በስመ አብ ወወልድ ወመንፈስ ቅዱስ አሐዱ አምላክ!

ጸሎት

ጸሎት ምስ እግዚአብሔር ዘራኽበና መንገዲ እዩ። ስለዚ ሓደ ክርስቲያን ኵሉ ጊዜ ኺጽሊ ይግባእ። እዚ ማለት ድማ ኽንትንሥእን ክንድቅስን ክንበልዕን ክንሰትን ክንሠርሕን ከነዕርፍን ክንወፍርን ክንኣቱን ከሎና፡ ብጸሎት ስም እግዚአብሔር ጸዊዕና፡ ክግበረልና ብእንደልዮ ክንልምን፡ ብዝተገብረልና ኸነመስግን ክርስቲያናዊ ሕጊ እዩ።

ብንጹሕ ሕሊና ነቒሕናን ተጊህናን ክንጽሊ ከም ዝግብኣና ቕዱሳት መጻሕፍቲ ይነግሩና እዮም። በዚ መሠረት’ዚኻብ ጸሎት ዝተፈልየ ሕይወት ክህልወና ፍቓድ ኣምላኽ ኣይኮነን። ጸሎትና ኸምቲ ንበልዖ እንጌራን ንሰትዮ ማይን ዘየቋርጽ ኺኸውን ይግባእ። ክንጽሊ ዝመሃረና’ውን ባዕሉ ጐይትና ኢየሱስ ክርስቶስ እዩ። ቅዱስ ዳዊት’ውን “ኣብ መዓልቲ ሾብዓተ ጊዜ ኣመስግነካ ኣሎኹ።” ይብል።

ክብረ በዓል ኮከበ ገዳም አቡነ ገብረ መንፈስ ቅዱስ

በብዓመቱ ዚኸብር ዓመታዊ ዝኽረ ዕረፍቲ በዓል ኣቡነ ገብረ መንፈስ ቅዱስ ሎሚ ዓመት ብ 5 መጋቢት 2009 ዓ.ም. ኣብ መላእ ኤርትራ ናይ ኦርቶዶክስ ተዋሕዶ ቤተ ክርስቲያን ከቢሩ ውዒሉ።
ብፍላይ ኣብ ኣሥመራ ብፁዕ ኣቡነ ባስልዮስ ዋና ኣመኃዳሪ መንበረ ፓትርያርክ ፡ ሊቃውንት ኣቦታት ፡ ውሉደ ክህነትን ምእመናንን ምእመናትን ኣብ ዝተረኽብሉ ኣብ ኮከብ ገዳም ኣቡነ ገብረ መንፈስ ቅዱስ ቤተ ክርስቲያን ገጀረት ብክብ ዝበለ መንፈሳዊ ሥርዓት ተከቢሩ።

በስመ አብ ወወልድ ወመንፈስ ቅዱስ አሐዱ አምላክ።

“ንኣታቶም ኣብ ቤተይን ኣብ ውሽጢ ደምበይን ስፍራ ካብ ኣወዳትን ኣዋልድን ዚበልጽ ስም ክህቦም እየ፡ ዘይጠፍእ ዘለዓለማዊ ስም ከኣ ኽህቦም እየ።” ኢሳ 56፡-5

ታሪኽ ኣቡነ ገብረ መንፈስ ቅዱስ ብሓፂሩ

ስምዖን ወአቅሌስያ እለ ነበሩ በንሂሳ፡ በኀጢአ ውሉድ በከየ መጠነ ዓመታት ሠለሳ፡ ሥሉስ ቅዱስ ሶበ ነፍሑ በውስተ ከርሣ፡ ተወልደ እምኔሆሙ ቀናዬ አናብስት ስሳ፡ በኀይለ ኣምላኩ ዘይሠሪ አበሳ።

ርእሰ ባሕታውያን ብምባል ዝፍለጥ ኣቡነ ገብረ መንፈስ ቅዱስ ን30 ዓመታት ዝኣክል መኻናት ካብ ዝነበሩ ኣቡኡ ስምዖንን ኣዲኡ ኣቅሌስያን ኣብ ላዕላይ ግብጺ ንሂሳ ኣብ ዚብሃል ቦታ ተወልደ። ወለዱ ንእግዚኣብሔር ውላድ ንኺህቦም ለይትን መዓልትን ተስፋ ብዘይ ምቝራጽ ምስ ለመንዎ እቲ ንዝለመንዎ ኣዝዩ ቐረባ ዝኾነ እግዚኣብሔር ዓቢይ ውላድ ሃቦም። 

በስመ አብ ወወልድ ወመንፈስ ቅዱስ አሐዱ አምላክ!

ኣብ ጊዜ ጾም

“እቲ ኣነ ዝፈትዎ ጾምሲ ንመኣስር እከይ ምፍታሕ፡ ንማእሰርቲ ኣርዑት ምዝላቕ፡ ንጥቑዓት ምውፃእ ሓራ፡ ባርነት ዘበለ ዅሉውን ምስባርዶ ኣይኰነን፧ እንጌራኻ ንጥሙይ ክትመቅል፡ ነቶም እተሰዱ ድኻታት ናብ ቤትካ ኸተእቱ፡ ዕሩቕ እንተ ርኤኻ ኽትከድኖ፡ ካብ ሥጋካውን ከይትኅባእዶ ኣይኮነን፧ ሽዑ ብርሃንካ ኸም ወጋሕታ ኾይኑ ኺወጽእ፡ ምሕዋይካ ኸኣ ቀልጢፉ ኺበቊል፡ ጽድቅኻ ድማ ቀቅድሜኻ ኪኸይድ፡ ክብሪ እግዚኣብሔርውን ደጀንካ ኪኸውን እዩ። ሽዑ ኽትጽውዕ፡ እግዚኣብሔር ከኣ ኪመልሰልካ፡ ከተእዊ፡ ንሱ ድማ፡ እኔኹ ኪብል እዩ። ንኣርዑት፡ ንምውጥዋጥ ኣጻብዕ፡ ንሕማቕ ዘረባ ኸኣ ካብ ማእከልካ እንተ ኣርሐቕካ፡ ኻብ ናብ ነፍስኻ ንጥሙይ እንተ መቐልካ፡ ንጭንቕቲ ነፍሲ እንተ ኣጽገብካ፡ ሽዑ ብርሃንካ ኣብ ጸልማት ኪወፅእ፡ ጸልማትካውን ከም ቀትሪ ኪኸውን እዩ።” (ኢሳ. 58፡3-5)

በስመ አብ ወወልድ ወመንፈስ ቅዱስ አሐዱ አምላክ!

አሥርቆት ዘወርኀ መጋቢት

ዮም ሠረቀ ለነ ወርኀ ቡሩክ መጋቢት ያብጽሐነ እስከ ወርኀ ሚያዝያ በሰላመ እግዚአብሔር! ወርኀ መጋቢት ቡሩክ መዓልቱ ፲ወ፪ቱ ሰዓት ዕሩይ ምስለ ሌሊቱ ወእምዝ ይዌስክ ዘመዓልት።

ሎሚ ቡሩኽ ወርኂ መጋቢት ብሒትልና ኣሎ እሞ ናብ ብሩኽ ወርኂ ሚያዝያ ብሰላመ እግዚአብሔር የብጽሓና! ቡሩኽ ወርኂ የካቲት፡ ናይ መዓልቲ 12 ሰዓት ምስ ለይቲ መዓረ ኮይኑ ብድኅር’ዚ ናይ መዓልት እናወሰኸ ይኸይድ።

‘‘ ወነአምን በአሐቲ ቅድስት ቤተ ክርስቲያን ’’

ብኽፍሊ ትምህርተ ሰንበት መንበረ ፓትርያርክ ዝተዳለወ ሥልጠና ዝፈጸሙ ተመሪቆም።

ኃለፍቲ ክፍልታት ቤት ጽሕፈት መንበረ ፓትርያርክ ፡መማህራን ፡ ኣመኃደርቲ አብያተ ክርስቲያን ሃገረ ስብከት ኣሥመራ ፡ ዕዱማት ኣጋይሽ ኣብ ዝተረኽቡሉ ኣብ ሃገረ ስብከት ኣሥመራ ንዘለው ኃለፍቲ አብያተ ትምህርተ ሰንበት ፡ ጠርነፍቲ ክፍልታት ፡ ጉባኤ ዝምህሩን ዝመርሑን ብክፍሊ ትምህርተ ሰንበት ክፍሊ መንበረ ፓትርያርክ ‘‘ ወነአምን በአሐቲ ቅድስት ቤተ ክርስቲያን ’’ ብዝብል መሪሕ ቃል ንሠለስተ አዋርኅ ኦርቶዶክሳዊ ሓዋርያዊ ኣገልግሎት፡ ኦርቶዶክሳዊ ሜላ ስብከት፡ ምኅደራ ቤተ ክርስቲያንን ሕግን ዝምልከት ዝተዳለወ ሥልጠና ዝፈጸሙ ኣስታት 100 ሠልጠንቲ ብዕለት 21 የካቲት 2009 ዓ.ም.ግ ተመሪቆም።