ዓርቢ ዕለት 22-ነሐሴ- 2012 ዓ.ም. (28 ነሐሴ 2020 ዓ.ም.) ከም መቀጸልታ ናይ ዝሓለፈ ጉባኤ ኣርታዕቲ መጽሓፍ ቅዱስ፡ ንክፋል ሓዲሽ ኪዳን ካብ ግረበ ሐዋርያት ክሳብ ራእይ ዮሐንስ ንዘለዉ መጻሕፍቲ ንምርታዕ፥ ዓቓቤ መንበር ብፁዕ ኣቡነ ጴጥሮስ፡ ዋና ኣማኃዳሪ መንበረ ፓርያርክ ብፁዕ ኣቡነ ባስልዮስ፡ ዝተረቅሑ ሊቃውንት ቤተ ክርስቲያን ኃለፍቲ ክፍልታት መንበር ፓርያርክ ኣብ ዝተረኽቡሉ ኣኼባ ተቃኒዑ።

ኣብ ቤት ጽሕፈት መንብረ ፓትርያርክ ዘሎ ክፍሊ ስነዳን ሙዝየምን ብመንገዲ ማይክሮ ፊልም ብራናታት ሰኒድካ ንምዕቃብ ልዑል ጻዕሪ ይገብር ምህላው ሓላፊ ክፍሊ መሪጌታ ሲራክ ሓቢሩ።

ኣብ ገዳም ደብረ ቁስቋም ቅድስት ድንግል ማርያም ድባርዋ ዝተፈላለዩ ትስፍው ልምዓታዊ መደባት ክኻየድ ምጽንሑ ተገሊጹ። ኣብ’ዚ ዝሓለፈ ዓመት እዚ ብዝተገብረ ልምዓታዊ ስርሓት መንበሪ መነኮሳትን መነኮሳይያትን፡ መንበርን መምሃር ክፍሊ ተምሃሮ ግብረ ዲቁናን ግብረ ክህነትን፡ ህንፃ ቤተ ክርስቲያን ቅድስት ድንግል ማርያምን ቅዱስ ኣቡነ ኣረጋዊን ክጽግኑ ምክኣሎም አበ ምኔት ገዳም ኣባ ስምዖን ሓቢሮም።