ቅዱስ ዘሲማስ ምስ ጻድቃን ዘብሔረ ብፁዓን

Apr 16, 2021

ቅዱስ ዘሲማስ፡ ካብ ወገን ፍልስጥኤም መፍቀርተ እግዚአብሔር ሥድራ ቤት ክርስቶስ ዝኾኑ ወለዲ ተወሊዱ። ገና ብንእስነቱ መንፈሳዊ ጥበብን ትምህርተ ሃይማኖትን ሥርዓተ ቤተ ክርስቲያንን ክመሃር ናብ ኣረጋዊ መነኮስ ወሰድዎ። ኵሉ ምስ ተማህረ ዲያቆን ተሠይመ። ኣስኬማ መላእክት ኣርዑት ምንኩስና ሂቦም ኣመንኮስዎ። ቅዱስ ዘሲማስ፡ ብሃይማኖቱ ጽኑዕ፡ ብሠናይ ምግባሩ ንኡድ፡ ንምስጋና ንቑሕ፡ ንኣገልግሎት ትጉህ ኮይኑ ኣብዚ ገዳም 45 ዓመት ምስ ገበረ ሢመተ ክህነት ተቐብአ።

ብኣገልግሎተ ክህነት ን13 ዓመት ብጽኑዕ ተጋድሎ ምስ ጸንሐ፡ “ካብ ገቢረ ጽድቅ ዘይፈጸምክዎ ዝተርፈኒ እንታይ ኣሎ፧” ዝብል ናይ ርእስኻ ልዕል ምባል ሕልና ኣብ ልቦናኡ ተመላለሰ።

ዋላ’ኳ ጸላኤ ሠናያት በዚ እንተፈተኖ፡ መፍቀሬ ሰብእ ጐይታናን መድኃኒናን ኢየሱስ ክርስቶስ ግና መልኣኹ ልኢኹ ኣብ ጥቓ ባሕረ ዮርዳኖስ እትርከብ ገዳመ ዮርዳኖስ ከምዝኸይድ ገበሮ። ኣብዚ ገዳም’ዚ ካብኡ ዝበልጹ ብተጋድሎኦም ፍጹማን ዝኾኑ ኣረጋዊያን ምስ ረኣየ ንሱ ካብኦም ኣዝዩ ከምዝንእስ ተረድአ። ምስኣቶም’ውን ንብዙኅ ዓመታት ብተጋድሎ ነበረ።

ቅዱስ ዘሲማስ፡ ዝጸናንዓሉ ምእንቲ ክገልጸሉ ወትሩ ናብ እግዚአብሔር ይልምን ነበረ። ሓደ ካብቲ ዝተግልጸሉ ንቅድስት ማርያም ግብጻዊት ምርካቡ እዩ። ቅድስት ማርያም ግብጻዊት ን47 ዓመት ካብ ሰብ ተፈልያ ኣብ መንፈሳዊ ተጋድሎ ዝተጸምደት ኮይና ብተጋድሎኣ ተጸናኒዑ፡ ባዕሉ ኣቝሪብዋ፡ ኣንበሳ መቓብር ፍሒርሉ ባዕሉ’ውን ዝቐበራ እያ።

እቲ ካልእ ዝተገልጸሉ ድማ ኣብ መዓርገ ቅድስና በቒዑ ብዛዕባ ብሔረ ብፁዓን በጺሑ ዝጸሓፎ እዩ። ከምዝፍለጥ ካብ 20 ዓለማት ዝኾነት ካብ ኃሙሽተ ዓለመ መሬት ሓንቲ ብሔረ ብፁዓን እያ። ኣብዛ ቦታ’ዚኣ ዝነብሩ ሰባት፡ ቅድም ናይ ደቂቀ እስራኤል ምርኮ ባቢሎን ምስ ኣብቅዐ፡ ሚጠት ናብ እስራኤል ምስ በጽሐ፦ “ምንት ኃጢአቱ ለይሁዳ አኮኑ ኢየሩሳሌም ወምንት ጌጋዩ ለእስራኤል አኮኑ ሰማርያ/ እዚ ኵሉ እምበር ዝበጽሓና ኢየሩሳሌም እኽሊ ተኽሊ እተብቍል ለምለም ሃገር እያ እሞ በሊዕና ካብ ጽጋብና ዝተላዕለ ኃጢኣት ስለ ዝሠራሕና’ዶ ኣይኮነን፧ ስለዚ ናብቲ ሃገር’ቲ ኣይንምለስን ኢና” ዝበሉ እዮም። በዚ ኸኣ እግሮም ናብ ዝመርሖም ክኸዱ ከለዉ ኣብ ምውት ባሕሪ በጽሑ። ምውት ባሕሪ፡ ሣዕሪ ኮነ ክንቲት ደርሆ እንተ ደርበኻሉ ዘጥሕል እዩ። ንዕኦም ግና ተኸፊልሎም ተሳጊሮም ብሔረ ኣዛፍ ኣተዉ። ብሔረ ዕረፍት ማለት እዩ፣ ከምኡ’ውን ብሔረ ብፁዓን እዩ። ኣብ ብሔረ ብፁዓን ዝነብሩ ሰባት ርእሶም ንፈቃደ እግዚአብሔር ዘግዝኡ ብአምልኮተ እግዚአብሔር ጸኒዖም፣ ሥጋ ካብ ምብላዕ፡ መስተ ካብ ምስታይ ብትሕርምት ዝነብሩ እዮም። ዕድሚኦም ሓደ ሽሕ ዓመት ኮይኑ ኣብ ሽሕ ዓመቶም እቶም ሰብኡት ምስ ኣንስቶም ሠለስተ ጊዜ ጥራሕ ሩካቤ ይፍጽሙ። ብሠለስተ ሩካቤ ሠለስተ ይወልዱ፣ ነቲ ሓደ ወዲ ንቤተ እግዚአብሔር ይህብዎ፣ ነቶም ክልተ ወድን ጓልን ድማ ከኣ ንዘርኢ የኃድግዎም። ክሞቱ ከለዉ ከኣ መቓብሮም ኵዒቶም፡ ነዝማዶም ኣኪቦም ተሰናቢቶም ይሞቱ። ብሔረ ብፁዓን፡ ኃጢኣት ዘይብላ ለይትን መዓልትን ብርሃን ዘይፍለያ ዓለም እያ።

ኣባ ዘሲማስ፡ ናብዛ ብሔረ ብፁዓን ሓደ ብምሥራቅ ሓደ ብምዕራብ ዝነበሩ ኣእዋም ገጢሞሙሉ ንምውት ባሕሪ ተሳጊሩ ኣተወ። ኣብ ብሔረ ብፁዓን ዝነብሩ ሰባት ከኣ ተቐቢሎም ዝኃደረሉ ቦታን ክልተ ዝለኣኽዎ ቈልዑን ሃብዎ። ሓደ መዓልቲ ብፁዓውያን ሰባት ንኽርእይዎ መጽኡ እሞ ነዞም ቈልዑ ንገሩልና ክንረኽቦ በልዎም። ንሳቶም ድማ ኣትዮም ንኣባ ዘሲማስ ነገርዎ። ንሱ ግና ግብረ እድ ኮነ ጸሎት ኂዙ ስለዝነበረ “ደቂሱ እዩ ዘሎ ወይ የለን በልዎም” ኢሉ ሰደዶም። እቶም ቈልዑ ግና ኣብ ሃገሮም ሓሶት ስለዘየለ ‘ብናቱ ሃገር የለን ብናትና ሃገር ግና ኣሎ’ ኢሎም እቲ ሓቂ ነገርዎም። እቶም ብፁዓውያን ሰባት ድማ “ጸሊእናዮ ንዝመጻእና ሓሶትሲ ኣብ ሃገርና ክምህረልና” ብምባል ካብ ሃገርና ውፅኣልና ኢሎም ኣውፅእዎ።

ኣባ ዘሲማስ፡ ፍቕሪ ስለ ዝጐደሎ ነቲ ምውት ባሕሪ ዘሳገርዎ ኣእዋም ከምቲ ናይ ቅድም ዘይገጥሙ ኮኑ። ተመሊሱ ኣብ እግሮም ወዲቑ ‘ይቕረ በሉለይ’ ምስ በሎም ግና ገጢሙሉ ተሳጊሩ ከደ።

ካብዚ ጊዜ ጀሚሩ በዓቱ ዓጽዩ እግዚአብሔር ዝገበረሉ ኵሉ እናኣመስገነ፣ ነቲ ዝጸሓፎ ዜና ብፁዓውያን ዘብሔረ ብፁዓን እናኣንበበ ይነብር ነበረ።

በዚ ኸኣ ንእግዚአብሔር ኣሥሚሩ፣ ካብዚ ዓለም ተፈልዩ ኣብ 93 ዓመት ዕድሚኡ ብ9 ሚያዝያ ኣዕረፈ።

 

በረከት ቅዱስ ዘሲማስ ምሳና ይኹን።

ሰላም ዘሲማስ ሶበ ጸለየ ወአስተብቍዐ፣ መጠነ ዓመታት አርብዓ፣ ብሔረ ብፁዓን በዊኦ አምሳለ ማቴዎስ ቦአ፣ ኵሎ በህየ እንተ ነፀረ ወሰምዐ፣ በውስተ ዓለም ከመ ይስብክ ወፅአ።

 

በረከት ጻድቃን ዘብሔረ ብፁዓን ምሳና ይኹን።

ሰላም እብል ዕደወ ብፁዓነ፣ ዘነፀሮሙ ዘሲማስ ወከመ ስምዐ ጽድቅ ኮነ፣ እንበይነ ኢበልዑ ሥጋ ወእንበይነ ኢሰትዩ ወይነ፣ በሥምረተ አምላክ ክርስቶስ አድምዑ መካነ፣ ኀበ አልቦ ሕማመ ወአልቦ ኀዘነ።  

ወስብሐት ለእግዚአብሔር፡ አሜን!

 

 

 

 

ዘመነ ማርቆስ 11 ጥቅምት ነሓሰ 2014…

October
Thursday
21
አባ ያዕቆብ፡ ወቅድስት ጲላግያ፡ ወአርማሚ ሰማዕት። ዘቅዳሴ ምንባብ መልእክታት 1ይ ጢሞ. 4፡9-ፍጻሜ ያዕ. 3፡1-6 ግብረ ሓዋርያት ግብ. ሐዋ. 20፡20-25 ምስባክ መዝ.106/107 ወንጌል ማር. 8፡1-9 ቅዳሴ ቅዳሴ ዘእግዝእትነ። * * *
00:00 h

ዜና ኅትመት

እዋናዊ ጽሑፋት

ብፁዕ አቡነ ጳውሎስ ኣቐባብላ ተጌሩሎም!

ኣብ ዝነበርዎ ሃገረ ስብከት አውሮጳ ብጊዜያዊ ኣቦ መንበርነት ከገልግሉ ዝጸንሑ ደኃር መዓርገ ጵጵስና ዝተቐብዑ ብፁዕ አቡነ ጳውሎስ ብብፁዕ አቡነ ባስልዮስ...

2ይ ዓመታዊ ጉባኤ ን/ሃ/ስ ካናዳ ኣብ ከተማ ቶሮንቶ ተካይዱ!

“ብጐይታ ኩሉ ሳዕ ተሓጐሱ ፡ ደጊመ ተሓጐሱ እብል ኣለኩ ” ኤፌ 4፦4 ኣብ ትሕቲ ዝብል መሪሕ ቃል ንክልተ መዓልቲ ዝወሰደ...

ኣብ ሀገረ ስብከት ደቡብ መንደፈራ ንኡስ ሃገረ ስብከት ዓዲ…

ኣብ ሃገረ ስብከት ደቡብ መንደፈራ ንኡስ ሃገረ ስብከት ዓዲ ዃላ፡ ኣብ ፋይናንስን ምኅደራን ከምኡ ድማ ንጉዳይ ጥሮታን መምርሒታቱን ዝምልከት ስልጠና፡...

ክብረ በዓል ገዳም ደብረ ክሳሄ ወደብረ ማርያም አቡነ አብሳዲ ብድሙቕ…

“ኀበ ጽላሎታ ዘበጽሐ ኢይሬኢ ደይነ” ዓመት መጽአ 30 መስከረም ክብረ በዓል አቡነ አብሳዲ ኣብ ገዳሞም ደብረ ክሳሄ ወደብረ ማርያም አቡነ አብሳዲ...

“ኦ አርሴማ ኪዳነኪ ኮነ ለኃጥአን ቤዛነ” ብዝብል ድምቀት ክብረ በዓል…

ዓመት መጽአ 29 መስከረም ዝክረ ሰማዕትነት ቅድስት ኣርሴማ ኣብ ኦርቶዶክሳውያን ኣብያተ ክርስቲያን ዝኽበር ኮይኑ፣ ብስማ ዝተሓንፀ ቤተ ክርስቲያንን ዝተገደመ ደብረ...

“ብክዩ ኅዙናን ሐልየክሙ ስደታ . . . እቲ መሪር ስደታ”

ሕዝበ ክርስቲያን እዚ ቅንያት’ዚ ንስደት ኣዴና ቅድስት ድንግል ማርያም ምስ ፍቁር ወዳ፡ ቅዱስ ዮሴፍን ቅድስት ሰሎሜን ካብ እስራኤል ናብ ግብጺ...

ተመረቕቲ ነገረ መለኮት መንእሰያት ኣባላት ትምህርት ሰንበት ንዝተማህርዎ ትምህርቲ ኣብ…

ብዕለት 20 መስከረም 2014 ዓ.ም. (30/09/2021.ፈ) ተመረቕቲ ነገረ መለኮት መንእሰያት ኣባላት ትምህርት ሰንበት ንዝተማህርዎ ትምህርቲ ኣብ ምትኅልላፍ ክተግሁ ኣብ ቤት...

ትምህርቲ ቀዳምነት ዝተወሃቦ ዕላማ ቅዱስ ሲኖዶስ!

ቀዳማይ ዕላማ ቅድስት ቤተ ክርስቲያን፡ ቃለ ወንጌል ንሰባት ብምምሃር ናብ ርቱዕ እምነት ከምዝመጹን ብሃይማኖትን ሠናይ ግብርን ከምዝነብሩን ብምግባር ንዘለዓለማዊ መንግሥተ...

'ብዙኃን ማርያም'

21 መስከረም፡ ብዙኃን ሊቃውንት ኣብ በዓለ ማርያም ተጋቢኦም ክሕደት ኣርኂቖም ሃይማኖት ዘጽንዕሉ ንዝክረሉ ዕለት ስለ ዝኾነ ብዙኃን ማርያም ይበሃል። ኣብ ራብዓይ...

ጉባኤ ኤፌሶን (431 ዓ.ም.) 2ይ ክፋል

ነገረ ጉባኤ እቲ ጉባኤ ምስ ተጀመረ፣ ተኸሳሲ ንስጥሮስ ናብቲ ጉባኤ ቀሪቡ ትምህርቱ ከቕርብ ተሓተ። ጉባኤ ብምልኣት እንተዘይተአኪቡ ኣይመጽእን በለ። ሠለስተ ጊዜ...

በዓል ቅዱስ መስቀል 2014 ዓ.ም. ብዓቢይ ድምቀት ተባዒሉ!

ዓመት መጸ 17 መስከረም ብዓቢይ ድምቀት ኣብ ኵለን ኣብያተ ክርስቲያን ክበዓል ከሎ፡ ብፍላይ ግና ኣብ ሀገረ ስብከት ኣሥመራ ኣብ ርእሰ...

ኃይሊ ቅዱስ መስቀል ኣብ ዘመነ ኣበው።

በስመአብ ወወልድ ወመንፈስ ቅዱስ አሐዱ አምላክ ኣብ ዘመነ ኣበው’ውን እንተኾነ ናይቲ ኺመጽእ ዘለዎ ኣማናዊ መስቀል ጽላሎት ኮይኑ ብዙኅ ተኣምራት ሰሪሑ እዩ፤...

  

latest articles

Transfiguration: (Debre Tabor)

This is the day celebrated on Nehase (August) 13 G.C. in which Our Lord Jesus Christ during his ministry, manifested...

PRAYER

Prayer is a word by which man communicates with his Creator in Faith, thanking and beseeching Him for the forgiveness...

FAITH AND WORKS

Faith is “a confidence or trust in God”. Faith gives assertion to the things we hope for and explains the...

The feast of the Holy Cross - Mesekel (The Founding…

The Mesekel holiday is celebreated on Meskerem 17 (27th of September) and Megabit 10 (19th of March). The word Meskel...

The Ascension of St Mary (part two)

Moreover, Whilst John the evangelist was preaching in the country of Asia, on the sixteenth day of the month of...

The Ascension of St Mary (part one)

"At your right hand stands the queen." (Psalm 45:9)IN THE NAME OF THE FATHER AND THE SON AND THE HOLY...

The Fast of Assumption of the Virgin Mary

This fast lasts from Nehassie (August) 1 to 16. Our Lady departed on 21 of Ter (January) in 50 A.D...

“Blessed is he that considereth the poor” Ps. 41:1

In the name of the Father, and of the Son, and of the Holy Spirit, One God Amen. The basic necessities...

The Apostle Saint Paul

Saint Paul was a Jew, of the tribe of Benjamin, a Pharisee, the son of a Pharisee; and his kinsfolk...

The Apostle st. Peter

Peter was from Bethsaida, and he was a fisherman.  Our Lord chose him on the second day following that whereon...

The Fast of Wednesdays and Fridays

Every week Wednesdays and Fridays are observed as fast days except during the fifty days (between Easter and Pentecost), and...

The Fast of the Apostles

The Apostles observed this fast after they received the Holy Spirit and before they set out to proclaim the Gospel...