Heirloom consequat, irure reprehenderit duis Shoreditch. Art party wayfarers nihil pour-over cupidatat id. Brunch incididunt minim, in bitters adipisicing.

ቀዳም 23 ጥር 2012 ዓ.ም. (01/02/2020 ዓ.ም.ፈ.) ኣብ ቅድስት ሃገር እስራኤል ዓመታዊ ክብረ በዓል ዕረፍታ ናይ ቅድስት ድንግል ማርያም ከምኡ ውን ምምሥራት ቤት ትምህርቲ ሰንበት ቅድስት ድንግል ማርያም ቤተ ክርስቲያን መድኃኔ ዓለም “ህቦብላ ምስ ዝኃልፍ ነቲ እኩይ ይወስዶ፡ እቲ ጻድቕ ግን ብደኃን ይነብር።" (ምሳ 10፡25) ኣብ ትሕቲ ዝብል መሪሕ ቃል ብድምቀት ተኸቢሩ።

ካብ ሠለስተ ኣካል ሓደ ኣካል፡ እግዚአብሔር ወልድ ካብ ኣዴና ቅድስት ድንግል ማርያም ካብ ሥጋኣ ሥጋ ካብ ነፍሳ ነፍስ ወሲዱ ብተዋሕዶ ካብ ክልተ ኣካል ሓደ ኣካል፡ ካብ ክልተ ባህርይ ሓደ ባህርይ ኮይኑ ተወልደ። ኣካላዊ ቃል ምስ ሥጋ ተዋሓደ፤ ቅድምና ዘይነበሮ ሥጋ ቀዳማዊ ኣምላኽ ተባህለ፤ ብጐይትነት ዘይፍለጥ ሥጋ ብጐይትነት ተፈልጠ፡ እቲ ዘይርአ መለኮት ብሥጋ ተጋህደ። ኣምላኽ’የ ኢሉ ንዕለቱ ኣይዓበየን፡ እንታይ ደኣ ሕጊ ጠባያውን ሕጊ መጽሓፋውን እናፈጸመ በብንእሽቶ ዓበየ። እቲ ዘመን ዘይቍጸረሉ ኣምላኽ በቲ ዝለበሶ ሥጋ ዘመን ተቘጺርሉ 30 ዓመት ምስ መልኦ ብኢድ ዮሓንስ ንኽጥመቕ ናብ ማየ ዮርዳኖስ ወረደ፡፡ 

• ስለምንታይ ኣብ ሠላሳ ዓመቱ ተጠሚቑ፧

ጐይታና ኢየሱስ ክርስቶስ ኣብ 30 ዓመቱ እምበር፡ ልዕል ኢሉ ኣብ 40 ዓመቱ ወይ ትሕት ኢሉ ኣብ 20 ዓመቱ ዘይተጠምቀሉ ምኽንያት ነቲ ወዲ 30 ዓመት ኮይኑ ዝተፈጥረ ኣዳም ስኢንዎ ዝነበረ ጸጋ ውልድነት ንኽመልሰሉን፡ ውልድነት እተውህብ ኣፍ ደገ ምሥጢራት ዝኾነት ጥምቀት ባሪኹ ቀዲሱ ንምሃብን እዩ።

• ስለምንታይ ብኣገልጋሊኡ ቅዱስ ዮሓንስ ተጠሚቑ፧

ኣብቲ እዋን እቲ ቅዱስ ዮሓንስ ኣብ ከባቢ ዮርዳኖስ ናይ ንስሓ ትምህርቲ እናመሃረ ናይ ንስሓ ጥምቀት የጥምቕ ነበረ። ከምቲ ብትንቢት ኣቐዲሙ ዝተነግረሉ ድማ ቅዱስ ዮሓንስ ቀቅድሚኡ ጸራጊ መንገዲ ኮይኑ ንሕዝቢ ብማየ ንስሓ እናኣጥመቐ ንናይ ጐይታናን መድኃኒናን ኢየሱስ ክርስቶስ ኣማናዊ ጥምቀት የዳሉ ነበረ። (ሚል. 3፥1፤ ኢሳ. 40፥3-5)

ብዘላ ሃገር ይሁዳን ኵሎም ሰብ ኢየሩሳሌምን ናብኡ ይመጹ ብኃጢኣቶም እናተናዘዙ ውን ኣብ ፈለገ ዮርዳኖስ ብእኡ ይጥመቑ ነበሩ። (ማቴ. 3፥1-12፤ ሉቃ. 3፥1-20)

ጐይታና ኢየሱስ ክርስቶስ ናይ ባህርይ ኣምላኽ ክነሱ ብኢድ ኣገልጋሊኡ ቅዱስ ዮሓንስ ንኽጥመቕ ብፍጹም ትሕትና ካብ ገሊላ ናብ ዮርዳኖስ መጸ። እዚ ኣርኣያ እዩ። ‘ከምቲ ኣነ ናብ ማየ ዮርዳኖስ ወሪደ ብኢድ ኣገልጋሊየይ ዝተጠመቕኩ፡ ንስኻትኩም''ውን ናብ ቤተ ክርስቲያን ኬድኩም ብኢድ ካህናት ተጠመቑ’ ንኽብል እዩ። ምኽንያቱ ጐይታናን መድኃኒናን ኢየሱስ ክርስቶስ ንቅዱስ ዮሓንስ ‘መጺእካ ኣጥመቐኒ’ እንተዝብሎ ነይሩ ካብኡ ንደኃር ነገሥታትን መኳንንትን ንካህናት ‘መጺእኩም ኣጥምቑልና’ ምበልዎም ነይሮም።

ጐይታና ኢየሱስ ክርስቶስ ንኽጥመቕ ናብኡ ክመጽእ ዝረኣየ ቅዱስ ዮሓንስ፡ ‘ኣነ እምበር ብኣኻ ኽጥመቕ ይግብኣኒ፡ ንስኻዶ ናባይ ትመጽእ’ ኢሉ ኣበዮ። ጐይታ ድማ ‘ወይደልወነ ከመ ንፈጽም ኵሎ ጽድቀ/ኵሉ ጽድቂ ክንፍጽም ይግብኣና እዩ’ ኢሉ ብእኡ ንኽጥመቕ ፍቓዱ ከምዝኾነ ምስ ነገሮ ቅዱስ ዮሓንስ ንጐይታ እንታይ ኢሉ ከምዘጥምቖ ንምፍላጥ ‘ስም አብ ኣባኻ ህልው እዩ፡ ስም ወልድ ባዕልኻ ኢኻ፡ ስም መንፈስ ቅዱስ ከኣ ኣባኻ ህልው እዩ፡ ንኻልእሲ ብስምካ አጥምቕ ንኣኻኸ ብስም መን ከጥምቐካ እየ፧’ ኢሉ ሓተቶ።(ሲኖዶስ ዘሓዋርያት) ጐይታ ኸኣ ‘ወልዱ ለብሩክ ከሣቴ ብርሃን ተሣሃለነ፡ አንተ ካህኑ ለዓለም በከመ ሢመቱ ለመልከ ጼዴቅ/ ወዲ ብሩኽ ከሣቴ ብርሃን ይቕረ በለልና፡ ከም ክህነት መልከ ጸዴቅ ዘለዓለማዊ ካህን ኢኻ’ እናበልካ ኣጠምቐኒ ምስ በሎ፡ ብኡ ንብኡ ኣጥመቖ። በዚ ድማ ቅድስት ቤተ ክርስቲያንና ንቅዱስ ዮሓንስ ‘መጥምቀ መለኮት’ ኢላ ከተኽብሮን ክትጽውዖን ከላ፡ ንትሕትና ኣምላኽና ኸኣ ‘ዕፁብ ድንቂ እዩ’ እናበለት ወትሩ ትሰብኽ።

• ጐይታና መድኃኒናን ኢየሱስ ክርስቶስ ምስ ተጠምቀ ቅድሚኡ ዘይተገልጸ ሰማያዊ ምሥጢር፡ ምሥጢረ ሥላሴ ተገልጸ። ኣብ ሓደ እዋን ሠለስተ ኣካል ሥላሴ ማለት እግዚአብሔር ወልድ ብፍሉይ ኣካሉ ሰብ ኮይኑ ኣብ ማየ ዮርዳኖስ ክጥመቕ ከሎ፤ እግዚአብሔር መንፈስ ቅዱስ ድማ ብኣምሳለ ርግብ ወሪዱ ኣብ ርእሱ ተቐመጠ፡ እግዚአብሔር አብ ድማ ካብ ሰማይ ‘ብእኡ ዝተሓጐስኩ ፍትዊ ወደይ እዚ እዩ’ ዝብል ድምፂ ኣስምዐ። (ማቴ. 3፥13-17)

• ስለምንታይ ብማይ ተጠሚቑ፧

ጐይታና መድኃኒናን ኢየሱስ ክርስቶስ ብማይ ዝተጠምቀ ‘እነዝኃክሙ በማይ ንጹሕ/ ጽሩይ ማይ ክነጽገልኩም እየ እሞ ክትጸርዩ ኢኹም’ (ሕዝ. 36፡25-29) ዝብል ትንቢትን ዝተነግረ ምሳሌን ንምፍጻም እዩ። ብማይ እምበር ብጸባ ይኹን ብመዓር ዘይተጠምቀሉ ምኽንያት ከኣ መንጽሕን መጽረይን ዝኾነ ማይ ኣብ ዝኾነ ቦታን ብዝኾነ ሰብ ሃብታም ኮነ ድኻ ተረካቢ ስለዝኾነ እዩ። ከምኡ’ውን ኣቐዲሙ ኣብ ልዕሊ ሰብአ ትካት (ኣብ ዘመነ ኖኅ ዝነበሩ ሕዝቢ) ኮነ ንግብጻውያን ብዘስዓቦ ጥፍኣት ማይ ንመዓት ከምዝተፈጠረ ይውሰድ ስለዝነበረ ንምሕረት’ውን ከምዝተፈጥረ ንምሕባርን ንማያት ንምቕዳስን ጥምቀቱ ብማይ ገበሮ።

• ስለምንታይ ኣብ ማየ ዮርዳኖስ ተጠሚቑ፧

ጐይታና ኢየሱስ ክርስቶስ ኣብ ማየ ዮርዳኖስ ዝተጠመቀሉ ምኽንያት ትንቢት ንምፍጻም እዩ። እዚ ድማ ብነቢየ እግዚአብሔር ዳዊት ‘ባሕሪ ርእያቶ ሃደመት፡ ዮርዳኖስ ንድኅሪት ተመልሰት፡ ኣኽራን ከም ደዓውል፡ ኰረቢት ከም ዕያውቲ ተሰራሰሩ፡ ኣቲ ባሕሪ እንታይ ኴንኪ ዝሃደምኪ፧ ኣታ ዮርዳኖስከ ንድኅሪት እተመለስካ፧ ኣቱም ኣኽራን ከም ደዓውል ኣቱም ኰረቢትሲ ከም ዕያውቲ እተሰራሰርኩም እንታይ ኴንኩም ኢኹም፧ ኣቲ ምድሪ ኣብ ቅድሚ እቲ ነኻውሕ ናብ ቀላያት ንዓረ ናብ ዓይኒ ማያት ዝለወጠ እግዚአብሔር ኣምላኽ ያዕቆብ ኣንቀጥቕጢ።’ ክብል ተነብዩ ነበረ። (መዝ. 114፥3-8) ኣብነቱ ድማ ዮርዳኖስ ኣብ ላዕሊ ምንጩ ሓደ እዩ፡ ትሕት ኢሉ ግና ኣብ ክልተ ይምቀል፡ ድኅሪ እዚ ኸኣ ወሪዱ ናብ ሓደ መጺኡ ይራኸብ። ኵሉ ሰብ'ውን ትውልዱ ካብ ሓደ ኣዳም እዩ። ትሕት ኢሉ ግና እስራኤል በግዝረቶሙ (ብግዝረት) ኣሕዛብ ከኣ በቍልፈቶሙ (ብዘይ ምግዛር) ናብ ክልተ ተፈላልዮም ነበሩ። ዳኅራይ ግና ሕዝብን ኣሕዛብን ብናይ ክርስቶስ ልደትን ጥምቀትን ሞትን ኣሚኖም ብስም ሥላሴ ተጠሚቖም፡ ብጥምቀት ሓደ ከምዝኾኑ ንምግላጽ እዩ። (ኤፌ 2፥11)

ብካልእ ወገን'ውን ጐይታና ኢየሱስ ክርስቶስ ኣብ ማየ ዮርዳኖስ ዝተጠምቀሉ ምኽንያት ማያት ንምቕዳስን ዕዳ ኣዳምን ሔዋንን ንምድምሳስን እዩ። ዲያብሎስ ነቲ ናይ ኣዳምን ሔዋንን ‘ ኣዳም ገብሩ ለዲያብሎስ ሔዋን አመቱ ለዲያብሎስ’ ዝብል ግዙኣቱ ምዃኖም ዘረጋግጸሉ ስም ባርነቶምን ዕዳ ደብዳቤኦምን ጽሒፉ ነቲ ሓደ ኣብ ዮርዳኖስ፡ ነቲ ሓደ ድማ ኣብ ሲኦል ደርቢዎ ነበረ። እምበኣር ጐይታና ኢየሱስ ክርስቶስ ነዚ ኣብ ዮርዳኖስ ተደርብዩ ዝነበረ ዕዳ ደብዳቤ ብሰብነቱ ረጊጹ ብኣምላኽነቱ ኣምኪኹ ንኽድምስሶ ኣብ ዮርዳኖስ ተጠምቀ። በዚ ከኣ እቲ ኣቐዲሙ ነቢይ ሚክያስ ‘ወያሠጥሞን ውስተ ቀላየ ባሕር ለአበሳነ / ንኣበሳና ናብ ማዕሙቝ ቀላይ ከሥጥሞ እዩ።’ ሚክ. 7፡19 ዝበሎ ትንቢት ተፈጸመ።

• ሠራዔ ሕግ ጐይታና መድኃኒናን ኢየሱስ ክርስቶስ ኣርኣያን ኣብነትን ኮይኑ ተጠሚቑ፡ ክብረ ውልድነት ንረኽበሉን ሰማያዊ ርስቲ ንወርሰሉን ጥምቀት ሠርዓልና። ‘ ዘኢተወልደ ዳግመ እማይ ወእመንፈስ ቅዱስ ኢይክል በዊኣ ውስተ መንግሥተ እግዚአብሔር/ ካብ ማይን ካብ መንፈስ ቅዱስን ዘይተወልደ ናብ መንግሥተ እግዚአብሔር ኪኣቱ ዚኽእል ከቶ የልቦን።’ (ዮሓ. 3፡5) ድማ ይብለና። ስለዚ ከምቲ ንሱ ዝተጠመቖን በቲ ዝኣዘዞን፡ ቅድስት ቤተ ክርስቲያንና ነቶም ካብ ሥድራ ምእመናን ዝተወልዱ ወዲ ኣብ ኣርብዓ መዓልቱ፡ ጓል ድማ ኣብ ሰማንያ መዓልታ ከምኡ’ውን ነቶም ኢኣማንያን ዝነበሩ’ሞ ደኃር ኣሚኖም ዝመጹ ካብ 40 መዓልቲ ክሳዕ 3ተ ዓመት ምሂራ ኣረዲኣ እናኣጥመቐት ጸጋ ውልድነት ከም ዝረኽቡን ብርቀት ካብ መንፈስ ቅዱስ ተወሊዶም ብወልድ ውሉድ ብክርስቶስ ክርስቲያን ተሰምዮም ዕለት ዕለት በታ ጸባብ ኣፍ ደገን ቀጣን መንገድን ዝኾነት ቅንዕቲ ሃይማኖት መስቀል ክርስቶስ ተሰኪሞም ንኽጐዓዙ ናብ ማኅበረ ምእመናን ከም ዝጽምበሩ ትገብር።

ወስብሐት ለእግዚአብሔር፡ አሜን!

ዕለት 18 ጥር 2012 ዓ.ም. (27/01/2020 ዓ.ም.) ሰዓት 3፡00 ድ.ቀ. ዓቃቤ መንበር ዘፓትርያርክ ኦርቶዶክስ ተዋሕዶ ኤርትራ ብፁዕ ጴጥሮስ ኣብ ከተማ ዓሰብ ምስ ኣትዉ፣ ካህናትን ዲያቆናትን፡ ተማሃሮ ቤት ሰንበትን መንእሰያትን፡ ዓበይቲ ዓድን ብሓፈሻ ሕዝበ ዓሰብ ድሙቕ ኣቀባብላ ገይሮምሎም!

እስመ መምህረ ሕግ ይሁብ በረከተ፡ ወየሐውር እም ኃይል ውስተ ኃይል / መምህር ሕጊ በረከት የውህብ እዩ እሞ ኃይሊ ኣብ ርእሲ ኃይሊ እናወሰኸ ይኸይድ። (መዝ. 83/ 84፡7)

ኣቦና መምህር ኃይለሚካኤል ካብ ኣቦኦም አምኀጽዮን ባርያሥላሴን ካብ ኣደኦም ሃንሱ ተኽለ ሽሻይ ብ 1934 ዓ.ም.ግ (ብ1942 ዓ.ም. ፈ) ኣብ ዞባ ደቡብ ንኡስ ዞባ ደቀምሓረ ኣብ ዓዲ ጓቋት ተወሊዶም፡፡

ዕለት 21 ጥር 2012 ዓ.ም. ካብ ገዳሞም ዝዓረፉ መምህር ኃይለሚካኤል አምኀጽዮን ንጽባሒቱ ዝግባእ ጸሎተ ፍትሐት ተጸልዩ ፍርቂ መዓልቲ ጸሎተ ቅዳሴ ምስ ተሠርዐ ሓመድ ኣዳም ለቢሶም።

ዓመት መጽአ 21 ጥር፡ ‘ኣስተርእዮ’ እናተባህለ ዝኽበር በዓለ ዕረፍተ ሥጋሃ ለማርያም ሎሚ ዓመት’ውን ኣብ ኵለን ኣብያተ ክርስቲያናትን ገዳማትን ብዝማሬን ማኅሌትን፡ ብቅዳሴን ውዳሴን፡ ብሓፈሻ ብመንፈሳዊ ሥነ ሥርዓት ተባዒሉ።

ዘመነ ዮሐንስ 9 የካቲት 2012 ዓ.ም…

February
Monday
17
ዝክር፦ አባ በርሱማ፡ ወጳውሎስ ሶርያዊ፡ ወዮሴፍ፡ ወጴጥሮስ ሰማዕት። ዘቅዳሴ ምንባብ፦ ኤፌ. 4፡1-6። 1ይ ዮሐ. 1፡8-ፍጻሜ። ግብ. ሐዋ. 11፡22-26። ምስባክ፦ መዝ. 111/112 ወንጌል፦ ዮሐ. 8፡51-ፍጻሜ። ቅዳሴ፦ ዘ፫፻ት ግሩም። * * *
00:00 h

  

ዜና ኅትመት

እዋናዊ ጽሑፋት

ሓዋርያ ቅዱስ ያዕቆብ ወልደ እልፍዮስ

ያዕቆብ ማለት አኀዜ ሰኰና አዕቃጺ (ሓንኳሊ) ማለት እዩ። ነገዱ ካብ ነገደ ጋድ ሃገረ ስብከቱ ኢየሩሳሌም ዕረፍቱ 10 የካቲት ቍጽሩ ካብ...

አዋጅ ምህላ ጾመ 40 ኣብ ኵለን ኣብያተ ክርስቲያናት

“ቀድሱ ጾመ ወስብኩ ምህላ/እትጾሙሉ እዋን ፍለዩ ምህላ’ውን ኣውጁ” ኢዩ. 1፡14 ብኦርቶዶክሳዊት ተዋሕዶ ቤተ ክርስቲያን ሕገ ቀኖና ኣብ ዓመት ካብ ዘለዉ ሾብዓተ...

ሠራሕተኛታት ቤት ጽሕፈት መንበረ ፓትርያርክ ናብ ገዳም ደብረ ጥሉል አቡነ…

05 የካ 2012 ዓ.ም.ግ (13 የካ 2020 ፈ.) ሠራሕተኛታት ቤት ጽሕፈት መንበረ ፓትርያርክ ናብ ገዳም ደብረ ጥሉል አቡነ አብራንዮስ (እንዳ...

በዓለ ስምዖን ኣረጋዊ - 8 የካቲት

ጐይታናን መድኃኒናን ኢየሱስ ክርስቶስ ካብ ቅድስት ድንግል ማርያም ነፍስን ሥጋን ተዋሒዱ ምስ ተወልደ፡ ሕጊ መጽሓፋዊ ንምፍጻም ኣብ 40 መዓልቱ፡ መሥዋዕቲ...

ክብረ በዓል ገዳም አቡነ እንድርያስ ሰፍኣ ተኸቢሩ!

ዓመት መጸ 1 የካቲት ዝበዓል ዝክረ ዕረፍቲ ኣቡነ እንድርያስ ሎሚ ዓመት 2012 ዓ.ም. እውን ብዓቢይ መንፈሳዊ ክብሪ ተኸቢሩ! ኣብዚ ክብረ በዓል...

ዕለታት ጾመ ነነዌ

ጾመ ነነዌ ሓደ ካብቶም 7ተ ናይ ኣዋጅ ኣጽዋማት ቤተ ክርስቲያን እዩ። ጾመ ነነዌ ኵል ሳዕ ዓቢይ ጾም ቅድሚ ምእታዉ ቅድሚ...

ንዑ ደቂቅየ ወስምዑኒ . . እመሀርክሙ - ታሪክ ሰብአ ነነዌ…

እግዚአብሔር ዝፈትወኩም ሕፃናት ከመይ ኣሎኹም፧ ናብዚ ሰዓትን እዝን ዕለትን ብሰላም ዘብጸሓና እግዚአብሔር ዝኸበረን ዝተመስገነን ይኹን። ልበ ኣምላክ ኣቦና ቅዱስ ዳዊት...

እንቋዕ ናብ ጾመ ነነዌ ኣብጽሓና፦ ሰኑይ 2 የካቲት ክሳዕ ረቡዕ…

ጾመ ነነዌ ሓደ ካብቶም ሾብዓተ ናይ ኣዋጅ ኣጽዋማት እዩ። ኣብ ነነዌ ዝቕመጡ ዝነበሩ ሕዝቢ ጾይሞም ምሕረት ከምዝረኸቡ፡ ሕዝበ ክርስቲያን ድማ...

አሥርቆት ዘወርኀ የካቲት

በስመ አብ ወወልድ ወመንፈስ ቅዱስ አሐዱ አምላክ! አሥርቆት ዘወርኀ የካቲት ዮም ሠረቀ ለነ ወርኀ ቡሩክ የካቲት ያብጽሐነ እስከ ወርኀ መጋቢት በሰላመ እግዚአብሔር...

ገዳም ደብረ ጽጌ ጺዳርዋ ኣቡነ እንድርያስ (ሰፍኣ)

ገዳም ደብረ ጽጌ ጺዳርዋ፡ ኣብ ዞባ ደቡብ ከባቢ ሰፍኣ ምብራቕ ካብ ዓዲ ፈለስቲ ኣብ 1760 ሜትሮ ብራኸ ይርከብ። እዚ ገዳም’ዚ...

ገዳም ወግረ ስኂን ኣቡነ እንድርያስ (ዕፉን)

ገዳም ወግረ ስኂን ኣቡነ እንድርያስ ዕፉን ኣብ ዞባ ደቡብ ንኡስ ዞባ ዓረዛ ዝርከብ ኮይኑ፡ ካብ ዓረዛ ንሸነኽ ደቡብ 33 ኪ.ሜ...

ኣብ ቅድስት ሃገር እስራኤል ዓመታዊ በዓል ብድምቀት ተኸቢሩ!

ቀዳም 23 ጥር 2012 ዓ.ም. (01/02/2020 ዓ.ም.ፈ.) ኣብ ቅድስት ሃገር እስራኤል ዓመታዊ ክብረ በዓል ዕረፍታ ናይ ቅድስት ድንግል ማርያም ከምኡ...

  

latest articles

The feast of presenting the lord Christ in the temple…

On this day we celebrate the feast of presenting the lord Christ to the temple after 40 days of his...

The Fast of Nineveh - Monday 10 – 12 February…

In Eritrean Orthodox Tewahdo Church, one of the seven fasting periods is the fast of Nineveh.

Mystery of Baptism

Baptism is the sacrament given to all who believe in the Mystery of the Trinity and the Mystery of Incarnation...

Mystery of Incarnation

Mystery of Incarnation means the mystery of the descending of God the Son who is one of the Trinity from...

Mystery of the Holy Trinity

The Eritrean Orthodox tewahdo Church has Five pillars of Mysteries through which it teaches and demonstrates its basic religious belief...

Welcome to the Feast of the Nativity of Our Lord…

Glory to God. When the appointed time of salvation and the foretold prophesies came to pass, God the Son come to...

In Memory of His Holiness Abune Yacob the Second Patriarch…

His Holiness Abune Yacob, the Second Patriarch was one of the reputable leaders of the EriOTC, a shining star of...

Fast of the Prophets (Advent)

15th November (geez calander), marks the first day of the Advent Fast, a period of abstinence and penance practiced by...

FASTING

Fasting is abstinence from all things that a body needs, and one has to fast from animal products and from...

The Eritrean Orthodox Tewahdo Church (EriOTC)

In the name of the Father, and of the Son, and of the Holy Spirit, One God. “We call our...

Holy of Holies Our Lady, the virgin Mary

The word holy (kidus) in Geez denotes being special, pure and esteemed. This prefix is an attribute to denote the...

HOLY SCRIPTURES (part one)

All Scriptures are written with the inspiration of the Spirit of God or the breath of God. They are also...