"ዓቢይ ውእቱ ክብር ዘተዋህበ ለከ ኦ ገብርኤል መልአክ ዜናዊ ፍሡሐ ገጽ/ ‘’ኦ ገብርኤል መልአኽ በዓል ዓቢይ ብሥራት ነኣኻ ዝተዋህበ ክብሪ ዓቢይ እዩ"

Dec 26, 2020

ቅዱስ ኤፍሬም ኣብ ናይ ረቡዕ ውዳሴ ማርያም ‘ኦ ገብርኤል መልአኽ በዓል ዓቢይ ብሥራት ነኣኻ ዝተዋህበ ክብሪ ዓቢይ እዩ፣ ናባና ዝመጸ ልደት ጐይታ ነገርካና፡ ኣቐዲምካ’ውን ነታ ርስሓት ዘይብላ ድንግል ማርያም ፅንሰቱ ነገርካያ። ኦ ምልእተ ጸጋ እግዚአብሔር ካብ ሥጋኺ ሥጋ ካብ ነፍስኺ ነፍሲ ተዋሒዱ ምሳኺ ሓደ ኮይኑ እዩ እሞ ተፈሥሒ በልካያ’ ብምባል ንኽብርን ዕቤትን ተልእኾን ሊቀ መላእክት ቅዱስ ገብርኤል ገሊጽዎ ኣሎ። ኣብ መጽሓፍ ሄኖክ’ውን ንልዕልና ሊቀ መላእክት ቅዱስ ገብርኤል ‘ገብርኤል ፩ዱ እመላእክት ቅዱሳን/ ካብ ዝኸበሩ ካብ ሊቃነ መላእክት ሓደ ገብርኤል እዩ፣ ከምኡ’ውን ሥልጣኑን ተልእኾኡን ዘዲበ አኪስት/ ኣጋንንት መርዚ ከይብጽብጹሉ ኣብ ልዕሊ ዓይኒ ማያት ዝተሾመ፡፣ ወዘዲበ ገነት/ ኣብ ገነት ዘለዉ ዕፀዋትን ኣዕዋፍን ዝተሾመ . . . ብምባል ገሊጽዎ ኣሎ። (ሄኖ. 6፡7)

ቅዱስ ገብርኤል ናብ ኣዴና ቅድስት ድንግል ማርያም ዝተላእከሉ ምሥጢር ረቂቅ እዩ።  ቅድስት ድንግል ማርያም ኣብ ቤት ኣረጋዊ ዮሴፍ እናተቀመጠት ከላ ማይ ኽትቀድሕ ናብ ሩባ በጺሓ ክትምለስ ከላ ጐይታ ‘ሑር አብሥራ ለእምየ ማርያም ከመ እትወለድ እምኔሃ’ ካብኣ ንኽውለድ ኬድካ ንድንግል ማርያም ንገራ፡ ኢሉ ንቅዱስ ገብርኤል ለኣኾ። ብዛዕባዚ ወንጌላዊ ቅዱስ ሉቃስ ‘’ኣብ  ሻድሸይቲ ወርኂ ገብርኤል መልአኽ ናብ ናዝሬት እትበሃል ዓዲ ገሊላ ናብ ሓንቲ ድንግል ካብ እግዚአብሔር ተላእከ’’ ኢሉ ኣሎ። ሉቃ. 1፡26-27

ሻዱሻይ ወርኂ ዝተባህለ፦ ንጊዜኡ ዮሓንስ መጥምቀ መለኮት ካብ ዝፅነስ ወርኂ መስከረም ተጸብጺቡ ጐይታ ኣብ 29 መጋቢት ስለዝተፀንሰ እዩ። ፍጻሜኡ ግና ነቲ ኣብ ሻዱሻይ መዓልቲ (ዓርቢ) ዝተፈጥረ ኣዳም ንምድኃን ከም ዝመጸ ንምርዳእ እዩ። ከምኡ’ውን 5500 ዓመት ተፈጺሙ ኣብ ሻድሻይ ሽሕ ዘመን መልአኽ ሊቀ መላእክት ቅዱስ ገብርኤል ካብ ጐይታ ናብ ቅድስት ድንግል ማርያም ተላእከ ማለት ምዃኑ መተርጉማነ መጻሕፍት የረድኡ።

ሊቀ መላእክት ቅዱስ ገብርኤል ተገሊጹ ብሥራት ኣስምዓ’ሞ ሰሚዓ ከደት። ደጊሙ ኣብ ቤታ ኣትያ ዕትሮኣ ከተውርድ ከላ ‘ክትፀንሲ’ ኢኺ በላ። ንሳ ድማ እዚ ነገር`ዚ ደጊሙኒ ኣሎ፣ ዓቢይ ነገር ኣብ ቅዱስ ቦታ ኴንካ ክትርድኦ እዩ ዝግባእ ኢላ ናብ ቤት መቅደስ ኣትያ ዝተኻፈለቶ ወርቅን ሃርን ኣሰማሚዓ ክትፈትል ከላ መልአኽ ‘ብኣምሳል ሠያብ ኣረጋዊ’ ተራኣያ። 3ተ ጊዜ ዝተራእያ፡ ንጊዜኡ ሰይጣን እንተኾይኑ ሓደ ጊዜ ተራእዩ ይጠፍእ እዩ እሞ ብርሃናዊ መልኣኽ ምዃኑ ንምርግጋጽ ክኸውን ከሎ ፍጻሜኡ ግና መኅደሪ ቅድስት ሥላሴ ምዃና ንኸፍልጥ እዩ። (ሉቃ. 1፡35፣ ማቴ 18፡16)

ኣቐዲሙ ኣብ ነቢይ ሚልኪያስ ኃዲሩ ‘እግዚአብሔር ጐይታ ሠራዊት እንሆ ኣነ ልኡኸይ ኣሎኹ፡ ንሱ ቀቅድመይ መንገዲ ክጸርግ እዩ፡ ብኡ ብኡ ከኣ እቲ እትደልይዎ ጐይታ ናብ መቕደሱ ኺመጽእ እዩ፡ እቲ እትናፍቕዎ መልአኽ ኪዳነይ ኬበሥር እንሆ ይመጽእ ኣሎ፡ ይብል ኣሎ’(ሚል 3፡1) ብምባል ወዲ ሰብ ብተስፋ ይጽበዮ ንዝነበረ፡ ቀዳሞት ኣበው ነቢያት ዝተነበይዎ ፣ ሥጋዌ ወልደ እግዚአብሔር ንምብሣር ንቅዱስ ገብርኤል ኣቐዲሙ ናብ ቅድስት ድንግል ማርያም ንብሥራት ብምልኣኽ ኣብ ኣማናዊት መቕደስ ኣብ ማኅፀነ ድንግል ማርያም 9ተ ወርኅን 5ተ መዓልትን ኃደረ።  ከምቲ ንጉሥ ናብ ኣዳራሹ ክኣቱ ከሎ ኣንጽፉ ኣዳልዉ ንኽብል ልኡኻት ኣቐዲሙ ዝሰድድ፡ ጐይታ ድማ ንጉሥ ሰማይን ምድርን ስለ ዝኾነ ኣዲኡ ቅድስት ድንግል ማርያም’ውን ንጽሕቲ መቅደስ ስለ ዝኾነት፡ ነገሩ ኣቐዲማ ኣጸቢቃ ተረዲኣ ክትጸንሖ ብምባል ንቅዱስ ገብርኤል ለኣኾ። (ሉቃ. 1፡26) ***

ኣባ ሕርያቆስ ውን ኣብ ቅዳሴ ማርያም ‘እግዚኣብሔር ንጽሕናኺ ምስ ረኣየ ገብርኤል ዝተባህለ ናይ ጸልማት ዘይኮነ ናይ ብርሃን፡ ተራ ዘይኮነ ሊቀ መላእክት መልአኽ ናባኺ ለኣኸ።” ይብል።

ኣብቲ ብምኽንያት ስሕተት ኣዳምን ሔዋንን ደቂ ሰባት ጸጋኡ ተገፊፉ፡ ዲያብሎስ ንልቦም ዙፋን ንሰብነቶም ድንኳን ጌሩ ኃጢአት ከሥርሖም ጸኒሑ ኣብ መወዳእታ ኣብ ልዕሊ ሞተ ሥጋ ሞተ ነፍስ ኣብ ልዕሊ ርደተ መቃብር ርደተ ሲኦል ዝወርድሉ ዝነበሩ፣ ነቢያት ወኮነ ርኩሳነ ኵልነ ወከመ ጸርቀ ትክቶ ኵሉ ጽድቅነ / ኵላትና እነጸይፍን እነፈንፍንን ኮንና ኵሉ ጽድቅናውን ከም መርገም ጨርቂ ኮነ” (ኢሳ. 64፡6)፣ ‘ደቀሰት ነፍስየ እምኀዘን / ሰብነተይ ካብ ኃዘን ዝተላዕለ ደቀሰት’ መዝ፻፲፰፡፳፰ / 119፡28 / ብምባል ናይ ኃዘንን መከራን መሪር ብኽያት ኣብ ዝበኽዩሉ ዘመን በይና ንጽሕተ ንጹሓን ቅድስተ ቅዱሳን ድንግል ማርያም ዝኾነ ይኹን ናይ ጸጋ ጕድለት ዘይብላ ኣቐዲማ ካብ ማኅፀን ኣዲኣ ብመንፈስ ቅዱስ ዝተሓለወት ብምዃና ሊቀ መላእክት ቅዱስ ገብርኤል ‘’ኦ ጸጋ ዝተመላእኪ ደስ ይበልኪ’’ በላ እምበር ንመጻኢ ክመልኣኪ እዩ ኣይበላን። (ሉቃ. 1፡28) ብትንቢተ ነቢያትን ብተልእኾ መላእክትን ፍጹም ደስ ኢልዋ ዝነበረት ብምዃና ሊቀ መላእክት ቅዱስ ገብርኤል ከብሥራ ከሎ ናይ ሓጐሳ ዕጽፍን ድርብን ዝኾነ ፈጣሪ ሰማይን ምድርን እትወልዶ ስለ ዝኾነት ‘ተፈሥሒ ፍሥሕት’ በላ።

ቅዱስ ገብርኤል ብዙኅ ቅጽል ስም ኣለዎ፦

መጋቤ ሓዲስ፦ ኣብ ዘመነ ሓዲስ ንዝተፈጸመ ሥጋዌ ወልደ እግዚአብሔር ዘብሠረ መልአኽ ስለ ዝኾነ። ኣቐዲሙ ቅዱስ ሚካኤል ንእስራኤል ዘሥጋ ኣብ ምድረ በዳ መና ስለ ዝመገቦምን ዝመርሖምን መጋቤ ብሉይ ከምዝተባህለ፡ ቅዱስ ገብርኤል ድማ ንእስራኤል ዘነፍስ ናይ ሓዲስ ኪዳን መራሒ ኮይኑ ሥጋይ ብልዑ፡ ደመይ ስተዩ ናይ ዝብል ክርስቶስ ፅንሲ ኣበሢሩ እዩ እሞ ‘መጋቤ ሓዲስ’ ተባህለ። (ማቴ. 26፡26-28፣ ሉቃ. 1፡26)

መልአከ ብሥራት፦ ብሥራት ኂዙ ስለ ዝመጽአ፣ (ሉቃ1፡11/ ሉቃ1፡26)

መልአከ አድኅኖ፦ ንድኅነት ዝፍኖ መልአኽ ስለ ዝኾነ፣ (ዳን. 6፡21)

መልአከ ምሕረት፦ ብማየ ጸሎቱ ብቃል ኪዳኑ ዝምሕር ስለ ዝኾነ፣ (ዮሐ. 9፡7)

መልአከ ጠል፦ ናብ ሓዊ ንዝተደርበዩ ነቲ ሓዊ ናብ ጠሊ ‘ቆራሪ’ ለዊጡ ስለ ዘናግፍ፣ (ዳን. 3፡25)

መልአከ ፍሥሐ፦ ናይ ሓጐስ መልእኽቲ (ብሥራት) ስለዝጸውር፣ ከምኡ’ውን ‘ተፈሥሒ ተፈሥሒ’ እናበለ ስለ ዘብሠረን። (ሉቃ 1፡28)

መልአከ ሰላም፦ ኣብ ዓለመ መላእክት፡ መን እዩ ፈጣሪና ኢሎም ኣብ ዝተናወጽሉ ሰላም ስለ ዝገበረ፣ (ኢሳ. 14፡12፣ ማቴ 5፡9)

ፍጡነ ረድኤት፦ ከም ኵሎም መላእኽቲ ንረድኤት ደቂ ሰባት ዝፈጥን ስለ ዝኾነ፣ (መዝ. 34፡7፣ ዕብ. 1፡14)

ስለዚ “ኣነ ኣብ ቅድሚ እግዚኣብሔር ቆይመ ዘገልግል ገብርኤል እየ” (ሉቃ 1፡19) ከም ዝበለ ካብቶም ኣብ ቅድሚ እግዚኣብሔር ብጸሎት ብረድኤት ብልማኖ ምእንቲ ደቂ ሰባት ዝቖሙ ሓደ ንሱ ሊቀ መላእክት ቅዱስ ገብርኤል እዩ’ሞ፡ ብቓል ኪዳኑ ተወኪልና ስሙ ጸዊዕና ዝኽሩ ዘኪርና ማየ ጸሎቱ ተሓጺብና፣ ጸበሉ ሰቲና በረኸቱ ክንሳተፍ ናይ እግዚአብሔር ቅዱስ ፍቓድ ይኹን!

ይትባረክ እግዚአብሔር አምላከ ሊቀ መላእክት ቅዱስ ገብርኤል።

***

Ad Right

ዘመነ ማርቆስ 15 መስከረም 2014 ዓ.…

September
Saturday
25
ፍልሰተ ሥጋሁ ለእስጢፋኖስ፡ ወአባጴጥሮስ። ዘቅዳሴ ምንባብ መልእክታት ቈላ.1፡1-10 ያዕ. 5፡13-ፍጻሜ ግብረ ሓዋርያት ግብ. ሐዋ. 6፡7-ፍጻሜ ምስባክ መዝ. 127/128 ወንጌል ዮሐ. 15፡12-19 ቅዳሴ ቅዳሴ ዘወልደ ነጐድጓድ። * * *
00:00 h

ዜና ኅትመት

እዋናዊ ጽሑፋት

ኃይሊ ቅዱስ መስቀል ኣብ ዘመነ ኣበው።

በስመአብ ወወልድ ወመንፈስ ቅዱስ አሐዱ አምላክ ኣብ ዘመነ ኣበው’ውን እንተኾነ ናይቲ ኺመጽእ ዘለዎ ኣማናዊ መስቀል ጽላሎት ኮይኑ ብዙኅ ተኣምራት ሰሪሑ እዩ፤...

ሓድነታዊ ጉባኤ ሓድሽ ዝተመርጸ ምምሕዳር ሰበካ ጉባኤን ምእመናን ኣባላት ሰበካ…

መሪሕነት ኣባላት ሰበካ ጉባኤ መድኃኔ ዓለም ኦርቶዶክስ ተዋሕዶ ቤተ ክርቲያን ኤርትራ (ሉሳካ) ከምኡውን ምእመናን ምእመናት ነበርቲ ሃገረ ዛምብያ ብማእከልነት ቀሲስ...

ጉባኤ ማኅበር መላእ ኣብያተ ክርስቲያናት ኣፍሪቃ ኣብ ሃገረ ዛምብያ ይካየድ…

ብማኅበር መላእ ኣብያተ ክርስቲያናት ኣፍሪቃን(AACC) ብኣኣንጋድነት ቤት ምኽሪ ኣብያተ ክርስቲያናት ዛምብያ (CCZ) ተወዲቡ፡ ኣብ ዛዕባ ሕዝባዊ ዕዳን ብልሽውናን ምቁጽጻር ከምኡ’ውን...

ጉባኤ ኤፌሶን (431 ዓ.ም.) 1ይ ክፋል

ዝቐደመ ጉባኤታት ኣብ ምሥጢረ ሥላሴ ንዝተላዕለ ኑፋቄታት፣ ብፍላይ ብተመሃሮ ቤት ትምህርቲ አንጾኪያ፣  መልሲን ግቡእ መግትኢ ዝኸውን ውግዘትን ኣቐሚጡ ነበረ። ብድሕሪ...

በዓለ ሥእል ዘጼዴንያ

ብመሠረት ትምህርቲ ቅድስት ቤተ ክርስቲያን ካብ ቅዱሳት ኣሣእል ብዙኅን ዓቢይን ጥቕሚ ይርከብ። ኣብ ቅዱሳት መጻሕፍቲ ዝርከቡ ትምህርትታትን ታሪኻትን ብሥእላዊ ኣገላልጻ...

በዅሪ ጽምብል ሥነ ሥርዓት መመረቕታ ኮለጅ ነገረ መለኮት ደብረ ሲና…

ኮለጅ ነገረ መለኮት ደብረ ሲና ቅድስት ሥላሴ ዘኦርቶዶክስ ተዋሕዶ ቤተ ክርስቲያን ኤርትራ፡ ብመዓልታውን ምሸታውን መርሐ ግብር ክምህሮም ካብ ዝጸንሐ ተማሃሮ፡...

“ነቢይ ኢሳይያስ”

ነቢይ ማለት ፡ መንፈስ ትንቢት ኃዲርዎ ብዛዕባ ዚመጽእ ትንቢት ዚንበ፣ ብዛዕባ ዝኃለፈን ዚመጽእን ራእይ ዚርኢ፣ ብዛዕባ ግብረ እግዚአብሔር ኣብ ታሪኽ...

ዜና መዋዕል ካብ ልደት ክሳዕ ግብአተ መሬት መሪጌታ ባራኺ ገብረመድኅን…

በስመ አብ ወወልድ ወመንፈስ ቅዱስ አሐዱ አምላክ! “በድርየኒ ፈጸምኩ ወሃይማኖትየኒ ዐቀብኩ፡ እንከሰ ጽኑሐ ሊተ አክሊለ ጽድቅ ዘየዐሥየኒ እግዚአብሔር ይእተ ዕለተ መኰንነ...

ኣብ ቤት ማኅተም ኮከበ ጽባሕ ንልዕሊ 20 ዓመት ዝሠርሑ መሪጌታ…

ናይ ኤርትራ ኦርቶዶክስ ተዋሕዶ ቤተ ክርስቲያን ቤት ማኅተም ኮከበ ጽባሕ ማኅበረ ሓዋርያት ንልዕሊ 20 ዓመት ዝሠርሑ መሪጌታ በራኺ ገብረመድኅን ኣብ...

እንቋዕ ካብ ዘመነ ማቴዎስ ናብ ዘመነ ማርቆስ ብሰላም ኣሰጋገረናን ኣብጽሓናን!

ዝናም ብመብረቕን ድምፂ ነጐድጓድን ተዓጂቡ ንምድሪ ዘዕለቕልቐሉ ወርኀ ክረምት ኣኅሊፉ፡ ንምድሪ ብልምላሜን ጽጌያትን ኣወቂቡ፡ ናብዚ ሓዲስ ዘመን ንሰጋገረሉ ወርኀ መስከረም...

ካብ ርእሰ ዓውደ ዓመት ክሳዕ ፀአተ ክረምት

1. ካብ ዮሐንስ (መለወጢ ዘመን ) ክሳዕ ዘካርያስ (1 መስከረም ክሳዕ 8 መስከረም) ሓድሽ ዓመት ዝትክኣሉ እዋን ስለዝኾነ ኣብ ልቢ ክርስቲያን...

ቃለ ቡራኬ ርእሰ ዓውደ ዓመት 2014 ዓ.ም.

አቀድም አእኵቶቶ ለእግዚአብሔር በኢየሱስ ክርስቶስ በእንተ ኵልክሙ እስመ ተሰምዓት ሃይማኖትክሙ ውስተ ኵሉ ዓለም። (ሮሜ ፲፩፡፰)/ ኣቐዲመ ንዂልኻትኩም ብኢየሱስ ክርስቶስ ሃይማኖትኩም...

  

latest articles

Transfiguration: (Debre Tabor)

This is the day celebrated on Nehase (August) 13 G.C. in which Our Lord Jesus Christ during his ministry, manifested...

PRAYER

Prayer is a word by which man communicates with his Creator in Faith, thanking and beseeching Him for the forgiveness...

FAITH AND WORKS

Faith is “a confidence or trust in God”. Faith gives assertion to the things we hope for and explains the...

The feast of the Holy Cross - Mesekel (The Founding…

The Mesekel holiday is celebreated on Meskerem 17 (27th of September) and Megabit 10 (19th of March). The word Meskel...

The Ascension of St Mary (part two)

Moreover, Whilst John the evangelist was preaching in the country of Asia, on the sixteenth day of the month of...

The Ascension of St Mary (part one)

"At your right hand stands the queen." (Psalm 45:9)IN THE NAME OF THE FATHER AND THE SON AND THE HOLY...

The Fast of Assumption of the Virgin Mary

This fast lasts from Nehassie (August) 1 to 16. Our Lady departed on 21 of Ter (January) in 50 A.D...

“Blessed is he that considereth the poor” Ps. 41:1

In the name of the Father, and of the Son, and of the Holy Spirit, One God Amen. The basic necessities...

The Apostle Saint Paul

Saint Paul was a Jew, of the tribe of Benjamin, a Pharisee, the son of a Pharisee; and his kinsfolk...

The Apostle st. Peter

Peter was from Bethsaida, and he was a fisherman.  Our Lord chose him on the second day following that whereon...

The Fast of Wednesdays and Fridays

Every week Wednesdays and Fridays are observed as fast days except during the fifty days (between Easter and Pentecost), and...

The Fast of the Apostles

The Apostles observed this fast after they received the Holy Spirit and before they set out to proclaim the Gospel...