ኣብ ማእከል ባሕሪ - ቤተ ክርስቲያን ባጽዕ

Jan 29, 2020

ኣብዚ ምድራዊ ዓለም ዘሎ ኵሉ ሰብኣዊ ፍጡር ብፍላይ ሕዝበ ክርስቲያን ኣምልኮቱ ዝፍጽመሉ ምስ ኣምላኹ ዝረኸበሉ ቤተ ጸሎት ከምዘድልዮ ዝተረጋገጸ ሓቂ እዩ።

ክሳዕ ቀዳሞት ዓሰርተ ዓመታት ናይ ዕሥራ ክፍለ ዘመን፡ ኣብታ ጎሮሮ ሃገርና ኤርትራ ዝኾነት ወደባዊት ከተማ ባጽዕ ዝነበረ ሕዝበ ክርስቲያን፦ ኣምልኮቱ ዝፍጽመሉ፡ ቃለ ወንጌል ዝመሃረሉ፡ ሕፃናት ተወሊዶም ዝጥመቕሉ፡ ምእመናን ሥጋኡን ደሙን ዝቕበሉሉ ቤተ ክርስቲያን ኣይነበሮምን።

ነዚ ዝተረድኡ ማኅበር ደብረ ቢዘን፦ ቤተ ክርስቲያን ንምሕናፅን ሕዝበ ክርስቲያን ንምጥርናፍን ቈሪጾም ተላዕሉ። ኣባት ዓምደማርያም (አበምኔት ደብረ ቢዘን) ነዚ ዓቢይ ሓዋርያዊ ግብሪ እንተ ጀመርዎ እኳ ኣብ ፍጻሜ ከየብጽሕዎ መዋዕለ ዘመን ደሪትዎም ዓረፉ።

ቀጺሎም ኣበምኔት ደብረ ቢዘን መምህር ገብረ ኣምላክ (ብፁዕ ኣቡነ ማርቆስ ጳጳስ ዘኤርትራ) ብማኅበር ተወኪሎም ነዚ ሥራሕ ቤተ ክርስቲያን ንምሥራሕ ዕለታዊ ተግባር ጌሮም “ቤተ ክርስቲያን ዝሥርሓሉ ቦታ (መሬት) ይወሃበና” እናበሉ ናብ መንግሥቲ ምጽሕሓፍ ጀመሩ። ዓቕሞም ዝፈቐዶ ብዘይ ዕረፍቲ’ውን ላዕልን ታሕትን እኳ እንተበሉ ኣብ የብሲ (መሬት) ቦታ ተዋሂብካ ቤተ ክርስቲያን ምሥራሕ ፈጺሙ ዘይከኣል መሰለ።

እቶም ቤተ ክርስቲያን ኣብ የብሲ (ንቁጽ ምድሪ) ከይሥራሕ ዝከራኸሩ ዝነበሩ፦ “እንተ ደሌኹም ኣብ ማእከል ባሕሪ ሥርሑ” ደኣ በሉ። ኣብዚ እዋን’ዚ ኣብ ባጽዕ ዝነበረ ሕዝበ ክርስቲያን ብሃይማኖቱ ጽኑዕ ብመንፈሳዊ መንገዱ ቅኑዕ ስለ ዝነበረ፦ “እንቋዕ ደኣ ኣብ ባሕሪ ሥርሑ በሉና እምበር ዘይንሠርሕ” ብምባል ብመሪሕነት መምህር ገብረ ኣምላክ ኣብ 1928 ዓ.ም. እቲ ሥራሕ ብሓፂንን ጣውላን ተጀመረ። ናይ ኵሉ ሰብ ሃይማኖታዊ ስምዒትን መንፈሳዊ ቅንኣትን ትግሃትን እምብዛ ልዑል ስለዝነበረ ኸኣ እቲ ቤተ ክርስቲያን ልክዕ ኣብ 40 መዓልቲ ተዛዘመ። ብስም ቅድስት ድንግል ማርያም ተጸዊዑ ታቦተ ሕጉ ኣትዩ ድማ ኣገልግሎት ክህብ ጀመረ።

መምህር ገብረ ኣምላክ ነዚ ቤተ ክርስቲያን እዚ ምስ ፈጸሙ ድኅሪ ክልተ ዓመት ብፁዕ ኣቡነ ማርቆስ ተባሂሎም ናይ ኤርትራ ቀዳማይ ጳጳስ ኮይኖም ከምዝተሾሙ ይፍለጥ።

ብኸምዚ ኸኣ እዚ ቤተ ክርስቲያን ኣብ ማእከል ባሕሪ 18 ዓመት ድኅሪ ምጽናሕ “ጊዜ ገቢር ለእግዚአብሔር” ከምዝበሃል ካብ ባሕሪ ዝወፀሉ ጊዜ በጺሑ፡ መሬት ተዋሂቡ ብ1946 ዓ.ም. ሓድሽ ቤተ ክርስቲያን ተሓንፀ። ታቦተ ሕጉ ድማ ካብ ማእከል ባሕሪ ወፂኡ ናብዚ ሓድሽ ቤተ ክርስቲያን ኣተወ። እንሆ ድማ እዚ ናይ ቅድስት ድንግል ማርያም ቤተ ክርስቲያን ባጽዕ ካብ ዝምሥረት ክሳዕ ሎሚ 65 ዓመት ኣቝጺሩ ኣሎ።

ዓመታዊ ክብረ በዓል ናይዚ ቤተ ክርስቲያን 21 ጥር ዕለተ ዕረፍት ቅድስት ድንግል ማርያም ብምዃኑ ነዚ ዝኃለፈ ታሪኽ እናዘከሩ ካብ ርኁቕን ቀረባን ዝመጹ ሕዝበ ክርስቲያን ብዓቢይ ድምቀት እናኽበርዎ ይነብሩ ኣለዉ።

ዘመነ ማርቆስ 11 ጥቅምት ነሓሰ 2014…

October
Thursday
21
አባ ያዕቆብ፡ ወቅድስት ጲላግያ፡ ወአርማሚ ሰማዕት። ዘቅዳሴ ምንባብ መልእክታት 1ይ ጢሞ. 4፡9-ፍጻሜ ያዕ. 3፡1-6 ግብረ ሓዋርያት ግብ. ሐዋ. 20፡20-25 ምስባክ መዝ.106/107 ወንጌል ማር. 8፡1-9 ቅዳሴ ቅዳሴ ዘእግዝእትነ። * * *
00:00 h

ዜና ኅትመት

እዋናዊ ጽሑፋት

ብፁዕ አቡነ ጳውሎስ ኣቐባብላ ተጌሩሎም!

ኣብ ዝነበርዎ ሃገረ ስብከት አውሮጳ ብጊዜያዊ ኣቦ መንበርነት ከገልግሉ ዝጸንሑ ደኃር መዓርገ ጵጵስና ዝተቐብዑ ብፁዕ አቡነ ጳውሎስ ብብፁዕ አቡነ ባስልዮስ...

2ይ ዓመታዊ ጉባኤ ን/ሃ/ስ ካናዳ ኣብ ከተማ ቶሮንቶ ተካይዱ!

“ብጐይታ ኩሉ ሳዕ ተሓጐሱ ፡ ደጊመ ተሓጐሱ እብል ኣለኩ ” ኤፌ 4፦4 ኣብ ትሕቲ ዝብል መሪሕ ቃል ንክልተ መዓልቲ ዝወሰደ...

ኣብ ሀገረ ስብከት ደቡብ መንደፈራ ንኡስ ሃገረ ስብከት ዓዲ…

ኣብ ሃገረ ስብከት ደቡብ መንደፈራ ንኡስ ሃገረ ስብከት ዓዲ ዃላ፡ ኣብ ፋይናንስን ምኅደራን ከምኡ ድማ ንጉዳይ ጥሮታን መምርሒታቱን ዝምልከት ስልጠና፡...

ክብረ በዓል ገዳም ደብረ ክሳሄ ወደብረ ማርያም አቡነ አብሳዲ ብድሙቕ…

“ኀበ ጽላሎታ ዘበጽሐ ኢይሬኢ ደይነ” ዓመት መጽአ 30 መስከረም ክብረ በዓል አቡነ አብሳዲ ኣብ ገዳሞም ደብረ ክሳሄ ወደብረ ማርያም አቡነ አብሳዲ...

“ኦ አርሴማ ኪዳነኪ ኮነ ለኃጥአን ቤዛነ” ብዝብል ድምቀት ክብረ በዓል…

ዓመት መጽአ 29 መስከረም ዝክረ ሰማዕትነት ቅድስት ኣርሴማ ኣብ ኦርቶዶክሳውያን ኣብያተ ክርስቲያን ዝኽበር ኮይኑ፣ ብስማ ዝተሓንፀ ቤተ ክርስቲያንን ዝተገደመ ደብረ...

“ብክዩ ኅዙናን ሐልየክሙ ስደታ . . . እቲ መሪር ስደታ”

ሕዝበ ክርስቲያን እዚ ቅንያት’ዚ ንስደት ኣዴና ቅድስት ድንግል ማርያም ምስ ፍቁር ወዳ፡ ቅዱስ ዮሴፍን ቅድስት ሰሎሜን ካብ እስራኤል ናብ ግብጺ...

ተመረቕቲ ነገረ መለኮት መንእሰያት ኣባላት ትምህርት ሰንበት ንዝተማህርዎ ትምህርቲ ኣብ…

ብዕለት 20 መስከረም 2014 ዓ.ም. (30/09/2021.ፈ) ተመረቕቲ ነገረ መለኮት መንእሰያት ኣባላት ትምህርት ሰንበት ንዝተማህርዎ ትምህርቲ ኣብ ምትኅልላፍ ክተግሁ ኣብ ቤት...

ትምህርቲ ቀዳምነት ዝተወሃቦ ዕላማ ቅዱስ ሲኖዶስ!

ቀዳማይ ዕላማ ቅድስት ቤተ ክርስቲያን፡ ቃለ ወንጌል ንሰባት ብምምሃር ናብ ርቱዕ እምነት ከምዝመጹን ብሃይማኖትን ሠናይ ግብርን ከምዝነብሩን ብምግባር ንዘለዓለማዊ መንግሥተ...

'ብዙኃን ማርያም'

21 መስከረም፡ ብዙኃን ሊቃውንት ኣብ በዓለ ማርያም ተጋቢኦም ክሕደት ኣርኂቖም ሃይማኖት ዘጽንዕሉ ንዝክረሉ ዕለት ስለ ዝኾነ ብዙኃን ማርያም ይበሃል። ኣብ ራብዓይ...

ጉባኤ ኤፌሶን (431 ዓ.ም.) 2ይ ክፋል

ነገረ ጉባኤ እቲ ጉባኤ ምስ ተጀመረ፣ ተኸሳሲ ንስጥሮስ ናብቲ ጉባኤ ቀሪቡ ትምህርቱ ከቕርብ ተሓተ። ጉባኤ ብምልኣት እንተዘይተአኪቡ ኣይመጽእን በለ። ሠለስተ ጊዜ...

በዓል ቅዱስ መስቀል 2014 ዓ.ም. ብዓቢይ ድምቀት ተባዒሉ!

ዓመት መጸ 17 መስከረም ብዓቢይ ድምቀት ኣብ ኵለን ኣብያተ ክርስቲያን ክበዓል ከሎ፡ ብፍላይ ግና ኣብ ሀገረ ስብከት ኣሥመራ ኣብ ርእሰ...

ኃይሊ ቅዱስ መስቀል ኣብ ዘመነ ኣበው።

በስመአብ ወወልድ ወመንፈስ ቅዱስ አሐዱ አምላክ ኣብ ዘመነ ኣበው’ውን እንተኾነ ናይቲ ኺመጽእ ዘለዎ ኣማናዊ መስቀል ጽላሎት ኮይኑ ብዙኅ ተኣምራት ሰሪሑ እዩ፤...

  

latest articles

Transfiguration: (Debre Tabor)

This is the day celebrated on Nehase (August) 13 G.C. in which Our Lord Jesus Christ during his ministry, manifested...

PRAYER

Prayer is a word by which man communicates with his Creator in Faith, thanking and beseeching Him for the forgiveness...

FAITH AND WORKS

Faith is “a confidence or trust in God”. Faith gives assertion to the things we hope for and explains the...

The feast of the Holy Cross - Mesekel (The Founding…

The Mesekel holiday is celebreated on Meskerem 17 (27th of September) and Megabit 10 (19th of March). The word Meskel...

The Ascension of St Mary (part two)

Moreover, Whilst John the evangelist was preaching in the country of Asia, on the sixteenth day of the month of...

The Ascension of St Mary (part one)

"At your right hand stands the queen." (Psalm 45:9)IN THE NAME OF THE FATHER AND THE SON AND THE HOLY...

The Fast of Assumption of the Virgin Mary

This fast lasts from Nehassie (August) 1 to 16. Our Lady departed on 21 of Ter (January) in 50 A.D...

“Blessed is he that considereth the poor” Ps. 41:1

In the name of the Father, and of the Son, and of the Holy Spirit, One God Amen. The basic necessities...

The Apostle Saint Paul

Saint Paul was a Jew, of the tribe of Benjamin, a Pharisee, the son of a Pharisee; and his kinsfolk...

The Apostle st. Peter

Peter was from Bethsaida, and he was a fisherman.  Our Lord chose him on the second day following that whereon...

The Fast of Wednesdays and Fridays

Every week Wednesdays and Fridays are observed as fast days except during the fifty days (between Easter and Pentecost), and...

The Fast of the Apostles

The Apostles observed this fast after they received the Holy Spirit and before they set out to proclaim the Gospel...