ንዑ ደቂቅየ ወስምዑኒ . . እመሀርክሙ - ታሪክ ሰብአ ነነዌ (ታሪኽ ሕዝቢ ነነዌ)

Feb 08, 2020

እግዚአብሔር ዝፈትወኩም ሕፃናት ከመይ ኣሎኹም፧ ናብዚ ሰዓትን እዝን ዕለትን ብሰላም ዘብጸሓና እግዚአብሔር ዝኸበረን ዝተመስገነን ይኹን። ልበ ኣምላክ ኣቦና ቅዱስ ዳዊት ንዑ ደቂቅየ ወስምዑኒ ፈሪሀ እግዚአብሔር እመሀርክሙ።/ ደቀየ ፡ ንዑ ስምዑኒ ፍርሃት እግዚአብሔር ክምህረኩም እየ።(መዝ 33፡11) ከም ዝበለ ቅድስት ቤተ ክርስቲያንና ንዝመጽእ ሰሙን ካብ ሰኑይ ክሳዕ ረቡዕ ዝቅጽል ፍርሃተ እግዚአብሔር እንመሃረሉ ጾመ ነነዌ ተባሂሉ ዝፍለጥ ጾም ክንጸውም ትእዝዘናን ትምህረናን እያ። ናይዚ ጾም እዚ ኣመጻጽኣ ድማ ከምዚ ዝስዕብ እዩ።

ኣብ ሓንቲ ዓባይ ከተማ ነነዌ ዝነብሩ ህዝቢ ነበሩ። እዞም ሕዝቢ ኣዝዩ ክፉእ ኃጢኣት ብምፍጻሞም ካብ እግዚአብሔር ነቢይ ዮናስ ከይዱ ካብ ኃጢኣቶም ክርሕቁን ናብ ፈጣሪኦም ንክምለሱ ክሰብኮምን ክምህሮምን ናብ ሕዝቢ ነነዌ ተላእከ።

ዮናስ ግና እግዚአብሔር በዓል ብዙኅ ምሕረት እዩ ፡ ሰብ ነነዌ ከም ዝቕጽዑ ፈሊጦም እንተ ተነስሑ ክምሕሮም እዩ፡ ኣነ ድማ ሓሳዊ ነቢይ ኪብሃል እየ ኢሉ ትእዛዝ እግዚአብሔር ጥሒሱ ኻብ ገጽ እግዚኣብሔር ኪሃድም ናብ ተርሴስ እትወስድ መርከብ ረኺቡ ተሰቕለ።

እግዚአብሔር ድማ ናብ ባሕሪ ህቦቡላ ንፋስ ሰደደ፡ እታ መርከብ ክትስበር ክሳዕ እትቐርብ ኣብቲ ባሕሪ ብርቱዕ ማዕበል ኾነ። እቶም ባሕረኛታት ኣዝዮም ተጨነቑ ዝገብርዎ ድማ ጠፍኦም፡ ነፍስ ወከፎም’ውን ነናብ ኣምላኾም ተማህለሉ። ምእንቲ ኺፈዅሰሎም ከኣ ነቲ ኣብታ መርከብ ዝነበረ ኣቓሑ ናብ ባሕሪ ደርበይዎ። በዚ ዅሉ ግና እቲ ንፋስ ምህዳእ ኣበየ፣ እታ መርከብ’ውን ክትስበር ደለየት። ዮናስ ግና ናብቲ ታሕታይ ክፍሊ እታ መርከብ ደቂሱ ነበረ። እቲ ሓለቓ መርከብ ንዮናስ ደቂሱ ምስ ረኣዮ ኣዚዩ ተገሪሙ፡ ሰብ ኵሉ ኣዚዩ ፈሪሑ ምእንቲ ከይመውት ይምህለልን ይጽልን ንስኻ ግና ደቂስኻ ኣሎኻ ተንሥእ፡ ምናልባሽ እቲ ኣምላኽካ ከይንጠፍእ እንተ መሓረና ናብ ኣምላኽካ ተማህለል በሎ።

ብድኅር እዚ ነሓድሕዶም እዚ መኸራ እዚ ብሰንኪ ሓደ ካባና መጺኡና ከይኸውን ዕጫ ነውድቕ ተባሃህሉ። ዕጫ ምስ ኣውደቑ ድማ ናብ ዮናስ በጽሐት።

ሽዑ ንዮናስ ብዛዕባኻ እስኺ ንገረና ኢሎም ሓተትዎ። ንሱ ኸኣ፡ ኣነ ዕብራዊ እየ፡ ነቲ ሰማይን ምድርን ኣብኡ ዘሎ ኵሉ ዝገበረ እግዚአብሔር ኣምላኽ እየ ዘምልኽ። እግዚአብሔር ዝኣዘዘኒ ትእዛዝ ምፍጻሙ ፈሪሀ ክሀድም እየ ናብዚ ዝመጻኹ ምስ በሎም ኣዝዮም ሰምበዱ፡ እቲ ባሕሪ ማዕባሉ እናባርትዐ ይኸይድ ብምንባሩ ኣዚዩም ተረበሹ እሞ እቲ ባሕሪ ኺሀድኣልናስ እንታይ ንግባርካ፧ በልዎ። ንሱ ድማ እዚ ኵሉ መከራ እዚ ብሰንኸይ ስለዝረኸበኩም ንኣይ ናብ ባሕሪ ደርብዩኒ እሞ እቲ ባሕሪ ኪሀድኣልኩም እዩ በሎም። እንተኾነ ንዮናስ ናብ ባሕሪ ምድርባዩ ከቢድዎም ናብ ምድሪ ምእንቲ ክበጽሑ ኃይሊ ወሲኾም ምቕዛፍ ጀመሩ። ምዃን ምስ ኣበዮም ግና ኦ እግዚአብሔር ንልምነካ ኣሎና ምእንቲ ነፍሲ እዚ ሰብኣይ እዚ ኣይተጥፍኣና። ንስኻ ኦ እግዚኣብሔር ከም ዝፈቶኻዮ ጌርካ ኢኻ እሞ ንጹሕ ደም ኣብ ልዕሌና ኣይተንብር ኢሎም ናብ እግዚአብሔር ኣእወዩ። ንዮናስ ድማ ናብ ባሕሪ ደርበይዎ፡ እቲ ባሕሪ ኸኣ ካብ ምንዋጽ ሃድአ። እቶም ሰባት ኸኣ መንክራት እግዚአብሔር ርእዮም ብእኡ ኣመኑ መሥዋእቲ ሠውኡ መብጽዓውን ተማባጽዑ።

እግዚአብሔር ምሕረቱ ብዙኅ ኣምላኽ ብምዃኑ ንዮናስ ዚውሕጥ ዓቢይ ዓሳ ኣዳለወሉ። ዮናስ ኸኣ ኣብ ከብዲ ዓሳ ሠለስተ መዓልትን ለይትን ገበረ። ዮናስ ኣብ ከብዲ ዓሳ ኾይኑ ናብ እግዚአብሔር ኣምላኹ ብፍጹም ጣዕሳ ጸለየ። ኣብ መበል ሣልሳይ መዓልቲ እግዚአብሔር ኸኣ ነቲ ዓሳ ኣዘዞ ንሱውን ንዮናስ ናብ ምድሪ ተፍኦ።

ንዮናስ ኸኣ ተንሥእ ናብ ነነዌ ናብታ ዓባይ ከተማ ኪድ ኣነ ዝእዝዘካ ኣዋጅ ኸኣ ኣውጅላ፡ ኢሉ ካልኣይ ጊዜ ኣዘዞ። ዮናስ ከምቲ ቓል እግዚአብሔር ናብ ነነዌ ከይዱ፡ ነነዌ ኣርብዓ መዓልቲ ጸኒሓ ኽትግምጠል እያ እናበለ ዓው ኢሉ ኣወጀላ። ሰብ ነነዌ ኸኣ ነዚ ምስ ሰምዑ ንኣምላኽ ኣመኑ፡ ካብ ዓበይቶም ክሳዕ ናእስቱኦም’ውን ወጮ ተኸድኑ። እዚ ወረ እዚ ናብ ንጉሥ ነነዌ በጽሐ፡ ካብ ዝፋኑ ወሪዱ ክዳን ንጉሥነቱ ኣውጺኡ ወጮ ተኸድነ፡ ኣብ ሓሙዅሽቲ ድማ ተቐመጠ። እቲ ንጉሥ ድማ ንሰብ ነነዌ ኵሎም ኣምላኽ እንተ ተመልሰን እንተ ተጣዕሰን ሰብ ኮነ እንስሳ ካብ እክለ ማይ ይከልከል ወጮ ይከደኑ ዓው ኢሎም ድማ ናብ ኣምላኽ ሰማይ ምድርን አእወዩ። ነፍሲ ወከፍ ከኣ ካብ እኩይ ግብሩ ካብቲ ኣብ ኢዱ ዘሎ ዓመጽን ይመለስ ኢሉ ናይ ጾም ኣዋጅ ኣወጀ።

ብባሕርይኡ መሓሪ ዝኾነ እግዚአብሔር ካብ እኩይ ግብሮም ካብ ክፉእ መንገዶም ከም ዝተመልሱ ረኣየ። ስለዚ ከጥፍኦም ዝመደበ መሓሮንም ይቕረ በሎምን። ከምቲ ዝመደቦ ከኣ ኣይቀጽዖምን።

ዝተፈቶኹም ሕፃናት ከምቲ ኣብ ታሪኽ ሰብ ነነዌ ዝረኣናዮ እግዚአብሔር ኣምላኽ ንኣና ብዝተፈላለየ መንገዲ ካብ እኸይ ግብሪ ተመሊስና ብመንገዱን ብቅድስናን ክንመላለስ ይመኽረና እዩ፡ 'መለበምን ኣይግበርካ መለበምን ኣይኽላእካ' ከምዝበሃል ካብቶም ቀዳሞት ሰብ ነነዌ ከም ዝረኣናዮ ሰብ ኮይኑ ዘይእብስ ዕንጨይቲ ኮይኑ ድማ ዘይነክስ የለን እሞ ዝገበርናዮ ኃጢኣት ፈሊጥና ናብ እግዚአብሔር ብጾምን ጸሎትን ብሓባር ለሚንና ካብ እግዚአብሔር ምሕረት ከምእንረክብ ኣሚንና ዓመት መጸ ኵሉ ካብ ንእሽቶ ክሳዕ ዓቢይ ብሓባር ጾመ ነነዌ ንጸውም ኣሎና።

እምበኣር ሕፃናት ካብዚ ታሪኽ እዚ እንታይ ንመሃር፧

፩/ ትእዛዝ እግዚአብሔር ፈጣሪኻ ኵሉ ዝዓበየን ዝነኣሰን ኣብ እዋኑ ክፍጽሞ ከም ዝግብኦ

፪/ እግዚአብሔር መሓሪ ከምዝኾነ ክንጠፍእ ከምዘይደሊ

፫/ ካብ እግዚአብሔር ክርሕቕ ዝኽእል ሓደ ፍጡር እኳ ከምዘየለ

፬/ ካብ እግዚአብሔር ዘድልየና ብጾምን ጸሎትን ተስፋ ከይቆረጽና ምስ ንልምኖ ከም ዝገብረልና ተማሂርና'ዶ፧

እግዚአብሔር ጾምና ብሰላም የፈጽመና።

ስብሐት ለእግዚአብሔር፡ ወለወላዲቱ ድንግል ፡ ወለመስቀሉ ክቡር፡ አሜን።

ዘመነ ዮሐንስ 24 ግንቦት 2012 ዓ.…

June
Monday
1
ዝርክ፦ ቦአ እግዚእነ ውስተ ምድረ ግብጽ፡ ወዕንባቆም ነቢይ፡ ወአብቍልታ መስተጋድል፡ ወዕረፍቱ ለአልአዛር፡ ወአርከሌድስ፡ ወቲፍላስ፡ ወበዓለማርዩ። ዘቅዳሴምንባብ መልእክታት፦ ፊል. 3፡7-12 1ይጴጥ. 1፡6-12 ግብ. ሐዋ. 12፡20-ፍጻሜ ምስባክ፦ መዝ. 98/99 ወንጌል፦ ዮሐ. 12፡30-34 ቅዳሴ፦ ዘእግዝእትነ ማርያም። * * *
00:00 h
Ad Right

  

ዜና ኅትመት

እዋናዊ ጽሑፋት

‘ወናሁ አነ እፌኑ ተስፋሁ ለአቡየ ላዕሌክሙ/ እንሆ ኣነ ተስፋ ኣቦይ ክሰደልኩም…

ተስፋ ማለት ነቲ ዘይርአ ከም ዝርአ፡ ነቲ ዘየሎ ከምዘሎ፡ ነቲ ዘይኸውን ድማ ከምዝኸውን ጌርካ ብእምነት ንእግዚአብሔር ምጽባይ እዩ። ተስፋ ሓንቲ...

ደብረ ምጥማቅ (21-25 ግንቦት)

ደብረ ምጥማቅ  ጐይታናን ኣምላኽናን ኢየሱስ ክርስቶስ ምስ ኣደኡ ቅድስት ድንግል ማርያም ናብ ምድረ ግብጽ ምስ ተሰደ በኪደተ እግሩ ካብ ዝረገጸን ቦታታት...

"ናብ ሰማይ ዓረገ " ማር. 16፡19

  ዓመት መጸ ብዓቢይ መንፈሳዊ ኽብሪ ካብ እነኽብሮም ዓበይቲ በዓላት ጐይታናን መድኃኒናን ኢየሱስ ክርስቶስ እቲ ሓደ በዓለ ዕርገት እዩ። ጐይታናን መድኃኒናን...

ማኅሌታይ ቅዱስ ያሬድ 

'ኣብ ወርኂ ታኅሣሥ ዕለቱ ሰኑይ፡ ሰዓቱ ሰዓት ፫ተ ብግዕዝ (9ተ)፡ ኣብ ቅድሚ ታቦተ ጽዮን ኣክሱም ደው ኢሉ ድምፁ ዓው ብምባል...

“ተዘከረኒ እግዚኦ አመ ትመጽእ በመንግሥትከ።/ ጐይታይ ብመንግሥትኻ ክትመጽእ ከሎኻ ዘክረኒ።”…

እቲ ብየማን ጐይታ ተሰቒሉ ዝነበረ ሽፍታ (ፈያታዊ ዘየማን)፡ ደመ ማኅተምን መርኆ ድኅነትን ተዋሂቡ ንኣቦና ኣዳም ቀዲሙ ናብ ገነት ከምዝኣተወ ቅዱሳት...

“ኣዴና ቅድስት ድንግል ማርያም ቅድሚ ዓለም ምፍጣሩ ኣብ ሕሊና ኣምላኽ…

እዚ ቓል’ዚ ኣብ መቅድም ተኣምረ ማርያም ዝርከብን ወትሩ ዝንበብን ኮይኑ፡ እግዚአብሔር ኣምላኽ ቅድሚ ንዓለም ምፍጣሩን ዘመን ምቝጻሩን፡ ኣዴና ቅድስት ድንግል...

ቅዱስ ኣትናቴዎስ

ታሪኽ ቤተ ክርስቲያን ከምዝሕብሮ፡ ድኅሪ ዘመነ ሓዋርያት ቅድስት ቤተ ክርስቲያንና ኣብ ዝተፈላለየ ዘመናት ብደገ ብዓላውያን ነገሥታት፡ ብውሽጢ ድማ ብናይ ጽርኣውያን...

ርክበ ካህናት

“ርክበ ካህናት” ማለት ናይ ካህናት መራኸቢ፡ ጉባኤ፡ መተኣኻኸቢ፡ መዛተዪ . . . ወዘይመስሎ ዝብል ትርጕም ኣለዎ። ኣብ ቅድስት ቤተ ክርስቲያንና፡ ዓመታዊ...

ናባይ ንዑ፡ ኣነ ኸኣ ከዕርፈኩም እየ! (ማቴ. 11፡28)

ክታብ ካብ ኣልፋ ወዖ እግዚአብሔር ኣምላኽ! ኣኽቢረ ብኣርኣያይን ብኣምሳለይን ዝፈጠርክኹም ደቀይ! ቅድሚ ኵሉ ሰላመይ ምስ ኵላትኩም ይኹን! ቅድሚ ሕጂ ብዙኅ ደብዳቤታት ሰዲደልኩም...

አሥርቆት ዘወርኀ ግንቦት

ዮም ሠረቀ ለነ ወርኀ ቡሩክ ግንቦት ያብጽሐነ እስከ ወርኀ ሰኔ በሰላመ እግዚአብሔር! ወርኀ ግንቦት ቡሩክ መዓልቱ ፲ወ፬ቱ ሰዓት ወእምዝ ይትዌስክ። ሎሚ...

ባሕቲ ግንቦት፡ ልደተ ማርያም

ቅድስት ድንግል ማርያም፡ ቅድሚ ምፍጣር ዓለም ኣብ ሕሊና ኣምላኽ ዝነበረት፣ ገና ከይተወልደት ትንቢት ዝተነግረላ፡ ሱባኤ ዝተቘጽረላን ምሳሌ ዝተመሰለላን እያ። ሊቀ...

ዮም ፍሥሐ ኮነ በእንተ ልደታ ለማርያም/ ሎሚ ብልደት ቅድስት ድንግል…

ልደት ኣዴና ቅድስት ድንግል ማርያም ሃንደበታዊ ኣይኮነን። ካብ ፅንሰታ ክሳዕ ልደታ ኵሉ መስተንክር እዩ። ትንቢት ዝተነግረሉ፡ ሱባዔ ዝተቘጽረሉ፡ ምሳሌ ዝተመሰለሉ...

  

latest articles

Ascension

After the Lord Jesus Christ had finished the operation of His wisdom upon earth, by His Passion, and His Death...

Tsinset (Annunciation – Feast of Incarnation)

In accordance with the cannon of the Church, one of the nine major feast days of Our Lord. it Tsinset (Annunciation...

The feast of presenting the lord Christ in the temple…

On this day we celebrate the feast of presenting the lord Christ to the temple after 40 days of his...

The Fast of Nineveh - Monday 10 – 12 February…

In Eritrean Orthodox Tewahdo Church, one of the seven fasting periods is the fast of Nineveh.

Mystery of Baptism

Baptism is the sacrament given to all who believe in the Mystery of the Trinity and the Mystery of Incarnation...

Mystery of Incarnation

Mystery of Incarnation means the mystery of the descending of God the Son who is one of the Trinity from...

Mystery of the Holy Trinity

The Eritrean Orthodox tewahdo Church has Five pillars of Mysteries through which it teaches and demonstrates its basic religious belief...

Welcome to the Feast of the Nativity of Our Lord…

Glory to God. When the appointed time of salvation and the foretold prophesies came to pass, God the Son come to...

In Memory of His Holiness Abune Yacob the Second Patriarch…

His Holiness Abune Yacob, the Second Patriarch was one of the reputable leaders of the EriOTC, a shining star of...

Fast of the Prophets (Advent)

15th November (geez calander), marks the first day of the Advent Fast, a period of abstinence and penance practiced by...

FASTING

Fasting is abstinence from all things that a body needs, and one has to fast from animal products and from...

The Eritrean Orthodox Tewahdo Church (EriOTC)

In the name of the Father, and of the Son, and of the Holy Spirit, One God. “We call our...