ገዳም ፃዕዳ እምባ ቅድስት ሥላሴ - አቡነ ሰይፈ ሚካኤል

Oct 30, 2019

ገዳም ፃዕዳ እምባ ቅድስት ሥላሴ ኣብ ዞባ ዓንሰባ ካብ ከረን 25 ኪሎ ሜተር ንሸነኽ ደቡባዊ ምዕራብ ኣብ ኣስታት 2500 ሜትሮ ካብ ጽፍሒ ባሕሪ ተደኲኑ ዝርከብ ብ1669 ዓ.ም. ዝተገደመ ገዳም እዩ።

ንግደት ናይ ገዳም ፃዕዳ እምባ ሥላሴ ዓመት መጽአ በዓል ሥላሴ ኣብ ዝበዓለሉ 7 ሓምለን፣ ዕረፍቲ ኣቡነ ሰይፈ ሚካኤል ዝኾነሉ 19 ጥቅምትን እዩ ። ናይዚ ክብረ በዓል በረኸት ተሳተፍቲ ንምዃን ካብ ዝተፈላለየ ቦታታት ሃገርና ይነግዱ። ብፍላይ ኣብቲ ኸባቢ ዝርከቡ ሕዝበ ክርስቲያን ብብዝኂ ናብቲ ገዳም ብምምጻእ ነቲ በዓል የድምቕዎ።

ኣብ ገዳም ፃዕዳ እምባ ቅድስት ሥላሴ ዘብጽሕ መንገዲ ዓቐበትን ቍልቍለትን ዝበዝኆ ብምዃኑ ብርቱዕ ትዕግሥትን መንፈሳዊ ጽንዓትን ዝሓትት እዩ። ናብዚ ገዳም እዚ ንምብጻሕ ካብ ከተማ ከረን ተበጊስካ ብሸነኽ ደቡባዊ ምዕራብ ሩባታትን ጎቦታትን ድኅሪ ምኅላፍ፡ ‘ድንጃ ወርቅ’ ኣብ ዝተባህለ ኣብ እግሪ እቲ ገዳም ተገዲምዎ ዘሎ ነዊኅ እምባ ትበጽሕ። ካብ ‘ድንጃ ወርቅ’ ነዚ ተሪር ነዊኅ እምባ ንሓደ ሰዓትን ፈረቓን ብጥውይዋይ ናይ እግሪ መንገዲ ምስ ደየብካ ‘ማዕዶዋይ’ ዝተባህለ ቦታ ትበጽሕ።

ካብ ማዕዶዋይ ናብ ውሽጢ ገዳም ምስ ኣቕናዕካ ካብ መርገጺ እግሪ ዘይኃልፍ ሥፍሓት ዘይብላ፡ ብየማነ ጸጋማ ዘፍርህ ጸድፊ ዘለዋ ብጭንቂ እትስገር ‘ጸናፌ ጽልመት’ ተባሂላ እትጽዋዕ ጸድፊ ትረክብ። ነዛ ንምስጋራ ጭንቂ ዝኾነት መንገዲ እቶም ዝለመድዋ ዋላ ተሰኪሞም እዮም ዝኃልፍዋ። ካብዚ ንደኃር “ደገ ሰላምን መንገዲ ሰማይን” ዝብሃል ጥውይዋይ መንገዲ ምስ ሰገርካ ናብቲ ገዳም ትኣቱ። ኣብቲ ጥንታዊ ቤተ ክርስቲያን ‘ሰላም ለኪ’ ኢልካ ጸሎትካ ምስ ኣብጻሕካ፡ ብመጀመርታ ዕፁብ ድንቂ እናበልካ ትዕዘቦም ፍሉይነትን መንፈሳውነትን ናይዚ ገዳም እዚ ዝገልጹ ተኣምራት እዮም። ኣብዚ ገዳም እዚ ቀደም ከምዚ ነይሩ ዝበሃል ጥራሕ ዘይኮነስ ክሳዕ ሕጂ ብዓይኒ ዝርአ ተኣምራት ኣሎ። ኣብ ከባቢ እዚ ገዳም ዘለዉ ኣእዋም ብእርጋን ድዩ ብንፋስ ክወድቁ ኸለዉ ክንዲ ንታሕቲ ዝወድቁ ንላዕሊ እዮም ዝወድቁ። ኣብዚ ገዳም’ዚ እቲ፡ በላዔ ሥጋ ንስሪ እንተ ኾነ እኳ ሥጋ ዝሞተ እንስሳ ፈጺሙ ዘይምብልዑ ብዓይኒ ዝርአ ዘሎ ሓቂ እዩ።

ከምኡ ውን ኣብዚ ገዳም እዚ ተመን ነኺሱ ኪቐትል ኣይክእልን እዩ፡ እቲ ዝተነኽሰ ሰብ ጻጸ ከም ዝነኸሶ ደኣ እምበር ተመን ዝነኸሶ ኾይኑ ኣይስምዖን፡ ፈጺሙ ውን ኣይመውትን እዩ። እቲ ጐይታናን መድኃኒናን ኢየሱስ ክርስቶስ ‘ነቶም ዝኣመኑ እዚ ተኣምራት እዚ ክስዕቦም እዩ ብስመይ ኣጋንንቲ ከውፅኡ፡ ኣትማን ክኅዙ እዮም፡ ዝቐትል እንተ ሰተዩ’ውን ከቶ ኣይጐድኦምን እዩ።’ ዝበሎ ኣምላኻዊ ቓል ኣብዚ ገዳም እዚን ኣብዚ ዘለናዮ እዋንን ክፍጸም ኢኻ ትርእዮ ። (ማር 16፥16-18፡ ግብ. ሓዋ 28፥3-5) ከምኡ ድማ ካብቲ ኣብዚ ገዳም ዝነበረ ዳዕሮ ተጸሚቑ ዝዳሎ ካብ ወይኒ ዝጥዕም ስዋ ልቢ ዘረስርስን ሕሊና ዘንቅሕን ኃይሊ ሕማም ዝፍውስን ውን  ነይሩ እዩ። ብተወሳኺ ኸኣ ካብ ዝረኣዩ ዘደንቑ ተኣምራት፥ ሓደ እዋን ኣብ ክረምቲ ኣብቲ ገዳም ብርቱዕ ማይ እናሃረመ ዝወረደ በርቂ ነቲ ከውሒ ምስ ወቕዖ ኣብቲ ከውሒ ምስሊ ቅርጺ ኤርትራ ምሥኣሉ እዩ። እዚ ዅሉ ተኣምር እዚ ክሳዕ ሎሚ ጸኒዑ ዘሎ ብቓል ኪዳን ናይዚ ገዳም ፃዕዳ እምባ ሥላሴ ገዳሚ ዝኾነ ኣቡነ ሰይፈ ሚካኤል እዩ ።

ኣቡነ ሰይፈ ሚካኤል ኣብ ደርሰነይ ዓንሰባ ካብ ኣቦኡ ዓምደ ሚካኤልን ኣደኡ ኂሩተ ማርያምን ተወልደ። ወለዱ ሕያዎትን ንእግዚአብሔር ዝፈርሁን ጾምን ጸሎትን ዘዘውትሩ ስለ ዝነበሩ ብሃይማኖትን ሥነ ምግባርን ኰስኲሶም ኣዕበይዎ። ኣቦኡ ቃለ እግዚአብሔር ምእንቲ ክመሃር ኢሉ ናብ ኣብ ቅዱስ ገብርኤል ቤተ ክርስቲያን ዝነበረ መምህር ወሲዱ ኣእተዎ። ነቲ መምህር ከአ ብትግሃት ክምህሮ ሓደራ በሎ። እቲ መምህር ድማ እናተሓጐሰ ተቐበሎም። በዚ ኸኣ ቅዱሳት መጻሕፍትን ያሬዳዊ ዜማን ተማህረ።

ኣቡነ ሰይፈ ሚካኤል “ክስዕበኒ ዝደሊ ርእሱ መኒኑ መስቀሉ ተሰኪሙ ይስዓበኒ።’’ ዝብል ቃል ጐይታ ንምፍጻም፡ ንዓለምን ፍትወታን ኃዲጉ መከራ መስቀል ተሰኪሙ ንጐይታ ሰዓቦ። ናብ በዓትታትን ገዳማትን እናዞረ ድማ ኣብ ኣድያቦ ቤተ ቂርቆስ ዝስሙ ገዳም ኣቡነ ኖላዊነ ኄር በጽሐ። ግብረ ምንኵስና እናተማህረ፡ በቲ ትግሃቱን ኣገልግሎቱን ተጋድሎኡን ትሩፋቱን ክሳብ እቶም ኣብኡ ዝነበሩ መነኮሳት ዝድነቑ የገልግል ነበረ። ካብ ጽንዓት ተጋድሎኡ መልክዑ ከም በረድ ፃዕደወ። በዚ ኸኣ ኣቡነ ዕንቈ ብርሃን ልብሰ ምንኵስናን ኣስኬማ መላእኽትን ኣልበሶ። ብኸምዚ ዝበለ ጽኑዕ ገድሊ ኣብ ኣድያቦ ምስ ኣቦኡ ዕንቈ ብርሃን ብዙኅ ዓመታት ጸኒሑ ብእኡ ተባሪኹ ናብ ዋልድባ ኸደ። ኣብ ዋልድባ ኣትዩ ድማ ካብቶም ኣብኡ ዝነበሩ ቅዱሳን ተባሪኹ ብፍጹም ተጋድሎ ነበረ።

ብድኅር’ዚ ብፍቓድ ናይ ዋልድባ ቅዱሳን ናብ ወገሪቆ ገዳም ኣቡነ ተክለሃይማኖት መጺኡ ከም ኣበምኔትን መምህርን ኮይኑ ኣገልገለ። ኣቡነ ሰይፈ ሚካኤል በቲ ዝተዋህቦ ጸጋ ወንጌል እናመሃረን ሕሙማት እናፈወሰን ክሳብ ጋሽ ባርካ ደብረ ሳላ ዝበሃል ዞረ። ብድኅር’ዚ መልኣክ እግዚአብሔር ቅዱስ ገብርኤል እናመርሐ ናብታ መዕረፊት ቤቱ ዝኾነት ገዳም ፃዕዳ እምባ ሥላሴ ደብረ ከባቦ ዝበሃል ቦታ ኣብጽሖ። ኣብ ደብረ ከባቦ ብጾምን ጸሎትን ተጸሚዱ ንእግዚአብሔር የገልግል ነበረ። ክጽሊ ኸሎ ለይተ ለይቲ ክሳብ ሰማይ ዓምደ ብርሃን ተተኺሉ ይርኣዮ ነበረ። ኣጋንንቲ ውን ከም ኣትማን፡ ከም ኣናህብ፡ እናኾኑ የሳቕይዎ እኳ እንተነበሩ ብጾምን ጸሎትን ይስዕሮም ነበረ።

ብድኅር’ዚ ኣብ ደብረ ከባቦ ቤተ ክርስቲያን ሓኒፁ ማኅበር ኣቚሙ ን9 ዓመትን 6 ወርኅን እናተጋደለን መከራ እናተቐበለን ምስ ጸንሐ፡ ኣጋ ምሸት እናጸለየ ኸሎ መልኣኽ ናብኡ መጺኡ ‘ናብቲ ገዳም ከእትወካ እየ እሞ ስዓበኒ’ በሎ። ደድኅሪኡ እናሰዓበ ድማ ናብታ ሎሚ ደቂ ተባዕትዮ ጥራሕ ዝኣትውዋ ገዳም ኣእተዎ። ነታ ንኽትርእያ ኣዝያ እተጨንቕ መንገዲ ድማ ጸናፌ ጽልመት ኢሉ ሰመያ። ኣቡነ ሰይፈ ሚካኤል ኣብ ውሽጢ እቲ ገዳም ቤተ ክርስቲያንን ቤት ማኅበርን ሓነፀ።

ኣቡነ ሰይፈ ሚካኤል በቲ ዝተዋህቦ ጸጋ ንርኹሳት መናፍስቲ ካብ ሕሙማት የውፅእ ስለዝነበረ እቶም ኣጋንንቲ ‘ኣብዚ ክትነብር ኣይንኃድገካን ኢና’ እናበሉ ብግህዶ ንሞት ክሳዕ ዝበጽሕ ዓይኑ ኣፍሰስዎ ግናኸ መልኣኽ እግዚአብሔር ዳኅሢሡ ኣሕወዮ። ከምኡ ውን እዞም ኣጋንንቲ ኣብቲ መኅደሪኡ ሓዊ ይኽዕውሉን ኣብ ልዕሊኡ ዓበይቲ ኣእማን የንከራርውሉን ነበሩ። እቶም ዝድርበይሉ ዝነበሩ ኣእማን ኣብ ረርእሲ ተቐሚጦም ኣብቲ ዝጽልየሉ ዝነበረ ብወገን ደቡብ ክሳብ ሕጂ አሎ።

ኣቡነ ሰይፈ ሚካኤል ነቶም ዝኣመኑ እናኣጽንዐ፡ ንዘይኣመኑ ድማ ኣእሚኑ እናኣጥመቐ ኣብ መዓርገ ክህነት ኣብጺሑ ቤተ ክርስቲያን ይሓንፀሎም ነበረ።
ቅዱስ ኣቦና ምሉእ ሕይወቱ ብብዙኅ ተጋድሎ ሓዋርያዊ ተልእኾኡ ምስ ፈጸመ፡ ካብ እግዚአብሔር ቃል ኪዳን ተቐቢሉ ብ 19 ጥቅምቲ 1722 ኣብ መበል 96 ዕድሚኡ ኣብ ገዳሙ ፃዕዳ እምባ ዓረፈ።

ኣሰር ኣቦኦም ኣቡነ ሰይፈ ሚካኤል ዝሰዓቡ ኣብዚ ገዳም ዝነበሩ መነኮሳት ዋላ ብጾምን ጸሎትን ዝተወሰኑ እንተኾኑ ጐይታናን ኣምላኽናን መድኃኒናን ኢየሱስ ክርስቶስ “ሑሩ ወመሀሩ’’ (ማቴ. 28፥19) ብዝበሎ ኣምላኻዊ ቓል መሠረት ሓዋርያዊ ተልእኾ ፈጺሞምን ብዙኃት ኣብያተ ክርስቲያን ካብ ከረን ክሳዕ ኦምሓጀር ካብኡ ኃሊፍካ ውን ክሳዕ ከሰላ ሱዳን ሓኒፆምን እዮም።
ነዚ ዝመስል በረኸት ተሳቲፍና፡ ታሪኽ ፈሊጥና፡ ተኣምራት ርኢና. . . ‘ያብጽሓነ አመ ከመ ዮም’ እናበልና ነናብ ቦታና ተመሊስና።
ጸሎትን በረኸትን ናይ ኣቡነ ሰይፈ ሚካኤል ምስ ኵልና ሕዝበ ክርስቲያን ይኹን!

ዘመነ ማቴዎስ 30 ጥር 2013 ዓ.ም.ግ…

March
Monday
8
ዝክር፦ ጲስ ወአላጲስ ወኣጋጲስ ወእሞን ሶፍያ፡ ወጳላግያ ወማርያ ወማርታ፡ ወኦርኒ ወማኅበራኒሃ፡ ወጎርጎርዮስ ነባቤ መለኮት፡ ወአክርስጥሮስ፡ ወሚናስ ሊቀ ጳጳሳት እምኍልቆሙ ለ፵ወ፯ቱ አበው። ዘቅዳሴ ምንባብ መልእክታት 1ይ ቆሮ. 11፡1-12። 1ይዮሐ. 3፡13-17። ግብረ ሓዋርያት ግብ. ሐዋ. 17፡4-12 ምስባክ መዝ.111/112 ወንጌል ማቴ. 25፡1-13። ቅዳሴ ዘእግዝእትነ ማርያም። * * *
00:00 h

ዜና ኅትመት

እዋናዊ ጽሑፋት

ንዑ ደቂቅየ ወስምዑኒ . . እመሀርክሙ - ታሪክ ሰብአ ነነዌ…

እግዚአብሔር ዝፈትወኩም ሕፃናት ከመይ ኣሎኹም፧ ናብዚ ሰዓትን እዝን ዕለትን ብሰላም ዘብጸሓና እግዚአብሔር ዝኸበረን ዝተመስገነን ይኹን። ልበ ኣምላክ ኣቦና ቅዱስ ዳዊት...

“ቀድሱ ጾመ ወስብኩ ምህላ” (ኢዩ. 2፡14) - ዓቢይ ጾም

ብኦርቶዶክሳዊት ተዋሕዶ ቤተ ክርስቲያን ሕገ ቀኖና ኣብ ዓመት ፯/7ተ ናይ ኣዋጅ ኣጽዋማት ኣለዉ። ካብዚኦም ሓደ ዓቢይ ጾም (ጾመ ፵/40) እዩ።...

ትሕትና - “ኣብ ነፍስኹም ጨው ይሃልኹም” ማር. 9፡48 (ካልኣይ ክፋል)

ትሕትና ማለት ብኃይሊ፡ ምሕረት፡ ጸጋ ፡ ጥበብን ፍቓድን እግዚአብሔር እንተዘይኮይኑ ከንቱ ምዃንካ ፈሊጥካ፡ ንርእስኻ ምትሓት፡ ዘይምዕባይን ዘይምኽራዕን እዩ። እትፈልጥ ከሎኻ...

ኣብ ሃገረ ስብከት ደቡብ መንደፈራ ልምዓታዊ መደባት ንምስላጥ ዑደት ተኻይዱ!

ብዕለት 15 የካቲት 2013 ዓ.ም.ግ (22/02/2021 ዓ.ም.ፈ ) ኣብ ሃገረ ስብከት ደቡብ መንደፈራ ንልምዓታዊ መደባት ዝረድእ ዑደት ብኣባላት ቤት ጽሕፈት...

ክብረ በዓል ኪዳነ ምሕረት ኣብ ርያድ ስዑዲ ዓረብ ብድምቀት ተኸቢሩ!

16 የካቲት 2013 ዓ.ም. ዓመታዊ ክብረ በዓል ኪዳነ ምሕረት ኣብ ኵለን ኦርቶዳክሳውያን ተዋሕዶ ኣብያተ ክርስቲያን ኣብ ውሽጢን ወፃኢን ሃገር ክኽበር...

ኣብ ጥንታዊ ቤተ ክርስቲያን ፃዕዳ ክርስቲያን ጥንታዊ ቅርሲ ተረኺቡ!

ኣብ ሃገረ ስብከት ማእከል ንኡስ ሃገረ ስብከት በሪኽ ቤተ ክርስቲያን ኪዳነ ምሕረት ፃዕዳ ክርስቲያን ጥንታዊ ቅርሲ ተረኺቡ።

ኣብ ደብረ ደናግል ቅድስት ድምያና ኣብ ኣሞክሮ ዝጸንሓ ሾብዓተ ኣኃት…

ብዕለት 13 የካቲት 2013 ዓ.ም. ኣብ ደብረ ደናግል ሰማዕት ቅድስት ድምያና ብኣቕራብነት እመምኔት ገዳም ኢታይ ወለተ መስቀልን ሽማግለ ገዳምን፡ ዓቃቤ...

ኪዳነ ምሕረት

ኪዳን ፦ “ተካየደ” ካብ ዝብል ግእዛዊ ግሢ ዝወፅአ ኾይኑ፡ “ተመሓሓለ፡ ተሰማምዐ፡ ተወዓዓለ” ማለት እዩ። ኪዳን፥ ንኽልተ ሓደ ዝገብር ናይ ፍቕርን...

“ዝደለይዎ ዝረኸቡ” - ሕዝበ ነነዌ

እቲ ክቡር ንጉሥ፡ መልእኽቲ ጥፍኣት ሃገሩ ምስ ሰምዐ ፈርሐን ረዓደን። ነዚ መልእኽቲ ብግብሪ እንተዘይፈጺምዎ፡ ሃገሩ ከምዘይነበረት ከም እትከውን፡ ካብ ሰብ...

ዕለታት ጾመ ነነዌ

ጾመ ነነዌ ሓደ ካብቶም 7ተ ናይ ኣዋጅ ኣጽዋማት ቤተ ክርስቲያን እዩ። ጾመ ነነዌ ኵል ሳዕ ዓቢይ ጾም ቅድሚ ምእታዉ ቅድሚ...

እንቋዕ ናብ ጾመ ነነዌ ኣብጽሓና፦ ሰኑይ 15 መጋቢት ክሳዕ ረቡዕ…

ጾመ ነነዌ ሓደ ካብቶም ሾብዓተ ናይ ኣዋጅ ኣጽዋማት እዩ። ኣብ ነነዌ ዝቕመጡ ዝነበሩ ሕዝቢ ጾይሞም ምሕረት ከምዝረኸቡ፡ ሕዝበ ክርስቲያን ድማ...

ዓቢይ ባሕታዊ ገዳም ኣቡነ ሊባኖስ ሃም ኣባ ኃይለማርያም ብሰላም ዓሪፎም!

ባሕታዊ ገዳም ደብረ ወርቅ ኣቡነ ሊባኖስ ኣባ ኃይለማርያም ብዕለት 09 የካቲት 2013 ዓ.ም. ዓሪፎም፡ ኣብ ገዳሞም ሥርዓተ ቀብር ተፈጺምሎም።

  

latest articles

PRAYER

Prayer is a word by which man communicates with his Creator in Faith, thanking and beseeching Him for the forgiveness...

FAITH AND WORKS

Faith is “a confidence or trust in God”. Faith gives assertion to the things we hope for and explains the...

The feast of the Holy Cross - Mesekel (The Founding…

The Mesekel holiday is celebreated on Meskerem 17 (27th of September) and Megabit 10 (19th of March). The word Meskel...

The Ascension of St Mary (part two)

Moreover, Whilst John the evangelist was preaching in the country of Asia, on the sixteenth day of the month of...

The Ascension of St Mary (part one)

"At your right hand stands the queen." (Psalm 45:9)IN THE NAME OF THE FATHER AND THE SON AND THE HOLY...

The Fast of Assumption of the Virgin Mary

This fast lasts from Nehassie (August) 1 to 16. Our Lady departed on 21 of Ter (January) in 50 A.D...

“Blessed is he that considereth the poor” Ps. 41:1

In the name of the Father, and of the Son, and of the Holy Spirit, One God Amen. The basic necessities...

The Apostle Saint Paul

Saint Paul was a Jew, of the tribe of Benjamin, a Pharisee, the son of a Pharisee; and his kinsfolk...

The Apostle st. Peter

Peter was from Bethsaida, and he was a fisherman.  Our Lord chose him on the second day following that whereon...

The Fast of Wednesdays and Fridays

Every week Wednesdays and Fridays are observed as fast days except during the fifty days (between Easter and Pentecost), and...

The Fast of the Apostles

The Apostles observed this fast after they received the Holy Spirit and before they set out to proclaim the Gospel...

The feast Of Pentecost

IN THE NAME OF THE FATHER AND THE SON AND THE HOLY SPIRIT, ONE GOD. On this day the Holy...