ገዳም ደብረ ኮል አቡነ ቡሩከ ኣምላክ!

Aug 20, 2020

ገዳም ደብረ ኮል ኣብ ዞባ ደቡብ ንኡስ ዞባ እምኒ ኃይሊ ከባቢ መራጕዝ ይርከብ። መሥራቲ ናይዚ ገዳም’ዚ ድማ አቡነ ቡሩከ ኣምላክ እዩ። ወለዲ አቡነ ቡሩከ ኣምላክ ኣቦኡ ንጉሥ ቴዎቅሪጦስ፣ ኣደኡ ኸኣ ንግሥቲ ሚሊዳማ ይበሃሉ።

እዞም ክልተ ሰብ ሕጊ ቤተ ሰብ እግዚአብሔር ዝኾኑ ወለዲ፡ ውላድ ስኢኖም ወትሩ ይጽልዩ ስለዝነበሩ፡ ነዚ ቅዱስ ኣቦ ብዕለት ሓደ ግንቦት ወለዱ። ኣብ ኣርብዓ መዓልቱ ተጠሚቑ ኸኣ ‘ዓምደ ሚካኤል’ ዝብል ስም ተሰየመ። ዓምደ ሚካኤል፡ ብኣካልን ብመንፈስን ምስ ደልደለ፡ ወለዱ እኳ ኸመርዕውዎ እንተ ፈቐዱ፡ ንሱ ግና ወዲ ንጉሥ ምድሪ ካብ ምዃን ወዲ ንጉሥ ሰማይ ምዃን መረጸ።

ብፍቓድ እግዚኣብሔር ብተራዳእነት ቅዱስ ሚካኤል ካብቲ ዝነበሮ ግዝኣት ሮማ ናብቲ ኣቡነ ኤዎስጣቴዎስን ኣቡነ ኣብሳዲን ዝነበርዎ ‘ስብዓ’ ዝተባህለ ኣብ ዞባ ደቡብ ዝርከብ ደብረ ማርያም መጽአ። ኣብዚ ቦታ’ዚ ግብረ ዲቁና ኣጺፊፉ ምስ ተማህረ መዓርገ ዲቁና ካብ ጳጳስ ኣባ ሚካኤል ተሠየመ። ድኅሪ 5ተ ዓመት ካብ አቡነ አብሳዲ ኣልባሰ ምንኵስና ምስ ተቐበለ ኸኣ ‘ቡሩከ አምላከ’ ዝብል ስም ምንኵስና ተዋህቦ።

አቡነ ቡሩከ ኣምላክ፡ ትምህርቱ ምስ ኣጻፈፈን ብጸጋ ምስ ዓበየን ‘ሥልጣነ ክህነት’ ካብ ጳጳስ ሚካኤል ተቐብአ።
ኣብ ደብረ ማርያም፡ ብተጋድሎን ጽኑዕ ብሕትውናን ርድእናን ብዝተፈላለየ ኣገልግሎት ቤተ ክርስቲያንን ብትግሃትን ትሕትናን ምስ ኣገልገለ፡ ናብታ ብልምላሜኣ ተበሃጊት፡ ማየ ሕይወት ዝርከባ ማኅደረ ንጹሓን ጻድቃን ዝኾነት ደብረ ኮል ሙራደ ቃል መጽአ። ኣብዚ ደብረ ኮል፡ ጽኑዕ መንፈሳዊ ተጋድሎን ተኣምራትን እናፈጸመ ን63 ዓመታት ተቐመጠ። ከምኡ’ውን ንደብረ ኮል መዕረፊኡ ገይሩ እናተዘዋወረ ኣብ ምድረ ኣግዓዚ ስብከተ ወንጌልን ኣገልግሎት ቤተ ክርስቲያንን ኣስፍሐ። መርኣያ ናይዚ ድማ ብስም ቅድስት ድንግል ማርያም ታቦት ኣብ ውሽጢ ገዳም ከምኡ ኸኣ ብስም ቅዱስ ሚካኤል ታቦት ኣብ ዓዲ ጋርፋ ተኸለ። ሎሚ ኣብ ገዳም ዝርከብ ታቦት እምበር ኣብ ዓዲ ጋርፋ ዝተተኽለ ታቦት ብዘመን ግራኝ ስለዝነደደ የለን።

“ዳግማይ መጣዕ ሊባኖስ” ዝተባህለ አቡነ ቡሩከ ኣምላክ፡ በቲ እግዚአብሔር ዝሃቦ ጸጋ፡ ንሱ ኣብ ዝወዓሎን ዝኃደሮን ዘዕረፈሉን ዝረገጾን ዝፍልፍሉ ፈወስቲ ማያት ኣዝዮም ብዙኃት እዮም። ኣብ ዝተፈላለየ ከባቢታት ሃገርና ማየ ጸሎት ኮይኖም ድማ ሕሙማንን ድዉያንን እናተፈወሱሎም ይርከቡ ኣለዉ። ንኣፍልጦን ንምልላይን ዝኣክል ሓሓደ ኣብነታት ንምጥቃስ፦

1. ካብቲ ብዅናት ሸፋቱ ዝተወግአ ጐድኑ ዝወፅእ ማየ ጸሎት ክሳዕ ሎሚ የገልግል ኣሎ፣
2. ኣብ ሕንብርቲ ሓማሴን ኣብ በትሩ ዝጨብጨበትላ ማየ ጸሎት ኣሎ፣
2. ኣብ ማይ ለሓም መራጕዝ ማይ ሻኻ ዝተባህለ ክሳዕ ሎሚ ማየ ጸሎት ኮይኑ የገልግል ኣሎ፣
3. ኣብ ዓዲ ሓውያ መራጕዝ፣
4. ኣብ ዓዲ ጋርፋ ማየ ሃብተ እግዚእ እናተባህለ ዚጽዋዕ ማይ ክሳዕ ሎሚ ማየ ጸሎት ኮይኑ የገልግል ኣሎ፣
5. ኣብ ሕምብርቲን ኣሰር እግሩ ዝረገጾ ትእምርቲ ዘለዎ ንወገን ሰሜን ሕምብርቲን
7. ኣብ ዓዲ ሸረፈቶ፡ ኣብታ ማይ ዘውፅአላ ቤተ ክርስቲያን ተሓኒፃ ኣላ።
8. ኣብ ሽምድብልቕ፡ ኣብታ ማይ ዘውፅአላ ቤተ ክርስቲያን ተሓኒፃ ኣላ።
9. ኣብ ደቂ ጴጥሮስ፣
10. ኣብ ጕሪታት፣ ኣብታ ማይ ዘውፅአላ ቤተ ክርስቲያን ተሓኒፃ ኣላ።
11. . . . ወዘይመስሎ

ከምቲ እግዚአብሔር ‘ኪዳነ ተካየድኩ ምስለ ኅሩያንየ’ መዝ. ዝበሎ ንአቡነ ቡሩከ ኣምላክ ጽኑዕ ንዘለዓለም ዝነብር ቃል ኪዳን ኣተወሉ። እዚ ቃል ኪዳን’ዚ ስምካ ዝጽውዐ፡ መጽሓፍ ገድልኻ ዘጽሓፈን ዝሰምዐን፡ ብስምካ ንሽጉር ዝረድአን መባእ ዝሃበን፡ ኣብቲ ብስምካ ዝተጸውዐ ቤተ ክርስቲያን ብትግሃት ዘገልገለን ዝተሳለመን፡ ንማየ ጸሎትካ ብእምነት ዝተሓጽበ . . . በረኸት ሥጋን ድኅነት ነፍስን ክህቦ እየ ዝብል እዩ።

አቡነ ቡሩከ ኣምላክ ኣቐዲሙ 62 ዓመት ኣብ ደብረ ማርያምን ቅድሚኡን፡ ብምቕጻል ድማ 63 ዓመት ኣብ ደብረ ኮል ብጠቕላላ 125 ዓመት ዕድመ ምስ ገበረ፡ በቲ እግዚኣብሔር ዝገለጸሉ ንረድኡ ሃብተ እግዚእ ዕለተ ዕረፍቱን ኵሉ ዘጋጥም ኵነታትን ነገሮ። ልክዕ ንሃብተ እግዚእ ከምዝሓበሮ ድማ ብኣረማውያን ሸፋቱ ዕለት 14 ነሓሴ 1415 ዓ.ም. ብሰማዕትነት ዓረፈ። ካብቲ በቶም ሸፋቱ ዝተወግአ ጐድኑ ዝወፅአ ጽሩይ ማይን ካብ ውሽጢ መቓብሩ ዝፍልፍል ማይን ክሳዕ ሎሚ ሕሙማን እናፈወሰ፡ ድዉያን እናኣሕወየ፡ ኣጋንንቲ እናኣውፅአን ዝተፈላለየ ተኣምራት እናገበረን ይርከብ ኣሎ።

ካብቲ ዝዓረፈሉ ጊዜ ጀሚሮም ድማ ሕዝበ ክርስቲያን፡ ዝክረ በዓል ልደቱ (1 ግንቦት) ከምኡ’ውን ዕለተ ዕረፍቱ (14 ነሐሴ) ንከኽብሩን፣ ነቲ ዝዓረፈሉ መቓብር ክሳለሙን ጸበሉ ክሰትዩን ክሕጸቡን ካብ ርኁቕ ከባቢታት ከይተረፈ ናብዚ ገዳሙ ደብረ ኮል ምስ መጽኡ እዮም።

ስለዚ ተኻፋሊ ጸሎቱን ቃል ኪዳኑን ምእንቲ ኽንከውን መጽሓፈ ገድሉ ኸነንብብን ናብ ገዳሙ ክነግድን ንገዳሙ ጉልበታውን ገንዘባውን ንዋታውን ሓገዝ ኽንገብረሉ ይግባእ። ነዚ ንምግባር ድማ ረድኤት እግዚአብሔር ኣይፈለየና!

ወስብሐት ለእግዚአብሔር፡ አሜን!

ዘመነ ማርቆስ 11 ጥቅምት ነሓሰ 2014…

October
Thursday
21
አባ ያዕቆብ፡ ወቅድስት ጲላግያ፡ ወአርማሚ ሰማዕት። ዘቅዳሴ ምንባብ መልእክታት 1ይ ጢሞ. 4፡9-ፍጻሜ ያዕ. 3፡1-6 ግብረ ሓዋርያት ግብ. ሐዋ. 20፡20-25 ምስባክ መዝ.106/107 ወንጌል ማር. 8፡1-9 ቅዳሴ ቅዳሴ ዘእግዝእትነ። * * *
00:00 h

ዜና ኅትመት

እዋናዊ ጽሑፋት

ብፁዕ አቡነ ጳውሎስ ኣቐባብላ ተጌሩሎም!

ኣብ ዝነበርዎ ሃገረ ስብከት አውሮጳ ብጊዜያዊ ኣቦ መንበርነት ከገልግሉ ዝጸንሑ ደኃር መዓርገ ጵጵስና ዝተቐብዑ ብፁዕ አቡነ ጳውሎስ ብብፁዕ አቡነ ባስልዮስ...

2ይ ዓመታዊ ጉባኤ ን/ሃ/ስ ካናዳ ኣብ ከተማ ቶሮንቶ ተካይዱ!

“ብጐይታ ኩሉ ሳዕ ተሓጐሱ ፡ ደጊመ ተሓጐሱ እብል ኣለኩ ” ኤፌ 4፦4 ኣብ ትሕቲ ዝብል መሪሕ ቃል ንክልተ መዓልቲ ዝወሰደ...

ኣብ ሀገረ ስብከት ደቡብ መንደፈራ ንኡስ ሃገረ ስብከት ዓዲ…

ኣብ ሃገረ ስብከት ደቡብ መንደፈራ ንኡስ ሃገረ ስብከት ዓዲ ዃላ፡ ኣብ ፋይናንስን ምኅደራን ከምኡ ድማ ንጉዳይ ጥሮታን መምርሒታቱን ዝምልከት ስልጠና፡...

ክብረ በዓል ገዳም ደብረ ክሳሄ ወደብረ ማርያም አቡነ አብሳዲ ብድሙቕ…

“ኀበ ጽላሎታ ዘበጽሐ ኢይሬኢ ደይነ” ዓመት መጽአ 30 መስከረም ክብረ በዓል አቡነ አብሳዲ ኣብ ገዳሞም ደብረ ክሳሄ ወደብረ ማርያም አቡነ አብሳዲ...

“ኦ አርሴማ ኪዳነኪ ኮነ ለኃጥአን ቤዛነ” ብዝብል ድምቀት ክብረ በዓል…

ዓመት መጽአ 29 መስከረም ዝክረ ሰማዕትነት ቅድስት ኣርሴማ ኣብ ኦርቶዶክሳውያን ኣብያተ ክርስቲያን ዝኽበር ኮይኑ፣ ብስማ ዝተሓንፀ ቤተ ክርስቲያንን ዝተገደመ ደብረ...

“ብክዩ ኅዙናን ሐልየክሙ ስደታ . . . እቲ መሪር ስደታ”

ሕዝበ ክርስቲያን እዚ ቅንያት’ዚ ንስደት ኣዴና ቅድስት ድንግል ማርያም ምስ ፍቁር ወዳ፡ ቅዱስ ዮሴፍን ቅድስት ሰሎሜን ካብ እስራኤል ናብ ግብጺ...

ተመረቕቲ ነገረ መለኮት መንእሰያት ኣባላት ትምህርት ሰንበት ንዝተማህርዎ ትምህርቲ ኣብ…

ብዕለት 20 መስከረም 2014 ዓ.ም. (30/09/2021.ፈ) ተመረቕቲ ነገረ መለኮት መንእሰያት ኣባላት ትምህርት ሰንበት ንዝተማህርዎ ትምህርቲ ኣብ ምትኅልላፍ ክተግሁ ኣብ ቤት...

ትምህርቲ ቀዳምነት ዝተወሃቦ ዕላማ ቅዱስ ሲኖዶስ!

ቀዳማይ ዕላማ ቅድስት ቤተ ክርስቲያን፡ ቃለ ወንጌል ንሰባት ብምምሃር ናብ ርቱዕ እምነት ከምዝመጹን ብሃይማኖትን ሠናይ ግብርን ከምዝነብሩን ብምግባር ንዘለዓለማዊ መንግሥተ...

'ብዙኃን ማርያም'

21 መስከረም፡ ብዙኃን ሊቃውንት ኣብ በዓለ ማርያም ተጋቢኦም ክሕደት ኣርኂቖም ሃይማኖት ዘጽንዕሉ ንዝክረሉ ዕለት ስለ ዝኾነ ብዙኃን ማርያም ይበሃል። ኣብ ራብዓይ...

ጉባኤ ኤፌሶን (431 ዓ.ም.) 2ይ ክፋል

ነገረ ጉባኤ እቲ ጉባኤ ምስ ተጀመረ፣ ተኸሳሲ ንስጥሮስ ናብቲ ጉባኤ ቀሪቡ ትምህርቱ ከቕርብ ተሓተ። ጉባኤ ብምልኣት እንተዘይተአኪቡ ኣይመጽእን በለ። ሠለስተ ጊዜ...

በዓል ቅዱስ መስቀል 2014 ዓ.ም. ብዓቢይ ድምቀት ተባዒሉ!

ዓመት መጸ 17 መስከረም ብዓቢይ ድምቀት ኣብ ኵለን ኣብያተ ክርስቲያን ክበዓል ከሎ፡ ብፍላይ ግና ኣብ ሀገረ ስብከት ኣሥመራ ኣብ ርእሰ...

ኃይሊ ቅዱስ መስቀል ኣብ ዘመነ ኣበው።

በስመአብ ወወልድ ወመንፈስ ቅዱስ አሐዱ አምላክ ኣብ ዘመነ ኣበው’ውን እንተኾነ ናይቲ ኺመጽእ ዘለዎ ኣማናዊ መስቀል ጽላሎት ኮይኑ ብዙኅ ተኣምራት ሰሪሑ እዩ፤...

  

latest articles

Transfiguration: (Debre Tabor)

This is the day celebrated on Nehase (August) 13 G.C. in which Our Lord Jesus Christ during his ministry, manifested...

PRAYER

Prayer is a word by which man communicates with his Creator in Faith, thanking and beseeching Him for the forgiveness...

FAITH AND WORKS

Faith is “a confidence or trust in God”. Faith gives assertion to the things we hope for and explains the...

The feast of the Holy Cross - Mesekel (The Founding…

The Mesekel holiday is celebreated on Meskerem 17 (27th of September) and Megabit 10 (19th of March). The word Meskel...

The Ascension of St Mary (part two)

Moreover, Whilst John the evangelist was preaching in the country of Asia, on the sixteenth day of the month of...

The Ascension of St Mary (part one)

"At your right hand stands the queen." (Psalm 45:9)IN THE NAME OF THE FATHER AND THE SON AND THE HOLY...

The Fast of Assumption of the Virgin Mary

This fast lasts from Nehassie (August) 1 to 16. Our Lady departed on 21 of Ter (January) in 50 A.D...

“Blessed is he that considereth the poor” Ps. 41:1

In the name of the Father, and of the Son, and of the Holy Spirit, One God Amen. The basic necessities...

The Apostle Saint Paul

Saint Paul was a Jew, of the tribe of Benjamin, a Pharisee, the son of a Pharisee; and his kinsfolk...

The Apostle st. Peter

Peter was from Bethsaida, and he was a fisherman.  Our Lord chose him on the second day following that whereon...

The Fast of Wednesdays and Fridays

Every week Wednesdays and Fridays are observed as fast days except during the fifty days (between Easter and Pentecost), and...

The Fast of the Apostles

The Apostles observed this fast after they received the Holy Spirit and before they set out to proclaim the Gospel...