14 ያዕ. 2፡12-20 ግብረ ሓዋርያት ግብ. ሐዋ. 9፡36-ፍጻሜ ምስባክ መዝ. 102/103 ወንጌል ዮሐ. 19፡31-37 ቅዳሴ ቅዳሴ ዘዮሐንስ አፈ ወርቅ። * * *
00:00 h

ዜና ኅትመት

እዋናዊ ጽሑፋት

ሰማዕት ቅድስት መሪና

በስመ አብ ወወልድ ወመንፈስ ቅዱስ አሐዱ አምላክ! "ንነፍስኹም ከኣ ብትዕግሥትኹም ከተጥርይዋ ኢኹም!" ሉቃ. 21፡19  ቅድስት መሪና፡ ካብ መምለኽቲ ጣዖት ስድራ እያ ተወሊዳ።...

“ምናዳ እቲ ብራናታት ተማልኣለይ” (2ይ ጢሞ. 4፡13) - ቅዱሳት መጻሕፍተ…

ጥንታውያን መጻሕፍተ ብራና፦ ብኽኢላታት ሰብ ሞያ ብኢድ ኣብ ብራና ዝተጻሕፉ፣ ናይ ሃይማኖት፡ ታሪኽ፡ ፍልስፍና፡ ምኅደራ፡ ቊጽሪ፡ ሥነ ፍልጠት፡ ሕጊ፡ ሥነ...

ኣብ ር/ኣ/ደ/ጽ/ቅ/ድንግል ማርያም ዓዲ ዃላ ኣብ ኣገልግሎት ቤተ ክርስቲያንን ዕቃበ…

ኣብ ር/ኣ/ደ/ጽ/ቅ/ድንግል ማርያም ዓዲ ዃላ ኣብ ዕቃበ ንብረት ( ንዋያተ ቅዱሳት) ኣብነታዊ ሥርሓት ከም ዝተኻየደ ኣመኃዳሪ ደብረ ጽዮን ቀሲስ የማነ...

ብዛዕባ ልምዓታዊ ንጥፈታት ንኡስ ሃገረ ስብከት ዓዲ ዃላ ዝምልከት መብርሂ…

ኣብ ሃገረ ስብከት ደቡብ መንደፈራ ንኡስ ሃገረ ስብከት ዓዲ ዃላ ንፋይናንሳውን ምምኅዳራውን ከምኡ ድማ ንዝተፈላለዩ ንጥፈታት እቲ ንኡስ ሃገረ ስብከት...

ብፁዕ ወቅዱስ አቡነ ቄርሎስ ቀዳማዊ 5ይ ፓትርያርክ ርእሰ ሊቃነ ጳጳሳት…

13 ሐምለ 2013 ዓ.ም.ግ (20 ሐምለ 2021 ዓ.ም.ፈ) ብፁዕ ወቅዱስ አቡነ ቄርሎስ ቀዳማዊ 5ይ ፓትርያርክ ርእሰ ሊቃነ ጳጳሳት ዘኦርቶዶክስ ተዋሕዶ...

ጉባኤ ኣብያተ ትምህርቲ ሰንበት ሃገረ ስብከት ኣሥመራ ተኻይዱ!

10 ሓምለ 2013 ዓ.ም.ግ (17 ሓምለ 2021 ዓ.ም.ፈ) ብክፍሊ ትምህርት ሰንበት ቤት ጽሕፈት መንበረ ፓትርያርክ ዝተማእከለ ጉባኤ ምስ ኣብያተ ትምህርቲ...

ክብረ በዓል ቅድስት ሥላሴ ብመንፈሳዊ ድምቀት ተባዒሉ!

ዓመት መጸ 7 ሓምሌ ክብረ በዓል ቅድስት ሥላሴ ኣብ ገዳም ቅድስት ሥላሴ ደብረ መድኃኒት ባምቡቆ ካብ ርሑቅን ቀረባን ዝመጽኡ መነኮሳት፡...

ጸሎት በሰፊሐ እድ

በቲ ዓለም ባሕሪ ንኣይ ዘፍርሓኒእና’ኣሳገምኩ ናብ ጐይታ መድኃኒ

ጻድቅ ኣቡነ ኪሮስ - 8 ሐምሌ

ቅድስቲ ቤተ ክርስቲያንና ነቶም ብፍጹም ሃይማኖትን ሥነ ምግባርን ጸኒዖም ኣብ እግዚአብሔር ዝተኣመኑ፡ ኣብ ዓለም ዘይሮም ዝመሃሩን ክሳዕ ፍጻሜ ሕይወቶም ዘገልገሉ፡...

ጋሻ ንምቕባል ንቀዳደም! - ሥላሴ ኣብ ቤት አብርሃም

ጋሻ ምቕባል፡ ብዙኅ በረኸትን ጸጋን ዘውህብ እዩ። 7 ሓምሌ ኣቦና ኣብርሃም ጋሻ ብምቕባሉ፡ ኣጋእዝተ ዓለም ቅድስት ሥላሴ ኣብ ቤቱ ዝተኣንገዱሉን፡...

ሊቀ ሓዋርያት ቅዱስ ጴጥሮስ

በስመ አብ ወወልድ ወመንፈስ ቅዱስ አሐዱ አምላክ! ቅዱሳን ሓዋርያት: ብኸመይ ከም እተጸውዑን ክሳዕ ዕርገት ዝነበርዎ ኵነታትን ኣብ ኣርባዕቱ ወንጌል፡ ድኅሪ ዕርገትን...

ብርሃነ ዓለም፡ ማኅቶተ ቤተ ክርስቲያን፡ ንዋየ ኅሩይ ቅዱስ ሓዋርያ ጳውሎስ

ቅዱስ ሓዋርያ ጳውሎስ ዓሌቱ ዕብራዊ ኾይኑ ኣብ ከተማ ጠርሴስ ተወሊዱ። ሮማውያን ነቶም ኣብ ትሕቲኦም ዚመሓደሩ ሕዝቢ፡ ሮማዊ ዜግነት ይህቡ ስለዝነበሩ፡...

  

latest articles

PRAYER

Prayer is a word by which man communicates with his Creator in Faith, thanking and beseeching Him for the forgiveness...

FAITH AND WORKS

Faith is “a confidence or trust in God”. Faith gives assertion to the things we hope for and explains the...

The feast of the Holy Cross - Mesekel (The Founding…

The Mesekel holiday is celebreated on Meskerem 17 (27th of September) and Megabit 10 (19th of March). The word Meskel...

The Ascension of St Mary (part two)

Moreover, Whilst John the evangelist was preaching in the country of Asia, on the sixteenth day of the month of...

The Ascension of St Mary (part one)

"At your right hand stands the queen." (Psalm 45:9)IN THE NAME OF THE FATHER AND THE SON AND THE HOLY...

The Fast of Assumption of the Virgin Mary

This fast lasts from Nehassie (August) 1 to 16. Our Lady departed on 21 of Ter (January) in 50 A.D...

“Blessed is he that considereth the poor” Ps. 41:1

In the name of the Father, and of the Son, and of the Holy Spirit, One God Amen. The basic necessities...

The Apostle Saint Paul

Saint Paul was a Jew, of the tribe of Benjamin, a Pharisee, the son of a Pharisee; and his kinsfolk...

The Apostle st. Peter

Peter was from Bethsaida, and he was a fisherman.  Our Lord chose him on the second day following that whereon...

The Fast of Wednesdays and Fridays

Every week Wednesdays and Fridays are observed as fast days except during the fifty days (between Easter and Pentecost), and...

The Fast of the Apostles

The Apostles observed this fast after they received the Holy Spirit and before they set out to proclaim the Gospel...

The feast Of Pentecost

IN THE NAME OF THE FATHER AND THE SON AND THE HOLY SPIRIT, ONE GOD. On this day the Holy...