በዓለ ስምዖን ኣረጋዊ - 8 የካቲት

Feb 14, 2020

ጐይታናን መድኃኒናን ኢየሱስ ክርስቶስ ካብ ቅድስት ድንግል ማርያም ነፍስን ሥጋን ተዋሒዱ ምስ ተወልደ፡ ሕጊ መጽሓፋዊ ንምፍጻም ኣብ 40 መዓልቱ፡ መሥዋዕቲ ንምቕራብ ምስ ዮሴፍን ኣደኡ ድንግል ማርያምን ናብ ቤተ መቅደስ ኢየሩሳሌም ከደ። (ዘሌ. 12፡4-8፣ 14፡4-7፣ ሉቃ. 2፡22-24)

እንሆ ድማ ኣብዚ ቤተ መቅደስ’ዚ ኣምላኽ ካብ ድንግል ተወሊዱ፡ ናቱ ግብረ ምድኃን ብዓይነ ሥጋ ከይረኣየ ከምዘይመውት ተስፋ ዝተነግሮ ሓደ ጻድቅ ኣረጋዊ ሰብ ነበረ። ስሙ ‘ስምዖን’ ይበሃል። ‘ስምዖን’ ማለት ሰማዓኒ እግዚአብሔር ማለት’ዩ። ሓደ ካብቶም ልደት ጐይታና ኢየሱስ ክርስቶስ ንምርኣይ ዝምነዩ ዝነበሩ’ዩ።

በዓል ኣቦና ኣብርሃም፡ ቅዱስ ዳዊት . . . ንልደት ጐይታ ብዓይነ ሕሊና ርእዮም ባህ በሎም እምበር ብዓይነ ሥጋ ንምርኣይ ዕድል ኣይረኸቡን፤ ብዓይነ ሥጋ ንምርኣይ ዝተዓደለ ስምዖን እዩ። ስምዖን ብመጻሕፍተ ብሉያት ዝተራቐቐ ጸሓፊ እዩ ነይሩ። ኣብቲ ዘመኑ 284 ቅ.ል.ክ. በጥሊሞስ ዝበሃል ንምድረ እስራኤል ከይተረፈ ብዙኅ ኣህጉር ዝገዝእ ዝነበረ ንጉሥ፡ ንዅሎም ናይ ፍልስፍናን ታሪኽን መጻሕፍቲ ናብ ቛንቛኡ (ጽርኢ) የተርጕሞም ነበረ። በዚ ተሓጕሱ ኸሎ ካብቶም መማኽርቱ ሥጋዊ ፍልጠትን መንፈሳዊ ጥበብን ዝኃዙ መጻሕፍተ ብሉያት ተሪፎምኻ ኣለዉ፡ ነዚኣቶም እንተ ትርጕሞም ብሉጽ ጥበብ ምረኸብካ ኔርካ’ ኢሎም ኣማኸርዎ።

ንጉሥ በጥሊሞስ ድማ ‘ነዞም መጻሕፍተ ብሉያት ምስ ምሥጢር መጻሕፍቲ ዘጠናቐቑን ካብ ዕብራይስጥ ናብ ጽርኢ ዝትርጕሙን ጻሓፍቲ ካብ እስራኤል ክሰድሉ ኣዘዘ። በቲ ዝኣዘዞ መሠረት 46 መጻሕፍተ ብሉያት ምስ 40 ሊቃናት (ጸሓፍቲ) ለኣኸሉ። ሓደ ካብዞም 70 ሊቃናት ድማ ስምዖን ነበረ። እዞም 70 ሊቃናት ንመጻሕፍቲ ተኻፊሎም ካብ ዕብራይስጢ ናብ ጽርኢ ክትርጕሙ ኸለዉ፡ ንስምዖን መጽሓፍ ትንቢት ኢሳይያስ በጺሕዎ ክትርጕም ከሎ፦ ‘ናሁ ድንግል ትጸንስ ወትወልድ ወልደ’ ዝብል ጥቕሲ ረኸበ’ሞ ‘ድንግል ብድንግልና ጸኒሳ ክትወልድ እያ’ ኢለ እንተጸሓፍኩ፡ መን ክኣምነኒ’ዩ ይትረፍ ንጉሥ ኣሕዛብሲ ንጉሥ እስራኤል እኳ ኣይቅበለንን’ዩ ብምባል ነቲ ‘ድንግል’ ዝብል ቃል ፍሒቑ፡ ‘ወለት ትጸንስ፡ ወለቶሙ ለእስራኤል ትጸንስ’ ኢሉ ጸሓፈ።

ኣብ መንጎኡ ትኽስ በለ እሞ፡ መልኣኽ ነቲ ‘ወለት’ ዚብል ፍሒቑ ‘ድንግል’ ኢሉ ጸሓፈ። ከምዚ እናተለዋወጠ ክሳብ ሠለስተ ጊዜ ጸሓፈ። ኣብ ሣልሳይ ጊዜ ግና እቲ መልኣኽ ‘እዚ ተጠራጢርካሉ ዘሎኻ ትንቢት ተፈጺሙ ክሳዕ ብዓይንኻ እትርእዮ ኣይትመውትን ኢኻ’ ምስ በሎ ነቲ ጽሕፈቱ ጽሒፉ ወድአ። በቲ ጐይታና ኢየሱስ ክርስቶስ ኣብ 40 መዓልቱ ናብ ቤተ መቅደስ ዝኣተወሉ እዋን ስምዖን ነቲ ትንቢት ልደት ጐይታና ኢየሱስ ክርስቶስ ተፈጺሙ ክሳዕ ዝርእዮ ነዊኅ እዋን ስለዝተጸበየ፡ ካብ እርጋን ዝተላዕለ ኣዕይንቱ ኣይርእን ነበረ።

ብመንፈስ ቅዱስ ተጸናኒዑ ናብ ቤተ መቅደስ ከይዱ ካብ እግዝእትነ ማርያም ንጐይታ ተቐቢሉ ምስ ሓቘፎ ካብ እርግናኡ ተሓደሰ ፣ ‘ወቀነጸ ከመ ኃየል/ ከም ኢራብ ዘለለ’ ፤ ተስፋኡ ተፈጸመሉ፤ ንእግዚአብሔር እናኣመስገነ ድማ ‘ኣዕይንተይ ነቲ ኣብ ቅድሚ ኵሉ ሕዝቢ ዘዳለኻዮ ምድኃንካ ርእየናኦ እየን እሞ ንባርያኻ ብሰላም ኣፋንዎ’ ኢሉ ጸለየ። ኣብዚ ዓለም ዝነበሮ ኣስታት 500 ዓመት ናብራ ሥጋ ጸሊእዎ፡ ነታ ሓዳስ ሕይወት ገነት ናፊቑ ‘ይእዜ ሠዐሮ(ትስዕሮ) ለገብርከ በሰላም/ ኦ ጐይታ ደጊም ንባርያኻ ብሰላም ኣፋንዎ’ በለ።

ነቲ ጐይታና ኢየሱስ ክርስቶስ ናብዚ ዓለም ዝመጽኣሉ ዕላማ ተገሊጽሉ፡ ንቅድስት ድንግል ማርያም፡- ‘እንሆ እዚ ሕፃን እዝ ንብዝኃት ካብ እስራኤል ምኽንያት ምውዳቖምን ምትንሣኦምን፡ ንዚውቀሱሉን ዚፋረድሉን ምልክት ኪኸውን ዝተመደበ እዩ። ንኣኺ ኸኣ ናይ ብዙኃት ሓሳብ ምእንቲ ኪገልጽ፡ ምስ ተሰቕለ ከምቲ ኵናት ንልቢ ዚወግእ ኃዘን ኪረኽበኪ እዩ።” በላ።

ስለዚ 8 የካቲት ‘በዓለ ስምዖን’ እናተባህለ ዝኽበር ሓደ ካብቶም ትሸዓተ ንኡሳን በዓላት ጐይታ ኾይኑ፣ ነቲ ጐይታ ኣብ 40 መዓልቱ ናብ ቤተ መቅደስ ዝኣተዎን፡ ስምዖን ኣረጋዊ ዝተፈጸመሉ ተስፋን ዝተዛረቦ ቓልን ንዝክረሉ ዕለት እዩ።

ወስብሐት ለእግዚአብሔር፡ አሜን!

ዘመነ ማቴዎስ 30 ጥር 2013 ዓ.ም.ግ…

March
Monday
8
ዝክር፦ ጲስ ወአላጲስ ወኣጋጲስ ወእሞን ሶፍያ፡ ወጳላግያ ወማርያ ወማርታ፡ ወኦርኒ ወማኅበራኒሃ፡ ወጎርጎርዮስ ነባቤ መለኮት፡ ወአክርስጥሮስ፡ ወሚናስ ሊቀ ጳጳሳት እምኍልቆሙ ለ፵ወ፯ቱ አበው። ዘቅዳሴ ምንባብ መልእክታት 1ይ ቆሮ. 11፡1-12። 1ይዮሐ. 3፡13-17። ግብረ ሓዋርያት ግብ. ሐዋ. 17፡4-12 ምስባክ መዝ.111/112 ወንጌል ማቴ. 25፡1-13። ቅዳሴ ዘእግዝእትነ ማርያም። * * *
00:00 h

ዜና ኅትመት

እዋናዊ ጽሑፋት

ንዑ ደቂቅየ ወስምዑኒ . . እመሀርክሙ - ታሪክ ሰብአ ነነዌ…

እግዚአብሔር ዝፈትወኩም ሕፃናት ከመይ ኣሎኹም፧ ናብዚ ሰዓትን እዝን ዕለትን ብሰላም ዘብጸሓና እግዚአብሔር ዝኸበረን ዝተመስገነን ይኹን። ልበ ኣምላክ ኣቦና ቅዱስ ዳዊት...

“ቀድሱ ጾመ ወስብኩ ምህላ” (ኢዩ. 2፡14) - ዓቢይ ጾም

ብኦርቶዶክሳዊት ተዋሕዶ ቤተ ክርስቲያን ሕገ ቀኖና ኣብ ዓመት ፯/7ተ ናይ ኣዋጅ ኣጽዋማት ኣለዉ። ካብዚኦም ሓደ ዓቢይ ጾም (ጾመ ፵/40) እዩ።...

ትሕትና - “ኣብ ነፍስኹም ጨው ይሃልኹም” ማር. 9፡48 (ካልኣይ ክፋል)

ትሕትና ማለት ብኃይሊ፡ ምሕረት፡ ጸጋ ፡ ጥበብን ፍቓድን እግዚአብሔር እንተዘይኮይኑ ከንቱ ምዃንካ ፈሊጥካ፡ ንርእስኻ ምትሓት፡ ዘይምዕባይን ዘይምኽራዕን እዩ። እትፈልጥ ከሎኻ...

ኣብ ሃገረ ስብከት ደቡብ መንደፈራ ልምዓታዊ መደባት ንምስላጥ ዑደት ተኻይዱ!

ብዕለት 15 የካቲት 2013 ዓ.ም.ግ (22/02/2021 ዓ.ም.ፈ ) ኣብ ሃገረ ስብከት ደቡብ መንደፈራ ንልምዓታዊ መደባት ዝረድእ ዑደት ብኣባላት ቤት ጽሕፈት...

ክብረ በዓል ኪዳነ ምሕረት ኣብ ርያድ ስዑዲ ዓረብ ብድምቀት ተኸቢሩ!

16 የካቲት 2013 ዓ.ም. ዓመታዊ ክብረ በዓል ኪዳነ ምሕረት ኣብ ኵለን ኦርቶዳክሳውያን ተዋሕዶ ኣብያተ ክርስቲያን ኣብ ውሽጢን ወፃኢን ሃገር ክኽበር...

ኣብ ጥንታዊ ቤተ ክርስቲያን ፃዕዳ ክርስቲያን ጥንታዊ ቅርሲ ተረኺቡ!

ኣብ ሃገረ ስብከት ማእከል ንኡስ ሃገረ ስብከት በሪኽ ቤተ ክርስቲያን ኪዳነ ምሕረት ፃዕዳ ክርስቲያን ጥንታዊ ቅርሲ ተረኺቡ።

ኣብ ደብረ ደናግል ቅድስት ድምያና ኣብ ኣሞክሮ ዝጸንሓ ሾብዓተ ኣኃት…

ብዕለት 13 የካቲት 2013 ዓ.ም. ኣብ ደብረ ደናግል ሰማዕት ቅድስት ድምያና ብኣቕራብነት እመምኔት ገዳም ኢታይ ወለተ መስቀልን ሽማግለ ገዳምን፡ ዓቃቤ...

ኪዳነ ምሕረት

ኪዳን ፦ “ተካየደ” ካብ ዝብል ግእዛዊ ግሢ ዝወፅአ ኾይኑ፡ “ተመሓሓለ፡ ተሰማምዐ፡ ተወዓዓለ” ማለት እዩ። ኪዳን፥ ንኽልተ ሓደ ዝገብር ናይ ፍቕርን...

“ዝደለይዎ ዝረኸቡ” - ሕዝበ ነነዌ

እቲ ክቡር ንጉሥ፡ መልእኽቲ ጥፍኣት ሃገሩ ምስ ሰምዐ ፈርሐን ረዓደን። ነዚ መልእኽቲ ብግብሪ እንተዘይፈጺምዎ፡ ሃገሩ ከምዘይነበረት ከም እትከውን፡ ካብ ሰብ...

ዕለታት ጾመ ነነዌ

ጾመ ነነዌ ሓደ ካብቶም 7ተ ናይ ኣዋጅ ኣጽዋማት ቤተ ክርስቲያን እዩ። ጾመ ነነዌ ኵል ሳዕ ዓቢይ ጾም ቅድሚ ምእታዉ ቅድሚ...

እንቋዕ ናብ ጾመ ነነዌ ኣብጽሓና፦ ሰኑይ 15 መጋቢት ክሳዕ ረቡዕ…

ጾመ ነነዌ ሓደ ካብቶም ሾብዓተ ናይ ኣዋጅ ኣጽዋማት እዩ። ኣብ ነነዌ ዝቕመጡ ዝነበሩ ሕዝቢ ጾይሞም ምሕረት ከምዝረኸቡ፡ ሕዝበ ክርስቲያን ድማ...

ዓቢይ ባሕታዊ ገዳም ኣቡነ ሊባኖስ ሃም ኣባ ኃይለማርያም ብሰላም ዓሪፎም!

ባሕታዊ ገዳም ደብረ ወርቅ ኣቡነ ሊባኖስ ኣባ ኃይለማርያም ብዕለት 09 የካቲት 2013 ዓ.ም. ዓሪፎም፡ ኣብ ገዳሞም ሥርዓተ ቀብር ተፈጺምሎም።

  

latest articles

PRAYER

Prayer is a word by which man communicates with his Creator in Faith, thanking and beseeching Him for the forgiveness...

FAITH AND WORKS

Faith is “a confidence or trust in God”. Faith gives assertion to the things we hope for and explains the...

The feast of the Holy Cross - Mesekel (The Founding…

The Mesekel holiday is celebreated on Meskerem 17 (27th of September) and Megabit 10 (19th of March). The word Meskel...

The Ascension of St Mary (part two)

Moreover, Whilst John the evangelist was preaching in the country of Asia, on the sixteenth day of the month of...

The Ascension of St Mary (part one)

"At your right hand stands the queen." (Psalm 45:9)IN THE NAME OF THE FATHER AND THE SON AND THE HOLY...

The Fast of Assumption of the Virgin Mary

This fast lasts from Nehassie (August) 1 to 16. Our Lady departed on 21 of Ter (January) in 50 A.D...

“Blessed is he that considereth the poor” Ps. 41:1

In the name of the Father, and of the Son, and of the Holy Spirit, One God Amen. The basic necessities...

The Apostle Saint Paul

Saint Paul was a Jew, of the tribe of Benjamin, a Pharisee, the son of a Pharisee; and his kinsfolk...

The Apostle st. Peter

Peter was from Bethsaida, and he was a fisherman.  Our Lord chose him on the second day following that whereon...

The Fast of Wednesdays and Fridays

Every week Wednesdays and Fridays are observed as fast days except during the fifty days (between Easter and Pentecost), and...

The Fast of the Apostles

The Apostles observed this fast after they received the Holy Spirit and before they set out to proclaim the Gospel...

The feast Of Pentecost

IN THE NAME OF THE FATHER AND THE SON AND THE HOLY SPIRIT, ONE GOD. On this day the Holy...