ጐይታ ዓለማት ክርስቶስ፡ ዝተሰቕለሉ መስቀል
ምሥጢሩ ዓሚቝ’ዩ ታሪኽ እንተ ዝግንጸል
እስራኤላዊ ቀሲኑ ምድረ ተስፋ ከይርኢ
ኪለዓል ጀመረ ናይ ኣማሌቅ ጸብኢ

• ብጊዜን ቦታን ዘይውሰን ዘወትር እንነብሮ ሕይወት እዩ። ማቴ. 5፡18፣ 2ይ ጢሞ. 4፡2

• ብውሽጢ ፈተና ኃሊፍና ንኽብሪ ንበቕዓሉ እዩ። ማቴ. 7፡12-13

• ናይ ትማሊ ኅሉፍ ረሲዕና ናብ ቅድሜና ዘሎ ምግባረ ጽድቅን ትሩፋትን እናተመጣጠርና እንጐየሉ እዩ። ፊል. 3፡13-14

 ንሊቀ ነቢያት ሙሴ ኣብ ደብተራ ኦሪት ሥዕለ ኪሩቤል ኪገብር ዚኣዘዞ ባዕሉ እግዚአብሔር እዩ። (ዘፍ. 25፥19)። ኣብ ሰማያት መንበረ እግዚአብሔር ዚፆሩ ኪሩቤል፡ ኣብቲ እግዚአብሔር ብጸጋ ዝኃድረሉ ደብተራ ኦሪት ክሥኣሉ ፍቓዱ ኮነ።

ኣብታ ንመጀመርታ ጊዜ ብኢድ ሰሎሞን ዝተሓንፀት ቤት መቅደስ’ውን ሥዕለ ኪሩቤልን ዕንባባታትን ከም ዚነበረ ኣብ ቅዱሳት መጻሕፍቲ ተጻሒፉ ንረኽቦ። (1ይ ነገ. 7 ፣ ውዳሴ ማርያም ዘሰንበት መቅደስ)

ብመኪናኡ ንገዛ እናተመለሱ ከለው ብዛዕባ እቲ ብየማነ ጸጋም ዝነበረ ልሙዕ ከባቢታት እንተ ሓተታ’ኳ፡ ኤልሳ ግና ነቲ ኣብ ጥቓ ቬትሮ ዝነበረ ባኮ ሽጋራ ርእያ ብሓሳብ ነዊኅ ተጓዕዘት። ነታ ቅድሚ ዓመት ንሓደ ካብ ወፃኢ ሃገር ዝመጸ ናይ ሓሽሽ ግዙእ ምስ ተመርዓወት ኣብ ሕይወታ ብዙኅ ፈተናታት ዘጋጠማ መሓዛኣ ዘኪራ፡ ኣብ ሕይወታ ዘጋጠማ ኮይኑ ስለ ዝተራእያ ገጻ ኣማዕተበት እሞ “ኣነ እንተኽኢለ ከም ኃብቱ ኮይነ ካብዚ ዘለዎ ወልፍታት ናፃ ንኽገብሮ ኪጽዕር እየ። እንተ ዘይኮይኑ ግና ምስ ከምዚ ዝበለ ኃዳር ምግባር’ሲ ከቢድ ፈተና እዩ” ኢላ ሓሰበት።

“ስምዒን’ዶ ኤልሲ መርዓና ከመይ እንተ ኾነ’ዩ ደስ ዝብለኪ፧” ብምባል ካብ ሓሳባ ምስ ኣበራበራ “ኣነ ፍቓድ እግዚአብሔር ክሳብ ዝኾነ ኃብትኻ እየ፡ ኣብ ጐንኻ ከኣ ኣሎኹ። ፍቓድካ እንተኾይኑ ግና ምስ ኣኅዋት ከላልየካ” ኢላ ብስክፍታ ጠመተቶ። ዝያዳ ምስኣ ዝዋሓደሉ ሜላ ዝረኸበ ኮይኑ እናተሰምዖ “እንተጌርኪዮ’ዶ” በላ ።