ገዳም ደብረ ድማኅ ሓደ ካብቶም ጥንታውያን ገዳማት ሃገርና ኾይኑ፡ ኣብ ዞባ ደቡብ ንኡስ ዞባ ዓረዛ ቈላ ሠራየ፡ ካብ ርእሲ ከተማ ኣሥመራ ኣስታት 102 ኪ.ሜ. ርሒቁ ይርከብ። ብራኸኡ ካብ ጽፍሒ ባሕሪ 2075 ሜትሮ እዩ። እዚ ገዳም’ዚ ብኣቡነ መርቆሬዎስ ብ1340 ዓ.ም. ተመሥረተ።

ኣቡነ መርቆሬዎስ ካብ ቅዱሳን ወለዶም ካህን ቶማስ ስምዖንን ሰሎሜ ሕይወትብነን 29 ነሐሴ ብ1274 ዓ.ም ወምበርታ ፍሉይ ስሙ ደበሽን እንዳ ማርያም ተወልዱ። እዞም ክልተ ቅዱሳን ወለዲ ተኣዘዝቲ እግዚኣብሔር ኣኽበርቲ ቅዱሳን ስለዝነበሩ ወርኂ ወርኂ ዝክር ቅዱስ ሰማዕት መርቆሬዎስ(ፒሉፓዴር) ይገብሩ ብምንባሮም ኣብ ዕለተ በዓሎም ብዝተገብረሎም ተኣምር መርቆሬዎስ ኢሎም ሰመይዎም። ስመ ክርስትናኦም ኸኣ ዕሤተ ማርያም በልዎም።

ኣብ “ሓይቀ መሳሕል” ትብሃል ኣብ ትግራይ ደበሽን እንዳ ማርያም እትርከብ ዓዲ ዝቕመጡ፡ ካህን ቶማስን እምነ ሰሎሜን ዝበሃሉ ፈራህያነ እግዚአብሔር ሰብ ኃዳር ነበሩ። ካህን ቶማስ ንበዅሪ ወዱ ኣቡነ መርቆሬዎስ ምስ ወለደ ንቅድስት እምነ ሰሎሜ ከይነገራ ‘ደጊም ይኣኽለኒ እዛ ዓለም እዚኣ ኃላፊት እያ እሞ ነታ ዘይትኃልፍ ዓለም ዘውርስ ግብረ ጽድቂ ክፍጽም እየ” ኢሉ ንኪምንኵስ ናብ ኣቡነ ኤዎስጣቴዎስ ከደ። ኣቡነ ኤዎስጣቴዎስ ከኣ ንካህን ቶማስ “ካባኻ ዚውለዱ ቅዱሳን ውሉድ ስለ ዘለዉ ምንኵስና ክፍልኻ ኣይኮነን” በሎ እሞ ብድኅር’ዚ ናብታ እምንቲ በዓልቲ ቤቱ ተመሊሱ ብቕዱስ ሥርዓት ሰብኣይ ሰበይትን ንኣቡነ ኣብሳዲ ኣቡነ ማቴዎስን መክብበ ድንግልን ወለደ። በዚ ኸኣ ኣቡነ ኣብሳዲ ብዕለት 16 የካቲት 1277 ዓ.ም. ተወልደ እሞ ስሙ “ሃሎ ክርስቶስ” ተባህለ።

ሃሎ ክርስቶስ ብቃለ እግዚአብሔርን ብኣካልን ዓቢዩ ወዲ 12 ዓመት ምስ ኾነ፡ ኅልፈተ ዓለም ተረዲኡ ናብቲ ብሥጋ ኣኮኡ ዝብጽሖ ባሕታዊ ኣባ ገብረ መስቀል (ጳውሎስ) ከደ። ኣባ ገብረ መስቀል እውን ኣመጻጽኡ ብቅኑዕ መንፈስ ምዃኑ ፈሊጡ ናብ ኣቡነ ኤዎስጣቴዎስ ሰደዶ። ምስ ኣቡነ ኤዎስጣቴዎስ ኮይኑ ድማ ቅዱሳት መጻሕፍትን ትምህርተ ሃይማኖትን ሥርዓተ ቤተ ክርስቲያንን ኣጽፊፉ ተማህረ። ብድኅር’ዚ ወዲ 24 ዓመት ምስ ኮነ ኣስኬማ ዘመላእክት ብኢድ ኣቡነ ኤዎስጣቴዎስ ለበሰ። ኣቡነ ኤዎስጣቴዎስ ባሪኹን መሪቑን “ኣቡነ ኣብሳዲ” ኢሉ ሰመዮ፡ ትርጕሙ ኸኣ “ኣቦ ብዙኃን” ማለት እዩ። ኣቡነ ኣብሳዲ ካብቶም ሾብዓተ ደቂ ኣቡነ ኤዎስጣቴዎስ በዅሪ እዩ።

ኣቡነ ኣብሳዲ ምስ ኵሎም ኣኅዋቱ ደቂ ኣቡነ ኤዎስጣቴዎስን ብፍቕርን ብተኣዛዝነትን ብመንፈሳዊ ተጋድሎን ይነብር ነበረ። ኣቡነ ኤዎስጣቴዎስ ናብ ኣርማንያ ክኸይድ ምስ ደለየ፡ ነቶም ብትሩፋቶምን ኣእምሮኦምን ብሉጻት ዝነበሩ ኣቡነ ኣብሳዲን ኣቡነ መርቆሬዎስን ኣብ ልዕሊ ዅሎም ደቁ ኣኅሉቕ ገይሩ ሾሞም። ኣቡነ ኤዎስጣቴዎስ ክሾሞም ከሎ፦ “ቡራኬን መስቀልን ንወደይ ኣቡነ ኣብሳዲ፣ ስብከተ ወንጌልን ብቐዳምነት ኣብ መንበር ምቕማጥን ዕብየትን ድማ ንወደይ መርቆሬዎስ” ኢሉ ንደቆም ተላበዎም። በዚ መሠረት ክሳዕ ሎሚ ኣብ ዝኾነ ጊዜ፡ ፈላሲ ናይ ገዳም ኣቡነ ኣብሳዲ ኣብ ዝህልወሉ ንሱ ይባርኽ፡ ከምኡ’ውን ንፈላሲ ደብረ መርቆሬዎስ ኣብ ማእከል መንበር ቀሪቦም ኮፍ የብልዎ።

ኣቡነ ኣብሳዲ፡ ጸሎትን ጾምን ዘዘውትር ብትሕርምቲ ንሥጋኡ ዝቀጽዕ ብቑዕ ኣቦ ብምንባሩ፡ ካብ ቅድስነቱ ዝተላዕለ ካብ እግዚአብሔር ዝተላእከ ኅቡእ ባሕታዊ ሥጋን ደምን ወልደ እግዚአብሔር ከምዘቐበሎ፣ ባዕሉ ጐይታናን ኣምላኽናን መድኃኒናን ኢየሱስ ክርስቶስ’ውን ሕፃን ተመሲሉ ፃዕዳ ልብስን ወርቃዊ መጽሓፍን ከምዝሃቦ መጽሓፈ ገድሉ ይገልጽ።

ኣብነ ኣብሳዲ ብትምህርቱ ንብዙኃት መናፍቓን ረቲዑን ኣብ ዝተፈላለየ ቦታታት እናዞረ ስብከተ ወንጌል ኣስፊሑን ብዙኅ ተኣምራት ገይሩን እዩ። ኣብ ከባቢ ዓረዛ ድማ ንሰብዓ  (70) ዓመታት ተቐሚጡ ብዙኅ ስለዝተጋደለላ ክሳብ ሎሚ እዛ ቦታ ሰብዓ ትብሃል።

ሓደ እዋን ኣብታ ተኣምራት ዝገበረላ ቦታ ከሎ ጐይታናን ኣምላኽናን ኢየሱስ ክርስቶስ ተገሊጹ፡- “ካብዛ እምባ ንወገን ሰሜን ዘላ ቦታ ባሪኸልካ እየ እሞ ምስ ደቅኻ ኣብኣ ንበር” ኢሉ ሓበረሉ። እዛ ቦታ’ዚኣ ድማ ሎሚ ደብረ ማርያም ደብረ ክሳሄ ትበሃል ዘላ እያ። ‘ክሳሄ’ ማለት ምዑዝ ዝጨናኡ ሮዛ ዕንባባ ማለት እዩ። ‘ደብረ ክሳሄ’ ዝተባህለሉ ምኽንያት ድማ ካብቲ ገዳም ዝተገደመሉ እምባ ወግረ ክሳሄ ዝተወስደ እዩ። ከባቢ ናይቲ እምባ ኸኣ ደብረ ማርያም እናተባህለ ይፍለጥ።

ኣቡነ ኣብሳዲ፡ ድኅሪ ናይ ነዊኅ ዓመታት ተጋድሎ ዕለተ ዕረፍቱ ከም ዝኣኸለ ምስ ፈለጠ ንደቁ ቃል ምዕዳን ሂቡ ብድኅሪኡ ንኣቡነ ዘካርያስ ሸመሎም።
ብድኅር’ዚ ካብ ልዑል እግዚአብሔር ቃል ኪዳን ተቐቢሉ 30 መስከረም ብሰላም ዓረፈ።

ዝክረ ዕረፍቱ ድማ ዓመት መጽአ 30 መስከረም ብኽብሪ ይበዓል። ምስቲ ገዳሙ ዝተኃኃዝ ገለ ካብ ዝተወህቦ ቃል ኪዳን፦ “ኀባ ጽላሎታ ዘበጽሓ ኢይሬኢ ደይነ/ ኣብ ጽላሎት ናይታ ጎቦ ዝበጽሐ ሰብ ደይን (ሲኦል) ኣይኣቱን እዩ። ኣብ ዕለት ዕረፍትኻ 30 መስከረም ናብ ገዳምካ ዝነገደ ኢየሩሳሌም ከም ዝነገደ እዩ . . . ” ዝብል ስለዘለዎ ሕዝበ ክርስቲያን በረኸት ቃል ኪዳኑ ንምስታፍ ናብ ገዳሙ ደብረ ማርያም ወደብረ ክሳሄ ይነግዱ።

ጸሎቱን በረኸቱን ምስ ኵልና ሕዝበ ክርስቲያን ይኹን!

ወስብሐት ለእግዚአብሔር!

ልኡኽ ቅዱስ ሲኖዶስ ብፁዕ ኣቡነ ቄርሎስ ሊቀ ጳጳስ ሃገረ ስብከት ደቡብ ዓዲ ቀይሕ ኣብ ዝተረኽብሉ ሓድሽ ሕንፃ ቤተ ክርስቲያን ደብረ ሰላም ቅዱስ ገብርኤል ከተማ ኪጋሊ ሃገረ ሩዋንዳ ቅዳሴ ቤቱ ተኸቢሩ!

ብድሮ ቀዳም ዕለት 1 ጥቅምቲ 2012 ድ.ቀ. ብመሪሕነት ብፁዕ ኣቦና እዚ ሓድሽ ቤተ ክርስቲያን ምስ ተቐብአ ታቦተ ሕጉ ብኽብሪ ኣትዩ። ሊቃውንት መዘምራን ድማ ስብሐተ ዋይዜማ ብዝግባእ ኣብጺሖም። 

ናብ ሰንበት ዘውግሕ ለይቲ ክሳዕ ሰዓት ኃሙሽተ ስብሐተ እግዚአብሔር ምስ በጽሐ፡ ክሳዕ ሰዓት ትሽዓተ ቅድሚ ቀትሪ ብመሪሕነት ብፁዕ አቡነ ቄርሎስ ጸሎተ ቅዳሴ ተሠሪዑ።

ንኡስ ሃገረ ስብከት ምብራቕ ኣፍሪቃ ቈይሙ!

ዕለት 01 ጥቅምት 2012 ዓ.ም.፡ ልኡካን ቅዱስ ሲኖዶስ ብፁዕ ኣቡነ ቄርሎስ ሊቀ ጳጳስ ሃገረ ስብከት ደቡብ ዓዲ ቀይሕን ቀሲስ በረከት ኪዳነ ኃላፊ ወፃኢ ዝምድናታት ዘመንበረ ፓትርያርክን ኣብ ዝተረኽብሉ ኣብ ሃገራት ምብራቕ ኣፍሪቃ ዝርከባ ኃሙሽተ ኣብያተ ክርስቲያንን ማኅበራትን ዝጥርንፍ ንኡስ ሃገረ ስብከት ምብራቕ ኣፍሪቃ ቈይሙ።

እዘን ኣብ ሃገራት ምብራቕ ኣፍሪቃ ዝርከባ ኃሙሽተ ኣብያተ ክርስቲያንን ማኅበራትን ድማ ደብረ ሰላም ቅዱስ ገብርኤል ቤተ ክርስቲያን ኪጋሊ ሃገረ ሩዋንዳ፡ ሐመረ ኖኅ ቅድስት ማርያም ቤተ ክርስቲያን ናይሮቢ ሃገረ ኬንያ፡ ደብረ ብሥራት ቅዱስ ገብርኤል ቤተ ክርስቲያን ካምባላ ሃገረ ኡጋንዳ፡ ኣብ ምምሥራትን ምሕናፅ ቤተ ክርስቲያንን ዝቀረበት ማኅበር መድኃኔ ዓለም ጉሉ ሃገረ ኡጋንዳ ከምኡ’ውን ደብረ ገነት ቅድስት ማርያም ቤተ ክርስቲያን ጁባ ሃገረ ደቡብ ሱዳን እየን።

“ኀለፈት ጽልመት ወብርሃን ዘበአማን ወድአ አስተርአየ / ጸልማት ኃሊፉ እዩ፣ ሓቀኛ ብርሃን ድማ ፈጺሙ ተራእዩ እዩ።” 1ይ ዮሐ. 2፥8

እቲ ለይትን መዓልትን ጸልማትን ብርሃንን ኣፈራሪቑ ካብ ሰዓት ናብ ዕለት፡ ካብ ዕለት ናብ ሰሙን፡ ካብ ሰሙን ናብ ወርኂ፡ ካብ ወርኂ ናብ ዓመት ዘሰጋግር ፈጣሬ ኣዝማናት እግዚአብሔር፡ እንቋዕ ካብ ዘመነ ሉቃስ 2011 ዓ.ም. ናብ ዘመነ ዮሓንስ 2012 ዓ.ም. ኣሰጋገረና።  

ብመሠረት ኣቈጻጽራ ቅድስት ቤተ ክርስቲያንና፡ ካብ ሓደ ዓመት ናብ ካልእ ዓመት መሰጋገሪ ናይ መጀመርታ ዕለት ሓደ መስከረም ኮይኑ ንኽብርን መዘከርታን መጥምቀ መለኮት ቅዱስ ዮሓንስ ፡ ርእሰ ዓውደ ዓመት ቅዱስ ዮሓንስ ይበሃል። እዚ ኸኣ ቅዱስ ዮሓንስ ናይ ዘመነ ብሉይ ዛዛሚ ናይ ዘመነ ሓዲስ ጀማሪ፣ ንኽረምቲ መውፅኢ ንሓጋይ መእተዊ፣ ካብ ነቢያት ናብ ሓዋርያት መሰጋገሪ ድልድል ስለዝኾነ እዩ።

ክቡራንን ክቡራትን፦

ኣብ ውሽጢ ሃገርን ወፃእን እትነብሩ ምእመናንን ምእመናትን፡ አብ ሐለዋን ልምዓትን ሃገር ዘለኹም፡ ከምኡ’ውን ኣብ ሕማምን አብ በበይኑ ጸገማትን እትርከቡ ወገናትና፡ እንቋዕ ካብ ዘመነ ሉቃስ ናብ ዘመነ ዮሐንስ 2012 ዓ.ም. ኣብጽሓና።

ወትባርክ አክሊለ ዓመተ ምሕረትከ / ንዓመት ብሣህልኻ ትኽልላ (መዝ.65፡11)

ዘመን ኃሊፋ ዘመን ክትካእ ዝገበረ ጐይታ ዘመናት እግዚኣብሔር አምላኽ እዩ (ዘፍ.1፡14 -18)። በዚ ድማ ንፍጥረታት ካብ ዘይምንባር ናብ ምንባር ኣምጺኡ፣ ትውልዲ እናኅለፈን ትውልዲ እናተከአን ዘናብር ባዕሉ እግዚአብሔር አምላኽ እዩ። (ዳን. 2፡20-22)።

ናይ ዘመነ ብሉይ ዛዛሚ ናይ ዘመነ ሓዲስ ድማ ጀማሪ ኾይኑ ካብ ዘመነ ብሉይ ናብ ዘመነ ሐዲስ ፡ ካብ ነቢያት ናብ ሐዋርያት ዘሰጋገረ ዓቢይ ድንድል ቅዱስ ዮሐንስ መጥምቅ እዩ። ዕለተ ዕረፍቱ 2 መስከረም እዩ።

ሥድራ መጥምቀ መለኮት ዮሐንስ ኣቦኡ ካህን ዘካርያስን ኣደኡ ቅድስት ኤልሳቤጥን ክልተኦም ብሕጊ እግዚአብሔር ጸኒዖም ብፍቕርን ብስኒትን ብምክብባርን ብምትሕልላይን ካብ ኃጢኣት ርሒቖም ብንጽሕና ዝነብሩ ቅዱሳን ሰባት ነበሩ። ከምዚ ዓይነት ጽብቕ ሕይወት ክነብሩ ኸለዉ ግና ኣዴና ቅድስት ኤልሳቤጥ መኻን ስለዝነበረት ውላድ ኣይነበሮምን።

ኣብታ ጃልባ

ኣብታ ጃልባ ጕዕዞ ሕይወት ቀላይ
ፈጣሪ ተሰቂሉ እናተጓዕዘ ምሳይ
ኣነ ዓሻ፣

እግዚአብሔር ዝሃቦ ተስፋን፡ ነቢያት ዝተነበይዎ ትንቢትን ንምፍጻም፡ ኣካላዊ ቃል እግዚአብሔር ወልድ ኢየሱስ ክርስቶስ፡ ኣብ መልዕልተ መስቀል ተሰቂሉ ቅዱስ ሥጋኡ ቈረሰልና፡ ክቡር ደሙ’ውን ኣፍሰሰልና፡ ክብርቲ ነፍሱ’ውን ብፍቓዱ ኣኅለፈልና። በዚ ኣብ መስቀል ዝፈጸሞ ተበጃውነት ድማ ብዙኅ ጸጋን ክብርን ረኸብና።

ብምኽንያት ኃጢኣተ ኣዳም፡ ካብ ኣዳም ክሳብ ሙሴ (እስከ ክርስቶስ) ኣብ ዝበደሉን ዘይበደሉን ሞት ነጊሡ ነበረ። (ሮሜ 5፡14) ኃጢኣት ብዘርኢ እናተመኃላለፈ፡ ብመርገመ ሥጋን መርገመ ነፍስን ተኣሢርና ብርደተ መቃብር ርደተ ገሃነም፡ ብሞተ ሥጋ ድማ ሞተ ነፍስ ተፈሪድና ኵልና ንመውት ነበርና።

ዓመታዊ በዓል ኣብያተ ትምህርተ ሰንበት መድኃኔ ዓለም (ደቀምሓረ) ከምኡ’ውን ቅዱስ ጊዮርጊስ (መንደፈራ) ብመንፈሳዊ ድምቀት ተኸቢሩ!

ብዕለት 11 መስከረም 2012 ዓ.ም. መበል 20 ዓመት ምምሥራት ቤት ትምህርተ ሰንበት ደብረ ሰላም መድኃኔ ዓለም (ደቀምሓረ) ከምኡ’ውን መበል 17 ዓመት ምምሥራት ቤት ትምህርተ ደብረ ሣህል ቅዱስ ጊዮርጊስ (መንደፈራ) ብዝተፈላለየ መንፈሳዊ መደባት ብድምቀት ተኸቢሩ።

ዘመነ ማቴዎስ 30 ጥር 2013 ዓ.ም.ግ…

March
Monday
8
ዝክር፦ ጲስ ወአላጲስ ወኣጋጲስ ወእሞን ሶፍያ፡ ወጳላግያ ወማርያ ወማርታ፡ ወኦርኒ ወማኅበራኒሃ፡ ወጎርጎርዮስ ነባቤ መለኮት፡ ወአክርስጥሮስ፡ ወሚናስ ሊቀ ጳጳሳት እምኍልቆሙ ለ፵ወ፯ቱ አበው። ዘቅዳሴ ምንባብ መልእክታት 1ይ ቆሮ. 11፡1-12። 1ይዮሐ. 3፡13-17። ግብረ ሓዋርያት ግብ. ሐዋ. 17፡4-12 ምስባክ መዝ.111/112 ወንጌል ማቴ. 25፡1-13። ቅዳሴ ዘእግዝእትነ ማርያም። * * *
00:00 h

  

ዜና ኅትመት

እዋናዊ ጽሑፋት

ንዑ ደቂቅየ ወስምዑኒ . . እመሀርክሙ - ታሪክ ሰብአ ነነዌ…

እግዚአብሔር ዝፈትወኩም ሕፃናት ከመይ ኣሎኹም፧ ናብዚ ሰዓትን እዝን ዕለትን ብሰላም ዘብጸሓና እግዚአብሔር ዝኸበረን ዝተመስገነን ይኹን። ልበ ኣምላክ ኣቦና ቅዱስ ዳዊት...

“ቀድሱ ጾመ ወስብኩ ምህላ” (ኢዩ. 2፡14) - ዓቢይ ጾም

ብኦርቶዶክሳዊት ተዋሕዶ ቤተ ክርስቲያን ሕገ ቀኖና ኣብ ዓመት ፯/7ተ ናይ ኣዋጅ ኣጽዋማት ኣለዉ። ካብዚኦም ሓደ ዓቢይ ጾም (ጾመ ፵/40) እዩ።...

ትሕትና - “ኣብ ነፍስኹም ጨው ይሃልኹም” ማር. 9፡48 (ካልኣይ ክፋል)

ትሕትና ማለት ብኃይሊ፡ ምሕረት፡ ጸጋ ፡ ጥበብን ፍቓድን እግዚአብሔር እንተዘይኮይኑ ከንቱ ምዃንካ ፈሊጥካ፡ ንርእስኻ ምትሓት፡ ዘይምዕባይን ዘይምኽራዕን እዩ። እትፈልጥ ከሎኻ...

ኣብ ሃገረ ስብከት ደቡብ መንደፈራ ልምዓታዊ መደባት ንምስላጥ ዑደት ተኻይዱ!

ብዕለት 15 የካቲት 2013 ዓ.ም.ግ (22/02/2021 ዓ.ም.ፈ ) ኣብ ሃገረ ስብከት ደቡብ መንደፈራ ንልምዓታዊ መደባት ዝረድእ ዑደት ብኣባላት ቤት ጽሕፈት...

ክብረ በዓል ኪዳነ ምሕረት ኣብ ርያድ ስዑዲ ዓረብ ብድምቀት ተኸቢሩ!

16 የካቲት 2013 ዓ.ም. ዓመታዊ ክብረ በዓል ኪዳነ ምሕረት ኣብ ኵለን ኦርቶዳክሳውያን ተዋሕዶ ኣብያተ ክርስቲያን ኣብ ውሽጢን ወፃኢን ሃገር ክኽበር...

ኣብ ጥንታዊ ቤተ ክርስቲያን ፃዕዳ ክርስቲያን ጥንታዊ ቅርሲ ተረኺቡ!

ኣብ ሃገረ ስብከት ማእከል ንኡስ ሃገረ ስብከት በሪኽ ቤተ ክርስቲያን ኪዳነ ምሕረት ፃዕዳ ክርስቲያን ጥንታዊ ቅርሲ ተረኺቡ።

ኣብ ደብረ ደናግል ቅድስት ድምያና ኣብ ኣሞክሮ ዝጸንሓ ሾብዓተ ኣኃት…

ብዕለት 13 የካቲት 2013 ዓ.ም. ኣብ ደብረ ደናግል ሰማዕት ቅድስት ድምያና ብኣቕራብነት እመምኔት ገዳም ኢታይ ወለተ መስቀልን ሽማግለ ገዳምን፡ ዓቃቤ...

ኪዳነ ምሕረት

ኪዳን ፦ “ተካየደ” ካብ ዝብል ግእዛዊ ግሢ ዝወፅአ ኾይኑ፡ “ተመሓሓለ፡ ተሰማምዐ፡ ተወዓዓለ” ማለት እዩ። ኪዳን፥ ንኽልተ ሓደ ዝገብር ናይ ፍቕርን...

“ዝደለይዎ ዝረኸቡ” - ሕዝበ ነነዌ

እቲ ክቡር ንጉሥ፡ መልእኽቲ ጥፍኣት ሃገሩ ምስ ሰምዐ ፈርሐን ረዓደን። ነዚ መልእኽቲ ብግብሪ እንተዘይፈጺምዎ፡ ሃገሩ ከምዘይነበረት ከም እትከውን፡ ካብ ሰብ...

ዕለታት ጾመ ነነዌ

ጾመ ነነዌ ሓደ ካብቶም 7ተ ናይ ኣዋጅ ኣጽዋማት ቤተ ክርስቲያን እዩ። ጾመ ነነዌ ኵል ሳዕ ዓቢይ ጾም ቅድሚ ምእታዉ ቅድሚ...

እንቋዕ ናብ ጾመ ነነዌ ኣብጽሓና፦ ሰኑይ 15 መጋቢት ክሳዕ ረቡዕ…

ጾመ ነነዌ ሓደ ካብቶም ሾብዓተ ናይ ኣዋጅ ኣጽዋማት እዩ። ኣብ ነነዌ ዝቕመጡ ዝነበሩ ሕዝቢ ጾይሞም ምሕረት ከምዝረኸቡ፡ ሕዝበ ክርስቲያን ድማ...

ዓቢይ ባሕታዊ ገዳም ኣቡነ ሊባኖስ ሃም ኣባ ኃይለማርያም ብሰላም ዓሪፎም!

ባሕታዊ ገዳም ደብረ ወርቅ ኣቡነ ሊባኖስ ኣባ ኃይለማርያም ብዕለት 09 የካቲት 2013 ዓ.ም. ዓሪፎም፡ ኣብ ገዳሞም ሥርዓተ ቀብር ተፈጺምሎም።

  

latest articles

PRAYER

Prayer is a word by which man communicates with his Creator in Faith, thanking and beseeching Him for the forgiveness...

FAITH AND WORKS

Faith is “a confidence or trust in God”. Faith gives assertion to the things we hope for and explains the...

The feast of the Holy Cross - Mesekel (The Founding…

The Mesekel holiday is celebreated on Meskerem 17 (27th of September) and Megabit 10 (19th of March). The word Meskel...

The Ascension of St Mary (part two)

Moreover, Whilst John the evangelist was preaching in the country of Asia, on the sixteenth day of the month of...

The Ascension of St Mary (part one)

"At your right hand stands the queen." (Psalm 45:9)IN THE NAME OF THE FATHER AND THE SON AND THE HOLY...

The Fast of Assumption of the Virgin Mary

This fast lasts from Nehassie (August) 1 to 16. Our Lady departed on 21 of Ter (January) in 50 A.D...

“Blessed is he that considereth the poor” Ps. 41:1

In the name of the Father, and of the Son, and of the Holy Spirit, One God Amen. The basic necessities...

The Apostle Saint Paul

Saint Paul was a Jew, of the tribe of Benjamin, a Pharisee, the son of a Pharisee; and his kinsfolk...

The Apostle st. Peter

Peter was from Bethsaida, and he was a fisherman.  Our Lord chose him on the second day following that whereon...

The Fast of Wednesdays and Fridays

Every week Wednesdays and Fridays are observed as fast days except during the fifty days (between Easter and Pentecost), and...

The Fast of the Apostles

The Apostles observed this fast after they received the Holy Spirit and before they set out to proclaim the Gospel...

The feast Of Pentecost

IN THE NAME OF THE FATHER AND THE SON AND THE HOLY SPIRIT, ONE GOD. On this day the Holy...