ሓዋርያዊትን ኣጽናፋዊትን ዝኾነት ቅድሥቲ ቤተ ክስቲያን ሓደ ካብቲ መለለይአ ዝኾነ፡ንቅዱሳን ዘለዋ ክብርን ዝኽርን እዩ።ከምቲ ቅዱስ ጳውሎስ  “ተዘከሩ መኳኒንክሙ ዘነገርኩሙ ቃለ እግዚአብሔር እንዘ ትሬእዩ ሠናየ ግዕዞሙ ወሞፃእቶሙ ወተመሰሉ በሃይማኖቶሙ” ዝበሎ; ናይ ሃይማኖትን ምግባርን ፡ብርሃንን መምህራንን ዝኾኑ ቅዱሳን በብዕለቶም ከይዘከረቶም ኣይትኃልፍን እያ። 

ኣብ ንኡስ ዞባ ማይ ዓይኒ ቤተ ክርስቲያን ደብረ ትጉሃን መላእክት ኣርባዕቱ እንስሳ ብፁዕ ወቅዱስ አቡነ ቄርሎስ ፓትርያርክ ዘኦርቶዶክስ ተዋሕዶ ቤተክርስቲያን ኤርትራ፡ ዋና ጸሐፊ ቅዱስ ሲኖዶስ ብፁዕ አቡነ ሉቃስ፡ ሊቀ ካህናት ሃገረ ስብከት ዓዲ ቐይሕ ቀሲስ መሓሪ መዝገቦ፡ ማኅቶተ ቤተክርስቲያን ሊቃውንትን ብርክት ዝበሉ ውሉደ ክህነትን ምእመናንን ምእመናትን ኣብ ዝተረኽቡሉ ሥነ ሥርዓት መመረቕታ ብድሙቕ መንፈሳዊ ሥነ ሥርዓት ተጸምቢሉ ።

`` ዝንቱሰ ብእሲ ዘእምንእሱ ሕይወቱ ውስተ ቤተ እግዚኣብሔር / እዚ ሰብ እዚ ካብ ንእስነቱ ኣትኂዙ ኣተዓባብያኡ ኣብ ቤተ እግዚኣብሔር እዩ ``

ካብ ዕለተ ልደት ክሳብ ማዕርገ ዱቁና

ሠሉስ ዕለት 16 መስከረም ኪዳነ ምሕረት መዓልቲ ሰዓት ኣርባዕተ ናይ ለይቲ እዩ፡ ኣብ ዘመነ ዮሐንስ 1920 ዓ.ም.ግ ኣብ ንኡስ ዞባ ሰንዓፈ ከባቢ ሩባ ናጻ እንዳ ዳሽም ቅዱሳን ባዕሎም ኣብ ዝሰመይዎ እንዳ ጻድቃን ባረክናሃ ዐፅመ ቅዱሳን ኣብ ዝርከበሉ ቦታ፡  ካብ ዝነበሩ መፍቀርቲ እግዚኣብሔር ዝኾኑ ወለዲ ኣቦይ ቀሲስ ተስፋሥላሴ ተኽለን ወ/ሮ ወለተመድኅን ሓጐስን ሓደ ሕፃን ተወልዱ። ኣብ መበል ኣርብዓ መዓልቶም ብካህነ እግዚኣብሔር ኃይለ ማርያም ዝብል ስም ተዋህቦም። ንሶም ኣብ ጊዜ ሕፃንነቶም ብጠባዮም ምስጉንን እዙዝን ወለዶም ዘኽብሩን ነበሩ ።

በስመ አብ ወወልድ ወመንፈስ ቅዱስ አሐዱ አምላክ።

ሰብ ንሕይወቱ ኣብ ክንዲ ብጻዩ በጃ ዘሕልፍ፡ ካብዚ ዝዓቢ ፍቅሪ የልቦን፤ ዮሓ 15፥13

ኣብ ውሽጢ ቅድስት ቤተክርስቲያንና ካብ እንፍጽሞም ሃይማኖታዊ ግብርታት፡ ፍትሓትን ጸሎትን ይርከብዎም፤ ቃል እግዚኣብሔር “ኦ ኣዳም መሬት አንተ ወትገብእ ውስተ መሬት”“ኦ ኣዳም መሬት ኢኻ’ሞ ናብ መሬት ከኣ ክትምለስ ኢኻ”ከም ዝብል፡ ብምኽንያት ኃጢኣት፡ ሞት ናብ ዓለም ኣተወ፤ ስለዚ ኸኣ እቲ ዅሉ ሥጋ ዝለበሰ ዘበለ ይመውት፤ እዚ ኾይኑ ግና ኣብ ሓንቲ ሃይማኖት፥ ብጥምቀት ካብ እግዚኣብሔር ናይ ጸጋ ውሉድነት ዝረኸቡ ናይ ክርስቶስ ቤተሰብ ብሞት ሥጋ ምስ ዝጽውዑ  እዚ ሞትዚ ኣይ በጽሖምን፤ ብመሠረት ሥርዓት ቅድስቲ ቤተ ክርስቲያን ጸሎተ ፍትሓት ይበጽሓሎም፥ ተዝካር ውን ይግበረሎም፤ ኣብዚ ጽሑፍ እዚ ብዛዕባ መንነት ሞት ገሊጽና ብዛዕባ ፍትሓትን ተዝካርን ከነንብብ ኢና።

መግለጺ ቅዱስ ሲኖዶስ ድኅሪ ሢመተ 5ይ ፓትርያርክ!

ሎሚ ዕለት ፮ ሰነ 2013 ዓ.ም (13/06/2021) ሥርዓተ ሢመት ወጸሎተ ተቀብዖ ብፁዕ ወቅዱስ አቡነ ቄርሎስ ፭ይ ፓትርያርክ ኣብ ርእሰ ኣድባራት ደብረ ጽዮን ቅድስት ማርያም ብኣዝዩ ድሙቕን ምዕሩግን ሥነ ሥርዓት ብሰላም ተፈጺሙ።

ብደብረ ደናግል ሰማዕት ቅድስት ድምያና በራሪ ሃገረ ግብጽ ኣልባሳት 5ይ ፓትርያርክ ብልዑል ጻዕሪ ኣብ ሓጺር እዋን ተዳልዩ፡ ብዕለት 4 ሰነ 2013 ዓ.ም.ግ. ቅዱስ ሲኖዶስ ተወከልቲ ሃገር ስብከት ኤውሮፓ ኣብ ዘለውዎ ብመንገዲ እማሆይ ወለተ ሥላሴ ንብፁዓን ኣቦታት ተረኪቡ።

5 ሰነ 2013 ዓ.ም. (12 ሰነ 2021 ዓ.ም.) ጸሎተ ሠርክ ኣብ ዋዜማ ሥርዓተ ተቐብዖ 5ይ ፓትርያርክ ዘኦርቶዶክስ ተዋሕዶ ቤተ ክርስቲያን ኤርትራ ኵሎም ብፁዓን ጳጳሳት፡ ገዳማውያን ኣቦታትን አደታትን፡ ማኅቶተ ቤተ ክርስቲያን ሊቃውንት፡ ካብ አኅጉረ ስብከታት ወጻዒን ውሽጥን ሃገር ዝመጽኡ ውሉደ ክህነት፡ ተመሃሮ መንፈሳዊ ኮሌጅ፡ መዘምራን ትምህርተ ሰንበት ርእሰ ኣድባራት ደብረ ጽዮን ቅድስት ማርያም ቤተ ክርስቲያን፡ ምእመናንን ምእመናትን ኣብ ዝተረክብሉ ኣብ ቤተ ክርስቲያን ርእሰ ኣድባራት ደብረ ጽዮን ቅድስት ማርያም በጺሑ።