ኣብ ጊዜ ጾም

Mar 13, 2017

“እቲ ኣነ ዝፈትዎ ጾምሲ ንመኣስር እከይ ምፍታሕ፡ ንማእሰርቲ ኣርዑት ምዝላቕ፡ ንጥቑዓት ምውፃእ ሓራ፡ ባርነት ዘበለ ዅሉውን ምስባርዶ ኣይኰነን፧ እንጌራኻ ንጥሙይ ክትመቅል፡ ነቶም እተሰዱ ድኻታት ናብ ቤትካ ኸተእቱ፡ ዕሩቕ እንተ ርኤኻ ኽትከድኖ፡ ካብ ሥጋካውን ከይትኅባእዶ ኣይኮነን፧ ሽዑ ብርሃንካ ኸም ወጋሕታ ኾይኑ ኺወጽእ፡ ምሕዋይካ ኸኣ ቀልጢፉ ኺበቊል፡ ጽድቅኻ ድማ ቀቅድሜኻ ኪኸይድ፡ ክብሪ እግዚኣብሔርውን ደጀንካ ኪኸውን እዩ። ሽዑ ኽትጽውዕ፡ እግዚኣብሔር ከኣ ኪመልሰልካ፡ ከተእዊ፡ ንሱ ድማ፡ እኔኹ ኪብል እዩ። ንኣርዑት፡ ንምውጥዋጥ ኣጻብዕ፡ ንሕማቕ ዘረባ ኸኣ ካብ ማእከልካ እንተ ኣርሐቕካ፡ ኻብ ናብ ነፍስኻ ንጥሙይ እንተ መቐልካ፡ ንጭንቕቲ ነፍሲ እንተ ኣጽገብካ፡ ሽዑ ብርሃንካ ኣብ ጸልማት ኪወፅእ፡ ጸልማትካውን ከም ቀትሪ ኪኸውን እዩ።” (ኢሳ. 58፡3-5)

ኣብዚ ጊዜ ጾምና ክንገብሮም ካብ ዝግብኡና ሠናይ ተግባራት ንትምህርቲ ክኾነና ንገሊኦም ክንጠቅስ ኢና፦

እግዚአብሔር ኣምላኽ ይቕረ ክብለና፡ ነንሕድሕድና ይቕረ ንበሃሃል። 
እግዚአብሔር ኣምላኽ በደልና ከይጽብጽበልና፡ ነቶም ዝበደሉና ንግደፈሎም። 
እግዚአብሔር ኣምላኽ ጐደሎና ኺምልእ፡ ነቶም ዝጐደሎምን ዘይብሎምን ንመልኣሎም። 
እግዚአብሔር ኣምላኽ ኣብ ጊዜ ጸገምና ኪበጽሓልና፡ ነቶም ኪብጽሑ ዝግብኦም ንብጽሓዮም። 
እግዚአብሔር ኣምላኽ ኣብ ጊዜ ሽግርና ከጸናንዓን፡ ነቶም ሽጉራትን ኣብ ቀቢጸ ተስፋ ዘለዉን ነጸናንዓዮም። 
እግዚአብሔር ኣምላኽ ረድኤቱ ከብዝኃልና፡ ነቶም ረዳኢ ዘይብሎም ኣይንግፍዓዮምን ንርድኣዮምን። 
እግዚአብሔር ኣምላኽ ኣባታዊ ርኅራኄኡ ኺልግሰልና፡ ነቶም ዘኽታማትን መበለታትን ጸግኢ ንዅኖም። 
እግዚአብሔር ኣምላኽ ብጸግጋኡ ክኸድነና፡ ካብ ክዳንና ዕሩቕ ንኽድን። 
እግዚአብሔር ኣምላኽ ብጸግኡ ከጽገበናን ክርወየናን፡ ጥሙይ ነብልዕን ጽሙዕ ነስትይን። 
እግዚአብሔር ኣምላኽ ኣብ ሰማያዊ ቤቱ ክቕበለና፡ ጋሻን ጽጉምን ኣብ ቤትና ብሓጐስ ንቀበል። 
እግዚአብሔር ኣምላኽ ኣብ ሰማያዊ መዝገብ ስምና ክጽሕፎ፡ ንነዳያን ካብ ገንዘብና ንመጽውት። 
እግዚአብሔር ኣምላኽ ነቶም ጸላእቱ ዝነበረና ከምዘፍቀረና፡ ንሕና’ውን ንዝጸልኡና ኣብ ጊዜ ጾምና ንጽልየሎም። 
እግዚአብሔር ክድንግጸልናን ክምሕረናን፡ ንሕና’ውን ዓመጽ ገዲፍና መሓርትን ፈረድቲ ቅኑዕን ንኹን። 
እግዚአብሔር ነቶም እሱራት ዝነበርና ከምዝበጽሓናን ሓራ ከምዝገበረናን፡ እሱራት ንብጽሓን ነጸናንዕን ።

ከምቲ ጽሑፍ ዝብሎ “ነቲ ዝረኣዮ ኃዉ ዘየፍቅሮስ፡ ነቲ ዘይረኣዮ ኣምላኽ ኬፍቅሮ ኣይከኣሎን እዩ እሞ ንኃዉ እናጸልኦስ ንኣምላኽ አፍቅሮ እየ ዚብል እንተሎ ንሱ ሓሳዊ እዩ።” (1ይ ዮሐ. 4/20) ደጊሙውን ዮሓንስ ፍቁረ እግዚእ ከምዚ ይብል “ግናኸ ዝኾነ ይኹን ጥሪት እዛ ዓለም እዚኣ ዘለዎ እሞ ሓዉ ተሸጊሩ ኸሎ እናረኣዮስ እንተ ዘይደንገጸሉ፡ ፍቕሪ ኣምላኽ ከመይ ኢላ ኣብኡ ትነብር፧” (1ይ ዮሐ. 3፡17) እሞ መልእኽቲ ጾም ምስቲ ጾምና ሠናይ ብምግባር ንእግዚአብሔር ባህ ዘብል መንገዲ ፍቕርን ሠናይ ተግባራትን ምስዓብ እዩ እሞ ነዛ ፍኖተ ሕይወት ኵልና ንስዓባ።

ንጾም ጾም ዘብለኦ ድማ እዘን ነገራት ኣጣሚርና ፈጺምና ምስ ንርከብ እምበር ካብ መግቢ ስለዝተኸልከልና ጥራይ ከምዘይኮነ ከነስተውዕሎ ጽቡቕ እዩ።

   ወስብሐት ለእግዚአብሔር ወለወላዲቱ ድንግል ወለመስቀሉ ክቡር፡ አሜን!

ዘመነ ዮሐንስ፡25 ኅዳር 2012 ዓ.ም.

December
Thursday
5
ዝክር ፦ መርቆሬዎስ፡ ወአቃርዮስ፡ ወሮማኖስ። ዘቅዳሴምንባብ፦ 2ይ ቆሮ. 7፡4-11። 2ይጴጥ. 1፡1-8። ግብ. ሐዋ. 16፡22-27። ምስባክ፦ መዝ. 82/83። ወንጌል፦ ሉቃ. 21፡12-19። ቅዳሴ፦ ዘወልደ ነጐድጓድ። * * *
00:00 h
Ad Right

  

: :
Queue is empty
-- / --

ዜና ኅትመት

እዋናዊ ጽሑፋት

ሥልጠና ተሓጋገዝቲ ሰበኽቲ ወንጌል ተዋሂቡ!

ካብ 15-23 ኅዳር 2012 ዓ.ም. ኣብ ታሪኽ ቤተ ክርስቲያንን ሜላ ስብከተ ወንጌልን ዘተኮረ ሥልጠና ንተሓጋገዝቲ ሰበኽቲ ወንጌል ኣብ ቤት ጽሕፈት...

ብፁዕ ኣቡነ ዮሓንስ ኣብ ንኡስ ሃገረ ስብከት ዓዲ ፈለስቲ ሰፍኣ…

ብዕለት 20 - 21 ኅዳር 2012 ዓ.ም.ግ. ብፁዕ ኣቡነ ዮሓንስ ሊቀ ጳጳስ ኣህጉረ ስብከታት ጋሽ ባርካን ድባርዋን ከባቢኣን ናብታ ካብ...

“ሰማዕት ቅዱስ ፒሉፓዴር መርቆሬዎስ”

ፒሉፓዴር ማለት ፈታዊ ኣቦ ማለት እዩ፡ ብኻልኣይ ትርጕሙ ከኣ ኣገልጋሊ ኢየሱስ ክርስቶስ ከምኡ’ውን መርቆሬዎስ ማለት እዩ። ስመ ክርስትና ናይ ኣቦኡ...

ዕሥራን ኣርባዕተን ካህናተ ሰማይ

ብርግጽ ኣብ ዙርያ ዝፋን ጐይታ ዚቖሙን ዘመስግኑን ክቝጸሩ ዘይከኣሉ ኣእላፈ ኣእላፋት ሠራዊተ መላእክት ከምዘለዉ በዓል ራእይ ነቢይ ዳንኤል(ዳን. 7፡10) ደኣ...

እምነ ሰሎሜ

ወለዲ እዛ ቅድስቲ ኣደ እዚኣ ኣቦኣ ሕይወትብነ፡ ኣዲኣ ከኣ እምባመሪና ይበሃሉ። እዞም ቅዱሳን ሰብ ቃል ኪዳን ውላድ ብምስኣኖም ብጸሎት ንእግዚኣብሔር...

ዓመታዊ ክብረ በዓል ኅዳር ጽዮን 2012 ዓ.ም ብክብ ዝበለ ድምቀት…

ኦርቶዶክስ ተዋሕዶ ቤተ ክርስቲያን ኤርትራ ኣብ ውሽጢ ሓደ ዓመት ብብዝኂ ዓበይትን ናኣሽቱን በዓላት እተኽብረላ ወርኂ ኅዳር እያ። ብስፍሓትን ዕብየትን ዝብዓለሉ...

ብፁዕ አቡነ ዮሐንስ ሊቀ ጳጳስ ኣህጉረ ስብከታት ጋሽ ጋርካን ድባርዋን…

ዕለት 9 ኅዳር ክሳዕ 14 ኅዳር 2012 ዓ.ም. ዝተቓንዐ ሓዋርያዊ ጉዕዞ፡ ብፁዕ ኣቡነ ዮሐንስ ነቲ ቅድሚ ዓሠርተ ዓመት ዝመርሕዎን ሕጂ...

ኅዳር ጽዮን

ተኣምር ኣዴና ቅድስቲ ድንግል ማርያም ኣብ ዝነግር መጽሓፍ ‘ተኣምረ ማርያም’ ከምዝገልጾ፡ ነቶም ዝኽበሩ 33 በዓላት ኣዴና ቅድስቲ ድንግል ማርያም ክንፈቅድ...

ብፁዕ ወቅዱስ ኣቡነ ያዕቆብ ካልኣይ ፓትርያርክ ኦርቶዶክስ ተዋሕዶ ቤተ ክርስቲያን…

ኣብ ዕሥራ ክፍለ ዘመን ብሩህ ኮከብ ኦርቶዶክስ ተዋሕዶ ቤተ ክርስቲያን ዘምድረ አግዓዚ ዝኾኑ ብፍሉይ ካብ ዝዝከሩ ኣቦታት ሓደ ብፁዕ ወቅዱስ...

ንድፈ ሕጊ ኣመራርጻ ፓትርያርክ ቀሪቡ!

ቅዱስ ሲኖዶስ ዝመዘዛ፡ ንዅሉ ኣካላት ቤተ ክርስቲያን እትውከል ኮሚቴ ኣርቃቒት ሕጊ ምርጫ ፓትርያርክ ንመመላእታ ወርኂ መጽናዕቲ ድኅሪ ምክያድ 15 ዓንቀጽ...

ኣብ ሃገረ ስብከት ዓንሰባ፡ ን28 ተማሃሮ ብመዓርገ ዲቁና፡ ን8ተ ዲያቆናት…

ብዕለት 14 ኅዳር 2012 ዓ.ም. ን28 ብመዓርገ ዲቁና፡ ን8ተ ድማ ብመዓርገ ክህነት ኣብ ቅድስት ማርያም ቤተ ክርስቲያን ከረን ብዋና ኣመኃዳሪ...

ቅዱስ ሐዋርያ ፊልጶስ አሐዱ እምዓሠርቱ ወክልኤቱ ሐዋርያት 

18 ኅዳር ዕለተ ዕረፍቱ ናይ ሓደ ካብ ዓሠርተው ክልተ ሓዋርያት ዝኾነ ቅዱስ ፊልጶስ እዩ። ‘ፊልጾስ’፦ ማለት መፍቀሬ አኃው ፈታው ኣኅዋት፣ ኣኃዜ ኲናት...

  

latest articles

Fast of the Prophets (Advent)

15th November (geez calander), marks the first day of the Advent Fast, a period of abstinence and penance practiced by...

FASTING

Fasting is abstinence from all things that a body needs, and one has to fast from animal products and from...

The Eritrean Orthodox Tewahdo Church (EriOTC)

In the name of the Father, and of the Son, and of the Holy Spirit, One God. “We call our...

Holy of Holies Our Lady, the virgin Mary

The word holy (kidus) in Geez denotes being special, pure and esteemed. This prefix is an attribute to denote the...

HOLY SCRIPTURES (part one)

All Scriptures are written with the inspiration of the Spirit of God or the breath of God. They are also...

EXISTENCE OF GOD

The name God signifies the Divine Being, meaning He who created the world and governs it. There is one invisible...